ARGUMENTUM SCENAE.
HAC scena totius Comoediae fundamenta iaciuntur. Nam et Nabalis per sona describitur, et de convivi) apparatu (unde omnis turba oborta est) consultatur.
ARGUMENTUM.
Glycylogus servis, ut convivium parent, imperat. Incidunt servorum colloquia, quorum alii, ut hoc genus hominum fert, hero detrahunt. At Pyroptes, fidelis servus, eiusdem honori patrocinatur.
ARGUMENTUM.
David cum Abiathar de exilii aerumnis colloquitur: sie ut ille quidem boni principis, hic vero fidelis antistitis typum praeferat.
ARGUMENTUM.
Ioab milites in castris ob famem tumultuari nuntiat. Hinc de legatione ad Nabalem mittenda sit consultatio.
ARGUMENTUM.
Abisaus mandatis ad Nabalem perferendis instruitur: inde itineri se praeparaturus in castra revertitur.
ARGUMENTUM.
Duo Nabalis servi rustici de convivii apparatu colloquuntur: quorum alter rusticanos mores et ingenium divitum fortunis inimicum ac pauper tatis impatiens exprimit: alter vero fidelis serui et sortem suam vere agnoscentis typus est.
ARGUMENTUM.
Adventant Nabalis convivae de hesterna crapula confabulantes. Exprimuntur ebriosorum mores et frivola eorundem colloquia.
ARGUMENTUM.
Abisaus duobus sociis comitatus Nabalis domum adit, ut commeatum ab illo postulet. Inter eundum de vitae militaris conditione dura et periculosa colloquuntur.
ARGUMENTUM.
Nabalem missi a Davide legati conveniunt. Amice com meatum petunt. Reicit hos Nabal inhumaniter, hominis sordidi et omnis consilii vacui typum gerens.
ARGUMENTUM.
Discumbit cum convivis Nabal. Accedunt primis Eubulus et Dysigamus: e quibus hic vir alioqui bonus et temperans, uxoris improbitate dissolutior redditur: ille vero ratione et consilio valens convivii luxum et potandi studium detestatur.
ARGUMENTUM.
Postquam quae a Nabale passus est Abisaus retulit, David iniuriae impatiens cum eodem et Ioabe de vindicta consultat, sicque ad epitasin via sternitur.
ARGUMENTUM.
Ubi potu plus satis incaluit Nabal, pro suo more convivis est molestior. Opponit se huic Eubulus, quem dictis improbis et minis reicit. Quare cum res turbam minetur, convivium solvitur: a quo Nabal ebrius surgit, et suadente Glycylogo somno se tradit.
ARGUMENTUM.
Philoponus de Davidis contra Nabalem consilio certior factus, festinus ex agro advolat herum suosque praemoniturus. Inter eundum vero solus de servorum, qui imprudentibus et stolidis heris serviunt, conditione queritur.
ARGUMENTUM.
Abigael Nabalis uxor egressa sola de mariti iniquis moribus conqueritur, bonae matronae officium suo exemplo adumbrans. Huic occurrens Philoponus imminens a Davide periculum exponit.
ARGUMENTUM.
Abigael servulo ne se conquerentem audiat amandato consilium de Davide muneribus placando init, etc.
ARGUMENTUM.
Producit armatas copias e castris David, et Nabalis domum oppugnaturus instruit aciem.
ARGUMENTUM.
Abigael cum commeatu Davidi obviam progressa supplicat. David precibus huius motus a cruento incoepto desistit, sicque turba, quae ingens malum datura videbatur, restinguitur.
ARGUMENTUM.
Abigael Nabali, sobrio iam, quantum sibi suisque omnibus mali sua improbitate asciverit, narrat. Habetur in his piae et prudentis matronae typus. Econtra Nabal sui ingenii stupiditatem magis magisque probat.
ARGUMENTUM.
Dysigamus solus de suae uxoris moribus iniquis queritur. Introducta est autem huius descriptio, ut hac antithesi seu collatione Abigaelis virtus magis elucescat.
ARGUMENTUM.
Spudaeus Nabalem aegrotare, Philoponus vero eundem
iam obiisse narrant Dysigamo. Continet tota scena ebrietatis detestabiles fructus, et quam studiose caveri debeat.
ARGUMENTUM.
Exponitur iustum Dei iudicium, quo Nabalis improbitatem coercuit, et Davidi factam iniuriam ultus est. Hinc de Abigaele ducenda instituitur consultatio.
ARGUMENTUM.
Georgus servili ingenio de heri morte, vere quidem, sed ut vulgus pauperum solet, invide et amarulenter disserit. Incidit in hunc Glycylogus, et pugnis contusus dignum suae professionis stipendium accipit.
ARGUMENTUM.
Abisaus cum Ocymacho inter eundum de Davidis instituto coniugio loquuntur, ubi multa de mulierum ingenio dicit Abisaus. Excipit hos primus Spudaeus, ubique sidi serui (nonnihil tamen ob imperium in alios sibi concessum arrogantioris) exemplum praebens.
ARGUMENTUM.
Iocosum inseritur duarum ancillularum colloquium: quarum altera lascivior nec satis pudica, altera curiosula et loquacula fingitur. De herae autem connubio novo sermones servilis improbitatis et amarulentiae plenos conferunt.
ARGUMENTUM.
Abigael cum Davide matrimonium contractura ab Abisao deducitur. Excipit hanc David, et in nuptias desinit Comoedia.