LAmbertum Danaeum Aurelia, Galliae nobilis urbs edidit; acremingenio, discendi cupidum, et laboris omnis tolerantem. Itaque studio pertinaci facile totius sibi [Gap desc: Greek words] cognitionem comparavit; et rerum etiam aliarum: quibus deinde studia sacra, ad quae, mutato consilio, transiit, mirifice illustravit.
Iuvenis adius civile animum appulit: annosque quatuor operam viro laudatissimo ac piisimo Annae Burgiae dedit Aureliae:
qui postea in Parisien sem curiam adscitus, ob religionis orthodoxae constantem [Note: Thuan, l. 23 histor.] defensionem et confessionem anno millesimo, quingentesimo, quinquaegesimo nono, die vicesima prima Decembris primum strangulatus, deinde crematus pie animam Christo reddidit.
Hocexemplo pietatis verae incentivo excitatus genus studiorum mutavit: et anno Christi sexagesimo Genevam profectus, ibique totum sesacris literis dedens, summa industria, lectione auctorum infinita, memoria stupenda facile id consecutus est: us Theologorum illius saeculi praestantissimis accenseretur. Itaque in ordinem ministrorum et doctorum Genevensium adscriptus, operam et scholae et Ecclesiae fructuosam navavit. Eruditus enim anim us semper aliquid exse promit: quod tum alios doceat delecterve: tum se ipsum laudrius illustret. Sic et Danaeus semper aliquid est commentatus; quo se vel Theologum pium, vel Philologum elegantem, eruditorum theatro approbaret. In Patrum certe lectione, et scholasticorum Doctorum Theologiasita fertur versatus; ut pares paucos, superiorem vero neminem sua aetate habuisse sit existimarum.
Geneva evocatum Academia Lugdunensis in Batavis excepit carumque habuit: ac docentis eruditionem, ingenis alacritatem, memoriam felicissimam in adducendis recitandis que Patrum, doctorum scholasticorum, canonistarum, profanorum auctorum sententiis, est admirata. Lugduni cum annum consumpsisset, Gandavum, Flandriae metropolin, anno Christi millesimo, quingentesimo, octogesimo secundo, commigravit, annisque non adeo multis docuit: Quando enim urbem illam mole sua et intestina discordia laborantem animadvertit: tempestatum imminentium procellis se subduxit: atque in regnum Navarrenum evocatus, Academiam Orthesianam, Hispaniae vicinam, docendo scribendoque illustravit.
Post exantlatos cum Ecclesiarum et scholarum incremento labores, et libros fecunditate ingenii mirabili numerose editos, finem vivendi in his terris fecit Orthosii, sub initium anni millesimi, quingentesimi, nonagesimi sexti, cum ipse annos circiter sexagintasex esset natus.
SCripta, uti diximus, reliquit haud pauca, de quibus haec sunt Didactica: Elenchus haereticorum: ubi facili et singulari methodo explicatur; qua ratione haereticorum paralogismi deprehendi et solvi possint.
Ethices Christianae libritressubi actionum humanarum principia; explicatio Decalogi, eiusque cum scriptis scholasticorum iure naturali, civili Romanorum, et Canonico collatio.
De amicitia Christianae
De ludo aleae tractatus.
Physices Christianae partes duae 1. dererum creatarum origine et usu. 2. de earundem natura.
De veneficis, olim sortilegis, nunc sortiariis dictis Dialogus.
Exegetica eius haec sunt.
Methodus sacrae scripturae: ubi praxis in epistolam Pauli ad Philemonem.
Commentarius in priorem ad Timotheum epistolam.
Explicatio orationis Dominicae.
Paratitla in Augustini tomos duos sextum et septimum: ubi de variis haeresibus.
Eiusdem augustini liber de haeresibus emendatus et illustratus.
Commentarius in Evangelium Matthaei et Marti.
Loci communes, 1. de Deo. 2. de Angelis. 3. de homine. 4. De Ecclesia. 5. de donis erga Ecclesiam.
Harmonia sive rabulae in Salomonis proverbia et Ecclesiasten.
Polemica denique permulta scripsit, ut adversus Genebrardum Parisiensem doctorem, adversus Iacobum Andream, Lucam Osiandrum, Stephanum Gerlachium, Nicolaum Selneccerum, Robertum Bellarminum, super articulis etiamnum controversis de Cena Dominica, de Maiestate Christi hominis, de Ecclesiis peregrinis non damnandis, de Antichristo et similibus argumentis: quae in Bibliothecis nominatim recensentur.
Edidit etiam Geographiae Poeticae libr. 3. ex optimis et verustissimis quibusque Latinis poetis.
Aphorismos Politicos, ex historicis tam Craecis quam Latinis.
Politices Christianae libr. 7.
Vetustissimarum primi mundi Antiquitatum libr. 1111. tum exsacris tum aliis auctoribus. Academia Lugdunensis.