LEodici Eburonum natus est Ioannes Wamesius, anno Christi millesimo, quingentesimo, vicesimo quarto et a puero ad studia adhibitus. Postea Latinis Graecisque literis non leviter tinctus, ad publicam iurisprudentiae professionem summa cum laude accessit; et Doctoris insignibus, und cum Ioanne Vendvillio, post Tornacensium praesule, Ioachimo Hip pero, et Petro Peckio, clarissimis iureconsultis, decoratus est.
Porro docendi provinciam quanti semper fecerit, ex eo certe apparet: quod cum a Ioanne Austriaco Turcicae classis victore, ad componendos inotus Belgicos a fiatre Philippo I. Hispaniarum rege misso, in summum Senatum legeretur: eo non sit usus beneficio; ne ab honesto ecio avocatus, decsset iuventuri quam semel informandam suscepisset.
Cumque pari fere laude in cognitione numani divinique iuris floreret: (quae laus paucis, si Philippum Decium et Didacum Covarruviam{* Et Wesenb. ite Schneidvv. Schurff. alios nostros} excipias, superiori aetate contigit) quaesitam in seholis doctrinam, usu et exercitatione forensi sic confirmavit: ut ambigerent omnes, ad Gymnasium an ad Forum, et ad Rem pub. magis foret idoneus. Fidem facient elaborata illa Responsorum iuris volumina: quibus nihil in eo genere, autusu melius, aut doctrina, perfectius invenias. Defuncto heredes illustre monumentum posuere Lovanii ad D. Petri.
MEMORIAE SACRUM.
IOANNES WAMESIUS H. S. E. QUEM BREVITER LECTOR NOSCE. NATUS EST LEODICI EBURONUM ANNO cIc. Ic. XXIV. AD STUDIA LITERARUM ET INDE IURIS TRANSIIT, IN IIS QUOQUE FAMAM ADEPTUS ETIAM GRAECIS, NATURA ET INDUSTRIA DUCE. AT IN IURE AD CULMEN IPSUM CONSCENDIT. DOCTOR RENUNCIATUS, A. C10. 10 LIII. PUBLICE PROFESSOR IN HAC SCHOLA A. cIc. Ic LV. DENIQUE PRIMARIUS ANTECESSOR A. cIc. Ic LXX. HOC MUNUS CUM LAUDE ANNOS XX. OBIIT. PRIMORIBUS GRATUS, VULGO VENERABILIS, OMNIBUS CARUS: BREVITER, DOCTRINA, PRUDENTIA, AUCTORITATE, INTER AEVI SUI PRIMOS. OBIIT DIUTINA INVALETUDINE A. cIc. Ic XC. XI. KAL. SEXTIL. ISTE VIR FUIT, LECTOR, SED FUIT: TU QUOQUE QUOD ES NON ERIS. ALIUS, ALIAS, SED OMNES HUC IMUS, COGITA ET HUIC BENE APPRECARE, ITA POSTERI TIBI. MAGNE DEUS IPSI ET NOBIS MISERERE. HERR. PP.
Sunt in ipsum et Iusti Lipsii Phaleuci eiusmodi:
Antistes ille Iuris, et Legum sacer
Doctor, cui Themis suum recluserat
Pectus, suoque Astraea foverat sinu:
Abivit ille, et caelites petiit locos,
Wamesius Lovanio inclitum decus
Abivit; at reliquit in nostris locis
Et Weymsium et Corselium Iuris simu!
Mystas sacratos: qui perire non sinant
Eius labores, sed dolatos proferant
Vivax in aevum, publicoque consecrent.
Ipse seriptis inclarescere, qua fuit animi modestia, vivus numquam cupivit: uti post obitum eius Stephanus Weimsius et Ger. Corselius evulgatis illius doctissimis Recitationibus ad tit. de appellationibus, palam fecerunt, nihil viro eruditissimo, praeter scribendi voluntatem defuisse.
Aubertus Miraus in elogiis illustrium belgii scriptorum.