ORNATISSIMA Brisgoiae urbs Friburgum patria fuit huius Freigii: parentes vero Nicolaus Freigius ex Schal- bach, iuris utriusque doctor: et Ursula Armbrosterin. Et matrem quidem primo amisit, peste sublatam cum duabus sororibus, anno Christi millesimo, quingentesimo, sexagesimo quarto. Has subsecutus est pater: coius vitae curriculum filius bis epitaphiis versibus est complexus:
Hac ego Nicoleos augusti gloria iuris,
Freigius in tumulo, care viator, ago.
Me pater agresti genuit sub rure colonus;
Hic ubi Raviriacos Rhenus adurget agroc.
Ponae sed ad Musas naturae dona secutus,
Doctoris titulum commeruique decus.
Hinc sacra legitimi pacto connubia lecti,
Bri goicis coniux est mihi ducta iugis.
Cum qua viventem quot erat sat, suaviter annos,
Me fetu quino fecerat illa patrem.
Cui dedit Heroi rupes Spoletica nomen,
Et tenet Alsaticis splendida regna iugis:
Illi nostra fides et virtus cognita facta est.
Unde meus, dixit, iure vasallus eris.
Ut quoque post obitum notus foret omnibus, ille
Zasius Almannae gloria magna plagae:
Vulgari illus multo monumenta labore:
Sic merito laudem cepit uterque suam.
Quin clamosa fori subsellia et ipse secutus,
Pro trepidis feci splendida verba reis:
Hic ubi nimboso torrente procatcior Illa
Enshemi longe moenia lata terit.
Inde sed algentem cum coniuge vectus ad Istrum,
Accessi sedes Ulma superba tuas.
Illic ipse fui pars sancti parva Senatus,
Et studio iuvi consiliisque patres.
Verum hic intumuit suffusa venter ab unda:
Is formidatis meque peremit aquis.
Corpuc at hanc conius transferri iussit in aedem:
Quae spatio hinc ipsa distat ab urbe brevi:
Sunt ubi virginibus collegiae condita sacris;
Incolae Sefflingam nomine turba vocat.
Ergo hic exuviae exspectant: quoad ultima cunctos
Ad iusti revocet iudicis ora dies.
Filius hic I. Thomas Freigius, Musas ab ineunte aetate adamavit, et impensissime coluit. In Gymnasio Friburgensi sedulo audivit, tum Ulricum Zasium, in iuteita versatum: ut in veterum iureconsultorum praeceptis non tam politicam civilemque facultatem; quam vere recteque iudicandi Logicam prudentiam inquireret: tum Henricum Glareanum: qui praeter faeilitatem in docendo hoe etiam habuit: quod brevi temporis spatio, infinitos fere auctoris, tam poetas, quam oratores absolveret. Audivit et Petrum Ramum Gallum, qui mira dilucidirate brevitareque et singulari methodo in artium liberalium praeceptis usus est; omniaque artium theoremata ad usum vitae humanae accommodavit: solaque utilitate et veritate metienda esse censuit. Horum trium virorum vestigia religiose multis annis secutus est: et eorum virtutes per aoroases, quas fecit, quoquo versum circumduxit: ut quantumvis mortui, ucilitatis tamen et memoriae, quam aeternam reliquerunt, commodo in scholis ipsius vivi quodammodo obversarentur.
Principio Friburgi docuit: deinde Basileae; quam sibi velut alteram patriam delegerat, publice bonas artes est professus Gum vero infinitis eius laboribus meditationibus et pietati, nec fortuna nec successus responderent: a Musis fere animo alieno abhorrerecepit: et nescio quae rura et quas agrestes Musas cum typographicis laboribus coniunctas meditari: et [Gap desc: Greek words] Platonicam sequi. Ea in cogitatione dum fluctuat; a Noribertgensium senatu, suasote Hieron. Wolffio, ad novae scholae Altorfii {* A. 1575. d. 29. Iunii. Secundus eius Gymnas. rect. Alii}apertae rectoratum evocatur. Itaque secundus ipse fuit eius scholae, primo Valentino Erythraeo demortuo, rector: quem magistratum iniit ad diem trigesimum Novembris anni millesimi, quingentesimi, septuagesimisexti: gessitque cum industria ac fide ac finem usque vitae. Explicuit co iu munere, historticos, poetas, institutiones Iustinianaeas et alia.
Post multos in palaestra literaria exhaustos labores, {* Altorfii.}Basilad psetis contagione, quae tum eam urbem infestabat, ac tres ei liberos sustulerat, ipse eriam infectus, crebris ad Deum gemitibus fusis, intra quadraginta horas a conceptae luis sensu, ad aeterna beatorum gaudia migravit, die decimo sexto Ianuarii, anno Christi ineunte millesimo, quingentesimo. octegesimo {*Alii secundo.}tertie. Patrem ad laetioris vitae auspicia eodem fato, vix octiduo interiecto, subsecuti sunt duo filii.
Fuit hic Freigius unus, ex numero eorum; qui in diducendis sapientiae rivulis, et labascentibus disciplinis fulciendis, humanae
focietati operam utilem navarunt: eique rei, suis commodis
posthabitis, sutdium omne impenderunt: philosophiae, philologiae, et iuris cognitione insignis: Petri Rami ut discipulus, ita sectator per omnem vitam sedulus, atque strenuus defensor: cuius et indignam mortem aegerrime tulit, et memoriam virtutis atque eruditionis hoc elogio ornavit:
Invictus, Rame es, nam bis duo pectore gestas:
Socratis, Euclidis, Tullii, Aristotelis.
Arte es Aristoteles: methodo Plato: Tullius ore:
Ingenio Euclides. Rame, quid ulterius?
Lucubrationes eius partim Philologicae sunt et Philosophicae; partim Iuridicae. Ad priorem classem pertinent: [Gap desc: Greek word] seu liber Tristium.
Schbematismi breves trium Logiearum artium, ex optimis auctoribus confecti.
Paraleipomena in historiam Aemilii et Ferroni. Quaestiones Geometricae et Stereometricae, in Euclidis et Raml [Gap desc: Greek word] .
Quaestiones Logicae et Ethicae: item [Gap desc: Greek words] .
Quaestiones Oeconomicae et Politicae: cnm aliis commentationisbus.
Quaestiones Physicae: in quibus methodus docendae Physicae.
Orationes Ciceronis perpetuis notis Logicis, Arithmeticis, Ethicis, Politicis, Historicis illustratae.
Paedagogus eiusdem.
Rectoratus Gymnasii Altorfiani.
Orationes Freigii variae.
Grammatica Graeca, in epitomen redacta.
Historia synopsi.
Historia de bello Africano: in quo Sebastianus Portugaliaerex periit Anno 1578. die 4. Augusti.
Historica narratio Martini Forbisseri Angli de navigatione in Occidentis et Septentrionis regiones, Latine reddita.
Ad posteriorem referuntur haec: Partitiones iuris utriusque.
Methodica actionis iuris repetitio, ad ordinem Triboniani IC. instituta.
Paratitla, seu synopsis pandectarum iuris civilis.
Logica Iureconsultorum.
Quastiones Iustinianeae.
Zasius Freigii h. e. Commentarii in pandectas iuris civilis, olim ab Ulrico Zafio diffuse tractati: multisque Apodicticis aucti: quibus accesserunt et textus Florentinus, infinitae distinctiones, axiomata, syllogysmi et alia, cum Germanica verborum interpretatione.
Tantum de Freigio ex ipsius orationibus, libello Tristium, et aliis scriptis.