BAsileae Rauracorum Iselinus in hunc mumdum prodiit, natus ex honesta Iselinorum familia, anno Christi millesimo, quingentesimo, vicesimo. Patrem habuit homonymum, Senatoriem, ut perhibent, ditissimum: matrem vero Elisabetham Barin. Ab his parentibus puer liberaliter educatus, bonis literis operam de dit:atque Ioanne Oporino praeceptore, prima artium humaniorum iecit fundamenta, Postea in Simonis Grynai contubernium admissus, Graecis literis et Philosophiae sese dedidit. ac minime vulgarem eruditae doctrinae supellectilem sibi comparavit.
Itaque bonis studiis sic satis excultus anno trigesimo octavo, Lutertiam est missus: ut et quas incoarat artes, plenius perdisceret; et Gallicae usum sibi compararet; atque Iurispruden tiae operam daret. Eo in loco cum aliquandiu substitisset, alias quoque Gallise Academias accessit: et inprimis Valentiae ad Rhodanum plurimum profecit.
Egtegia igitur artium, linguarum, et legum cognitione instrucuts, anno circiter quadragesimo septimo post millesimum quingentesimum, inpattiam rediit; et iura extraordinarie expli care coepit. Sequenti vero anno Italiam quoque adiit: et Papia ab ipso Alciato Iuris utriusque doctor, sollenni Academiarum more, est renuntiatus.
Basileam ubi rediit, D. Bonifacii Amerbachii Iureconsuliti fi liam Faustinam uxorem duxit; pauloque post soccro in Iuris professione successit.
Eo in officio dum sollenne suum obtinet; inprimisque ecclesie unitatem exoptat; dira pestesae viente Basileae sub finem anni millesimi, quingetesimi, sexagesimi quarti, cum duobus collegis et Iuris profesloribus Maroc Hoppero, eius anni Rectore, et Martino Ubero, immatura morte autertur; aetatis suae quadragesimo quarto, pulchra post se prole relicta. Sepult9 est, cum publico luctu, in cathedralis ecclesiae circuitu, cum tali epitaphio in marmore sculpto:
Cultor iustitiae fui severus,
Et verus pietatis {*aestimator.}indagator.
Utranque ad superos comes secutus;
Hoc natos moneo et {*pios.}seros nepotes,
Discant iustitiae ac Deo {*plaecere.}parere.
Ob. A. C. M. D. LXIV.
Fuit vir eruditione singulari, prudentia, et vitae innocentia conspicuus: et quamvis aetate iuvenis, tertium tamen Rectoris officio functus, et quidem magna cum laude. Ex libr. 3. Prosopogr. Pantal. et monumentis Basiliens.