DANIELIS RINTELEISCH SILESII.

In hortum Laur. Scholzii

HEsperidum celebres memorantur et Alcinoi horti:
E fama hos novit Scholzius eque libris,
Hos Gallia terra colit; colit Italis ora,
Praesenti vidit Scholzius hos oculo.

Quae vidit, quae novit in omnibus omnia, in unum
Usque adeo dextre contulit ac nitide;
Hortus ut hic repraesentet Germanicus hortos
Hesperidum, Alcinoi; Galliae et Italiae.

Ad Ecclesiam.

Quem tu, dia Ratis, semel
Exceptum placido flumine rexeris:
Illum non furor efferus
Iactabit Boreae non Notus imbrifer
Flatu tollet in aera
Sublimem, neque fors naufraga turbidis
Immersum pelaga vadis,
Cum tecum varias pertulerit minas,
Letho deprimet horrido.
Sed per murmuraquae flebile, per marig
Et saevi fremitum Noti
Sisterin placido litore sospite
Vitae dum datur otium
Donatur requies. tum quit amabili
Diuûm iungere se choro,
At que in pace frui perpete gaudio.
O formidinis anxiae
Tristem quae genitum fortiter amoves;
O cunctis quoque casibus
Ereptura hominem, si deceat, pium!
Totum muneris hoc tui est,
Quod soluor numero depereuntium,
Heres aethereae domus:
Quod vivo et vigeo non pereo tuum est.

In symbolum Casp. Cunradi: Domini est salus.

Tibi si qua salus, est Domini salus Iehovae,
Qui velle potest, qui posse valet, voletque: solus
Qui fecit et ipse, et faciet, facitque quid vis,
Heic quod bene factum bene quod fit, et futurum est.
Huic tu modo te, remque tuam bono Iehovae

Concrede libens. atque fide potente perstans,
Quaecumque tibi sors tulerit ferenda dura,
Fer pectore forti, et patientia adiutrice
Sperans meliorque omne malum verendo vince
Haec unica cunctos via ducit ad salutem:
Hanc unicam init, qui duce init viam lehova.
Ipse est enim, qui fuit, et qui erit, lehova:
Ante omniaque atque omnia post Deus salutis.