07/2005 Ruediger Niehl
new TEI header; typed text - simplified structural tagging - no semantic tagging - no spell check


page 85, image: s089

VITA Viri Amplissimi atque Consultissimi, DN. DIONYSII GOTHOFREDI, Iuris Consulti consummatissimi, In Celeberrimis alivot Academiis, ac praecipue in alma Argentoratensi, Professoris Publici Totaque Europa clarissimi; paucis delineata, In appendice Chronologica, Orationibus Saecularibus Gymnasii Argentor. adiecta, a MELCHIORE SEBIZIO, Med. Doct. Prof. P. Com. Palat. Caesar. et Reip. Archiatro.


page 86, image: s090

NAtus est Lutetiae Parisoirum Anno 1549. d. 17. Octobr. circa horam 4. pomeridianam. Adolescentiam excoluit bonarum artium et iuris praecipue civilis scientia in celeberrimis Universitatibus, Lovaniensi, Coloniensi et Heidelbergensi. Verum ob flammam belli intestini, et parricidiale facinus Lutetianam, ubi nemini pio tuto vivere licuit, Patriam relinquere, et perfugium Genevae petere coactus fuit. Ibi munere Professoris in iure cum esset donatus, anno 1579. d. 28. Decembris Doctoratum in Academia Aareliancensi petiit atque obtinuit. Anno 1599. d. 11. Maii Rex Galliarum Henricus IV. qui post obitum dictus Magnus, trium ad iurae montis radices praefecturarum, Gezensis, Derniensis, et Gagliardensis munus ipsi demandavit. Anno eodem d. 12. Iul. dignitatem Consiliarii Curiae parlamentariae Parifiensis extra ordinem eidem obtulit. Verum illinc Sabaudi violentia in motu gravissimo illorum temporum eiectus fuit, ac onmibus pene fortunis, praeccipueque Bibliothecâ spoliatus. Itaque Germaniae se suaque studia consecravit, ut esset in tuto tranquilloque portu. Geneva progressus est basileam: Cumque Doctor Philippus Glaserus gradum Doctoratus ibi petere decrevisset, suasor fuit Dn. Scholarchis, ut D. Gothofredum inde ad nostram Academiam invitarent. Fecerunt Dn. Scholarchae, quod suaserat D. Glaserus: et D. gothofredo professienem Pandectarum iuris commiserunt. Ideoque impetrato gradu Doctorali, D. Gothofredum secum Argentinam adduxit Glaserus Anno 1591. Cal. Maii. Anno 1600. Serenissimus Elector Palatinus, Fridericus IV. d. Gothofredum acersivit Heidelbergam, ut ius ibi doceret publice. Sesquianno Heidelbergae completo, rediit idem Argentinam, anno 1601. mense Novembr. pristinam iuris docendi provinciam aggressus. Sed anno 1604. animum denuo mutavit, et heidelbergam repetiit. Anno 1603. d. 3. d. 3. Octobr. ab Henrico Magno regiis literis ad Academiam Bituricensem, in Cathedram excessu Iacobi Cuiacii vacuam, est vocatus. Anno 1609. d. 7. Maii, per Cancellarium Regni Galliae, Brussarium Sillerium, Andegavum ad primariam iuris Professionem accersitus. Anno 1610. d. 9. Ianuarii, ab eodem Rege Galliae Christianissmo, Henrico Magno, et Lesdigerio, nomine Regis, datis ad Electorem Palatinum, Fridericum IV. literis persuasoriis, Valentiam, ad palmariam Iuris civilis Professionum invitatus. Quas tamen vocationes omnes, 1000. et 1200.


page 87, image: s091

licet Coronatorum annui stipendii cum pollicitatione factas, summa cum gratiarum actione repudiavit. Anno 1608. ab Illustribus Frisiae Occidentalis Ordinibus, misso Legato, vocatus est ad Academiam ipsorum Franckeranam. Sed unire itidem recusavit. Turbato Germaniae statu, et Palatinatu in ruinam atque interitum praecipitato, ut publicorum furorum turbines declinaret, Exul Argentoratum venit, Anno 1621. Mense Septembri. Maerore, studiis, vigiliis, itineribus variis, corporisque aegritudinibus exhaustus, fractus, planequeve consumpptus, supremum haltium fudit Argentinae, Anno 1622. d. 7. Septembris, inter 9. et 10. antemeridianam. Vir scriptis iuridicis et Philologicis celebratissimus, Iureconsultus sui saeculi Maximus.

IN EFFIGIEM DIONYSII GOTHOFREDI, ICti incomparabilis

Credo, quod ipsa Themis GOTHOFREDO hoc nomen olympo
Attulit ex alto; tam bene quadrat ei:
Pax divina scopus sit iuris, et hac docet eius
Corpore, quo lites dirimit ipse pie.

SCRIPTA.

Consuetudines Civitatum et Provinciarum Galliae, cum notis: Francos. 1597. in fol.

Notae in IV. libros Institutionum Civilium: Genevae 1583. Eugd. 1586. in 12.

Iudex chronologicus legum et Novellarum a Iustiniano Imper. compositarum: Argent. 1592. in 4.

Fragmenta XII. Tabularum, suis nunc primum tabulis restituta: Heidelb. et Genevae 1616. in 4. Eorum epitome, quae nobis supersunt ex Legibus XII. Tabularum: Genevae 1586. in 8. et 4.

Opscula iuris varia: ibid. 1586. in 8. 1634. in 4.

Corpus iuris civilis cum Notis: Lugd. 1589. 1602. in fol. Genevae 1614. in fol. 1620. 1628. in 4. 1625. in 8. Parisiis 1628 in fol. Francof. 1649. in 4. 1662. in fol. Lucernae 1653. in 4 et saepius alibi.

Disputationes ad digestum Iustiniani: Argent. 1604. in 4.


page 88, image: s092

*pro/dromos2 vel Antecursor de turelis Electorlibus testamentariis, legitimas excludentibus, Zachariae Fridericho missus: Heidelb 1611 et 1613. 4.

Paris Civilis ex antiquis et recentioribus auctoribus, Germanis, Italis, Gallis, Hispanis, Belgis et aliis, qui de practica ex professo scripserunt, collecta, summarris, notis etiam interdem aucta: Francof. 1591. in fol

Antiquae Historiae ex 27. auctoribus contextae libri sex totidem sollennes temporum Epochas continentes: Basil. 1591. in 16. et Lugd. 1604. in 8.

Quaestiones Politicae ex iure communi et historia desumptae: Argent. 1598. in 4.

Pro Coniecturis in Senecam brevis ad I. Gruterum responsio: Francof. 1591. in 8.

Notae ad Varronem, Festum et Nonium. Variae item lectiones in Fulgen. et Isidorum: Lugd. et Genevae in 4.

Notae in Marcum Tullium Cicetonem: Lugd. 1588. 1591. in 4.

Lucius Annaeus Seneca ex eius recognitione: Colon. 1593. Heidelb. 1593. in fol.

Statuta regni Galliae, iuxta Francorum, Burgundorum, gothorum et Anglorum, Gentium Germanicarum in ea dominantum consuetudines, cum iure communi collata et commentariis illustrata: Francof. 1611. in fol.

De tutelis Elctoralibus testamentariis legitimas excludentibus libri VII. adversus synopsin Zach. Friderichi: Heidelb. 1614. in 4.

De iure Pageanorum: ibid. 1626 in 8.

Synopsis statutorum Municipalium ad Pandectarum methodum et ordinem digesta: Francof. 1611. Genevae 1653. in 4.

Animadversiones iuris civilis: Genev. 1628. in 4.


page 89, image: s093