01/2011 Reinhard Gruhl markup
text typed - structural tagging completed - no semantic tagging - no spell check - no orthographical standardization
image: as001ICONES sive IMAGINES VIRORUM LITERIS ILLUSTRIUM qui Seculo XV. praesertim doctrina Religionis aliarumque bonarum scientiarum tanquam lumina in Germania nostra claruere Olim à Tobia Stimmero pictore suae aetatis perfectissimo ad vivum expressae et Nic. Reusnero JC. cum brevi descriptione eorum vitarum et operum in lucem editae. nunc Reipublicae literariae bono iterum recusae et ab interitu vindicatae cura et impensis C. A. Z. J. C. A. Francofurti ad Moenum, Typ. BALTHASARIS DIEHLII, ANNO M DCC XIX.
image: as002
[gap: blank space]
image: as003PRAEFATIO ad LECTOREM.
MAgna est ut sapientiae, ita virtutis dignitas, magnaque pulchritudo, Lector benevole: eaque profecto tanta, ut si oculis formam ejus, et tanquam faciem cernere nobis liceret, mirabiles sui amores in animis nostris excitatura esset. Nam et propter hanc solam non raro eos, quos nunquam vidimus, vehementer et admiramur et colimus; adeoque magna ejus vis est, ut ea etiam in hoste posita nescio quomodo delectet, et quasi pleno ore laudetur. Quanquam vero oculorum sensus in homine acerrimus est, multo is tamen est obscurior et hebetior, quam ut species et pulchritudo illa virtutis ac sapientiae recte a quoquam cerni, nedum plane perspici queat, eoque non tam corporis, quam animi ipsius acies, intendenda est maxime, quae sola lumen ejus atque splendorem cernit atque suspicit, eosque admiratur inprimis ac colit, quos caeteris anteire virtute et sapientia judicat. Enim vero refert plurimum, si minus perfectam undique et absolutam,
image: as004at leviter duntaxat adumbratam formam ceu effigiem sapientiae et virtutis, oculis quoquo modo intuendam contemplandamque proponere, bonorum et sapientium Virorum exemplis ac simulacris propositis, qua et ipsa animos Virorum bonorum honesto quodam gaudio compleri consentaneum est. Quam sane ad rem perficiendam, ut aliqua saltem ejus species oculis hominum exhibeatur, duo potissimum adminicula natura, vel ars ipsa potius, concessisse videtur, scripturam nimirum, et picturam, quarum illa aures, haec oculos hominum mirabiliter afficit, ut bene de Republica meritos Viros, quamvis mortuos, scripturae beneficio, quasi nobiscum adhuc loquentes audire, et imagines eorum contemplando, picturae ope, tanquam praesentes et vivos intueri et amplecti perpetuo nobis liceat: qua utraque re animos cum primis excitari et studio quodam incendi credibile est, non solum in audiendo legendoque, si quid pie recteque et sapienter ab his sactum sit, verum etiam in eorum, qui cum laude vixerunt, expressos vultus intuendo, a quibus tacite quodammodo ad similem virtutis et sapientiae laudem eos incitari, et ad facinora clara impelli, res ipsa testatur. Itaque apud omnes populos passim usu receptum fuisse videmus, ut eorum virtus perspecta foret in rebus honestis atque magnis, et qui bene de Republ. meriti, aut honore aliquo et imperio affecti essent, non modo laudes et vitae, sed statuae quoque et imagines publice exstarent, et ad posteritatem conservarentur, et hoc pacto eorum virtus et sapientia quasi in theatro et lumine publico, omnibus civibus intuenda, contemplandaque proponeretur;
image: as005quorum exemplo praeclaro incitati alii, eam quoque magni facere ac colere in omni vita, et praeclaram nominis sui memoriam, rebus praeclare gestis, cum omni posteritate adaequare studerent: neque vero necesse est multa hoc loco ex veterum monumentis ejuscemodi colligere, quae in hoc genere doctrinae publicata et in medio sunt proposita, satis nobis esse poterit Musaeum illud Jovianum tot et tantorum heroum, non literis solum et doctrina, sed bellica laude illustrium, neque solum vivis verisque imaginibus, verum etiam elogiis utraque orationis forma exquisite conscriptis, ita praeclare instructum atque exornatum, ut nihil in hoc genere exstet perfectius atque absolutius. Cum quo non immerito comparatur et quod ad patriae dignitatem attinet, opus illud Iconum Theodori Bezae, ante seculum in lucem editum, in quo et ipso, praeter elogia elegantissima, conspiciuntur ejusdem generis Icones et effigies Virorum doctrina simul et pietate illustrium, Germaniae praesertim nostrae, et Galliae et Angliae, quorum praecipue ministerio partim bonarum literarum studia restituta, partim vera religio in variis orbis Christiani regionibus, patrum nostrorum memoria fuit instaurata: caeterum tam utrique huic operi sane elegantissimo atque pulcherrimo, quam etiam recentium authorum, proxime accedere videtur praesens istud opus typicum a Bernardo Jobino typographo Argentinense, magno studio, pari arte, nec minore sumptu adornatum, undique conquisitis virorum literis ingeniique monumentis illustrium, praesertim Germaniae nostrae, veris et ad vivum expressis imaginibus; in quo delineando
image: as006inprimis pictore usus fuit Tobia Stimmero, inter primos suae aetatis summo atque perfectissimo, sicut praeclara ejus simulacra et opera in medio relicta, abunde contestantur: quod sane opus, quo perfectius atque absolutius in publicum prodiret, spirantes hasce mortuorum hominum effigies, sed per se tamen adhuc mutas, per Nic. Reusnerum JC. quasi animari, et sua potissimum voce loquaces eas reddi voluit, ut non modo eas intueri, sed et cum his nonnunquam consistere ac colloqui, et quoties luberet, in consultationem quodammodo venire liceret iis, quibus animum ab ista quasi pictura imaginibusque sapientiae ac virtutis, ad rem veritatemque traducere collibitum est; hancce ob causam primo singulis Iconibus singula apposuit disticha, et his deinde opposuit eorundem vitae et operae descriptiones breves quidem sed illustres, partim ex ipsorum monimentis, partim aliorum scriptis, Jovii praesertim et Bezae olim summatim compositas, nunc vero iterum cum sumptibus quam plurimis recusas et ab interitu vindicatas. En accipe igitur, benigne Lector collectionem istam Iconum demortuorum clarorum Virorum, qui literis et ingenii monimentis illustres; Germaniae praesertim nostrae inclaruerunt, quibus etiam intermixtos videbis nonnullos sectarum invidioso studio celebres, in quibus omnibus maxime fuit propositum, ne vel calumniose vel contumeliose in quenquam dictum aliquid opponeretur, ex quo ulli mortalium aliqua inde crearetur offensio; neque enim de religionis potissimum controversiis intempestive judicium ferre, hujus loci aut temporis esse
image: as007putavimus, de his enim judicente alii, ad quos ea res pertinet; speramus autem vel plane potius confidimus opus hoc typicum denuo recusum et e tenebris quasi erutum, omnibus bonis et literarum amantibus non displiciturum; interim Vale optime Lector, et fruere.
Wezlariae 3. Calend. Aprilis, Anno Salutis Christianae M. DCC. XIX.
page 0, image: s000AEPINUS JOANNES Theologus.
[gap: illustration]Sacrorum antistes Hammonis in urbe fidelis
Illustro summi dogmata vera Dei.
page 1, image: s001Joannes AEpinus
Hamburgi natus Civitate Saxoniae libera:
Praeter multiplicem Linguarum et Artium humanitatis
eruditionem:
Primus ex Evangelicis Vitebergae, una cum Casp. Crucigero
et Joan. Bugenhagio, Sacros. Theol.
Doctor salutatus
Anno
M. D. XXX.
Supremus Ecclesiae Hamburgensis Pastor et Antistes
postea ordinatus:
Cui praefuit Annos XX. circiter, summa
cum Fide et Diligentia:
Saxonicar. Eccles. Fidem ac Religionem Sacrosanctam
et intaminatam conservans perpetuo:
Divino Numine
contra Edictum Caesareum Augustae de re
Ecclesiasticâ,
INTERIM,
Donec Synodus decerneret Oecumenica informanda,
promulgatum,
Anno M. D. XLVIII.
Plurimis de Religione scriptis Libris optime de
Republ. Christiana meritus:
Obiit Hamburgi M. D. LIII.
AEtat LIV. III Idus Maji.
page 2, image: s002AGRICOLA RUDOLPHUS Frisius.
[gap: illustration]Primus ego Latiae cultor, Graique Camoenae,
Germanos docui Musica castra sequi.
page 3, image: s003Rudolphus Agricola Frisius
in pago non procul a Groninga Urbe natus.
Cuivis summorum suae aetatis vel ingenio vel Doctrinâ,
vel Eloquentiâ par habitus.
Primo studiorum Tyrocinio Lovanii egregie
deposito:
Praeter Graecas et Latinas Literas, omnibus Artibus
optimis Ferrariae in Italia ornatus, sub Theod.
Gaza Doct. Clariss.
Demum Academiae Heidelbergensis Professor, et Disputationum
factus moderator praesertim
Logicarum:
Commentario in Lucem edito de Inventione Dialectica,
sane pulcherrimo atque elegantissimo
Psalterio etiam ex Hebraea Lingua in Latinum fideliter
translato:
Philosophiae Aristoteleae, interpres sui Seculi
Princeps.
Obiit
Heidelbergae Anno Christiano
M. CCCC. LXXXV.
page 4, image: s004AGRIPPA HENRICUS CORNELIUS Medic. et JCtus Eques.
[gap: illustration]Singulis clarus Eques: Medicus Jurisque peritus,
Et sophus, et pariter, sum Magus arte potens.
page 5, image: s005Henricus Cornelius Agrippa
ab
Netresheym.
Armatae militiae Eques Auratus: Juris utriusque
et
Medicinae Doctor:
Carolo V. Caesar. August. a Consilio et Archivis
Indiciarius.
INTER DIVOS nullos non carpit Momus:
Inter heroas monstra quoque insectatur Hercules:
Inter Daemones, Rex Herebi Pluto irascitur omnibus
umbris.
Inter Philosophos ridet omnia Democritus:
Contra deflet cuncta Heraclitus:
Nescit quaeque Pyrrhias,
et
Scire se putat omnia Aristoteles:
Contemnit cuncta Diogenes:
Nullis hic parcit Agrippa.
Contemnit, scit, nescit, flet, ridet, irascitur, insectatur,
carpit omnia.
Ipse
Philosophus, Daemon, Heros, Deus et omnia.
page 6, image: s006ALARDUS AMSTELRODAMUS Philosophus.
[gap: illustration]Si Logica laus est praecellere in arte, Rodolphum,
Par laus Agricolam debita meque manet.
page 7, image: s007Alardus Amstelrodamus
Belga.
Literarum Graecarum et Latinarum
peritissimus:
in
quibus percipiendis Coloniae ac Lovanii plurimum ei
a pueritia fuit studii ac temporis.
Logicarum praesertim artium singularis
aestimator.
Quas postea in Academiâ professus Lovanii,
scholis illustravit doctissimis;
Multorum praeterea Graecorum auctorum,
maxime Hippocratis interpres
egregius;
Operum Rudolphi Agricolae fidelis
explicator:
Felicem sui memoriam ob multiplicem
eruditionem relinquens
posteris.
Obiit Lovanii Anno
M. DC. XLI.
page 8, image: s008AMERBACHIUS BONIFACIUS Juris-Consultus.
[gap: illustration]Culmen hic est Juris, Themidi, Phaeboque dicatus:
Quicquid habet jus hic laudis, id omne tenet.
page 9, image: s009Bonifacius Amerbachius.
Basileae Rauricorum natus Anno M. CCCC. XCV.
Patre Joanne Amerbachio, cive primario:
Quo nullus suo seculo fuit, cum in excudendis Libris
nitidior, quod sumptuosae dexteritatis est.
Tum in iisdem ad veterum exemplarium Fidem restituendis
diligentior, quod eruditionem et Laborem
requirit.
Magister Philosoph. et liberal. artium in Patria salutatus.
Anno M. D. III.
Civilis sapientiae ac Juris prudentiae in Italia et Gallia
per studiosus:
In qua summum Docturae gradum Avinione cum laude
consecutus est:
Quam multis postea annis publice in Academiâ Basileae
Professus,
Summa cum admiratione, et commendatione
Eloquentiae atque Sapientiae:
Reipubl. Christianae, cum docendo, tum de jure respondendo
profuit plurimum:
Magnus illius Erasmi familiaris non modo in vita
amicus, sed et haeres, una cum Hieron. Frobenio
et N. Episcopio
ex
voto nuncupatus.
Omnium seculorum Memoria Vir dignissimus,
Obiit Basileae Calend. Februarii. Anno
M. D. LXIV. AEtat. LXVII.
page 10, image: s010ANHALTINUS PRINCEPS GEORGIUS Ascaniae Comes, Praepositus Magdeburgensis.
[gap: illustration]Ascaniae Princeps, pietatis idoneus auctor,
Illustris praeco glorior esse Dei.
page 11, image: s011Georgius, Dei Gratia, Illustriss. Germaniae
Principibus,
Familia antiquissimae nobilitatis prognatus,
Patre Ernesto, Principe Anhaltino, Comite Ascaniae
Bernburgi et Servestae Domino etc. Anno
M. D. VII.
Princeps omnibus animi et corporis dotibus egregie
ornatus.
Primis Studiorum rudimentis positis feliciter
Vitebergae.
Quum rarissimo a multis seculis exemplo Sacrosanct.
Theologiae totum sese addixisset:
Magdeburgensis ac Misnensis electus Ecclesiae
Praepositus.
Optimi et Principis, et Pastoris, perfunctus munere:
Magna laude, et auctoritate propemodum Divina.
Quo felices illius subditi haberent, quem et in terris
Dominum agnoscerent, et ut Ducem in Coelum
prae euntem sequerentur.
Singulari omnium virtutum sanctissimo exemplo sui
ordinis hominibus in medium proposito:
Quin et publicis ingenii praestantis, et sanctae operae
monumentis apud posteros relictis quam
plurimis:
Obiit felicissima morte, completo AEtatis Anno
XLVI. XV Calend. Novemb. anno M. D. LIII.
page 12, image: s012APIANUS PETRUS. Mathematicus.
[gap: illustration]Gaudeat aerisonus Ptolomaei nomine Nilus:
Certe Germanis sum Ptolomaeus ego.
page 13, image: s013Petrus Apianus Benevicius.
Leusnicae natus in Misnia,
Astronomus et Cosmographus sui seculi inter primos
summus:
Mathematicarum disciplinarum in Academia Ingolst.
Professor atque illustrator
maximus.
Carolo V. Caes. Aug. ob id acceptus habitus
mirifice
a
quo,
Ob fidem magisterii praestitam et Equestris dignitatis
ornatus titulo,
et
Honoribus auctus est
amplissimis,
Astronomicis instrumentis inveniendis admodum
insignis.
Opere egregio illo Cosmographico, una cum aliis
quibusdam ejusdem generis monumentis, post
serelicto:
Pro se etiam filio haerede suae Disciplinae Philippo in
Terris substituto:
Mortalibus solutus exuviis,
in
Coelum rediit, animo immortalis, Anno
M. D. LII. Aprilis die XXI.
page 14, image: s014AVENTINUS JOANNES. Bojus Historicus.
[gap: illustration]Bojorum veteres renovavi gentis honores:
Complexus magnam fascibus historiam.
page 15, image: s015Joannes Aventinus cognom. Turmainus,
Abusina Bojariae Oppido natus, Anno
M. CCCC. LXVI.
Post patriam Scholam Ingolstadii in literis egregie
eruditus.
Lutetiae Parisiorum Magister bonarum artium salutatus:
Quas multis dehinc annis Viennae Austriae, Cracoviae
Ingolstadii publice privatimque Professus,
Neque ita multo post Illustr. Bojariae Principum
Ludovici et Arnesti
Doctor constitutus:
Quo ipse munere cum laude defunctus, quum historiae
scribendae Studio flagraret mirifice.
Perlustratis Germaniae fere totius, ac praecipue Bojariae
monumentis et Bibliothecis;
Magni vir laboris, summaeque industriae ac Lectionis
plane reconditae:
Annalium relicto post se opere absulutissimo:
Satur aevi, satur gloriae.
Obiit Ratisbonae V. Id. Januar. Anno M. D. XXXIII.
AEtatis LXVIII.
In AEde Div. Heymerani sepultus.
page 16, image: s016BRANDUS SEBASTIANUS. Juris-Consultus.
[gap: illustration]Jurisconsultus poteram, et simul esse Poeta:
Barbaries secli ni vetet ipsa mei.
page 17, image: s017Sebastianus Brandus.
qui et
Titio
nominatus.
Argentorati Urbe Imperii Sacri tum Temporis
libera natus,
Anno M. CCCC. LIIX.
Artium humaniorum Basileae perfecto Magisterio
Quarum exornandarum atque illustrandarum Studio
flagrans incredibili;
Optimis quibusque auctoribus in publicum propositis
et
ab interitu vindicatis,
Magnum et Patriae et sibi passim nomen comparavit.
Poeta pariter, et Jure Consultus Seculi sui eximius.
Praestantis Ingenii sui monimentis utrinque relictis
quam plurimis.
Obiit Argentorati
Anno M. D. XX.
page 18, image: s018BRENTIUS JOANNES, Theologus.
[gap: illustration]Tot lucubratus, tot Christo sancta locutus,
Ipse senex obeo, non sine laude, Diem.
page 19, image: s019Joannes Brentius,
Weilae Sueviae oppido Imperiali natus, Anno
M. CCCC. XCIX.
Primae laureae anno AEtatis XV. secundae XVIII. insignibus
Heidelbergae decoratus.
Admodum Juvenis divinas et humanas professus literas,
magno applausu discentium.
Halae Suevorum Ecclesiastes constitutus Anno XXII.
Reformandae eâ in Urbe totaque Germania
una cum M. Luthero et Ph. Melanchtone
auctor optimus maximus:
Magno cum discrimine vitae et fortunarum:
Tubingam demum, auspiciis Huld. Ducis Wirtebergiae
evocatus,
Academiae Commissarius et Antistes Ecclesiae;
tandem
Stuggardiae, Christophori Ducis vocatu, Pastor ac
Praepositus Ecclesiae vere Apostolicus:
Quo ipse munere ad vitae usque finem summâ Religione,
Fide, Prudentia, Dexteritate, Industriâ, Vigilantia
functus est, maximo commodo Reip.
Christ. universae.
Colloquiis Religioni componenda Imper. adhibitus,
Augustae, Haganoae, Wormatiae, Ratisbonae,
Tridenti.
Commentariis in Biblia Sacra universa exegeticis,
aliisque praeterea Scriptis dogmaticis editis
clarissimis.
Obdormivit in Domino, Anno Salutis M. D. LXX.
AEtat. LXXI. Mens. II. Dies XX. Septemb. XX.
page 20, image: s020BUCERUS MARTINUS, Theologus.
[gap: illustration]Dum vivo Christum doceo: pro munere Coelum;
Dat Christus: negat hinc Papa cruentus humum.
page 21, image: s021Martinus Bucerus.
Selestadii celebri Alsatis oppido natus, Anno
M. CCCC. XCI. cui ex Dominicanorum coenobio,
Lutheri voce, Wormatiae coram Caesare libere
loquentis excito, variisque insidiis
post appetito.
Restitutam apud se Argentina (ut et Ulma) lubens
debet Ecclesiam.
Cujus et eruditionem singularem et zelum pietatis eximium,
cum eximia prudentiâ conjunctum, omnibus
seculis testabuntur, tum doctissimae ipsius lucubrationes,
et in publicis comitiis disputationes habitae:
tum pro Ecclesiarum pace, quamvis non
felici semper successu, labores
exhausti:
Is igitur Theologus vere Aretius Bucerus, post vicennium
integrum quo Argentinae sacras literas in
Ecclesiâ et Scholâ docuit, in Angliam
demum profectus,
Eduardo VI. Religios. Rege vocante, Cantabrigae in
Academia Theologiam, summo cum doctorum
piorumque omnium concursu circiter
biennium professus.
Quum placida morte prid. Cal. Mart. M. D. LI. annum
aetatis agens LXI. obiisset.
Quinto post anno, everso post Edoardi Regis obitum
Religionis statu, erutus crematusque anno M. D. LVI.
Martyrii palmam tulit.
Quarto rursus post anno, admirabili rerum vicissitudine,
sub Elisabetha Regina, judiciis adversus
innocentem publice rescisso, in integrum
restitutus, Anno M. D. L.
page 22, image: s022BUDAEUS GUILIELMUS, JCtus Consiliarius Regius.
[gap: illustration]Sol utriusque vocor linguae Graecae atque Latinae:
Haud satis hoc, Juris Sol utriusque vocor.
page 23, image: s023Guilielmus Budaeus,
Lutetiae Parisiorum celebri Literarum domicilio
natus et educatus.
Tum Graecae, tum Latinae Linguae cognitione omnium
non modo Galliae, sed totius etiam Europae
longe eruditissimus.
Civilis inprimis sapientiae et Juris prudentiae laude
celeberrimus.
Senator Regius.
Supplicumque in Regia Libellorum Magister:
Quum perennem spectaret laudem, et rei familiaris
fortunas
Honoresque aulicos, ingenio suo, et sperata gloria
multo arbitraretur viliores:
Sexaginta amplius annis in ocio literario consumptis,
ita
Ut summae eruditionis Libro de Asse, alteroque in
Pandectas edito, ac infinita demum lectione confectis
commentariis utriusque linguae, nulli
communicata laude, aequales omnes
Doctrinae auctoritate
superaret.
Morum praeterea sanctimoniâ
Vitaeque inculpatae insignis innocentiâ;
Pie tranquilleque vitâ excedens, abdicatis testamento
prius omnibus prorsus funeris et tumuli
honoribus,
Fato functus est, noctuque tumulatus
Anno M. D. XL. AEtatis LXXIII. Die XXII.
Augusti.
page 24, image: s024BUGENHAGIUS JOANNES, Pomeranus, Ecclesiae Witebergae Pastor.
[gap: illustration]Quo doctore fidem profitetur Dania Christi:
Jessaeae Citharae laus Pomeranus eram.
page 25, image: s025Joannes Bugenhagius,
Pomeranus, Julini natus Anno M. CCCC. LXXXV.
Primo studiorum tyrocinio Gryphiswaldiae in Academia
facto.
Literator juventutis primum Treptae proclamatus, ac
dein Presbyterorum adjunctus Collegio.
Lectionibus operam dans Sacris et concionibus popularibus,
demum Christianismo per Lutherum
instaurato, Witebergam evocatus
Anno M. D. XXI.
Summus Ecclesiae Pastor et Academiae Professor
creatus.
Qua in statione ille totos annos XXXVIII. summâ
tum fide, tum Diligentiâ ubique praestiâ,
constantis. perseveravit.
ab
Omni prorsus alienus ambitione et avaritia:
Quum ad splendidos Pontificatus suscipiendos a summis
Regibus et Principibus saepius
invitaretur.
Plerisque interim Ecclesiis Septentrionalibus, Daniae,
Pomeraniae, Saxoniae pie recteque constituendis
operam praestans fidelem.
Tanquam Legatus Dei et Evangelista sanctiss, beata
sui memoria relicta,
Obiit placide Vitebergae, annum agens vitae LXXXIII.
XX. Aprilis Anno M. D. LVIII.
page 26, image: s026BULLINGERUS HENRICUS Theologus.
[gap: illustration]Sic vixi, sic vivo meis nunc denique Libris:
Ut nunquam videar mortuus esse bonis.
page 27, image: s027Henricus Bullingerus.
Bremogarti, Helvetiorum oppido natus Anno
M. D. IV.
Embricae primo, dein Coloniae Agrippinae literis eruditus
humanioribus, et in his Magisterii titulo
insignitus:
Capellae dehinc ludo praefectus literario per integrum
sexennium:
Sacris post praefectus concionibus
in
Patriâ:
Tiguri tandem Pastor et Antistes Ecclesiae in Zwinglii
locum suffectus,
Quam annis XLIII. singulari fide et industria
administravit.
Lucubrationibus propemodum infinitis de Religione
partim Didacticis et Exegeticis, partim Polemicis
et Dogmaticis, passim in toto Orbe
Christiano nobilitatus.
Obiit senex Tiguri XVII. Sept. Anno Salut. Christ.
M. D. LXXIV.
AEtat. LXXI.
page 28, image: s028CALVINUS JOANNES, Theologus.
[gap: illustration]Gallia me recipit doctore et Scotia Christum:
Pastorem sepelit culta Geneva suum.
page 29, image: s029Joannes Calvinus.
Novioduni Veromanduorum celebri oppido natus,
Anno M. D. IX.
Lutetiae primo Philosophiae, dein Aureliani et Biturig.
Jurisprudentiae simul ac Theologiae
exultus Studiis.
Basileae totus Hebraicis addictus Literis;
Italia dehinc a limine salutatâ Patriae valedicens Galliae,
in Germaniam per Allobroges regressus,
Genevae praeter spem ac votum, non modo concionator,
sed et Sacrar. Doctor literarum a S. P. Q. G.
delectus, Anno M. D. XXXVI.
Quâ in Urbe Christianam Religionem ac disciplinam,
Anti-Christi jugo liberatam cum Guil. Farello et
Pet. Vireto primus constituit, infinitis
cum Difficultatibus;
Ob quas deinceps Urbe aliquantisper excedens, Argentinae
interim Gallicanam constituit
Ecclesiam;
Restitutus demum Genevae, summâ omnium voluntate,
denuo instauratam Ecclesiam ac constabilitam,
totos annos XXIII. continuos
gubernavit.
Commentariis in S. S. exquisitis, ac praeterea Libris per
multis dogmaticis, maxime de Eucharistiae negotio
editis clarissimis;
Obiit ex Phthisi, vigiliis et jejuniis immodicis contracta
Anno Domini M. D. LXIV. AEtat.
LIV. Die XXVII. Maji.
page 30, image: s030CHEMNITIUS MARTINUS, Theologus.
[gap: illustration]Pontificum normâ decreta examino sanctâ:
Sit fidei testis Urbs tua, Bruno, meae.
page 31, image: s031Martinus Chemnitius.
Brunsuigi, Urbe Saxoniae liberâ natus Anno
M. D. XXII.
Optimis semper disciplinis Vitebergae deditus
sub
M. Luthero et Ph. Melanchtone Doctoribus clariss.
Philosophus et Theologus
summus:
Antistes Ecclesiae Brunsuicensis, fidelis pariter
ac
diligens:
Multis egregiis de Religione scriptis libris, ac inprimis
Examine illo Concilii Tridentini in Publicum
proposito, toto Orbe terrarum
celebratus:
Cui neque Studio veritatis et bonarum artium, neque
laude officii facile quisquam esset
anteponendus.
Magno cum bonorum omnium luctu et dolore,
Sibi quidem non praemature, sed admodum intempestive
Ecclesiae
Evocatus in coelestem patriam
Obiit
Anno Salutis M. D. LXXXVI.
AEtatis LXIV.
page 32, image: s032CISNERUS NICOLAUS, Juris-Consultus.
[gap: illustration]Jus docui, dixique: scit Heidelberga; Palati
Imperii Schola scit Spira, forumque sacri.
page 33, image: s033Nicolaus Cisnerus,
Mosbachii Palatinatus Elect. oppido natus, Anno
M. D. XXIX.
Spectatae vir industriae, ac Virtutis:
Qui multiplice exquisitaque omnium paene literarum
praestans Scientia:
Philosophiae et Jurisprudentiae Doctor
celeberrimus.
Academiae primo Heidelbergensis Antecessor
Juris civilis solertissimus;
Dein supremi Camerae Imperialis Judicii Assessor,
per annos XIIX. integerrimus:
Projudex tandem et Senator Illustr. Septem Vir curiae
Palatinae digniss.
Per eruditis in omni Doctrinae genere ac praesertim in
jure libris scriptis immortalem nominis sui laudem,
et gloriam apud omnes mortales reliquit
sempiternam.
Justitiae et AEquitatis Antistes ac Praeses Optim.
Maxim.
Musarum, et Historiae cultor eximius:
Pie sancteque mortuus decessit Heidelbergae, Anno
Salut. M. D. LXXXIII.
Prid. Idus Martii.
AEtatis Anno LIII. Mens. XI. Dies VI.
page 34, image: s034COCHLAEUS JOANNES, Theologus Pontificius.
[gap: illustration]Patria Noris erat: sed mens diversa fidesque
Pontificum calamo tutor, et ore fidem.
page 35, image: s035Joannes Cochlaeus.
Noriberga civitate libera Imperiali natus:
Multijuga instructus eruditione,
et
Sacris totus deditus literis:
Pontificiae Religionis ab extrema pueritia sectator
perseverantissimus;
Moguntiae primo, post Uratislaviae factus
Canonicus:
Magni illius Lutheri et Melanchtonis
adeoque
Orthodoxae fidei Evangelicae hostis
in omni vita acerrimus.
Summo et inexpugnabili cum his dimicans odio
in
Comitiis Imperii, et colloquiis Wormaciae,
Augustae, Ratisponae:
Multis praeterea et variis, pro Canonicae Scripturae,
et
Catholicae (si Dis-placet) Ecclesiae
Auctoritate
Libris in publicum propositis.
Obiit Uratislaviae, Anno
M. D. LII.
page 36, image: s036COPERNICUS NICOLAUS, Marthematicus.
[gap: illustration]Quid tum? si mihi terra movetur, solque quiescit,
Ac Coelum, constat calculus inde meus.
page 37, image: s037Nicolaus Copernicus.
Torrunaeus Borussus
natus
Anno M. CCCC. LXXIII.
Mathematicarum Studiis disciplinarum eruditissimus;
Aristarchi Samii potissimum paradoxa secutus:
Quum Terram mobilem, Solem in medio Universi
immobilem,
non tam re et veritate,
Quam specie quadam, et salvandae Doctrinae suae
causa, constitueret.
Revolutionum tabulis in lucem editis,
una cum
Canone Triangulorum:
Caetera Vir insigni pietate, virtute, morum humanitate
praeditus:
Moritur Septuagenarius
Anno
Salutis Christianae
M. D. XLIII.
page 38, image: s038CORNARIUS JANUS, Medicus.
[gap: illustration]Quos Medicos laudet scriptores Graecia docta:
Per me nunc Latii nobilis ora legit.
page 39, image: s039Janus Cornarus.
Cygnaeus,
Summus Philosophus et Medicus excellens:
Literarum praesertim Graecarum et Latinarum cognitione
praestans liberali,
Qui
et
Theologos illos veteres, Basilium, Epiphanium, Chrysostomum,
aliosque: praeterea
Medicos Graecos, Hippocratem, Galenum, Aetium,
Latio donavit.
Aliis quoque Philosophis et Medicis Latinis, Marcollo,
Macro, Merboldo, Adamantio, Parthenio,
caeteris
Fideli opera et studio
illustratis.
Tum etiam Isagogicis et Dogmaticis quibusdam
libellis
in
Medicina publice editis.
AEternum posteritati nomen suum consecravit.
Obiit
Jenae Anno Salutis
M. D. LVIII.
AEtatis LVIII. XVII. Kal. Apr.
page 40, image: s040CRATO JOANNES, Archiater Caesareus.
[gap: illustration]Me Caesar Medicum sibi legit Tertius: alter
Ceu Phoebus, Vates sum, Medicusque poteus.
page 41, image: s041Joannes Crato
a
Craftheim, Uratislaviae Urbe Silesiorum
primaria,
natus Anno
M. D. XIX.
Praeceptore usus maxime in Germania Philip. Melanthone,
in Italia Joh. Bapt. Montano
Medico excell.
Optimus et Philosophus et Medicus,
neque minus Poetica laude, et literarum elegantia
vehementer excellens.
Cuivis summorum suae aetatis vel ingenio, vel dignitate,
vel gratia, vel fama populi par;
Ferdinandi I. Maximil. II. Rudolphi II. AUG. G. G.
Consiliarius et Archiatrus per annos XXVI. politioris
literaturae Hierophanres; Hygiae
et Panaceae Mystes:
alter ceu Galenus, et Hippocrates,
Utroque Medicorum Principe scriptis suis egregie
illustrato clarus.
Propter insignem et elegantem doctrinam cum pari
humanitate erga bonos et cruditos conjunctam,
carus omnibus, ac venerandus.
Obiit, Uratislaviae in patria, fine beato et optato
Annum agens LXVIII. anno Sal. Hum.
M. D. LXXXVI.
page 42, image: s042CRUCIGER CASPARUS, Sanctae Theologiae Doctor.
[gap: illustration]Lipsia dat Patriam: cathedram dat Leucoris alma,
Ac tumulum; nomen crux mihi sancta Dei.
page 43, image: s043Caspar Cruciger
Lipiensis, Calend. Januar, natus Anno
M. D. IV.
Praeceptore usus in Patria Casp. Bornero et Petro Mosellano
domestico, amplius quadriennio;
Colophone studiis suis Vitebergae imposito: trium
linguarum egregie peritus:
Omni praeterea liberali arte et Doctrina polius: Mathematum
praesertim, et Physicae, et Medicinae
studiis excellens.
Summum post Doctrinae gradum in Theologia
adeptus
et
Doctor salutatus,
Quam non viva solum voce, sed et scriptis amoeniss.
ingenii et fidei sanctiss testibus,
plurimum
illustravit atque propagavit.
Fidus Christi praeco, et fidelis M. Lutheri in opere
Domini conficiendo
Adjutor et Socius.
Obiit in statione sua Vitebergae, corporis viribus ingenium
minime adaequantibus, florente adhuc
aetate: Anno vitae confecto
XLV.
Salutis
M. D. XLVIII. Die XVI. Novemb.
page 44, image: s044CURIO COELIUS SECUNDUS Philosophus.
[gap: illustration]Coelo mens affixa prius mea, nunc quoque coelo
Vivit, quam scite Coelius ecce vocor!
page 45, image: s045Coelius Secundus Curio.
Cyriaci Taurinorum oppido natus Anno
M. D. III.
Monticalerii educatus prima pueritia: Adolescens
Taurini ingenuis imbutus artibus:
Quum ob sinceram fidei Christianae doctrinam, quam
ab ineunte aetate, spreta superstitione Pontificia,
amplexus fuerat, varias ab hostibus persecutiones,
carceres, vincula passus esset:
Semper tamen post tot Eporidiae, Taurini, Lucae intentatas
mortes atque flammas, praesentissima
numinis ope mirabiliter ereptus.
Praecipuis Italiae in Urbibus, ac praesertim Mediolani
et Papiae, fama eruditionis et religionis suae
passim sparsa,
Quum ob Pontificis Romani insidias amplius in Italia
se tutum esse non posse videret,
Lausanne primo amplius quadriennio, ac dein Basileae,
a qua et Magisterii insignibus ornatus et civitatis
jure donatus fuit, Philosophiae et Eloquentiae
studia professus annis propemodum
XXIII.
Praeclara sui memoria ad immortalitatem tum docendo,
tum scribendo post se relicta,
Magna cum laude verae pietatis et humanitatis, insignisque
constantiae
Excessit e vivis aetatis suae Anno LXVII.
Salut. M. D. LXLX. ad VIII. Kal. Octob.
page 46, image: s046DRACONITES JOANNES, Theologus.
[gap: illustration]Tam bene tot linguis apto dum Biblia sancta,
Heu morior, morior? nunc quoque vivo Deo.
page 47, image: s047Joannes Draconites
Carolostadius Francus.
Primo aetatis suae tempore in studiis Literarum et
Doctrinae Erfordiae consumpto,
Quas eodem in loco honores adeptus scholasticos,
aliquandiu publice et privatim cum laude
docuit:
Sacrosanctae Theologiae D. Vitebergae renunciatus:
Post Marpurgi: deinceps Rostochii sacras literas
professus;
Dehinc Sambiensis Ecclesiae Praesul constitutus;
Inde Vitebergam regressus, opus Biblicum quintuplex,
ad instar celebratae illius monumentis
veterum Origenis opere, ut et alterius
recentioris Complutenlis, animo
agitans.
Cujus specimen in medio reliquit sane egregium,
et
posteris admirandum;
Inter pios et sanctos conatus. Vir optimus et doctissimus,
ac imprimis Linguae Hebreae, Chaldeae,
Grecae, Latinae, praeter vernaculam
peritissimus,
e
vita evocatus,
Magno Reipublicae et Ecclesiae cum detrimento,
Obiit
Vitebergae major Septuagenario, Anno Sal.
M. D. LXVI. die XVIII. Aprilis.
page 48, image: s048EBERUS PAULUS Theologus.
[gap: illustration]Qui fueram Sophiae, Christi sum denique Doctor:
St Corpus parvum, mens mihi magna sat est.
page 49, image: s049Paulus Eberus.
Kittingae Franciae Oppido natus,
Anno
M. D. XI.
Post Patriae Scholam, ad spem uberioris doctrinae primo
Onolsbachium commigrans,
AEger anno vix exacto in patriam reversurus,
ab equo raptatus consternato, multis corporis
partibus miserabiliter luxatis,
magnam valetudinis suae passus
jacturam;
Eâ demum confirmata, Vitebergam profectus, homo
in omni judicio elegantissimus, Philosophiae
pariter ac Theologiae studiis summe
deditus;
Summos in utraque sapientia tam divina quam
humana honores cum laude promeritus;
Professor tandem utriusque in Academia annis circiter
XXXVIII.
clarus ac eloquens;
Pastor praeterea Ecclesiae, et Antistes verus
vigilansque
Sacrae historiae et Philologiae inprimis
Studiosus,
Quam et compluribus ingenii monimentis egregiis plurimum
illustravit, et ad posteros propagavit.
Pie sancteque obiit Vitebergrae
Anno salutis die X. Decembris MDLXIX.
AEtat. LVIII.
page 50, image: s050ERASMUS DESIDERIUS Roterodamus.
[gap: illustration]Quid Batavos rides? Batavus sum magnus Erasmus:
Magnus et ingenio: magnus et eloquio.
page 51, image: s051Desiderius Erasmus.
Roterodamus Batavus, natus anno
M. CCCC. LXV.
Sub Alexand. Hegio Doctore primis studiorum Daventriae
positis rudimentis;
Colophone dein Lovanii et Cantabrigiae et Bononiae
feliciter his imposito
Sacrae Theologiae Doctor Taurini creatus;
Ob incomparabilem in omni disciplinarum genere eruditionem,
et inexhaustam ingenii ubertatem,
pari conjunctam eloquentia et
prudentia:
Quam immortalem sibi editis lucubrationibus innumeris
comparavit, iis tantisper, dum orbis stabit,
superfuturus, ac eruditis ubique
gentium collocuturus.
A
Summis Pontificibus, Caesaribus, Regibus atque
Principibus orbis Christiani summe expetitus
atque honoratus;
Phoenix Germaniae.
Omnibus modis Vir maximus, et ob ingenii morumque
suavitatem vere [gap: Greek word(s)] ac plane potius
Desiderius?
Obiit Septuagenarius Basileae, cujus ille hospitio
urbis inprimis matura aetate delectatus
fuerat,
ANNO
M. D. XXXVI. Eid. Jul.
page 52, image: s052FAGIUS PAULUS. Theologus.
[gap: illustration]Quaerere, quis fuerim, noli: mens una, fidesque
Bucero mecum, vitaque morsque fuit.
page 53, image: s053Paulus Fagius
Palatinus, Tabernis Rhenanis natus Anno
M. D. III.
Primis studiorum fundamentis Heidelbergae positis,
quum sanctae linguae studio arderet incredibili.
Sub
Capitone Doctore, cui postea successit, Argentinae ad
miraculum usque peritiss. ejus evadens, ipsis Judaeis
testibus Isnae primum moderator scholae,
dein Pastor factus Ecclesiae:
Petro Buflero, Senatore ejus urbis primario, Patrono
usus incomparabili, sancta in Lingua exornanda, una
cum Elia Levita Judaeo Veneto doctiss. Argentinam
demum evocatus, et in ea (Constantia
urbe prius tamen reformata
etiam per biennium)
tum
Pastoris, tum Doctoris egregie munus sustinens, tandem
periculosiss. Germaniae tempestate,
Caesare victore,
Anno M. D. XLIV.
in Angliam abreptus cum Bucero collega et Synaspiste,
Cantabrigia vix salutata (heu) mortuus anno
M. D. L. Prid. Idus Novemb.
annum vitae agens XLV.
Eandem quinto post anno cum Bucero martyrii palmam,
Marianis temporibus exhumatus ac crematus,
tulit.
Simul postea cum eodem sub Elisabetha Regina ipsius
memoria in integrum restituta.
Anno M. D. LX.
page 54, image: s054FICHARDUS JOANNES Juris-Consultus.
[gap: illustration]Jus Musis, Musas exorno jure vicissim:
Consilio prudens, eloquioque potens.
page 55, image: s055Joannes Fichardus
Patritius Francofurtanus natus anno
M. D. XII.
Optimus et Vir, et Jureconsultus:
Multa doctrina, plurimo rerum usu:
sub
Huldr. Zasio JC. Doctore multis annis Friburgi Brisgoviae
in Jurisprudentiae studio versatus, et una cum
Joan. Sichardo summum Docturae honorem
consecutus.
Spirae Nemetum in supremo Imperii Germanici tribunali
aliquandiu feliciter exercitatus,
Patavii demum ac Bononiae exterisque Italiae Academiis
confirmatus plurimum: Reipubl. Syndicus in patria
per annos XLIV. clariss.
Multorum praeterea Principum ac Procerum Imperii
Consiliarius Sapientissimus.
Plurimis non modo veterum Jure Cons. commentariis;
sed et ingenii monumentis sui pulcerrimis et collectaneis
utilissimis in publicum editis
nobilitatus:
Decus eorum, quibus cum vixit, et patriae,
imo Germanis totius, et seculi sui
ornamentum.
Functus vita decessit Francofurti ad Moenum
annum agens LXX.
anno
M. D. LXXXI.
page 56, image: s056FLACIUS MATHIAS Illyricus, Thelogus.
[gap: illustration]Scire meum vis dogma? homo totus culpa, scelusque:
Quid blateras? utrum sic Manichaeus ero?
page 57, image: s057Mathias Flacius Illyricus
Albonae natus anno
M. D. XX.
Cognoscendae Evangelicae doctrinae ardens
magno desiderio:
Basileae primo, dein Tubingae, post Vitebergae in studiis
pietatis versatus,
Linguae sanctae in Academia Professor,
Dehinc bello Germanico profectus
Magdeburgum,
Quo loci cum alia scripta dogmatica innumera, tum
opus illud historiae Ecclesiasticae passim notum
cum suis Collegis in publicum
protulit;
Jenae tandem Theologiam professus:
sed
ob motam cum Vict. Strigelio de libero arbitrio
controversiam implacabilem post quinquennium
dimissus:
Denique Ratisbonae, Antwerpiae, Francofurti, Argentorati
aliquot annis exulans,
Obstinatus dogmatis sui de peccati substantia semel
professi defensor,
Mortem obiit Francofurti ad Moenum V. Id. Mart.
Anno
M. D. LXXV.
aetatis
LV.
page 58, image: s058FORSTERUS JOANNES, Hebraeus Theologus.
[gap: illustration]Patria sit quamvis Augusta et Suevica tellus:
Arguit Hebraeum me sacra lingua magis.
page 59, image: s059Joannes Forsterus
Augustae Vindelicorum natus Anno
M. CCCC. XCV.
Permultis Germaniae Academiis perlustratis,
Linguarum praecipuarum potissimum
habens studium.
Vitebergae Sacrae Theologiae Doctor
pronunciatus,
ac dein
Linguae Sanctae in Academia Professor longe doctiss.
habitus,
Quam et Lexico edico illustravit et amplificavit
plurimum;
Post fidelem multis annis Reipubl. Christ. navatam
operam.
Iisdem studiis, quibus contentus vixerat, immortuus
feliciter.
Obiit
Anno aetatis
IXI. die XII. Decemb.
et
Domini
M. D. LVI.
page 60, image: s060FUCHSIUS LEONHARDUS Medicus.
[gap: illustration]Artem si Medicam spectas, novus ipse Galenus:
Si plantas, novus en exsto Dioscorides.
page 61, image: s061Leonhardus Fuchsius
Wembdingae Rhetiae oppido, natus Anno M. D. I.
Primis literarum rudimentis Heilbrunnae positis,
per omnes honores ascendendo scholasticos:
Bonarum artium Baculaureus Erphordiae salutatus:
Magister Philosophiae Ingolstadii: et aliquot
annis post Medicinae Doctor
appellatus.
Quam et publice aliquandiu professus est eadem in Academia,
summa cum fide et diligentia.
Post
Onolsbachii Medicinam factitans Princip. March. Brandeb.
Archiatrus.
Inde Ingolstadium revocatus, sed religione obstante
Onolsbachium regressus,
Tubingam denique ad Medicinam publice docendam
evocatur,
Quam ipse et ratione optima, et oratione sapientissima,
multis annis fideliter et studiose explicavit,
omnium cum magna gratia admirationeque.
Commentariis praeterea innumeris, spectatae eruditionis
atque scientitae, in omni medicinae genere plurimum
illustravit;
Exemplum diligentiae et laboris,
Decus et ornamentum Academiae singulare,
Optime de praesentibus posterisque meritus.
Obiit
Summa cum testificatione et constantiae, fideique in
Christo
Anno M. D. LXVI. Idus VI. Maji.
AEtatis LXV. feliciter.
page 62, image: s062GESNERUS CONRADUS Philosophus et Medicus.
[gap: illustration]Plinius alter eram, per me vis jam liquet omnis
Naturae, ingenii vi superata mei.
page 63, image: s063Conradus Gesnerus
Tiguri, urbe Helvetiae primaria, natus anno
M. D. XVI.
Post patriae scholam, Argentinae primo, dein Biturigibus
Avaricum, et Lutetiae Parisior. optimis eruditus
disciplinis
Lausannae post Graecas professus literas per
triennium,
Basileae demum supremam in Medicina laureolam
adeptus,
Tandem constituto Tiguri perpetuo domicilio,
Qui in urbe is et medicinam fecit et philosophiam
publico docuit stipendio, annis
XXIV.
Pietate duce, virtutibus reliquis comitibus, omnia
naturae arcana perscrutatus:
Dum de aliorum utilitate promovenda magis,
quam de propria salute tuenda cogitat,
editis in omni literarum genere, presertim vero
Medicinae et Natural. philosoph. lucubrationibus
clariss.
Philologus et Polyhistor,
Germaniae lumen, Helvetiae decus,
Ecclesiae, Scholae, Reipublicae, bonorum denique
omnium cum incredibili luctu,
Blandiss. eademque atrociss. pestil. absumptus,
Obiit Tiguri,
Anno
M. D. LXV. die XIII. Decemb.
AEtatis XLIX.
page 64, image: s064GAYLERUS JOANNES, Caesarisbergius, Argentinensis Ecclesiae concionator.
[gap: illustration]Sacra docens, fidei monstro tibi lumina sanctae,
Clarius Argyrope mox habitura decus.
page 65, image: s065Joannes Gaylerus
Alsatius.
Patria natus Monte-Caesaris oppido Imperiali,
Perlustratis variis Orbis Christiani Academiis,
Praeclaram non philosophiae solum, sed inprimis
Theologiae studiis perdiscendis assecutus
gloriam,
quam
Ipse maximâ cum admiratione summae eloquentiae,
memoriae, constantiae, non uno postea loco,
publice professus:
Literarum divinarum Doctor sanctissimus,
Sermonibus per multos annos sacris habitis praeter
patriam,
Herbipoli, Basileae, Friburgi,
Tandem sacris praefectus Argentinae concionibus in
summo Templo
Petro Scoto Consule prudentiss. auspice rem moderante
atque constituente divinitus,
in quo
Munere versatus cum laude et gloria annis totis XXXII.
Tanto pietatis zelo, et tam claro innocentis vitae,
vivaeque doctrinae exemplo,
Praecipuis Germaniae Antistibus, insuper etiam Divo
Maximiliano Aug. Caes. carus ob id maxime
habitus.
Obiit
ANNO
M. D. X. Eidibus Martiis,
AEtatis LXXVI.
page 66, image: s066GRATAROLUS GUILIELMUS Bergomas Medicus.
[gap: illustration]Cara valetudo Medico sua, cara suorum:
Ut recte valeas, te mea scripta docent.
page 67, image: s067Guilielmus Gratarolus
Bergomo,
Galliae Cisalpinae oppido
natus.
Medicus pariter ac philosophus excellens:
Physiognomon inprimis, et naturae speculator
solertissimus
Memoriae et valetudinis tuende servandaeque libris
accurate pulcreque scriptis,
celebris:
Chemicorum etiam praecipuorum monimentis uno
volumine editis,
Aliorum praeterea clarorum Medicorum consiliis
publicatis,
Toto terrarum orbe cognitus.
Ex vita decessit mortali
Anno
M. D. LXVI.
page 68, image: s068GRYNAEUS SIMON Theologus et Philosophus, Oppido Feringae prope Basileam natus.
[gap: illustration]Quam pius et doctus, tam suavis moribus exsto:
Mente probus, vita sanctus, honore gravis.
page 69, image: s069Simon Grynaeus
Oppido Helvetiorum Feringae natus et educatus:
Magnus Philosophus simul et Theologus,
qui
Virtutibus, scientia, vitae probitate, moribus
maximus,
Linguisque Palaestina, Latina, Attica etc. non aliter ac
sermone plebejo usus;
tam prope Eloquentiae Ciceronianae accessit, ut nemo
propius:
fuit alter Aurelius sacris in literis;
Philosophiam
Viennae, Vitebergae, Basilcae multis annis publice
privatimque professus est,
Multis egregie Latinis et Graecis auctoribus suo nitori
et lumini restituit:
Sibi ipsi quidem satis longaevus, licet vigente adhuc
aetate mortuus, utpote cui nihil amplius quod
disceret, superesse videtur;
Caeteris vero intempestive nimium ereptus, quos
scilicet, quo plura didicerat, eo docere plura,
Vir juvandis aliorum studiis natus,
potuisset.
Obiit
Basileae ex peste, Calend. Augusti
Anno
M. D. XLI.
AEtatis
XLVIII.
page 70, image: s070GUALTHERUS RUDOLPHUS Theologus.
[gap: illustration]Sacra docens, scribens quoque sacra volumina: carus
Sum patriae civis, fortis Athleta Dei.
page 71, image: s071Rudolphus Gualtherus
Tiguri, Helvetiorum urbe primaria, natus
Anno
M. D. XVIII.
Literarum tum divinarum, tum humanarum ornatus
egregia scientia,
Poeta aeque bonus, ac orator:
Pastor et Antistes Ecclesiae Tigurinae
celebris
Quam ipse annis amplius XL. concionando eruduit
diligenter,
et
administravit laudabiliter:
Lucubrationibus in omni genere doctrinae, ac praesertim
in Theologia, ad posteros transmissis propemodum
innumeris clarus,
Quod vel Homeliae ejus in libros fere omnes Propheticos
et Apostolicos, Evangelicosque abunde
testatum faciunt;
Morum gravitate, et vitae sanctimonia
reverendus.
Obiit
Tiguri, annum agens vitae
LXXIII.
et
Christiano
M. D. LXXXVI.
page 72, image: s072HALLERUS BERCHTHOLDUS Theologus.
[gap: illustration]Me docet Agrippina Colonia: Berna docentem
Audiit hinc veri coelica verba Dei.
page 73, image: s073Berchtholdus Hallerus
Helvetius, natus anno
M. CCCC. XCII.
Magni Vir ingenii, magnaeque industriae:
praeter
Caeteras Germaniae Academias Coloniae Agrippinae studiis
inprimis delectatus,
Prima in Theologia laureola ab ea
donatus;
Post in patriam reversus, Bernae primo Canonicus,
deinde concionator electus:
Colloqiuo de religione habito publico Badenis,
bis
cum Pontificiis Doctoribus
Eccio et Coldio;
Primus Evangelicae doctrinae in patria amplectendae
suasor et persuasor,
cum
Huldricho Zwinglio collega,
Republica Christiana constituta,
Magno sui desiderio omnibus relicto.
Obiit,
praematura morte P. S.
M. D. XXXVI.
Anno AEtatis
XLIV.
page 74, image: s074HARTUNGUS JOANNES Philologus.
[gap: illustration]Eustathio quantum, tantum mihi debet Homerus:
Caetera ne memorem, fama loquetur anus.
page 75, image: s075Johannes Hartungus
Milteburgi Ostrofranciae oppido, natus anno
M. D. V.
Vir omni liberali eruditione
politissimus,
Magister Philosophiae salutatus Heidelbergae:
per annos XV.
Graecarum literarum ibidem Professor;
Friburgi, dein Brisgojae per caeterum vitae tempus
annorum
XXXIII.
Singulari cum laude verae probitatis,
fidei, industriae,
Poeseos ac historiae mirifice studio
flagrans:
Plerisque Graecis ac Latinis Poetis, et inprimis Homero,
Apollonio Rhodio, Q. Calabro, non docendo
solum, sed commentando quoque
a se egregie expositis atque illustratis:
Multis praeterea studii Philologici in medium propositis
monimentis praeclaris:
Obiit
Friburgi, senex anno Christi
M. D. LXXIX.
die XVI. Junii,
aetatis LXXV.
page 76, image: s076HEDIO GASPAR Ecclesiast. Argent. Pastor.
[gap: illustration]Si vocem fortasse meam Argentina requiris:
Sit vivae vocis vox tibi muta loco.
page 77, image: s077Gaspar Hedio Germanus
Etlingae honesta natus familia,
Friburgi Primo, dein Basileae opt. art. studiis
eruditus.
Illic
Magistri Philosophiae,
hic
Doctoris Theologiae nomen adeptus.
Ac deinceps, vix dum renata in Germania Evangelii
luce, Moguntinus Ecclesiastes constitutus
Anno M. D. XX.
post
Veritatis luce illustratus divinitus,
M. Zellio et M. Bucero tunc primum Argentinae verum
instaurantibus Christianismum, adjutor
et
Collega datus
Anno M. D. XIX.
Summi Concionator Templi, fidelis pariter ac diligens
per
totos XXIII. annos.
Summus praeterea Philistor et Polyhistor fide
dignissimus.
Obiit
Feliciter in Christo, magno sui desiderio cunctis relicto.
Die XV. Octobris M. D. LII.
page 78, image: s078HESSUS EOBANUS HELIUS Poeta.
[gap: illustration]Rex ego sum vatum: vatum Sol, Phoebus, Apollo:
Jesseae fidicen maximus ille lyrae.
page 79, image: s079Helius Eobanus Hessus
Tragocomi in Hassia natus Anno
M. CCCC. LXXXIIX.
Magna vi et animi et corporis praditus;
primo
Francobergae in patria optimis eruditus literis,
Ob ingenii, doctrinae, virtutis praestantiam, omnes
studiorum consecutus honores
ERPHORDIAE:
Quo in loco ipse publice privatimque docendo ut et
Noribergae ac Marpurgi operam scholis
navavit eximiam;
Musarum et Gratiarum Alumnus;
Poetarum seculi sui Princeps, adeoque [gap: Greek word(s)] et Rex
vere nuncupatus
Multis praelaris ingenii sui elaboratis monimentis, in
quibus, ceu gemma, eminet opus illud Psalmorum
Davidicorum vere sacrosanctum;
quo
Vel uno singularem sibi et spem gratiae ac benevolentiae
divinae comparavit, et admirationem sui, et
caritatem reliquit posteris.
Tandem
Morbo consumptus tabifico
Vitam cum Morte commutavit,
AEtatis LII.
III. Non. Octobr.
Anno
M. D. XL.
page 80, image: s080HUSSUS JOANNES Academiae Pragensis Theologus.
Igne cremor: mens igne Dei pia flagrat: at igne
Corpus deflagrat, perfide Papa, tuo.
page 81, image: s081Joannes Hussus Boemus
natus
in pago cognomine Husseniz.
Praeceptore inter alios usus Theologo Joanne Wicleto,
Anglo, primo Christianismi Reformatore;
Pragae creatus Baccalaureus artium liberalium
Anno
M. CCC. XCIII.
Magister Philosophiae anno M. CCC. XCV.
Sacerdos electus et concionator templi Bethlehemici
M. CCCC.
Decanus Academiae M. CCCC I.
Rector ejusdem Anno M. CCCC. IX.
dum
Magno studio et zelo regnum Christi coeleste contra
Tyrannidem Pontificiam propugnare ac propagare
studet;
Romae primum a Pontifice Maximo excommunicatus
Anno
M. CCCC XIV.
Post varia certamina et pericula,
dein
Crematus vivus, violata fide publica, ex decret[?]
pseudosynodi.
Obiit
Martyr Christi sanctissimus
Constantiae
Die VI. Julii Anno M. CCCC. XV.
page 82, image: s082HUTTENUS HULDRICHUS Eques Francus et Poeta laureatus.
[gap: illustration]Martis eram, simul et Musarum fortis alumnus:
Laureolae decus hinc nunc utriusque fero.
page 83, image: s083Huldrichus Huttenus,
Eques Francus, natus Anno
M. CCCC. XIIC.
Optimis eruditus artibus omnibus,
Minerva duce ac Magistra;
Literarum pariter, et armorum praestans gloria:
a
DIVO MAXIMILIANO I.
Caes. Augusto
Ob excellentis ingenii vim ac probatae virtutis
in bello Veneto laudem singularem;
et
Poeta lauro et Eques auro coronatus:
Acerrimus propugnator communis
libertatis,
Religionis Vindex, fideique rectae constantissimus,
Partium semper studiosus ac defensor bonarum,
MUSARUM et GRATIARUM
Hierophantes incomparabilis.
Obiit
Anno Christi,
M. D. XXIII. Mens. Sextil.
Sepultus in lacus Tigurini insula Ufnavia,
a se Huttenica, hodie
denominata.
page 84, image: s084HYPERIUS ANDREAS GERARDUS Theologus.
[gap: illustration]Flandria quem genuit, tegit Hassia, Martis in urbe:
Quâ fides docui dogmata pura sacrae.
page 85, image: s085Andreas Gerardus Hyperius,
Hyperis, inclyto Flandriae oppido natus
Anno M. D. XI.
Patre cognomine Andrea, clariss. apud Hyperas
Jure-Consulto
Post patriae Gymnasia aliquam multa,
Philosophiae pariter, ac Theologiae studiis,
Lutetiae ac Lovanii eruditus,
Perlustrata fere universa Italia, Gallia, Germania,
Britannia, vitam sectatus perpetuo
Academicam:
Professor demum Ecclesiae et Scholae Marpurgi
constitutus
Anno M. D. XLII.
In qua ipse divinas et humanas literas, vir citra controversiam
eruditissimus simul, ac diligentissimus,
totos annos XXII. docuit:
qui
Ne mortuus quidem universam Christi Ecclesiam
libris scientissime solidissimeque scriptis
erudire desinit:
Plura etiam multo posteris relicturus, nisi majorem
utilitatis publicae quam valetudinis curam gerentem,
intempestiva mors sustulisset.
Rebus excessit humanis
Anno Domini,
M. D. LXIV. Calend. Feb.
AEtatis LIII.
page 86, image: s086JONAS JUSTUS Sanct. Theolog. Doctor.
[gap: illustration]Mystes Juris eram, sacrorum denique mysten,
Juris divini sancta magistra, facit.
page 87, image: s087Justus Jonas
Northusae, veteri Cheruscorum civitate Imperiali
natus, Anno Christi
M. CCCC. XCIII.
Post prima liberalium artium percepta studia,
Juris humani Consulto, sacrae Theologiae, quae Juris
divini Magistra est, Doctor factus
clarissimus,
Vir summi ingenii et industriae magnae:
Professor Literarum Divinarum, ac dein Praepositus
Templi Vitebergae constitutus,
Magni
Illius Principis Elect. Joan. Friderici filiorum, in illis
acerrimis tempestatibus comes constantissimus
restituendae
in Saxonia Ecclesiae fidus Mart, Lutheri administer
et
[gap: Greek word(s)]
Omnium rerum in causa religionis per Germaniam
gestarum adjutor ipse et conscius:
Demum Antistes Ecclesiae constitutus in Salinis Saxonicis,
et totius illius dioeceseos inspector ac
reformator;
In cujus etiam veluti sinu
Mart. Lutherus animam Deo commendavit suam;
tandem
Eisfeldae in Francia sancti persunctus Pastoris munere,
summa cum pietate vitaeque innocentia, sancta
morte Anno Salutis
M. D. LV.
Obiit
Die IX. Octob. AEtat. LXIII.
page 88, image: s088LANGIUS JOANNES Archiater Palatinus.
[gap: illustration]Archiatrum facit Heidelberga: Sophum sacit ante
Lipsia, sed Medicum Felsina docta bonum.
page 89, image: s089Joannes Langius
Leobergae celebri Silesiae oppido, natus anno
M. CCCC. LXXXV.
Magister Philosophiae creatus Lipsiae Petro Wirtho
consobrino
Anno M. D. XIV.
Qua in Academia postea et bonas literas frequenti Auditorum
consessu, professus, et publicis per
annos aliquot functus muneribus
Magna cum laude doctrinae, virtutis, sapientiae, pietatis,
industriae;
Medicinae demum studium majorum suorum exemplo
amplexus
Bononiae Medicis honoratus clarissimis
Anno M. D. XXII.
Pisis Hetruriae summum Docturae gradum
consecutus;
Tandem Illust. Elect. Palatin. V. Archiatrus, alter ceu
Podalirius
Magno et sibi et familiae et patriae fuit ornamento
ac honori.
Monumentis ingenii sui excellentis varia ac rara cum
eruditione, tum rerum omnis generis scitu dignissimarum
explicatione refertis, post se relictis
quam plurimis.
Praesentibus carus, posteris etiam admirandus.
Obiit
Heidelbergae Senex, Anno Salutis
M. D. LXV.
Die XXI. Junii AEtatis LXXX.
page 90, image: s090LASSUS ORLANDUS Musicus.
[gap: illustration]Si mea Principibus tot Musica Caesaribusque
Grata placet, coetus Rex ero nonne mei?
page 91, image: s091Orlandus Lassus
Bergae, Hannoniae urbe, natus anno
M. D. XXX.
Musicus et Symphoniacus sui seculi facile
Princeps.
Prima aetate admodum puer, ob miram vocis suavitatem
in canendo, aliquoties plagio sublatus;
Sub Ferdinando Gonzaga Pro-Rege Siciliae, annis ferme
sex partim Mediolani, partim in Sicilia inter
symphoniacos educatus;
Neapoli dein per triennium, ac demum Romae amplius
biennium Musico praefectus sacello longe
celeberrimo.
Post peregrinationes Anglicanas et Gallicanas cum
Jul. Caesare Brancacio susceptas, Antverpiae
totidem annis versatus:
tandem
Alberti et Guilielmi Ducis Bojotum Musicae Magister
per integrum vicennium supremus
a
Maximiliano II. Caes. Aug. nobilitatus
A summis Imperii Principibus ac proceribus summe
honoratus
et
Cantionibus Harmonicis tam sacris quam profanis
omnium linguarum in Orbe universo
celebratissimus.
page 92, image: s092LAVATERUS LUDOVICUS Tigurinus Theologus.
[gap: illustration]Patria me Tigurum verbum coeleste docentem,
Dum vivo, merito semper honore colit.
page 93, image: s093Ludovicus Lavaterus
Tigurinus.
Patriae Ecclesiae et Scholae fidelis
Minister:
quam
et
Voce viva, et manu docta multis annis
erudivit,
Cum suis quam plurimis tum aliorum lucubrationibus,
praesertim in Theologia in publicum
prolatis.
Controversiae Sacramentariae historia inter alias
quoque edita.
Obiit
Anno Christiano
M. D. I. XXXVI.
in
Patria sua civitate
Tigurina.
page 94, image: s094LAZIUS WOLFGANGUS Historicus Caesareus.
[gap: illustration]Seu Romana placet tibi, seu Germanica facta
Noscere, dulce leges me duce certus iter.
page 95, image: s095Wolfgangus Lazius
Viennae Austriae natus, Anno
M. D. XIV.
Patre
Simone Medico Doctore et Poliatro,
Medicus et ipse doctor et Philosophus
excellens,
Philistor inprimis et Polyhistor maximus;
rerum
Romanarum et Germanicarum Scriptor
celeberrimus,
Patriae suae Viennae et totius Austriae illustrator
fidelissimus,
Totius antiquitatis indagator solertissimus;
a
Ferdinando Caesare Augusto non modo in consilium,
verum etiam ordinem allectus Equestrem,
Multis praeterea et amplis ab eodem honorum insignibus
nobilitatus.
Obiit
Diem suum Quinquagenarius in Patria
Anno Salutis
M. D. LXV.
page 96, image: s096LUTHERUS MARTINUS Magnus Theologus.
[gap: illustration]Lutherus Decimum confecit strage Leonem:
De clavâ noli quaerere, penna fuit.
page 97, image: s097Martinus Lutherus
Islebii Mansfeldiae Comitum natus Anno Nat. Christi
Die X. Novemb. M. CCCC. LXXXIII.
Primis Magdeburgi et Isenaci imbutus literis:
Anno M. D. VIII.
Magister Philosophiae creatus Eiphordiae: mox anno
insequentes,
quo magis Theologiae vacaret, Monachus ibidem
Augustinianorum adscriptus Ordini:
Quadriennio post auspiciis Friderici Saxon. Elector.
Vitebergam ad sacras profitendum evocatus
literas:
Romam, componendis Religiosorum dissidiis auctoritate
ablegatus publica,
Sacrosanctae Theologiae, eodem post reditum anno
Doct. creatus
Ac tunc demum, Romana inspecta curia, Orthodoxae
Religionis studio instaurandae incitatus majore
divinitus;
Quam Anno M. D. XVII. primo e tenebris in lucem eductam,
tum scriptis in publicum propositis innumeris,
tum libera semper professus voce coram Imperio
Romano universo.
Formula tandem fidei Evangelicae in Comitiis Augustae
Carolo V. Caes. Aug. publice exhibita, et ab eo
confirmata;
Quem nec Regum aut Pontificum vis ulla, nec Sophistarum
innumerabilium fraus unquam vel tantillum
terruit.
Seculi sui Propheta ultimus: Auriga et currus Israel:
Obiit
Placide in Patria ipso concordiae secum ad coelum subvectae
Die XVII. Feb. Anno M. D. XLVI. AEtat. LXIII.
sepultus Vitebergae.
page 98, image: s098LYCOSTHENES CONRADUS Theologus et Philologus.
[gap: illustration]Si pietas, Sophiaeque placet tibi regula sanctae:
Perlege dicta Sophum, viva labore meo.
page 99, image: s099Conradus Lycosthenes
Rubeaquensis Alsatus, natus anno
M. D. XV.
Heidelbergae operam navans Philosophiae pariter et
Theologiae egregiam:
Basileae post utranque in schola et Ecclesia publice professus
est,
magna cum fide et industria:
Philologus praeterea et Historicus celebris;
Theatrum vitae humanae, Philosophiae perennis compendium,
Aet. Luminum Datoris benign.
per XLII. valetudinariae aet. An. M. D. XLVII.
sedulo serioque commentatus
Quod eo postea mortuo a privigno Theod. Zwingero
Medico et Philosopho excellentissimo mirifice exornatum
et locupletatum, omnibus omnium
Caesarum Amphitheatris merito anteponitur.
VIII. Kal. Aprilis non improviso Apoplexiae turbine,
ad certam immortalitatem ejusdem reparatae
abreptus
Anno
M. D. LXI.
Praeter votum metumque:
Sortis literar. multam simul et magnam reliquit
usuram posteris, in omne aevum
perduraturam.
page 100, image: s100MAGNUS ALBERTUS Philosophus et Theologus.
[gap: illustration]Naturae si quid te rerum forte latebat:
Hoc legis in Magno Teutone Magne Deo.
page 101, image: s101Albertus Magnus
Bolstadius, ex ordine Equestri clarissimis
natus parentibus, Anno salutis
M. CC. XCIII.
Summo ingenio, summa praeditus eruditione
adeoque omnium doctrinarum summe
studiosus.
Philosophiae et Theologiae Doctor
maximus:
Professor Academiae Parisiensis et Coloniensis
celeberrimus,
Naturae speculator solertissimus,
Obscurarum rerum indagator et explicator plane
admirabilis.
Praesul tandem et Episcopus creatus
Ratisponensis,
Qui sua aetate omnes ingenio, doctrina, eloquentia
superavit;
Literis denique, et studiis immortuus Coloniae
Agrippinae,
quo
Ultro abdicato Episcopatu ad ocium literarium rursus
extrema senecta concesserat.
Obiit
Anno Salutis
M. CCC. XXCII.
aetatis vero
LXXXVII.
page 102, image: s102MAJOR GEORGIUS Theologus.
[gap: illustration]Sanctum opus abs que fide, sine sancto opere haud
placet unquam
Sancta fides: fidei summa sit ista meae.
page 103, image: s103Georgius Major,
Noribergae urbe Imperiali, natus anno
M. D. II.
Prima ab adolescentia doctrinarum omnium summe
studiosus,
Magister optimarum artium primo, ac dein Sacrosanctae
Theologiae Doctor Vitebergae
publica auctoritate
renunciatus,
quam
Multis annis, non solum in Academia, verum etiam
Ecclesia publice privatimque docuit, singulari
laude industriae, prudentiae, eloquentiae.
Commentariis luculentis in praecipuos Evangelicos et
Apostolicos libros, aliisque lucubrationibus eruditis,
Reip. literariae communicatis,
celebris!
Obiit
Senex Anno Salutis
M. D. LXXIV.
Die XXIIX. Novemb.
AEtat. LXXII.
page 104, image: s104MARBACHIUS JOANNES Theologus.
[gap: illustration]Isna prius, dein Argentina pependit ab ore
Clara meo, novit caetera Teuto potens.
page 105, image: s105Joannes Marbachius
Lindaviae, urbe Imperiali, natus anno
M. D. XXI.
Post prima fundamenta doctrinae in patria fideliter
jacta,
Argentinae primo, ac dein Vitebergae divinis humanisque
eruditus literis
Jenae Ecclesiastes annum non amplius unum,
mox
a
M. Luthero Antichristi domitore, Sac. Theol. Doctor
designatus;
Isnae per biennium Antistes Ecclesiae,
Argentinae de caetero Pastoris ac Praesidis functus munere
per annos
XXXVI.
Academiae praeterea Professor et Ephorus
perpeturis,
Collegii demum Thomani Decanus
dignissimus
Colloquiis de Religione Tridenti et Wormaciae
adhibitus;
a
Principp. Elect. Palatinis reformandae scholae et
Ecclesiae identidem expetitus;
Pietate, Integritate, Fide, Virtute, Sapientia, Humanitate
excellens.
Moritur Argentinae anno Sal.
M. D. LXXXI.
Die XVIII. Martii. AEtatis LX.
page 106, image: s106MARTYR PETRUS VERMILIUS Theologus.
[gap: illustration]Tuscia me pepulit: fovet hinc Germania, dein et
Anglia: Martir eram nomine reque pius.
page 107, image: s107Petrus Martyr Vermilius
Florentinus.
Literarum bonarum, ac inprimis religionis studio ab
ipsa pene pueritia inflammatus,
Sancti Augustini Canonicorum Ordini addictus:
Patavii totius Philosophiae et linguae Graecae: Bononiae
etiam Hebraeae exactam adeptus notitiam:
dehinc
Sacris concionibus habendis omnium illius Ordinis tota
Italia Princeps habitus
AEterni demum Lum. datoris coelesti irradiatus luce,
cum Joan. Valdesio Hisp. prima Neapoli, ac dein
Lucae; instaurandi Christianismi fundamenta
jecit.
Mox Romae ustulandus, amicorum suasu, ingratae patriae
valedicens, Tigurum primo, inde Basileam, post Argentinam,
procurante M. Bucero vocatus,
Quin et cum eodem in Angliam ab Eduardo VI. Rege
evocatus Oxonium, ad profitendum Sacras
literas,
Sed Marianis mox sequutis temporibus iterum cedens
Anglia, in pristinum locum Argentinae restitutus,
Tiguri denique senectae suae portum sortitus optatum,
in
Quo loco sacras literas quinquennium circiter maxima
cum omnium attentione et admiratione interpretatus est;
Praeclaros laborum suorum testes post se libros relinquens
innumeros numquam morituros.
Obiit placide anno
M. D. LXII.
Prid. Idus Novemb. AEtatis LXIII.
page 108, image: s108MATHESIUS JOANNES Theologus.
[gap: illustration]Praeco metalliferae Joachimi vallae Sareptae:
Ipse potens calamo, voce disertus eram.
page 109, image: s109Joannes Mathesius
Rochlizii Misniae oppido natus anno
M. D. IV.
Multijugâ eruditione Vitebergae sibi comparata,
sub
Optimis et clariss. D. D. Mart. Luthero et Ph. Melanthone
Ludi literarii primo Magister, ac dein Pastor
Ecclesiae in valle Joachimica pariter
fidelissimo ac vigilantissimo
cujus
Pietas et eximia constantia, caeteraeque virtutes, admirabilis
denique ac pene divina facundia, et in docendo
singularis dexteritas, numquam
satis digne praedicari
poterit,
Praeclaro Meditationum et Concionum sacrarum Thesauro,
de omnibus fidei Christianae capitibus,
posteritati perpetuo piae fruendo, post
se relicto:
Pro concione, finem vitae praesagiens, suae
valedicens Ecclesiae
Motitur Apoplecticus anno Christiano
M. D. LXV.
Non. Novemb. AEtatis LI.
page 110, image: s110MELANTHON PHILIPPUS Germaniae Phoenix.
Parvus eram: nec me tamen ingens cepit hic
orbis:
Fama mei complet nominis omne latus.
page 111, image: s111Philippus Melanchton
Brettae Palatinorum natus Anno Christi
M. CCCC. XCVII.
Portae Herciniae primo versatus in literis admodum
puer,
cum ingenio, nec sine industria, magno illo Joan.
Capitone clariss. Theol. et Phil. cursum studiorum
moderante.
Primam doctrinae lauream Heidelbergae, alteram adeptus
Tubingae, anno aetatis XVI.
Friderici Sax. Elect. auspiciis Vitebergae evocatus
anno aetatis XXI.
M. Luthero, cujus postea fidelis fuit [gap: Greek word(s)] , omniumque
laborum et studiorum socius, rem Christianam
in Germania reformante
Qua in Academia totis Annis XLII. operam navans in
docendo laudatissime;
Sacrar. liter. explicator solertiss. ac fideliss. Veritatis coelestis
Patronus inprimis strenuus; optim. discip.
artiumque cum instaurator, tum
conservator.
Pietate, vitae innocentia, humanitate, benignitate erga
omnes, ac inprimis incomparabilis modestiae exemplo,
non modo caeteris, verum etiam se
ipso superior;
Singulare nostri seculi ornamentum et decus Germaniae
perpetuum futurus.
Obiit
Vitebergae sancte et feliciter anno M. D. LX.
III. Calend. Maji
quum annos vixisset LXIII. et totidem dies.
page 112, image: s112MILICHIUS JACOBUS Medicus.
[gap: illustration]Multa mihi debet coeli historia edita Plino:
Leucoris et Medicum me Physicumque colit.
page 113, image: s113Jacobus Milichius
Friburgi Brisgavorum, natus
Anno
M. D. I.
Quum et morum suavitate, et literarum eruditione
eximia praeditus esset
Mathematum inprimis et universae Philosophiae
studiosissimus;
quod
Elegantissima ipsius in librum Plinii secundum
de
Mundi historia commentaria vel sola abunde
contestantur
Medicinae Doctor ac Professor publice
in
Academia Vitebergensi constitutus
Singulari erga DEUM pietate, et erga
Homines humanitate
praestans.
Apoplecticus Vitebergae Anno Domini
M. D. LIX. die X. Novemb.
obiit.
page 114, image: s114MUNSTERUS SEBASTIANUS Cosmographus.
[gap: illustration]Sat linguae fuerat fontes mihi tradere sanctae:
Scribere sed Mundi me juvat historiam.
page 115, image: s115Sebastianus Munsterus
Ingelhemii natus anno
M. CCCC. LXXXIX.
Matheseos Geographiaeque et inprimis Hebraeae linguae
in
Academia Heidelbergensi studiosissimus,
ob id
Professus aliquandiu Franciscanorum Ordinem
Tubingae.
Quo studiis hujuscemodi sibi vacare liceret impensius,
usus
Praeceptore Joan. Stoflero Mathem. excell.
Demum sanctae linguae Professor Basileae constitutus;
plurimis
tum in sacras literas, tum in varias Matheseos partes,
scriptis in publicum editis, ac praesertim laborioss. illo
Cosmographiae opere, quo duce peregrinari terrarum
orbem, domi etiam manendo licet,
egregie nobilitatus.
Germanus Esdras, Straboque immortali dignus
memoria:
Quam ipse tot regionum, civitatum, familiarum, virorum
denique nominibus pro virili
conciliavit.
Peste correptus, solennem Ascens. Domin. Memor.
Anno Salutis M. D. LII.
AEtatis LXIII.
morte piâ illustravit.
page 116, image: s116MUSCULUS WOLFGANGUS Theologus.
[gap: illustration]Corde pius, gravis ore, sacro sermone disertus,
Praeco Dei, pariter voce styloque potens.
page 117, image: s117Wolfgangus Musculus
Dusae, Lotharingiae oppido, finitimo
Alsatiae
natus, Anno
M. CCCC. XCVII.
Monasticam vitam in prima adolescentia professus, Religionis
et honesti ocii gratia,
post
Veritate agnita, Pauli exemplum secutus, victum aliquando
Textor opere manuario quaeritans,
Argentinae demum Minister Ecclesiae, a magno illo Dei
servo M. Bucero pietate doctrinaque sua
approbata,
Ac dein Augustae Vindel. Pastor, et Urbani Regii viri
optimi et doctiss. successor constitutus,
in qua ipse
Evangelicam sincere professus doctrinam, tum concionando,
tum sacras literas laboriosissimis commentariis
illustrando, tum Graecorum scripta latine interpretando,
multis denique obitis pro tuenda vera
Religione in Comitiis Imperii legationibus,
nomen in Orbe Christiana
adeptus est
clariss.
Bello tandem Germanico exul, Bernae sacrarum literarum
Doctoris in schola functus munere per totos
annos quatuordecim.
Obiit,
Morte placida III. Cal. Sept. anno Christi
M. D. LXIII. AEtatis LXVI.
page 118, image: s118OECOLAMPADIUS JOANNES Basiliensis Ecclesiae Pastor.
[gap: illustration]Quem coluit Basilea sacrorum clara ministrum:
Sim LAMPAS Domini, quod vocor, opto,
DOMUS.
page 119, image: s119Joannes Oecolampadius
Germanus, Winsberga Franciae oppido oriundus
Anno
M. CCCC. XXCII.
Optim. Artium Bacalaureus, mox Magister Heidelbergae
factus,
Bononiae in Italia Jurisprudentiae primum
operam dare coepit,
in
Germaniam deinde reversus Joan. Capnione Doct. in
Acad. Tubing. usus,
Trium linguarum peritiss.
Professione Theologus esse maluit, quam Juris-
Consultus;
Patriae primo Ecclesiastes, dein Basileae, post
Augustae factus;
Sacros. Theolog. Doctor Anno M. D. XVI. creatus,
Multum illc hinc inde variis casibus
jactatus
Tandem primus Evangelicae doctrinae auctor, et verus
summi constitutus templi Episcopus;
Ut doctrina, sic vitae sanctimonia colendiss. magno urbis
cum luctu et desiderio, peste grassante, fidus gregis
sui Pastor et Pater, anthrace correptus
placide obdormiens,
Anno
M. D. XXXI. Kal. Decemb. aetatis suae XLIX.
obiit.
page 120, image: s120OLDENDORPIUS JOANNES Juris-Consultus.
[gap: illustration]Et causas agere, et juris bene reddere causas
Si doceam, Juris nonne peritus ero?
page 121, image: s121Joannes Oldendorpius JC.
Hamburgi natus urbe Saxoniae libera.
Summam in studiis expertus liberalitatem avunculi
Alberti Cranzii Historici
clarissimi.
Gryphiswaldiae in Pomerania Doctor Juris utriusque
creatus
Syndicus primo Reip. Rostochianae constitutus,
post
Coloniae Agrippinae, ac dein Marpurgi multis annis
jus civile professus
in
Academia
cum laude singulari doctrinae, fidei industriae,
sapientiae:
Commentariis in multas juris partes quam plurimis
editis, ac praersertim practica actionum forensium
absolutissima, qua verus exercendae Jurisprudentiae
usus ostenditur, in medio
relicta.
Obiit Anno Christi
M. D. LXI.
Marpurgi.
page 122, image: s122OPORINUS JOANNES Basiliensis.
[gap: illustration]Si famam aeternam Typicae do sedulus arti:
AEternum cur non reddat et ipsa decus?
page 123, image: s123Joannes Oporinus
Basiliensis Typographus.
Doctus, Operosus, Elegans,
innumeris
Libris
Partim a se scriptis, partim publicatis,
Virtutum Haerede ex IV. Conjuge, unico
relicto:
Publicis Lacrimis, privata pietate,
Sexagenario major moritur,
Anno
M. D. LXIIX. die VI. Julii.
Natus aere Christi
M. D. VII. die XXV. Januarii.
page 124, image: s124PELLICANUS CONRADUS Theologus Tigurinus.
[gap: illustration]Quam sanctae fuerint linguae, fideique peritus,
Scripta probant: passim caetera fama canit.
page 125, image: s125Conradus Pellicanus
Rubeaquensis Alsarus:
Primis jactis studiorum fundamentis,
Praeclara Heidelborgae ac Basileae in artibus et
linguis navata opera,
quarum
Discendarum studio Ordinem Franciscanorum aliquandiu
Basilcae professus
Mox eo abdicato, veritate Evangelicae doctrinae
cognita,
Linguae praesertim Ebraeae solidam cognitionem adeptus
primum
Sacrarum Literarum Basileae, deinde Tiguri Professor,
annis multis perhonorifice habitus, praeclaris etiam
in universum sacrarum literarum corpus
scriptis editis factus celeberrimus;
praeter
Eruditionem singularem, maxima vitae integritate,
summaque vir modestia
praeditus,
In qua ad extremam usque senectam perseverans, nemini
gravis, omnibus gratus,
migravit ex hac vita feliciter,
Tiguri, Anno
M. D. LV.
page 126, image: s126PFEFFINGERUS JOHANNES S. Theologie D.
[gap: illustration]Magna oris gravitas, animi constantia magna,
Doctrinaeque fides, Lipsia novit adhuc.
page 127, image: s127Joannes Pfeffingerus
Bavarus,
natus anno
M. CCCC XCIV.
Vir
Spectatae tum eruditionis tum probitatis
insignisque Theologus
a
Prima aetate totus promovendae Christi gloriae
addictus,
Superstitione repudiata Pontificia, multo etiam
ardentius, veritatem agnitam
amplexus,
Sacrarum Literarum Doctor
praeclarus,
Lipsiensis Ecclesiae Pastor verus et Antistes
venerandus.
Fatis concessit anno Christiano
M. D. LXXIII.
III. Non. Januarii
AEtatis LXXX.
page 128, image: s128PIRCHMAIERUS BILIBALDUS Noricus Historicus.
[gap: illustration]Carminis auctor eram bonus, historiaeque: sed
orno
Carminis auctores historiaeque magis.
page 129, image: s129Bilibaldus Pirchmaierus.
Patricia gente Noribergae urbe Imperiali
natus, Anno
M. D. I.
Omni liberali doctrina politissimus
Mathematum praesertim et Historiae studiosissimus,
quarum
Disciplinarum egregiis post se relictis monimentis, patriae
Germaniae illustrandae operam impendit
fidelem,
sed et
Graecarum pariter et Latinarum literarum
peritissimus,
Conversis e Graeco in Latinum praestantiss. auctorum,
Xenophontis, Ptolomaei, Plutarchi, Nazianzeni
scriptis quam plurimis
Summa praeterea auctoritate et prudentia
praeditus
Patriae Senator amplissimus,
Divo Maximiliano I. Caesare Augusto a Consiliis,
optime de Republica Christiana meritus,
Obiit Noribergae
Anno
M. D. XXXI.
page 130, image: s130PISTORIS MODESTINUS Jurisconsultus.
[gap: illustration]Jure Modestinus fuit olim clarus, utroque
Jure Modestinus sum quoquo clarus ego.
page 131, image: s131Modestinus Pistoris.
Simonis Filius. Simon. Nepos. Nicol. Pronepos.
Lipsiae natus anno
M. D. XVI.
Quem et patria atque domestica disciplina erudiit sedulo,
Italiaque per totum quinquennium omni liberali
doctrina, ac inprimis Jurisprudentia excoluit
mirifice.
Legum in patria consultus Doctor et Jurid. Facult.
Ordinarius.
Saxoniae Elect. Prin. Consiliarius et Judicii
Curialis Assessor perpetuus;
Quin et
Proavi Cons. Lips. et Avi Medici, et Patris Jurisc. praestant.
exemplo per multos annos Consulari
functus dignitate
Magna cum laude virtutis, sapientiae, honoris,
justitiae etc.
Modestini illius magni; veteris JC. Rom. ut nominis,
ita ingenii ac studii consors
dignissimus.
Non tam aetate consumptus, quam loborum pertinaci
assiduitate fractus, cum maximo
Suorum non modo, sed totius Reipublicae externo
quoque luctu
Pie ac religiose ex hac vita excessit.
Anno M. D. LXV.
AEtatis XLVIII. Mens. IX. Dies vi.
page 132, image: s132PISTORIS SIMON Jurisconsultus et Cancellarius Saxon.
[gap: illustration]Jura prius docuit mox scrinia Saxonis aulae
Eloquio rexi, consilioque meo.
page 133, image: s133Simon Pistotis, J. U. D.
Lipsiae in erudita
familia natus Anno M. CCCC. LXXXIX.
Patre Simone, Nicolao Avo, utroque Medicinae Doctore,
et Saxoniae Archiatro clarissimo.
In quo uno supra familiae claritatem natura maximas
et animi et corporis dotes, una cum inclyta virtute,
summaque cum docendi facilitate et dexteritate,
non sine admiratione omnium
felicissime cumulavit.
Quem
Papia docuit, Lipsia ornavit, aula Saxonica observavit.
Per integrum quinquennium primo in patria Academia
Professor Cod. Ordinarius,
demum,
Perpetuus Elect. Saxon. Cancellarius
Magisterque officiorum in Aula constitutus,
Magnis magna cum gloria perfunctus honoribus;
commeatu tandem gratiose impetrato,
Satur vitae, satur gloriae,
Liberos post se relinquens eruditos, honoratos
superstites;
Quorum et in libris praeclara ejus revixit memoria,
in omne deinceps sevum cum his victura perpetuo.
Obiit
in pago suo Seuseliz III. Non. Decembr.
Anno Salutis
M. D. LXII. AEtatis LXXIII.
page 134, image: s134PRAGENSIS HIERONYMUS Boemus.
[gap: illustration]Sancta fides, mors fuit sancta mihi, vitaque
sancta:
Miraris sanctum nomen esse mihi.
page 135, image: s135Hieronymus Pragensis
Boemus, vere sancto dignus nomine.
Martyr Christi fidelis,
Pragae in patria bonis imbutus literis,
Lutetiae artium liberal. Magister salutatus,
Praecipuis Galliae et Germaniae Academiis singulari
ingenii et doctrinae laude cognitus,
primo
Discipulus, deinde familiaris, post collega factus Sancti
Christi Martyris Joh. Hussi a quo ne morte quidem
diutius dividi sustinuit.
Miranda et plane divina eloquentia animique fortitudine
et constantia praeditus singulari;
Religionis ergo sanctiss. CCCXL. amplius diebus
immaniss. detentus carceris sordibus et injuriis,
pari tandem
vel
potius eodem fato ac triumpho altero post Hussum
Doctorem, fidei ac ejusdem certaminis socium
et consortem Anno nobilitatus:
Crematus vivus Constantiae
obiit
III. Kal. Jun. Anno M. CCCC XVI.
page 136, image: s136PTOLEMAEUS CLAUDIUS Alexandrinus Mathematicus.
[gap: illustration]Per me Doctrina totum divina Mathesis
Corpus habet: cujus glorior esse parens.
page 137, image: s137Claudius Ptolemaeus
Natione AEgyptus.
Sub
Marco Antonino Imperat. Romano
Liberalium artium ac Graecarum literarum
Alexandriae studiis clarus,
Qui
Primus apud Graecos coeli rationem diligentius
explicuit,
Inventa ab Hipparcho instrumenta clarius
demonstravit,
De Musica et rebus aliis, tum de Geographia absolutiss.
scripsit:
Princeps doctrinae Mathematicae,
nullique
in Astrologiae scientia secundus:
Monimentis ingenii et doctrinae relictis divinis
pene, mortuus etiamnum vivit inter
mortales;
AEterna gloriae laude victurus perpetuo.
page 138, image: s138QUINTERIUS JOANNES Andernacus Medicus.
[gap: illustration]Argentina tuus, tuus ante Lutetia doctor
Sum Medicus: fama notus in Orbe satis.
page 139, image: s139Joannes Quinterius
Andernaci Ubiorum oppido celebri natus
M. CCCC. LXXXVII.
Primis annis Daventriae ac Marpurgi in literis versatus,
cum ingenio, nec sine industria,
dehinc
Goslariae scholae moderator, ac dein Lovanii
Graecae Linguae Professor;
post
Medicinae studio deditus Lutetiae Parisiorum, familiaris
summus Guil. Budaei et Lascari Graeci, Medicis
Graecis ac praesertim Galeno in Latinum
conversis sermonem:
Francisci I. Regis Galliae et Joan. Bellaii Card. liberalitate
summa Medicinae Doctor et Medicus Regius
salutatus;
Anatomes corporis humani auctor atque
instaurator,
a
Rege Daniae perbenigne expetitus, et
a
Ferdinando Caesare Augusto singularis meriti ergo
nobilitatus:
Mediomatricum in urbe, post tumultu Gallico ob religionem
moto, primum, deinceps Argentinae exercens
Medicinam, Aristotelis et Demosthenis
in eadem Academia
interpres,
Optime de Republ. literaria meritus
Obiit
feliciter Argentinae, anno Christi
M. D. LXXIV. die IV. Octob.
page 140, image: s140REUSNERUS NICOLAUS Juris-Cons. et Consiliarius Saxonicus.
[gap: illustration]Effigies homo parva tua est, DEUS: effigiem
fac
Me quoque, dum vivo, semper habere tuam.
page 141, image: s141in
Effigiem Nicolai Reusneri.
Christophorus Winerus.
Mortalis cum sis, mortales inter de ipsos
Famam immortalem post pia fata feres.
Tam bene de vivis, et de mortalibus ipse
Es meritus: dignus vivere perpetuo.
Te tua scripta mori prohibent: te vivere censent
Diva Themis, Clarii et numina sacra Chori.
in eandem
idem Christoph. Winerus.
Exciderant oculis: animo simulacra latebant:
Corpora sub tumulis dormierantque suis.
Lumine tu cassas facies in imagine viva
Surripis e tumulo, restituisque Viris.
Et facula accensa velut e coelestibus igne
Allato in vivas efficis effigies,
Ergo alter tu Deucalion cum conjuge Pyrrha,
Gentis et Allmannae, Jovius alter eris.
page 142, image: s142RHENANUS BEATUS Historicus.
[gap: illustration]Multum se Germana mihi historia, atque Latina
Debet: me patriae vindice claret honos.
page 143, image: s143Beatus Rhenanus
Cognom. Bildius, Selestadii Alsatio oppido natus
Anno
M. CCCC. XXCV.
Sub Cratone Udenhemio et Hieronymo Gebwilero in
patria primo eruditus
Lutetiae dehinc et Basileae sub clariss. Doctoribus doctrinae
maturitatem adeptus
Magni illius Erasmi summus amicus et familiaris: privilegio
civilium vacationum in pacria a Carolo V.
impetrato;
Privatis sibi domi potius, quam aliis vivens, vicam plane
Philosophicam absque ullo maleficio ullave injuria,
multis Graecis atque Latinis scriptoribus
in integrum restitutis atque
recognitis;
Rerum praesertim Germanicarum indatator sagaciss.
adeoque omnis antiquitatis studiosissimus;
Qui et
Patriae suo ornamento et exteris admirationi fuit; Sed
et praeter excellentem doctrinam, innocentiae, humanitatis,
pudicitiae, omnis denique officii
et probitatis laude commendatiss.
Gratus omnibus, nemini gravis:
Obiit
Argentorati, ex thermis Martiis rediens, anno
M. D. XLVII.
AEtatis vero LXII.
et
Selestadii in patria sepultus.
page 144, image: s144SAMBUCUS JOANNES Medicus et Historicus.
[gap: illustration]Caesaris Historicus, Medicus bonus, atque Poeta,
Vivo meis, veterum vivus ipse libris.
page 145, image: s145Joannes Sambucus
Tirnaviae, Pannoniae oppido natus
Anno
M. D. XXXI.
Qui
Plerisque in Academiis Italiae, Galliae, Germaniae cum
laude versatus;
Praeter caeteros unus cum literis humanitatem, Graeca
cum Latinis, antiquae Philosophiae scientiam,
quod e scriptis ejus facile apparet, cum
elegantia doctrinae
conjunxit:
Medicus elegans,
Poeta scitus,
Antiquarius solers,
Divo Maximiliano et Rudolpho II. August. Caesar.
a
Consiliis et Historiis
Maximam gloriam cum propriis scriptis elucubrandis,
tum auctoribus veteribus recolligendis, et quasi
a mortuis excitandis, in universo Orbe
Christiano adeptus.
Obiit Viennae Austriae, Anno Salutis,
M. D. LXXXIV. Idib. Junii
AEtatis LIII.
page 146, image: s146SARCERIUS ERASMUS Theologus.
[gap: illustration]Si carus superis, nulli gravis, omnibus aeque
Gratus eram, dic cur Sarcina ruris eram?
page 147, image: s147Erasmus Sarcerius
Annaemontanus.
Liberalium artium, et virtutis sapientiaeque probe
exculcus studiis,
Sed inprimis Sacrarum literarum, quibus operam
Witebergae navavit sedulam,
scientia ornatus,
Quas
non solum concionando, magno cum pietatis zelo,
sed et scribendo, propagare atque illustrare
pro virili maxime est
conatus
Multis ingenii sui monimentis haud vulgaribus
piae posteritati
relictis,
Lipsiae primo Ecclesiastes, ac dein Nassoviae
Comitatus Pastor et Antistes fideliss.
Optime de Ecclesia meritus
Obiit
Magdeburgi, Anno Salutis
M. D. LIX.
die XXIIX. mens. Novemb.
AEtatis LIX.
page 148, image: s148SAVONOROLA HIERONYMUS Florentinus.
[gap: illustration]Urit amor me Christe tuus: dein perfidus hostis
Ustulat: in coelo Savanorola beor!
page 149, image: s149Hieronymus Savonorola
Italus, Florentinus.
Concionator ex Dominicanorum Ordine, olim
Monachus
a
Patre Luminum Deo Optimo Max.
Sanctae fidei tandem et veritatis invictae illustratus
coelestibus radiis,
quam
Magno postea cum zelo religiose tutatus, et ad vitae,
Spiritum usque extremum professus est
constanter:
Sanctis sanctae doctrinae post se monimentis relictis,
in omne aevum perduraturis; Martyr
denique factus Christi,
cum
Bonorum civium maximo luctu.
Strangulatus (heu) vivus primum, ac deinde
mortuus cum duobus sociis crematus,
Florentiae
postulatu Alexandri VI. Pontis. Maxim.
Obiit
ANNO
M. CCCC. XCIIX.
X. KL. Junii
AEtat. XLV. Mens. VIII.
page 150, image: s150SCHALICHIUS PAULUS Comes Hunnorum S. Th. Doctor.
[gap: illustration]Regulus Hunnorum, Scalae haeres glorior esse
Gentis: Sacrificus Caesaris, inde Papae.
page 151, image: s151Paulus Schalichius, Comes Hunnorum
Marchio Veronae.
E
Scalanae prisca illa gentis familia Principe originem
venditans suam,
Mysticae Philosophiae, et totius Encyclopediae
scientissimus;
Quod vel ex uno Catholico Epistemone, quo universus
orbis tam sacrarum, quam profanarum disciplinarum,
omnisque omnium sectarum et Philosophiae
doctrina catholica declaratur,
satis apparet;
Sed
Idem tamen in Theologia alter sui temporis
Eceboles:
Olim Ferdinando Aug. Caes. a sacrificio missae,
Fidei post aliquandiu professionem in Borussia simulans
Evangelicae,
tandem
Canonicus Eccles. Pontif. Monasteriensis electus
iniquis suffragiis,
Partes Antichristi Romani quas antea oppugnaverat,
scriptis propugnans suis,
Multisque variantis fortunae exercitus casibus,
vitam in terris clausit suam fine
incerto.
page 152, image: s152SCHNEIDEWINIUS JOANNES Juris-Consultus.
[gap: illustration]Juris et interpres sum, justitiaeque sacerdos:
Si taceam: libris constat id omne mies.
page 153, image: s153Joannes Schneidewinus
Stollbergae natus in Turingia, Anno M. D. XIX.
Puer admodum Vitebergam missus studiorum causa,
et Mart. Luthero, a quo filii loco semper habitus
fuit, commendatus,
usus
Praeceptore domestico Vito Theodoro Theologo clarissimo,
Civilis sapientiae cognitione instructus
egregia:
Per benigne in Aul. Comit. S. R. J. Schwarzeburgicorum
accersitus, quibus a Consiliis fuit per integrum
quadriennium,
Post revocatus inde in Academiam prohonorifice, et in
eâ summos adeptus in Jurisprudentia honores, neque
solum in collegium Juridicum, sed et Judicium
allectus Provinciale
Operam Reipub. et docendo et dicundo jure navans
utilem ac fidelem per A. XX. quum non magis
juris, quam justitiae et aequitatis consultus
videri vellet.
Commentariis in aureolum illud opus Instit. Imp. sane
locupletiss. et foro praesertim accommodatiss. plurimum
Reip. atque adeo omnibus Jurisp. studiosis
etiam in posterum profuturus, et in his cum
grata sui memoria et multorum utilitate
perpetuo victurus.
Obiit
Servestae apoplexia Anno M. D. LXVIII. AEtat. XLIX.
sepultus Vitebergae, ad latus Mart. Lutheri.
page 154, image: s154SCHONERUS JOANNES Mathematicus.
[gap: illustration]Qui tabulas genesesque meas legis, ipse fateris
Astronomum pariter me, Astrologumque
bonum.
page 155, image: s155Joannes Schonerus
Carolastadius in Francia natus, Anno
M. CCCC. LXXVII.
Astrologus aeque ac Astronomus excellens,
qui
Mathematum studia plurimum opera industriaque
sua, et auxit et illustravit:
Resolutarum Tabularum opere illo egregio, sine quibus
Theoricae, ut vocant, motuum coelestium,
luce carent sua, in publicum edito,
una
Cum altero illo Genethliaco opere antecessoris sui Regiomontani
multis modis aucto atque locupletato.
Quo
Ipse multa non ab aliis modo tradita, sed et a se longo
observata usu, unum in corpus digesta explicavit plenissime,
et tanquam dissipatas aedificii partes,
extruxit bellissime;
Praeclare de re literaria universa meritus,
obiit
Noribergae Septuagenarius XVI. Kal. Februarii,
Anno Domini
M. D. XLVII.
page 156, image: s156SIMLERUS JOSIAS Theologus.
[gap: illustration]Me docet Historicum simul, Astronomumque
fuisse
Patria, doctorem sed magis, alma, Dei.
page 157, image: s157Josias Simlerus
Helvetius Capellensis.
Elegantis homo ingenii ac doctrinae:
Mathematicus Nobilis, Historicus
excellens.
Quod tum scripta ejus, quibus patriam immortalitati
consecravit, tum instrumenta ab eo excogitata
Astronomica testificantur;
Sacrosanctae Theologiae in schola Tigurina Professor
celebris,
Qui quanti non modo in docendo, sed et scribendo,
tum acuminis, tum judicii fuerit, veterum quoque
Theologorum lectione confirmari, lucubrationes
ejus in omni doctrinae genere in publicum
editae satis superque ostendunt.
Morbis cum duobus saevissimis calculo nimirum et
podagra conflictatus acerbe, annis aliquot
prioribus
Morte tandem obiit immatura, annum vix
XLV.
agens, die secunda Julii, anno Domini
M. D. LXXVI.
page 158, image: s158SLEIDANUS JOANNES Historicus.
[gap: illustration]Sleida dedit vitam, tumulum Argentina, domumque:
Relligio per me Teutona nota viget.
page 159, image: s159Joannes Sleidanus
Belga Sleidae natus, Anno M. D. VI.
quem
Luter. Paris. bonis excultum disciplinis, Argentina
excepit.
In qua multiplice et eruditionis et prudentiae atque
pietatis edito specimine, summo semper loco
habitus.
Legatus deinde non modo in Anglia, communi Protestantium,
quos vocant, nomine, sed et urbis ipsius
in Tridentino Concilio, magnam sibi apud
omnes comparavit gloriam, atque
existimationem.
Multo etiam majus adeptus immortalis famae decus,
ex egregio illo opere suo de Reipubl. et Religionis
in Germania statu a se verissime simul et elegantissime
perscripto.
Jacobo Sturmio Praetore nobiliss. et ampliss. non modo
hortante, verum etiam materiam suppeditante,
addito etiam de summis Imperiis eruditissimo
commentario;
Sui seculi Historicus facile Princeps.
Obiit
Argentinae ex Epidemico morbo, Anno Salutis
M. D. LVI.
AEtatis L.
page 160, image: s160STOFLERUS JOANNES Mathematicus.
[gap: illustration]Quem genuit Justinga, fovet, sepelitque Tubinga:
Procli sum interpres, auctor Ephemeridum.
page 161, image: s161Joannes Stoflerus
Justingae natus in Suevia, Anno
M. CCCC. LII.
Mathematicis a prima adolescentia delectatus
disciplinis,
Ad quas addiscendas plerisque Academiis Germaniae
perlustratis, plurimum operae, studii, diligentiae,
laboris contulit;
Parem in his aetate sua nullum, nullum habens
secundum,
Tubingae multis postea annis professus
Mathemata:
Neque viva solum sed et muta voce, eaque multis
tamen victura seculis Reipublicae commodans
literariae.
Opere illo Ephemeridum egregio, una cum quibusdam
aliis minorum vigiliarum operis, in publicum
emisso;
Immortale ex eo nomen et decus adeptus sempiternum.
Obiit
Blaubeurii, sepultus Tubingae, senex admodum,
veneranda conspicuus canicie,
Anno AEtatis LXXX.
Salutis
M. D. XXXI.
page 162, image: s162SULCERUS SIMON Theologus.
[gap: illustration]Sancta recensentem verae monumenta salutis,
Pastorem coluit me Basilea suum.
page 163, image: s163Simon Sulcerus
Bernae Helvetiorum urbe celebri natus,
Anno
M. D. IIX.
Trium linguarum et artium divinarum atque
humanarum egregie
peritus,
Summos honores studiorum consecutus
in
Philosophia et Theologia.
Post
Functionem Bernensem
Academiae et Ecclesiae Basiliensis, cui nutricia sua liberali
animo rependit, per annos XXXIII. verus
vigilansque Antistes et Doctor.
Utraque manu vineam Domini fui
excoluit,
Scholam Theologicam erexit atque
rexit:
Fidâ docendi assiduitate, suspiciendus,
Vitae sanctimonia etiam probis
imitandus:
Vixit annos
LXXVII.
Obiit
Anno Salutis M. D. LXXXV.
Die XXII. Junii.
page 164, image: s164A SCHWENCFELD CASPAR Eques.
[gap: illustration]Sit gens clara licet, me sancta professio vitae,
Et mea sancta magis, Relligioque juvat.
page 165, image: s165Casparus Schwencfeldius
ab Ossiga, Eques nobilis Silesius.
Quum
Fidei propagandae sacrae, quasi numine correptus,
se divinitus destinatum censeret, singulari
arrepto dogmate,
Eutychetis renovans errores,
pro
Sacro divini mynisterio, [gap: Greek word(s)] ac motum
nescio quem Divinum suggerente
quod
Longe lateque disseminatum postea in Germania,
multos passim ex Equestri et plebejo ordine
habuit sectatores.
Caeteroquin corporis dignitate ac vitae sanctimonia
Vir gravis et venerabilis
de
Religione plurimis supra LXXX. Germanica lingua
libris divulgatis.
Obiit
Senex, in Suevia mense Decembri
M. D. LXI.
page 166, image: s166THEODORUS VITUS Pastor Ecclesiae Noribergensis.
[gap: illustration]Sacra Dei fidus colo Noride Doctor in urbe:
Quod dederat, reddo munus et ipse Deo.
page 167, image: s167Vitus Theodorus
Patria Noribergensis.
Academiae Witebergensis alumnus vetus,
Philosophiae pariter et Theologiae studium amplexus
indefessum,
in illa
Magistri, in hac si minus nomen, at omen divino
assecutus numine Doctoris clarissimi,
Quod suis partim, partim Doctoris sui M. Lutheri ceu
judicis et approbatoris dignissimi, commentariis
Sacrae Scripturae in publicum editis, satis
evidenter contestatus est;
revocatus ob id Noribergam, ac ministerio praepositus
Evangelico in aede Sebaldina.
Colloquio praeterea doctorum virorum de religionis
controversia adhibitus Ratisponae
in Comitiis
Anno
M. D. XLVI.
Magna vi eloquentiae et vitae sanctimonia
praeditus.
Obiit
in patria feliciter XXVI. Martii
Anno
M. D. XLIX.
page 168, image: s168VADIANUS JOACHIMUS Medicus et Poeta.
[gap: illustration]Phoebi cultor eram, medicae studiosus et artis,
Ac melicae, Galli consul in urbe bonus.
page 169, image: s169Joachimus Vadianus
Sangalli oppido Helvetiorum natus.
Poeta excellens, Mathematicus ac praesertim Geographus
exactissimus
Quod ipsius in Pomponium Melam commentarii et
trium orbis partium epitome demonstrant,
Medicinae denique Doctor insignis, publice in ea
Viennae Austriae adeptus
laureolam;
Adde etiam ea tum prudentia, tum integritate vitae praeditus,
ut ei patria summum Magistratum
ultro detulerit.
Quin et Theologus sui seculi eximius,
Libris contra Enthusiastas sui temporis editis
compluribus:
Opere praeterea de Sacramentis fidei Christianae
scripto passim cognitus,
Lumen adeo disciplinarum omnium clarissimum:
Suarum virtutum gloria fruens, jam senex, placidissima
felicissimaque morte beatam sui memoriam
relinquens
e
vivis excessit
Anno
M. D. LI.
page 170, image: s170VESALIUS ANDREAS Archiater Caesareus.
[gap: illustration]Magnus honos, magni mihi credita cura Monarchae:
Corporis humani fabrica, major honos.
page 171, image: s171Andreas Vesalius
Bruxellis celebri Flandriae urbe natus, Anno
M. D. XIV.
post
Philosophiae universae studia
Medianae utriusque scientiam adeptus plane singularem
in Italia, omnium studiorum parente et altrice,
Naturae operum in omni vita perquam studiosus,
sed inprimis fabricae corporis
humani cognoscendae totus, Basileae
praesertim deditus.
Cui ipse non modo specimen artis et industriae suae sceleton
munus hospitale, sed praeterea etiam in utraque
Medicina scriptos libros plurimos, et in his
praeclarissimum illud de fabrica humani
corporis opus, posteris reliquit
omnibus suspiciendum:
Ob nominis celebritatem et artis praestantiam Caroli V.
Caes. Aug. deinceps factus Archiatrus
Quo ipse munere, summa et fide, et auctoritate cum laude
functus, quum Palaestinae visendae studio, tum religionis,
tum naturae mysteriorum cognoscendorum
causa, flagraret
incredibili,
Morbo correptus circa Zazynthum insulam repetino
quidem, sed exitiali:
Obiit
Anno M. D. LXIV. AEtat. L.
Mense Octobri.
page 172, image: s172WIRTH GEORGIUS Archiater. Ludovici Regis Hungariae et Boemiae.
[gap: illustration]Carniolae Ducibus, Regi dein Pannonis orae
Gratus eram, Medica doctor in arte bonus.
page 173, image: s173Georgius Wirth
Leobergae in Silesia natus
Anno
M. CCCC. LXX.
Post prima studiorum Tyrocinia
Plurimis atque optimis extra patriam ornatus
artibus:
Magisterii primo Lipsiae Anno M. D. IX. dein
amplissimo Doctoris titulo in Medicina
decoratus Bononiae
Anno
M. D. XV.
Quum ex Italia per Liburniam in patriam regredi
cogitaret,
Praeter spem ac Votum Provinciae illius Medicus quasi
divinitus delegatus
Quin et paulo post inclyto Ludovico Bojemiae et Pannoniae
Regi designatus Archiatrus
a
Quo tandem ipse splendidiss. isto cum laude et dignitate
perfunctus munere, Budissinae Lusatiorum constitutus
Decanus, singularis ergo
meriti,
Literarii ocii sui symbolis relictis in omne
aevum perduratis.
Obiit
Gorlicii feliciter
Anno M. D. XIV. die IX. Mart.
AEtatis LIV.
page 174, image: s174WESENBECIUS MATTHAEUS Juris-Consultus.
[gap: illustration]Prompta fides, vis ingenii mihi prompta, vel
oris:
Seu scribo, doceo seu sacra jura pius.
page 175, image: s175Matthaeus Wesenbecius
Antverpiae, celeberrimo Europae emporio natus,
familia nobili et patricia
anno
M. D XXXI.
Quum praestantissimum ingenium contulissit ad summam
juris civilis, et ad perfectam rerum
divinarum et humanarum
scientiam
Sub Gabriele Mudaeo JC. Doctore Lovanii egregie et
eruditus et exercitatus publice privatimque:
Summum in utroque jure gradum una cum fratre Germano
Andrea, studiorum socio perpetuo,
consecutus,
Scriptor juris valde peritus et Antecessor Jenae primo,
dein Vitebergae, eloquens pariter ac
doctus:
Ingenium, laborem, fidem suam promptam expeditamque,
quamdiu vixit, praebens
omnibus.
Antistes juris et justitiae sacerdos
maximus,
Commentariis juris Methodicis et Responsis aliisque
egregiis operibus, de vera jurisprudentia
praeclare meritus
Obiit
Vitebergae Anno aetatis
LV.
Salutis
M. D. LXXXVI.
page 176, image: s176XYLANDER GUILIELMUS Philologus.
[gap: illustration]Quam bene Plutarchi Graece sonat ante: Latine
Per me nunc loquitur tam bene Musa mei.
page 177, image: s177Guilielmus Xylander
Augustae Vindelicorum natus,
Anno
M. D. XXX.
Magna utriusque linguae cognitione egregie
instructus
Et varia ac multiplice eruditione ornatus,
Magister optimarum artium Basileae designatus, Literarum
Graecarum Professor Heidelbergae fidelis
pariter ac diligens;
Praeclaram nominis famam, et immortalem adeptus
gloriam, tum ex aliis scriptis Philologicis et Historicis,
tum ex optimis auctoribus, praesertim Graecis
partim recognitis, partim in Latinum
sermonem conversis:
Quod vel Plutarchi, Dionis, Stephani, Strabonis,
Cedreni, aliorum opera abunde contestantur.
Fatis concessit et naturae praematura morte
ANNO
M. D. LXXV.
Heidelbergae sepultus,
AEtat. XL.
page 178, image: s178ZASIUS HULDRICHUS Juris-Consultus.
[gap: illustration]Tam Sophiae Zasius, quam Juris Doctor in arte
Sum bonus: hoc passim fama susurrat anus.
page 179, image: s179Huldricus Zasius
Constantiae, urbe Imperiali natus
Anno
M. CCCC. LXI.
Suorum temporum Jure-Consultus toto orbe
celeberrimus,
Primo Constantiae in patria, dein Friburgi
Brisgoviae Curiae Praefectus,
post
Juris utriusque Doctorum cooptatus in
collegium:
In quo ipse interpretando, non viva solum voce, sed
et praeclare scriptis commentariis quam plurimis, ac
praeterea de jure respondendo, maximam sibi
autoritatem et gloriam passim comparavit.
Academiae et Reipubl. Friburg. ornamentum
singulare,
Multis de ea nominibus, ac praesertim instaurando
jure municipali bene
meritus
Concessit Naturae, annum agens
LXXIV. VIII. Kal. Decembr.
ANNO
M. D. XXXV.
page 180, image: s180ZELLIUS MATTHIAS Caesarispergius, Argentin. Ecclesiae Pastor.
[gap: illustration]Me primum liquidam colit Argentina docentem
Clara fidem, Latio libero facta jugo.
page 181, image: s181Matthias Zellius
Caesarispergi in Alsatia natus,
Anno
M. CCCC. LXXVII.
Post Magisterii gradum Philosophici in Academia
cum laude adeptum,
Literis divinis impense deditus
Parrochus primum et sacerdos in aede D. Laurentii
factus Argentinae Anno
M. D. XXII.
post coelesti illustratus veritatis coelestis lumine,
primus Antichristianae doctrinae palam
adversatus,
magna Cleri invidia, et vitae cum discrimine
magno
profligatis ex Ecclesia superstitionibus,
fidelibus Bucero et Hedione adjutoribus,
Sanctam Evangelii doctrinam puram putam in urbe
docuit, annis XXVI. circiter,
Homo non doctrina tantum, sed etiam Christianis
virtutibus, ac praesertim modestia, temperantia,
et caritate in pauperes insignis.
Obiit placide in Christo die IX. Januarii
Anno
M. D. XLIIX.
Vitae LXXI.
image: s182
[gap: index]