VIRO Nobilissimo, Amplissimo et Excelcellentissimo DOMINO CHRISTIANO WILHELMO Kriegsmann ICto pio atque cordato, Sereniss. Electori Palatino à conliis Camerae etc. Domino et Amico suo bonoratissimo, Libellum hunc, Ut publicam amicitiae tesseram, sacrat AUCTOR.
DE vitiis et erroribus Scholarium in hoc Tractatu breviter agere, publice utile esse iudicavimus. Querelae de iis multae et magnae passim exstant, cumque corruptissimum ac depravatissimum sit praesens saeculum, corruptissimos etiam iuventutis Scholasticae mores nobis attulit. Speramus autem Scholares si non omnes, aliquos tamen, lectione huius libelli sedulâ permotos ad meliorem frugem redituros esse, quod ut fiat, divinae gratiae virtutem eis adprecamut. Iunximus huic Tractatui discursum brevem de vitiis ac erroribus nonnullorum iuventutis scholasticae moderatorum; quae omnia ut benivolus Lector aequi bonique consulere velit, rogamus. Dab. Rudelstastii, die XV. Decembr. qui erat quinquagesimus Natalis noster. Ann. 1678.