October 2004 Ho Wai-Ming (corrections), Ruediger Niehl (tagging) markup
Editorial note: Due to the poor typography of the original, a and ae are often confused in this transcription. New TEI header; typed text - structural tagging complete - no semantic tagging - Morpheus spell check
06/2011 Reinhard Gruhl markup
some corrections inserted - NB: errata list (before the Elenchus opusculi)

---

image: s001

FRIDERICI TAUBMANI POSTUMA SCHEDIASMATA VORSA, et PRORSA per saturam in mantissam adiecta; cum Auctario FAMAE POSTUMAE: Collectore et Curatore CHRISTIANO TAUBMANO FRID. F. WITTEBERGAE, Typis IOHANNIS HAKEN, impensis ZACHARIAE SCHÜRERI Bibliop. Anno M. DC. XXIII.

---

image: s002
[gap: blank space]

---

image: s003

Trigae Nobilissimae [correction of the transcriber; in the print Nobilisiimae] et Magnificae Sapientia atque auctoritate eminentissimae CASPARO von Schonberg/ in Pulsnick et Gurick/etc. IOACHIMO von Los/ uff Pulnitz/ WOLFGANGO Rabieln/ uff Pouch/ Omnibus Elect. Sax. a consiliis sanctioribus, illique etiam iudicio supremo Appellationum a Praesidio; HAEC PATRIS POSTUMA SCHEDIASMATA POETICA A. L. et I. M. D. V. Offero, consecro Curator CHRISTIANUS TAUBMANUS FRID. F.

---

image: s004

PATRONI SALVETE.

PATRIS Postumum hunc Musarum partum cum luci publicae exponerem, sub quorum id auspiciis faciendum esset non multum dispiciendum existimavi, quem ad vos Viros Magnates, pertinere animus dictabat. Si enim bello parta Marti dicantur, simari quaesita Neptuno, si messes Cereri, si Mercurio lucra libantur, non nisi recte atque ordine haec Humanitatis opuscula vobis salutiferis earum consecranda Dioscuris, qui bono Rei publ. nati Gratiarum Divis animam iam agentibus Faventiae vestrae aura animam

---

image: s005

reddere more maiorum, consuevistis. Cui facto quid aliud adscribendum? quam B. F. Bonum factum quoque, Viri Eminentissimi, humili vulgo et studiorum otiosis scripta patrocinio suscipere. Vos quidem in excelso humani generis fastigio positos religiose adiri etiam a salutantibus scio. Et ideo immensa praeter ceteras subit cura, ut quae vobis dicantur, vobis digna sint. Verum et diis lacte multae gentes supplicare, et mola tantum salsa litare, qui non habuere tura: nec ulli fuit vitio deos colere, quoquo modo posset. Nec Vos huius mihi confidentiae gratiam facturos despero, qui piam mentem delubris vestris infero, nec submoveor fascibus

---

image: s006

tantae dignitatis, quo minus inter officia venerantium appaream, quippe qui sciam libenter etiam minimas virtutes aestimare, qui maioribus instructi. Divinum certe quiddam est summis Imperii moderatoribus pia et decora svadere, proque tribunali sedere, in plano tamen constituti ut leviora etiam haec decidant negotia humanitatis item interest, cum praesertim et in iudicis iubeantur esse tutela, qui a parentibus deseruntur, dum facile probitas delata ad virtutum arbitros placet, et vero etiam multa valde pretiosa ideo videantur, quia sunt templis dicata. Sic tenues rerum imagines solent cogitatione accipere corpus: sic Musicae nebulae lucis sibi

---

image: s007

aliquam scintillam a vobis mundi luminibus conciliare satagunt. Hunc igitur fetum in agro, quem regitis, natum fovete viri Generosi et nobiles: SCHONBERGI, cuius merita in bonum publicum qui omnia velit complecti, saecula sibi optare debet et quantam Tu mereris aetatem:LOSI, cuius ea vita est, in qua nihil praeteritum excusandum habeas: RABILI, qui ad plenum omnibus virtutibus abundas. Vos Deos Tutelares opellae inscribo, et Patri adopto Hercules in Marculorum monstra. Sinite ut haec Patris Postuma soboles [reg: suboles] Vos veneretur ac salutet, et quam prodeundi in publicum libertatem numquam a Patre suo vivo potuit sperare, a vobis legitimis Patronis

---

image: s008

et piis manumissoribus velut Orcivus [perhaps: Orcinus] libertus recipiatur. Favete, Pars melior humani generis, Salutis publicaeque mentis principes, et B. P. bene rem gerite. Scriptum Wittebergae Prid. Cal. Sept. Anno Christiano M. D. CXVI.

---

image: s009

PRAESCRIPTIO AD LECTOREM.

SOLLEMNIS veterum opinio erat, in Parnasso somniantes repente doctos exsistere. Cui sive mori, sive errori immane quantum aetas nostra litat, tamque probe callet, ac si Doctorem habuisset, ita qui paullum aliquid ultra primas litteras progressi, falsam sibi scientiae persuasionem induunt. Scilicet plenum ingenio pectus nascitur! Salvete Flavii, qui tam novos fastos profertis! Nobis non licet esse tam prophetis. Audi mi Dupondii Litterator. Eleusis serva: quod ostendat revisentibus. Rerum natura non semel sua sacra tradit. Initiatos nos credimus, in vestibulo haeremus. Illa arcana non promiscue omnibus patent, reducta et interiore sacrario clausa sunt. Tune ille Demetrius, ut ante revisionem Ephorus aut Epopta saluteris? Trita, obvia, vulgaria ignoramus, et remo iorum ac reconditiorum indicium promittimus! Haec estilla nondum Institutorum

---

image: s010

recondita doctrina, qui simul atque scripta aliena, in quibus aliquid supra ipsorum captum, attigerint, statim ingenium advocant, et quod non capiunt, suspectum habent, et quicquid ignorant, hoc errorem vocant, tolerabile nihil putantes nisi quod ipsis placet. Ergo ambitiosi sui aestimatores ingenia sua proxima divinis credunt. At tu mihi ausculta non divine loquenti: Opus est Zephyris, multa hirundine opus. Scita non tui fori quid ad te? Illud Afri ad te, debes discere, quod intelligeris ignorare. Quis in ullo mortalium ferat ignorantiam pariter et affirmationem? Ubi invenias, qui docere possit, quod ipse non didicit? Itaque indignan dum omnibus, imo indolescendum est, audere quosdam et hos studiorum rudes, litterarum profanos, expertes artium, certum aliquid de sum ma rerum decernere. Olera olla legat, de arte plumaria acupictores iudicent.

Nam cuiusque operis: quae sunt vulgaria forsan
Quisque notat, perfecta vident abstrusaque soli
Artifices. --

---

image: s011

Populo Romano Porsena Rex foedus olim dedit, ne ferro nisi in agricultura. uterentur, tibi, Saturnine, hoc dari debet, ne reprehensione [reading uncertain: print faded] nisi in tuo fundo. Non debet arbiter sententiam dicere, nisi in catalogo selectorum sit; tu quid tibi sumis Senator absque provocatione? At enim vero quis ille tam considens, aut tantis cervicibus, qui audeat adversus hosce Solones hiscere. Rara temporum felicitas, ubi sentire quae velis, dicere licet. Nam quis Polydamas audeat hos Hectores! Sisyphus sim, si saxum in meam adolescentiam revolvendum flectam adversus excelsum hunc montem. Offensae nulli magis vitandae sunt, quam iuveni, cuius gratia cum aetate deber adolescere. Interea tamen erranti parere. tenetur nullus, huiusmodi capitibus nom invidebo, ut sua sine rivali ament. Cortina grandium non ubique verat. Si Troianis sui Dii, non sint et Graecis? Omnium dierum soles nondum occiderunt. Nulla aetatis pars virtuti incongrua existimari debet. Anni divitiae nom unius horae sunt.

---

image: s012

Saepe accidit, ut desperatio salutis victoriam et salutem afferat. Nihil itaque est, quod admirere vitilitigatorum circumstantibus obtrectationum procellis, eos agitari, quibus hoc maxime propositum malis displicere. In sacro olim certamine [reading uncertain: print faded] non qui pungebat, laudabatur, ??? superior [reading uncertain: page damaged, partly illegible] evaderet, hac tempestate [reading uncertain: print faded] quos cursu non possumus continere, iaculis occupamus. Hoc quoque genus invenitur, qui meliores obtrectare malint, quam imitari, et quorum similitudinem desperent, eorundem affectent simultatem; ut crimina in silentium mittant sua, laudem infamare conantur alienam. Ubicumque in scriptis alterius puram aream conspiciunt, eam, quemadmodum canes, eligunt, ut ibi faciant Oletum. More sit, auctorum non meminisse, nisi cum in eorum nomen invadere instituimus. Obnoxii profecto animi, et infelicis ingenii est, deprehendi in furto [reading uncertain: print faded] malle, quam mutuum reddere. Dumum alii caedant, ut tuae sint aves? Furuncule quid sportulam captas? ad te veniet aliquando o( e)n Teme/sh| h(/rws. Usu etiam

---

image: s013

venit ut obtrectatione alienae scientiae famam sibi quidam aucupentur aretalogi, et quod incredibile memoratu, quorum contemptores sunt, aliquando eorum simii, qui arbores scandendo sperant ad altiora eniti posse. postquam ad cacumen perventum est, nihil quam glabras nates spectantibus ostendunt. Nimirum semper sincerum vas volumus incrustare, et potius reprehendere, quam discere. Apud saeculum prius proterva vernilitatum nomina in circulis, in lustris, in cauponis nascebantur, hodie e sinu litterarum non ea tantum, sed inaudita, infanda prodeunt. Omnino qui animum ad scribendum applicant, alterutrum incurrant necesse est, aut si male scribunt, contemptum, aut si bene, odium. In duodecim L. V. BUSTI AETERNA AUCTORITAS ESTO. Iam alastores cum umbris luctantur. ad eos itur, qui in tenebris nequeunt respondere: illis male dicitur, qui quid esset maledicere in vita nesciverunt. Quae haec crudelitas? Mortuis felicitatem invidetis et a quibus tributum suum natura

---

image: s014

exegit, iterum in arenam trahitis. Si gliscere haec pestis coeperit, ad pollinctorem mittamus, qui amoenitati omni, omni elegantiae funus faciat, easque condat. Sed quid cum Lamiis luctor? Quicquid humana ope maius diis permitte curandum. Mutuum silentium calamitatibus nostris praestare debemus, ne fortunae vulnera, quae cicatricem processu temporis ducunt intempestive contrectata crudescant. Causa melior pulcherrimum augurium est ad bene de victoria sperandum. Sed sperandum. Vitia erunt donec homines. Hoc volebam, nescius ne esses, Mi Lector: Sed et sie hoc nescias, brevi, si favebis, B. A. VIRGILIUM Parentis B. M. habebis. Vale ac conatibus nostris Fave, quisquis es.

---

image: s015
[gap: errata list]

---

image: s016

ELENCHUS Opusculi.

SCHEDIASMATA VORSA

Sacrorum Libri II.

Epicorum liber I.

Iambicorum liber I.

Phaleucorum [reg: Phalaecorum] liber I.

Epigrammatum liber I.

LANX SATURA PRORSA.

FAMA POSTUMA ADOP.

---

page 1, image: s017

Frid. Taubmani SACRORUM LIBER I.

Sollemnibus NATIVITATIS IESU CHRISTI. In Academia Wittebergensi publice propositum.

QUADRUPEDANTE putrem sonitu quatit ungula campum;
Certatimque equites magna vi spiculae tendunt:
Ut perimant ferri medium propensilis orbem
Si perimunt, plausu caveae studioque faventum
GAUDIA tolluntur. Sed quaenam gaudia? Circi
Ludicra; paucorumque hominum, breviumque dierum.
Quae sacer e caelis nostro tulit Angelus Orbi
GAUDIA, laetifici sunt vera incendia voti.

---

page 2, image: s018
Quae sunt illae? audi Legatum: ANNUNCIO [reg: ANNUNTIO] VOBIS
GAUDIUM, et id MAGNUM. Quibus ergo? quod omnibus aeque
Gentibus obveniat: per et omnia saecula duret.
Hoc verum et solidum est hominis GAUDERE; ter illud
Hoc magnum; et maius, quam nostri angusta cerebri
Vascula concipiant. MALI erat vis maximae, caelo
Privari facieque DEI, strictumque catenis
Peccati et Mortis Satanaeque Erebique teneri.
Maior at ista mali vis est; non noscere, quantae
Sit vis illa mali; tentum aeternumque teneri
Peccati et Mortis Satanaeque Erebique catenis.
Nunc vero se porta aperit felicis Olympi,
Et venit interpres, dominaeque caducifer Aulae
Gaudia praeportans: HOMINEMQUE e virgine natum
Publicat esse DEUM: qui nos mala nostra, malorumque
Artifices doceat, caelique in honore reponat.
Haec solide gavisi olim sunt gaudia patres:
Haec hodie gaudete patrum non degener aetas.
Gaudia, quae caelorum animat penetrabilis aura,
Cor recreant, penitisque natant liquefacta medullis:
Nostra superficiem libat; et, imagine fumi,

---

page 3, image: s019
Quam mox incerto peritura volumine turgent.
In DOMINO gaude tua gaudia, NOSTER. et Aram
Munere laetifica. LAETOS alat ARA ministros.

Sollemnibus RESURRECTIONIS DOMINI [correction of the transcriber; in the print DOMIMI] P. P.

ILLA dies orta est, homo qua sua gaudia nemo
Sat gaudere potest. HODIE (res mira!) triumphat
Morte triumphatus, moriensque a morte resurgit.
Vix roseis Aurora comas spargebat Olympo,
Officiosa nimis pietas et credula votis
Simplicitas nuruum viVacis aromata succi
Attrepidant DOMINO, quem spiritus ipso Iehovae
Unxerat ambrosiumque oculis adflarat [reg: afflarat] honorem.
ANGELUS interpres, quem quaeritis? inquit. IESUM
Venimus uncturae. Quin vos magis ungite vestram
Nunc oculorum aciem: possitis ut acrius imos
Pertentare [reg: Pertemptare] cavos, et operta videre sepulchri.

---

page 4, image: s020
Quaeritur hic frustra: nec habent commerciae sanae
Mors et Vita notae CHRISTUS surrexit, et ecce
Carbasa, quis sacri velarunt corporis artus.
Ite, et discipulis haec nuntia ferte per aureis.
Discipulorum hodie luctus se mutat in omnem
Laetitiae faciem. DOMINO quid triste recepto?
NOS hodie Aegyptum flammaque undante caminos
Linquimus, et VERO Christiani vescimur AGNO;
Pane etiam vero, quem nullus amaricat error
Fermentati adoris. Sic, o, vivamus; ut esu
Hic simus digni! ne nos aeterna fatiget
Esuries illic. Nec opus sibi gratius ullum
Ducit amor bonitasque DEI, quam moribus istis
Vivere, qui secum liceat convivere in aevum.
Sic mea fac Pubes: et nunc maioribus urge
Nisibus officium, quum dissociata coivit
Gratia Magnatum; qui visi summa deorsum
Insima sursum agitare, et Pacem elidere mundo.
Sic facite: et, qui vos epulis accumbere CHRISTI
Rite docent, Pacisque bonae sacraria monstrant,
Quanto quisque volet DONO mactate merenteis [reg: merentes].

---

page 5, image: s021

Sollemnibus SPIRITUS SANCTI. P. P.

FESTA dies hodie est, qua SPIRITUS ignis ab omni
Aevo invisibilis plena se luce videndum
Praebuit ut quondam proles aequaevae Parenti
Numen inaspicuum spectandae carnis amictu
Induit, et manibus tangi non-tactile fecit.
SACRI hodie secreta sui seseque revelat
SPIRITUS bis, Patrem et Natum quos ante docebat.
Namque DEUM nosse unum; huncque uno in numine trinum
Esse DEUM humanis aeternae gloria vitae est.
At nunc particulae est quam scimis [perhaps: scimus]: cetera supplet
Obsequiis operosa Fides, et gratia CHRISTI.
Esse creatorem rebus Patrem omnibus, auctor
Ipsa creatuta [perhaps: creatura] est. Fecit nos ille; nec ipsi
Nos homines. habitat (si quaeras cetera) nimbam
Lucis inaccessae. Sed enim patre-Natus opertam

---

page 6, image: s022
In lucem erupit, propiusque apparuit Orbi.
A Patre et Noto qui SPIRITUS exeat, amnem
Vim latet ingenii. sed quo procedat, apertis
Claruit exemplis. Olim quae stemma beatum
Ecclesiae nascentis erat, ruit Ignis in omne
Nomen Apostolicum: subitoque ex ore micabat
Linguarum populosa seges, quam nulla pararat
Cura magisterii. Quid tu morosa Sophistae
Sceptra cavillaris Priscique paragraphon-ani?
SPIRITUS unicuique suum datur omnis in usum.
Quin, quod tot linguis aucta est undena Virum vis
Res potius nostra est, quid enim tunc profuit illis.
Romano Graiove loqui sermone? profecto
Usus noster erat. illis siphonibus hausit
Salvificas Israelis aquas GENS OMNIS: et hinc est
Festa dies hodie, qua Solis obambulat Aethon.
FESTUM igitur, Pubes; ne nos fecisse profestum
Arguat ulla dies; castis operata Prophetis
SPIRITVI libate preces, et candida Morum
Germina; quodque sat est Doctoribus AERIS ad ARAM.

---

page 7, image: s023

Sollemnibus ANGELORUM P. P.

FELICES Genii, custodia publica mundi
Omnipotentis heri famulatus, et igneus imber;
Tuque horum princeps MICHAEL: hodierna iuventus
Stat vestris operata sacris: praeque omnibus unum
Flagitat omni opera. Tibi nos fecunda malorum
Saecula praecipiteis [reg: praecipites], DEUS, eripuere nefando
Crimine. Nunc meritae fugitivi praemia noxae
Poscimur. et tergo iam proximus imminet horror.
Pestilitas, huiusque comes Mors ille timorum
Maximus, offusis passim grassantur habenis;
Affectantque etiam nostrae sacraria Musae:
Sed tantum affectant. salvi sumus hactenus almo
Aere, sudifica sed non Aquilonis ab aurae
Sic depurato. Pia tot suspiria matrum,
Quarum heic [reg: hic] et spes est et vota calentia, proles,
Aeris hoc vitium difflante cordis acerra.

---

page 8, image: s024
Nos tamen et nostri simus. Muri improba labes
Non uno semper fulcit tibicine casum.
Vota foris et nostra domi sociata potenti
Robore praepollent. In coetum, turba, coito,
Atque DEUM vincito DEO gratissima vis haec.
Sed tibi te prius, immo DEO te redde, votusque [reg: votaque]
Corrige peccatum: teque besti fortibus armis
Oppone Hostis es ipse tibi. Dedit ARMA volenti
SPIRITUS: et Pietas his te iubet acriter uti.
Si te peccandi stimulis mens dira fatigat
Dic bi: Quid peccas? BREVIS est, nec magna, Voluptas.
Post factum, comites DOLOR et fastidia restant:
MAIORISQUE boni iactura haec VISA quid [reading uncertain: print unclear] umbra est.
Quid MORS? a tergo est, et in ipso saepius actu.
Et qui scis, utrum illa DEI te gratia facti
POENITVISSE [reg: PAENITUISSE] sinat? dein, quod sint praemia RECTIS
Aeterna; AETERNAE non rectis tormina poenae:
Maiestas sit quanta HOMINIS, qui Numinis icon:
Quantae homini sint delitiae [reg: deliciae] Mens CONSCIA-Recti:

---

page 9, image: s025
QUOTque BONIS quantisque DEUS te et qualibus ornet:
Pro te hominem atque DEUM CRUCIFIXUM in sanguine CHRISTUM,
Haec ergo inque oculis inque imo corde recursent,
Peccandi quoties te prava cupido lacessit.
UTQUE animi manifesta novi iam tessera prostet,
Quam solitum est graviore mann date munus ad ARAM.
Maxima nemo petit: sed et exiguissima nemo
Credo dabit. pro re qui dat mediocria, laudo.

Sollemnibus NATI CHRISTI P.P.

QUUM DEUS in fluido nimbi fulgore lateret,
Et genus ELECTUM prisco sub NUBIS amictu
NUMEN inadspicuum trepidaret: in omnia mentes
Sollicitis pius egit amor divortia curis.
Quarebant Oculum: Tu, qui speculator ab arce.

---

page 10, image: s026
Surrecti capitis, Terram, Mare, Caerula lustras:
Vidistine DEUM? quaerenti reddit: Et qui,
Ni COLOR ille, meo potuit clarore videri?
Hac non transivit. Tu, quae motu excita quodvis
AURIS aves haurire: ecquid tibi notus? At ista,
Ni SONUS est, haustus nulla fuit auris ab aura.
Hac non transivit. Pandae spiramina NARIS,
Ecquid adest vobis? Liquidus nisi flectus odorum est;
Heic [reg: Hic] non spiravit. Vitae nutricula, GUSTUS;
Ecquid habes? Nisi SAPOR; hinc se spernit, et a me [reading uncertain: print blurred]
Exulat. O cuncti solidissima factio sensus,
Sub TACTuS ceciditne tuos? Nisi mole coactum
Corpus habet; nullo DEUS est mihi tactile sensu
Nullo; immo hodie, parvae qua maenia Bethles,
Et cerni audirique DEUS tangique potestur.
Et quem nec Tellus, Pontusve; nec extima mundi
Moenia, nec caelos siquid supereminet omnes,
Ambitione loci poterat cohibere; modesti
Sorde tugurioli sese nunc sponte coegit.
SALVE, Infans-DEUS. omne novum [correction of the transcriber; in the print nounm] est. vetus omne perivit.
Nec nubes nec nimbus adest STELLA illa Iacobi,

---

page 11, image: s027
Iustitia SOL ille, sua luce omnia clarat.
Eia venite DEI miraculae nostri:
Cui cunae presepis [reg: praesaepis], et incunabula foenum est:
Pastoresque meros interiacet advena Pastor;
Sed PASTOR BONUS ILLE. Venite, videte. Sed ARA
Nunc presepe [reg: praesaepe] DEI est hodie nascentis Ad Aram
Stant quoque Pastores Sua MUNERA quique mereretur.
VOS sua Cuique DEO Laudem, Pastoribus Aurum
Solvite. Laude DEUM, Pastores pascimus auro.

Sollemnibus RESURRECTIONIS DOMINICAE. P. P.

ULTOR ades, DEUS ultor ades; calidissima voto
Isaidae vox Vatis erat; Sed operta futuro.
Nunc manifesta fides: et adest Deus ultor, et omni
Vindicias Orbi dixitque tulitque, sepulchro
Excitus; ille sui generis Leo, Vixor et Ocri
Et Sceleris Satanaeque; et, quaevis ultima Mortis
Nosque redonavit lucique sibique profundis
Damnatos tenebris, regnique in parte locavit.

---

page 12, image: s028
UNUS homo nobis comedendo prostituit rem.
Et fuit haec lacrimis plorata comestio veris
Sed tantum plorata. salus a nemine reddi
Mortali potuit. Nostri DEUS ipse misertus
Induit humana se carne salutifer, ut nunc
CHRISTO homini CHRISTOQUE Deo canat hymnifer omnis:
UNUS homo nobis MORIENDO restituit rem;
Immo RESURGENDO. Mors est absorpta. Quid, o Mors,
Plenae tui turges? Ubi nunc victoria? victrix
Morte mea victa es. Quo cessit acuta veruti
Vis, Inferne, tui? solidis illisa retunsa est.
Sed nostro victura DEO sit gratia, qui nos
Victore in CHRISTO donavit honore tropaei.
Vellem equidem, quae mente latent, expromere: sed me
Vocis iter linguaeque inopem vocale flagellum
Verbaque deficiunt. nec fas aequare canendo
Maiestatis opus, quod lux hodierna triumphat
SOL quoque cor mundi, facies et publica rerum
Laetior est DOMINOQUE suo gratantur honorem
Victricesque manus reduci. SACRA corcula, PUBES
Vos etiam vobis hilaros inducite vultus;

---

page 13, image: s029
(Sed ne quae vapido lateat sub pectore vulpes,
Neu fermentati peracescant crimine mores)
Vosque sacris ARAE, DOMINIque probate Ministris,
Et bene promeritos hilari quoque pascite dono.
GRATIOR, hilari donum qui fronte serenat.

Sollemnibus SPIRITUS SANCTI P. P.

NASCENTIS Verbi visae est INFANTIA nobis,
Et sua monstravit secreta puerpera-virgo.
Caelestique choro, DOMINO SIT GLORIA, parvi
Succinere auditi sumus. Omnipotentis alumnum
Diximus, in CUNIS quem tunc vagire puellum
Vidimus, et sanctae PRAEPUTIA, ponere carnis;
Carnis ut et nostrae sit circumcisa libido.
BAPTISMO testes stetimus Iordanis ad undas,
Et Patris e caelo vocem auribus hausimus; HIC EST
FILIUS, alter-ego, MEUS ille: domumque Iehovae
Sensimus arcanis aperiri sedibus: unde
SPIRITUS Omnipotens super Omnipotentis ALUMNUM

---

page 14, image: s030
Deflueret speciesque fuit fluor ille Columbae.
Quae facies GEMITUS et suspuramine IUSTI
Innocua cor dis de SIMPLICITATE profusa,
Innuit; et nullum, nisi sic suspiret, et ignem
SPIRITUS inspiret, posse adspirare Iehovam.
Quin etim [perhaps: etiam] DOMINUM loca per DESERTA sequuti [reg: secuti]
Et plenae esurie fuimus; fortique duello
Vidimus effligi sacra TENTAMENTA Satanae
CENAE interfuimus; CALICEMQUE exhausimus una:
Lavimus inde PEDES: cum CHRISTO - FUNERE facti
Nos etiam funus. Sed VIVIMUS, ecce! Ducemque
Prosequimur nostrum, superantem altissima CAELI
Exspectatque animi-mens inde CHARISMATA Sancte
FLAMINIS omnimodi quod nos mysteria VERI
Et doceat, ducatque via, qua SPIRITUS ivit.
IDque doceri hodie, ducique huc, PUBLICA Festi
Nos pietas iussit sollemniter. ITE Docenteis [reg: Docentes]
Auditum; ite Duces sectatum examine longo.
DONO etiam meritos Festi celebrate Ministros
Qui Verbum, Domini quod SPIRITUS indidit edunt.
Sed non inviti, neque vano schemate pompae

---

page 15, image: s031
Spectandi, aut spectatum adeo, properetis ad ARAM.
410on Verbum DOMINI est, sed vox Praeconis inani
Fulmine terricrepans, odium quod adulterat, aut pus
Affectus aliud: sic domi gratia nulla est,
Quod dedit invitus DOMINO Dominive ministro.

Sollemnibus ANGELORUM P. P.

NUNC animis opus, o Cives, nunc pectore firmo,
Nunc Genium custode manu. Nostrum appetit orbem
Lurida pestilitas? et iam contagia traxit
Proximus Ucalegon. Horni paenuria [reg: penuria] victus
Nondum convaluit, sed adhuc aegrescit eundo.
Dissidiis bellique tumet Germania monstris:
Quaque UNITA putes, ea dis cito tracta labascunt.
Suspecta et suspensa vagis sunt omnia tricis:
Ut possis dubitare, sequi quos praestet: et utrum
Hos fugias illosve: Bona nisi regula Mentis
E caelis ostendat iter, gressumque gubernet.
Quotque domos opibus, quot et oppida civibus hausit

---

page 16, image: s032
Vulcani violenta fames! Si quaeritur auctor:
Prorsus in obsuro [perhaps: obscuro] est: aut quem suspicio pravi
Forte sibi fabricat. QUID causam quaerimus extra?
Tot a domi est Vindex his scorpio caelitus horret.
Caelo descendit, quod huic scelus expiet Orbi.
Ergon quos belli rabies, quos mortifer aestus [reading uncertain: print blurred] ,
Quos obscena fames exercet, in omnibus unos
Fecit culpa reos? Non sic, nos scilicet omnes
Illuvies tenet una pari damnata reatu.
Nec, quos obtrivit Silohae turrita crepido,
Soli animam meriti tam savo elidere fato.
In media Solyma Siloitam in veneris Urbe.
PESTIS adhuc Bellique expers, Wittberga, fuisti:
Non quia culpa expers: (in te descende; videbis:)
Sed quod in excubiis DOMINI stetit ANGELUS Urbi:
ANGELUS e caelo tot votis emptus in omni
Angulo. Ab Orbe salus alieno hanc manat in Urbem.
Tot Patrum gemitus, et tot spirantia matrum
Vota tenent strictas ultoris acinacis iras.
Auxilium celerate piis vimque addite votis:
Nervat in praeceps moles suspensa minarum.
Vivat SAXO PATER, columen pietatis: et ILLE,

---

page 17, image: s033
Quem sibi Saxo PATREM legit, RUDOLPHUS: et omnes
Quis Ius et PIETAS omni prior unica regno est.
Hoc fiat. Mystis etiam (sunt Angeli et ipsi)
Aurea, qui vivant, sementis fiat in Ara.

Sollemnibus NATIVITATIS IESU CHRISTI P. P.

MUndi opifex opus Ipse suum (mirabile dictu)
Factus adest: hominemque sibi Deus induit, ut se
Nobis, nosque sibi subtractos redderet olim.
Prima salus oblata domi fuit Isace-natis,
Et consanguineis. sed inerte superflua fastu
Posteritas, Legisque Patrum secura suique,
Respuit oblatam. species ingloria Christi
Offendit tumidos. dedit ergo superbia poenas:
Ut, qui non digni vita essent caelite, Vitam
Ante oculos interque manus tractantis haberent;
Nec tamen in media versantem luce viderent.
Daemonas imperio verbi excutit ille: solutos

---

page 18, image: s034
Restringit nervos homini; lectique fit aeger
Portior ipse sui. Vim sacram elephantis ab imis
Exigit unguiculis. Caeco genitricis ab alvo
Incendit cristallum oculis et luminis ignem.
Plectra movet linguae non ulli debita voci.
Purificat surdas acuitque sonoribus aures.
Per medium ponti fluctu suspensus aquarum
Calcat iter, nec mole sua subsidit, atrocem
Compescit ventorum animam et freta concita, dicto.
Vita etiam functos, iamque atra tabe fluenteis [reg: fluentes]
Verbo animat, vitae dominum letique professus.
Omnia nequit quam. Si caelum ad tartara praeceps
Mersisset: summo si aequasset tartara calo:
Vana laborasset. facies despecta probabat
Simplum hominem; duplicem monstrosa potentia rerum
Praestigiatorem quamvis oracula Vatum;
Quamvis ipse Deus, talem fore, dixerit olim.
Neglectus sic ergo domi, peregrina citavit.
Iapeti de gente foris sibi nomina. Gentem
Ipse vocabo meam, qua non mea, dixit: et illis,
Quis facies ignota mea est, me fecero notum:
Quique sedent spissa tenebrarum et mortis in umbra

---

page 19, image: s035
Hos divina super florebunt lumina flammae.
Nos genus Iapeti peregrinum nomen, et extra
Abramidum fines extorres egimus avum.
Nunc velut indigena censemur: et exsulat Abrae
Posteritas mentit apatrem. Negat ore? fatetur
Eventu: et profuga est patrique suique Deique
Nobis ergo Deus de Virgine nascitur infans:
Noster hic est Christus. Quodque est homo, Christus haberi
Gestiit; ut possit, quod Christus, homo esse; cohaeres
Nominis et census, qualem nemo aure probavit,
Nemo oculo vidit, nec pectoris hausit abysso.
Sed sic Christi erimus, si Christum imitabimur, ut nos
Ipse magisterii praeceptis imbuit auctor,
At quotus est bi quisque sui memor ordinis? aut se
Hospitum mortale Deo parat hospite dignum?
Nos nostrumque Deum peccati separat horror.
Resque fidem facit ipsa putes elementa recenti
Coniurasse malo. Quia nos piget ire lavatum
Sordem anima lacrimis; Calam lacrimatur abundis
Imbribus, et segetem radicibus eluit imis;
Pestifera monimenta [reg: monumenta] famis. Quia nostra pigramur

---

page 20, image: s036
Spiramenta anime in gemitum et suspiria Christo
Solvere; ventorum prorupto turbine laxat
Indomitorum animas caeli furor imbricus omneis [reg: omnes],
Et gemitum invito ciet et suspiria cordi.
Sedne Praeco etiam gemant et lacrimetur ad Aram
Tristis in officio: pro re tolerate merentem.
Copia, sit men sura dati. qui pauperis agri
Littus arat, nomen vel spica expungit: at haeres
Uberis annona, pleno se mergite iactat.
Cuique suum deculpo reddet Iova Dives in Omnes.

FINIS SACRORUM LIBRI I.

---

page 21, image: s037

Frid. Taubmani SACRORUM LIBER II.

Xaristh/rion SIVE Regis et Prophetae Davidis PSALMUS CIII.

EIa Anima: eia Anima mens intima, et omnis in ima
Mente - animi quicumque vigor, quacumque facultas,
Exserere, exserere: et Domino sua redde merenti
Carmina. sacrilega furor impietatis et ausi est,
Tot benefacta Dei benedictio nolle vel uno

---

page 22, image: s038
Pendere. Tu, voti rebus damnata malignis,
O anima; interpresque Animae tua, lingua, fas esto:
Daque Deo meritas, tibi qui dedit omnia, laudes.
Hic tibi, quotque et quanto tua sunt crimina vita,
Donat: et incretam prima sub origine pestem
Fomentumque mali et nulli medicabile, sanat.
Hic vitae momenta tuae mortique sepulchroque
Omnibus exemplis addicta, salutifer annis
Adseruit rediviva novis, Hic totus abivit
Patris in adfectus: et quoquo verteris, omni
Parte coronavit merate clementia Iovae.
Hic tibi, quae vitae petit usus et esus, abunde
Suppedit at; fessaeque situm frigusque senecta
Exsuit, et vivat aquila superinduit avum.
Quique sui nostrique memor rem supplicis aqua
Iustitia librat trutina; consutaque caci
Texta doli resuit, pravorum acerrimus ultor.
Hic, quid vitatu fastumque sit utile, Mesi
Legum latori praescripsit;et Isace-natis
Consilii miranda sui magmenta probavit.
Sed tamen hac laudum summarum est summa Iehovae,
Adficitur rebus miseri-mortalis ab imo
Pectore. Nec satis hoc Indulgentissimus idem est.

---

page 23, image: s039
Nec satis, Irasci noxa tradissimus idem.
Idque parum. Bonus et Bonitas est ipsa: quid? immo
Prodigus ipse Sui ex, omnemque effundit amorem.
Ira interveniunt? ultro placabilis ardet:
Nec memores unquam [reg: umquam] exercet crudelior iras.
Nec paenas unquam [reg: umquam] peccato aquare, nec unquam [reg: numquam]
Supplicio male facta pari pensare laborat.
Quantum suspectu superant et mole, reductum
Infima puncta solum, celsissima cultum caeli:
Tantum oculis, tantum ille animo peccata removit
Nostra suo, vastoque sinus absorpsit [reg: absorbsit or absorbuit] hiatu.
Quantum Sol oriens et Sol occasus Olympi
Ambitione sui distractus utrinque recedit:
Tantum ab se mortale nefas disprevit: et ortu
Si quid et occasu se longius extrabit omni.
Ut Pater in gnatum, sua viscera, flagrat; et illum,
Vel scuticam intorquens, patrem non exsuit: aqua
Sic Deus electo generi probat indole patrem,
Novit enim infrenae qui quotve cupidinis astus
In brevia et syrtes adigant mortalia nos scit
Pulveris esse glomos [reg: glomus], fragilisque coagula massae.

---

page 24, image: s040
Vidisti in prato speciosi graminis herbam?
Vidisti florere rosas et gramina campo?
Talis homo est. Moritur gramen; moriturque rosarum
Purpura; tu moreris; Borea quum pestilis horror
Saevius incubuit. Nec gramen, nec rosa, nec tu
Ulla requirenti vestigia linquitis ulli.
At Bonitas Domini saeclis fuit omnibus, avi
Integra flore fui: seseque propagine ducit
Traduce per patriumque genus generisque nepotes,
Quos patriis animosa Fides exercet in ausis,
Qua Pacti-conventa iubent Ritusque sacrorum.
Suspice flammigeri librata volumina caeli:
Si quid et ignitas supereminet altius arces,
Transi oculis animi posita est ibi regia sedes:
Illic maiestas dominatur in omnia Iovae.
Tali igitur tantoque, ac talia tanta patranti;
Pervigilo Geniorum acies, fortesque Camilli,
Quis dictum factum est: tanta (eia!) et talia laudum
Dicite. Vosque animos sociorum aequate canendo,
Militiae caelestis honos. Opera omnia caeli,
Omnia Terrarum, Maris Omnia; pangite laudes
Una voce Deo. Tuque una atque unica, flatu
Nata DEI, o Anima, o hominis summa omnis, in Unum

---

page 25, image: s041
Omnia conferto laudum ornamenta Iehovam.

AD FRID. BALDUINUM Theologum et Collegam, Epistolam Pauli ad Romanos commentantem.

ILli Orbis dominae, urbiumque Romae,
Cui Par nil fuit, et nihil Secundum,
Christi Praeco ter-optimus, magistrum
Quem Caeli scholae tertii crearat,
Sacrae misit Epistolae tabellas,
Cui par nil habet et nihil secundum
Totum hoc Orbis et Urbium theatrum.
Quae cum scripta sit omnium Saluti,
Non sat omnibus explicata visa est;
Nunc ut omnibus omnia explicentur,
Tua est gloria, Bladuine. tu nos
In mysteria sacrosancta Pauli
Pleno lumine passus intueri.
Quae sunt illa? vel una nominabo:

---

page 26, image: s042
Fide salvus homo est, fideque Sola.
Hoc unum potuisse pervideri,
Plus est, quam penetrasse septiformeis [reg: septiformes]
Olympi penitissimi recessus.
Sis felix, oculorum Ocelle, et Urbi huic
Diu sis oculus, Scholaque: et Orbi
Par nullus tibi vivat aut Secundus.

In Rev. et CL. Viri IOHAN:FORSTERI Theologiae Professoris Witeberg. Publici sunodologi/an.

FOrstere, eximium decus Cathedra,
Et Templi simul et Scholae Cathedrae,
Et vis postuma vividi LUTHERI [correction of the printer; in the print Lutheri];
Illa Quatuor Orbis universi
Pulchre conciliata Christiana
Genti Concilia, Inquies erinnys
Miro schemate dissilire fecit.
Nunc Te spiritus indolesque rectis

---

page 27, image: s043
Armat Consiliis: ut uniformem
Reddas Conciliis modum quaternis.
Felix Conciliator! Hoc profecto est
Gentem conciliare genti, et omneis [reg: omnes]
Uni velle Deo probare gentes.

AB UNO SALUS. Symbolum ADAMI a STANG. EQ. SILES.

SAlve, Stangiade: Vis Salve beroa. sed echo est
Nemo Salute mea sanior esse potest.
Salve, Stangiade; populi vox omnibus una est
Sanior at populi nemo Salute fuit,
Salve, mane nove: Salve, quoque vespere dicunt:
Salve, etiam medio quum stetit axe dies.
Plena foris, et plena domi iaciuntur ab omni
Vota Salutanti. Fabula cuncta; Salus
Nugae! Cuncta Salus it Ab Uno; nempe Iehova.

---

page 28, image: s044
Vota Salutanti. fabula cuncta; Salus
Nugae! Cuncta Salus it Ab Uno; nempe Iehova.
Tota Salus hominis cassa Salute sua est.

IN TOBIAE ALEUTNERI Silesii Symbolum.

SCitum Aleutneri est; Verbo duce vindice Christo
Quis dux, quis vindex, certior Alter erit?

Symbolum. MELCH. ECKARDI, Theolog. Siles. ex 2. Timoth. 1. Scio cui credidi.

SApientiae si quid magistro credimus,
Nil temere credere nervus est Sapientiae.

---

page 29, image: s045
Incerta Carneades crepabat omnia.
Credebat Omnia omnibus Marcus; sibi
Omnes ut omnia crederent obnoxii.
Quod quisque vis, pro teque reque credito
Sapitoque. Ego sapere hunc scio divinitus,
Idemque Credere hunc divinitus scio,
Qui cordis adfectu intimo scit dicere
Quod dixit Eckardus; Scio cui credidi.

Symbolum CASP. CONRADI MED. Domini est Salus.

UNa Salus hominis, Domini sperare Salutem.

CALEND. IANUARIIS.

CHriste veni veniente nove (quod gratulor) anno:
Et tibi me strenam da, precor, ut mihi Te.
Alterutrum facias: strenua mihi protinus omnes
Ex auro et gemmis nullius assis erunt.

---

page 30, image: s046
IEsu, Animi et Vocis Calamique Exordium! o idem
Sis animi et Vocis et Calami Exodium!

Calend Ian M. DC. XIII.

SI quod condis Opus, Christo condire memento.
Nam quicquid Christum non sapit, insipidum est.

In gratiam FRIDERICI Filioli mei hodie. nati.

FRancia cui Patrem, Matrem, Witeberga; Renatum
Christus et Unda dedit: qui malus esse potest?
Ingenui Franci; pia res Witteberga; Renato
Certa salus. Fili, singula solus habes.

XXII. Febr.

FINIS SACRORUM LIBER II.

---

page 31, image: s047

Frid. Taubmani EPICORUM LIBER.

A DOMINO Factum est illud: et est MIRABILE. IN PACIFICATIONEM DOMUS SAXONICAE Orbis Christiani bono factam Iutrobock IXXI. Martii, ANNO CHRISTIANO cIc. Icc XI.

ILluxit tamen ille dies (quid ringeris Ate [reg: A te]?)
Ille dies tamen illuxit, quo foedere pacto

---

page 32, image: s048
Iungunt FRATERNAS et Saxo et Marchio dextras.
SOL, oculus - mundi, qui perdius omnia lustras;
Et tu LUNA soror pernox; an pulchrius usquam
Spectaclum vidistis, obit qua Vesper et Eos?
PAX vos, vestros, et vestra coronet in avum
Quorum CONSILIIS patrio PAX reddita caelo est;
Illa vel innumeris potior PAX una triumphis;
Quasque homini novisse datum est Pax optima rerum.
Bellum habent, qui bella volunt. ESTOTE BEATI
PACIFICI, sanix [reading uncertain: print faded] vox decretoria CHRISTI.
Decretum CHRISTI Christiani audite Dynasta.
Sic IUTORBOCK vero IUTROBOOG erit omine nobis:
[note: (a) Allusum ad oppidi etymon, ubi Pacificatio facta. Iutro enim Vandalis, qui ea loca olim tenuerunt, Crastinum mane, vel Auroram notavit. Bogi vel Beog, Deum. Vel quod Iutra ibi pro Dea culta fuit. etc.] Et quoties AURORA suum CRAS proferet orbi;
Illo DEI toties orietur gratia NOSTRI,
Quum de PACE rata fama increbesceret aura,
Vidi qui tacito lacriment gaudia sensu,
Gaudia perpetuos HOSTI paritura dolores.
Ponite nunc gladios. allis certabitur armis,
Quae fabricavit [reading uncertain: print blurred] Amor, et vestris NOTA Voluptas

---

page 33, image: s049
Patribus. Insidias animique ignobiles artes,
Et suspecta, suis auctoribus ite relictum
Germanos germana Fides et Candor honestant.
Candoris Fideique volent spectamen haberi
Nobile Germanis et Saxo et Marchio terris.
Si cui Libertas cordi est Germana, Sagittas
[note: (b) Respectum ad iacula Sciluri, quae filiis offerebat, concordiae symbolum; quo gens finitima Iuliae hodieque utitur, etc.] Adsere iuliacas, sed per sua vincula Iunctas.
Iuncta manent invicta, solent qua Singula vinci.
Fortius Unitum est, quod Fas univit et Aequum [correction of the transcriber; in the print Aequm].
Mundi Opifex Deus, ex avo Deus Unus in avum,
Saxones in te Uno fax sint et Brennones Uni:

FIAT. FIAT! Inter Tychobyrgum et Iutrobockum faciebam.

---

page 34, image: s050

SERENISS. PRINCIP, IOHANNI-GEORGIO, Sax. Iuliae, Cliviae, Montium Duci, Rom. Imp. Archimarsch. et Electori ect. Cum Homagium Witteberga acciperet, XIV. Septembr. Anno cIc. Icc. XI.

AUt Numquam, aut certe Nondum mihi talia vellem
Argumenta dari. De te; scio, Maxime Princeps,
Quae pietas tua, nolle datum. Sed oportet haberi
Decretum caeleste ratum. Tibi Caesaris Enses
Debebant. posses ut habere hoc Caelaris Enses;
Frater abit, Fratrique [correction of the transcriber; in the print Fatrique] decus praelustre resignat.

---

page 35, image: s051
Nunc regni sceptra affectas, humilesque patrito
Iure cliente las in liber a vincula cogis.
Et gaudent illi esse tui: certantque favorem
Principis omnimoda Votis Donisque mereri;
Quisque suis ego nempe meis. Sinet a dat haustum
Praetereuntis aquae: Vates ego Vatis Homeri
Versiculum. sed quem cor Socratis omnibus unum
Praetulit. Hunc ergo Princeps Elector, habeto
O(/tti toio/n mega/roisi kako/n t' a)gaqo/n te te/tuktai:
Pulchrum est scire, domi quae Recta aut Prava gerantur
A Domino tibi magna domus concredita, Saxo, est.
Corporis hanc [reading uncertain: print blurred] Animique oculis lustrare memento.
ET facies nam te vis acrior urget honestis
Naturae stimilis. te nemo industior [perhaps: industrior] ardens
mh/ t' a)naballo/menos,, Macetae tibi sanctio cordi est.
Cras id agi non vult, hodie quod oportuit actum.
Sed quia mens quandoque hominis caligat: in aestu
Sic festinandum est, ut lenta modestia praeceps [reading uncertain: print faded]

---

page 36, image: s052
Castiget votum. Prima est sapientia, Nusquam
Praecipitare fidem straba saepe Calumina rectum
Induit in pravum sed pravum hoc corrigit, Audi
Utrumque. hinc Geminas capiti Deus addidit aureis.
Sed quia fasta domus: nec in omnia sufficis unus:
[note: (a) Suidas: O)fqalmo\s basile/ws, anti\ tou= me/ga duna/menos para\ basilei=.] Ecce tuis oculis Oculos Deus addidit; Aures
Auribus: ut videas, audire ut et omnia possis:
Consilii Oraclum. Plures alis unicus Argos,
Quam nautas Argo: quos cautum pectus in omnem
Consilii faciem, qua res, qua tempora, format.
Macte hoc iudicio, Princeps, nove Caesaris Adlas.
Artibus his profiteris Avum, quem Nomine Reque
Fecerat Augustum toti Sapientia mundo.
Hoc Donum ergo meum est. Quod votum? scilicet unum:
Fortunam Augusti. Nec plus tibi voveris ipse.

---

page 37, image: s053

LEUCORIS SAXONUM Celiss. et Illustriss. Principi, AUGUSTO, DUCI SAX. IULIAE, CLIVIAE AC MONTIUM DUCI. etc. Evergeta suo Opt. Max. Nuptias Dresdae celebranti absens-praesens humillimo affectu gratulatur,

SCilicet haec tibi deerat adhuc, Auguste: marito
Quae fieret pars unae toro, generosaque Rutae
Saecla propagaret. Nunc Lucifer ille secundos
Maturavit equos, Sperataquae [perhaps: Sperataque] gaudia NYMPHAM
Heroi genitoris, et indolis heroinae:
Quae succiplena [reg: suciplena] est: cui lac et purpura vivo
Pinxit honore genas: cuique imbuit Oscula succo,
Quem Veneris coxere manus. Sic omnia iustis
Respondere suo debebant ordine fatis,
Et potis, Auguste, tuis. Id regia Dresdae
Moenia ter gemino tollunt ad sidera plausu,
Augustoque; suam Augustam gratantur, et unis
Certant suppliciis emere omnia fausta Maritis-

---

page 38, image: s054
Et nobis certamen erat. Dresda aureae Facto,
Leucoris Affectu tibi se prior, inclite Princeps,
Augustaeque tuae dedit aemula Leucoris illa,
Illa ego Leucoris, Augusti quae silia [reading uncertain: print faded, perhaps filia] nuper;
Qui mea tot brumas Insignia gessit, Ephebis
Et Musis comitatus; ero vestri immemor? Hoc dii
Sacrilegum prohibete nefas. Ego prima, (nec esto
Invidiosa mihi tam recta professio Veri)
Florenti aetati florentem aetate puellam
Despondi tacito, et votis tua fata subegi.
Nunc votum geminat. Heros Heroida ducis
Principis heroi, quo res Brunsvviga laborat
Mole sui magna, seque exsuperare minatur,
Henric Iuliadae: qui nunc ad Caesaris aram
Palladis. Armatae pro Iure vicariae praestat
Numina. Vive Socer: Generoque patrante secundi
Indue nomen Avi. Neque Tu te descere [perhaps: desere], Nympha;
Nec Tu Te, Saxo. Pietas nutricula vitae
Una maritalis, seu sit Concordia. Nempe
Et hoc fonte fluit, quod Suave, quod Utile Nuptis

---

page 39, image: s055
Et quod Honestum. adeo tot a hinc est illa beati
Gloria coniugii. quam certam a Numine Vobis
Apprecor: affectusque mei pro tempore summam
Commisi nostro (quod eo parat ire) Poetae

FRID. TAUBMANO. Calend. Ianuariis, Anno Christiano M. DC. XII.

CARMEN GENETHLIACUM, Sereniss. principis, Dom. IOHANNIS GEORGII, Sax. Iuliae, Cliviae, et Montium Ducis, Rom. Imp. Archimarsch. et Electoris, proque tempore CAESARIS VICARII, etc. IUto. NONAS MARTIAS, AN. CH. cIo. Ioc. XII. PRIMO GENITO FILIO; CHRISTIANO ALBERTO. Dictum Wittebergae.

---

page 40, image: s056
NOvi equidem, nec cassa fide meus augur Apollo
Dixit ab hinc anno, cum Saxo Borussa Puellam,
Seque in Prole daret: numero latet omnem in isto,
Tertia Patris erit. Patris (ecce!) est tertia Proles,
In qua Se vidit Rutamque Ensesque renasci.
O Nox clara, die quovis et clarior: in quae
Stella novum Generi et Mysio iubar extulit Orbi!
Sic bona sunt subtexta malis: lacrimasque sequuntur
Gaudia: nec semper riget Albis ab Alpe Bohema.
Patruus ille tuus (Sol, qui vigil omnia lustras,
Candidiorem [correction of the transcriber; in the print Candidorem] animam vidisti e culmine mundi?
Quique fidem supra, Fidei magis arma probarit
Caesaris Imperio?) Christianus ademptus; et ex hoc
Caesar apex Rerum, cui nunc Pater [note: (a) Optio, qui absentis adoptatus vicarius universa curat. Veget] Optio cessu,
Nos funestarunt, et publica gaudia tristi
Involvere peplo Nunc tu, Puer inclite, Matri
Atque Avia, et Patri luctus insignia demis,
Laetificasque Mysos, et iubila festa redonas.

---

page 41, image: s057
Macte Puer. Genitura tui Natalis amico
Schemate disposuit taciti praesagia fari.
Nec tu Gentis eges. Series antiqua Parentum
Regibus inserta est Aquilaeque biverticis Alis.
Disce Domi. [reading uncertain: print faded] externo non est doctore pedendus
Virtutis tibi pulcher amor. Generosa ministrat
Laus animo Cognata tuo. Tros Hector, Ulysses,
Iuliades, exempla Aliis monstrentur agendi:
Maiores tu disce Tuos. [note: (b) Tres Friderici Elect. 1. Bellicosus; qui Acad. Lips. condidit. 2. Placidus. 3. Sapiens: qui Wittenbergensem. Patris: Augustum qui Spirat Avum: modo fata secundent.] Fridericia virtus
Nota, et Mauricidae; nota est Augusta, Patrisque.
Isti exempla dabunt, quibus arma Sagatus in hostem
Stringere; quis Civi possis dare iura Togatus?
Et qui Te vincas: quod plus, quam vincere regnum, est.
Macte Infans, Puerique novis in vota tuorum
Cresce rudimentis laudum festinus; et audax
Ingenii, tentanda Viris in Pube moveto.
Et facies: (genus indecores timor arguit:) ausis
Si tantum Sua fata tuis. quod poscimus unis
Nomina suppliciis: atque ut fuga labilis aevi
Castigat a mora properantes differat annos:
Ut, qui nunc Pater est, Avus in te fiat; et annis

---

page 42, image: s058
Ter senior cum Prole senis tria saecula vivat;
Vivat in exemplum, felicibus Incrementis.
Haec Patriae Vox est: a Vate vicaria lingua est.

Illustrissimi et Longe-Optimi Principis WILHELMI, In Curlandia et Semigallia etc. DUCIS FILIOLO PRIMOGENITO acclamat et gratulatur Dresdae.

SAxonis excitus visum Spectacula Dresdae,
Qualia Ian-Georgii Borussa Puerpera laetis
Fecerat auspiciis; video ecce Decembribus horis

---

page 43, image: s059
Ex Aquilone rapi, quo se Curlandia iactat,
Cui Venus Os Oculosque et Cor Themis aurea formant,
Hulsiaden. quae causa viae est? quae nuntia portat?
Ille amor, ille decus Musarum et Martis ad Arcton
Dux Gulielmus habet, quo se, quo Saxona nostrum
Laetificet. quidnam? Se pulchra in Prole renasci
Vidit, et heroo generi nova semina poni.
Salve, auguste Puer: et cresce in vota Parentis,
Non in fata etiam, qui fato exercitus omni est.
Hic tibi quum plenis aetas adoleverit annis,
Dixerit, ille Suo quod Tros fortis simus olim:
Disce Puer Virtutem ex Me Verumque Laborem,
Fortunam ex aliis. Virtutem et dura laborum
Strennuus [reg: Strenuus] exerce. nisi me praesagia fallunt,
Certior afatis etiam Fortuna sequetur.
Hoc ipse, hoc mecum votis et in omnibus unum
Godelmannus habet, quem nunc sua Dresda relicto
Caesare paulatim curarum in pristina ponit.

---

page 44, image: s060
Redde Puer patrem, sic feceris omnia, nobis.
Principis exemplum Pater unus in omnibus unum est.

Procul a Musis et inter Aulae strepitum profundebam in aedibus Godelmanni, XXIII. Dec. Anno. Christiano M. DC. X.

ARDEA KOCHTICZIORUM. AD Generosum et Illustrem ANDREAM KOCHTICZKI, Lib.Bar. a Lubliniecz et Kochticz in Kossenczin etc. Musagetam.

ARdea, nixa Sudi nodis et mole gravatae,
Mordicibusque premens surrecto vertice Piscem,
Kochticiae proavita domus Insignia clarat.
Ardea sublimeis [reg: sublimes] et Sarmata falco per auras
Infestis aeterna gerunt certamina signis,

---

page 45, image: s061
Falco potens alis et pugnax unguibus, et vim
Cominus hostilem protento Umbone superbi
Pectoris elidens, venantur in aere praedam.
Ardea et ipsa suae rostri mucrone saluti
Prospicit, ingeniosa dolo. nam pronus ab aethra
Dum librat se Falco super; telum Ardea rostri
Cauda sub alarum furtivo tegmine condit.
Dumque inhians praedam toto ruit impete Falco,
Ardea non oblita sui, rostrumque supinans
Excipit incumbentem et vulnere conficit hostem.
Quin et piscator quandoque sit Ardea Rheni.
Quomodo? Prona pedem sub aquas demittit: et ecce,
Occulto Naturae habitu, gens muta natantum
Tamquam ad propositam subremigat illicis escam.
Hoc illa iratum placat solamine ventrem,
Cetera, per liquidum sublimibus arduae pennis
Ardea quaque sequi vix possis lumine, tranat.
Nidamenta etiam, qua se celsissima dorso
Porrexere procul fastigia; congerit ovis.
Usque adeo factis sibi vindicat Ardea nomen!
Maiestas quaecumque fuit Insignibus auctor
Kochticio generi, nae [reg: ne] pulchra atque Ardua vidit!

---

page 46, image: s062
Alta petit generosa bonae vis insim menti:
Et flammas imitatur, et urget in ardua Virtus
Multa quidem, sed non tamen omnia Monstra subegit.
Consilio, furtoque Doli quandoque sagacis
Fortius ille egit, quam Clavae horrore trinodi.
Quum Leo defecit, succedat callida Vulpes.
Non tantum Hastatus, sed et est Subsessor in armis.
Nec pudor, Obliquare sinus, ubi caerula turbant.
Utraque KOCHTICIIS, aliis satis Altera laus est.
Non eget Ingeniosa fames. Rem sufficit ultro
Fortunae alluvies et pleno Copia cornu.
Hic quoque Kochticios superimpluit aureus imber
Vulgares animae sapiunt plebeia iacentque.
Ardua sectari molimina, Kochticiorum est.

Memoriae IOH. GEORGII GODELMANNI, ICti. COM.P.CAES.ET ELECT. SAX. CONSIL. ET LEGATI.

---

page 47, image: s063
SAncte Senex (quamquam meritis, quam tractibus aevi
Maior eras) etiam tu nostras deseris umbras?
Quam paucos mutavit equos Nocturnus, ut una
Viximus, et telas longi deteximus orsi!
Saepe tamen caeptam [reg: coeptam] (rapui quod in omnia) telam
Rupisti, et fato non exspectata litasti
Vota tuo; tractam gavisus ad ultima Circi
Scammata, iamque animae fessum diludia tandem.
Poscere magno animo te posse et velle Iehovam.
Nunc votum, nunc omen adest. aulaea theatri
Sustulit Omnipotens Aedilis; et, Ito paratam
Ito domum, dixit pretium hoc Pietatis habeto.
Nec tamen hoc, quantum est, traduxti inglorius aevum.
Quod vixti, Summis vixisti carus et Imis:
Et Meritis in utrosque bonus. scis, Saxo, Lycei
Incola ROSTOCHII, qua plus duo lustra Professum
Civica Iura bonis pubes audivit elenchis:
Quaque sibi raris Socerum virtutibus emit
Et Fama atque Auri dare vim pro doto potentem,

---

page 48, image: s064
Nempe Chytraeiaden. quem octave prolis ad. auctum
Fecit Avum. Quid? vilis honos, se ferre Nepotem
Chytraei, quem laus meritorum aquavit Olympo?
Hinc Dresdam excitus, summarum ubi summa Senatus
Electoris erat, quem tunc vis proxima leti
Sustulerat: orbamque domum populosque regebat
Optima, quo Sol non meliorem vidit. In isto
Godelmana fides primum spectata theatro est;
Post spectanda magis, quid possit et Ore diserto
Atque ope Consilii, rerumque ingentibus ausis.
Quorsumque et quoties cum magni Saxonis idem
Mandatis ierit; quid opus nota ordine longo
Ire recensitum? socii Praga maxima Regni,
Sacraque Romani maiestas illa Rudolphi
Et quater et decies quater hunc videre profectum
Numine Legati. Neque iniquo lumine Caesar
Respexit Meritum. Torque Insignivit Equestri
Nobilium: et, Sacri, dixit, Comes esto Palati

---

page 49, image: s065
Augustaeque domus. Quum tandem a Caesare nostro
Caesaris ad partes et regnum Fratris, et oras
Teutonis extremas ac moenia nostra Viennam
Praecipit aret iter reditumque ad Caesaris aulam:
Ex illo languere, et caeco aegrescere morbo,
Paulatimque suae vadimonia mortis obire.
Haec finis fatorum illi. quae singula gyro
Interiore, datae sua per vestigia metae,
Stringere fas duxi. Dixissem ubi plura; dedissem
Pabula Livori. Quid si data pabula edaci
Sic quoque Livori? Sed tu nutricula Veri
Posteritas; auctore Fide, non Vate profectum
Credito. nec merces ulli fuit ulla calori.
Tota eius, quanto est, Meritis ea gratia debet.
Dixeris ingratum, mala dixeris omnia Salve
Aeternumque Vale quod Godelmanne fuisti.
Qua nomen Virtutis erit, qua Caesaris, et qua
Saxonis; illa tui quoque Nominis aura vigebit.

Obiit Dresdae XX. Febr. Anno Christi MDC. XI. Aetatis LII.

---

page 50, image: s066

AD LUDOVICUM-WILHELMUM MOSERUM, Elect. Sax. à Consiliis.

ICtus hic, an vanus mihi rumor perculit aureis [reg: aures]?
Sed qui vanus? adest, qui vidit nuntius, et qui
Exsequias ivit: cui? qua non altera vixit
Femina centenos per vivere dignior annos,
Moseriae. Mosere, oculis haec scribere siccus
Mene puras? Non sit me durior illa crepido
Rupea, quam Misna novus horret ab Urbe viator.
Alloquium exspectas, et robur ab arte diserti
Carminis affecto pia quod Solatia [reg: Solacia] cordi
Suggerat? Id si me nunc audes poscere, nescis
Quantus in audentem nostri sit pectoris ardor.
Ille calor mihi me, tibi surripit ille Poetam.
Qui Laudesve Tuae, tibi vel Solatia [reg: Solacia] dicat.
Fecerit haec alius, quem nondum tanta tuorum
Vis meritorum operit praecidit copia linguam.

---

page 51, image: s067
Quicquid ego dicam, meritis minus omne futurum est.
Maiestatis apex Christianus et Ipse gementi
Dicitur adgemuisse [correction of the transcriber; in the print adgemisse] Suo, atque e corde, Mosero:
Illo corde, suo quod credidit ipse Mosero.
Quid tamen est? animus vertatur in omnia; factum est.
Quod facere infectum nequeo, culpavero frustra.
Fata sequi, prima est Sapientia. Sanctio caeli
Protinus in nostris facta est adamantina terris
Si quid molitur, nil emolitur homillus.
Quod vult ille, velimus idem. quo dicit; eamus.
Ni facimus, trudit nihilo minus ille trahitque.
Tu duci, Mosere, velis. Tua mortua: sed quid
Mortia [perhaps: Mortua]? seducta est paullum, melioribus olim
Auspiciis reddenda tibi. Quis reddet? is idem
Qui rapuit tibi. quis rapuit? Mirabilis Et nos
Facti etiam causas audemus poscere? Fecit,
Qui Bonitas ipsa est. nos male credere factum?
Quod tibi Saxo Pater secretam ponit in aurem,
Oraculum censes et non dubitabile Verum.
Haec vox ipsa Dei est, qui Veri norma. Beati,

---

page 52, image: s068
In Domino qui mortem obeunt et sanguine Christi
Sic Tua mortem obiit. Tua sic nunc ergo Beata est.
Invideasne Tuae, votis quod in omnibus unum
Usque habit [perhaps: habet]? toto quod non mutaverit Orbe?
Te tibi redde, Mosere: et Saxoni redde Moserum.
Ut nunc res turbant, in publica commoda peccas
Si tua Sacra diu patriae moveris Aulae.
Quod placuit Domino placeat Mortalibus: et quod
In Caelis fixum est, in Terris nemo refigat.

AETERNAE MEMORIAE CHRISTOPHORI RICHTERI, Aldenburgi, ICti. et Elect. Sax. Consiliarii.

TUne etiam, Rictere, animi pars intima [correction of the printer; in the print intima ma] nostri
Occidis, et lauri semper florentis honorem
Inficis, infaustae mutandam horrore cupressus?
Non hoc aut Pietas aut spes animosa tuorum,
Aut meritorum operosa fides, aut veris adulti

---

page 53, image: s069
Constans illa aetas, subitum spondebat amicis,
Nunc alter tacitum recidivus it annus in annum,
Quum genetrix tellus me Francis Oreas in urbem
Sisteret hanc reducem, matrem ille et cuncta meorum
Pigia [perhaps: Pignora] Caronum, mecum quos erro trahebam,
Accipit hospitio: seseque resolvit in omnem
Laetitiae faciem. Nos spe longaeva minamur.
Sed Subito periere minae: specimenque relictum est,
Nil proprium sub Sole datum mortabilus [perhaps: mortalibus] aegris.
Plus ultra, Solemque supra caelique est gaudia; non heic [reg: hic].
Illa meus Richterus habet. Nos pectus amicum
Quaerimus affectu, et dulces reminiscimus an- nos:
Illa tui ante omneis [reg: omnes] animi calor intimus olim
Heigias, et iam Patre suo Richterides orbae,
Ille Georgiadum sanguis primaeque maritae.
Dresda etiam, populique minor maiorque Senatus,
Et qui maiorum est Dux Maximus ille, per omneis [reg: omnes]

---

page 54, image: s070
Tam bene promeritum, nunc cassum lumino maerent.
Et Probitas, et prisca Fides, Et candida Morum
Temperies, doctique Sales, et come Severum,
Pectus et omnimoda studiorum fruge repletum
Et vis iudicii penetrans, omnique paratum
Consilio ingenium, quae fastum singula cuivis,
Incuteret, Humilem reddebant omnia Nostrum.
Haec Veri germani sides poppysmate vivis
Plaudimus. innocua, qui Vixit [reading uncertain: print faded] , laude potitur.
Scilicet hoc Samiis aurum est portare catinis,
Et vili panno simulacrum amicire Minervae.
Salve, Eratus amor ille meae, nunc umbrae, sed olim
Mecum iterum victure, brevi mihi carmine Salve:
Et quantum fere Parca tuis detraxit ab annis,
Tantum Electori properet Deus addere Nostro.

FACIAT, FACIAT. ITa spero, itaque voveo, qui hoc feci Dresdae.

---

page 55, image: s071

IN IDUS OCTOBRES VIRGILIO POETAE NATALES; IACOBO ALEMANNO IC. Nuptiales.

MEnsem hodie dirimunt horis Octobribus Idus.
Vatibus, et patri Vatum sacrae, auguror, idus
His etenim Cycnus, quem Mincias Andis alebat
Nectare, Ambrosia; famaque aequabat Olympo,
Primum aureas, Musis obstetricantibus, hausit.
Nunc Sacris, Alemanne, tuis novus ornat easdem
Nobilitatis honos: sacris, quae Iuno Venusque,
Quaque Venus, Iunoque tibi est Catharina, pararunt.
Felices idus! et tu Par nubile felix,
Mutua quod festis commendat gloria sacris.
Ut novus tibi duret honos, Alemanne; Poetae,

---

page 56, image: s072
Has tibi natales olim qui condidit [correction of the transcriber; in the print quicondidit] idus,
Carmine votivam Thalamo suspendo Tabellam
Quam Meus Ille Alemannus Habet Catarinam [reg: Catharinam], Habeto
Coniugio Iunctam Stabili Proprique Dicatam,
Coniugio iunctam Stabili Proprique Dicatam,
Quam meus, ille Alemannus habet Catharinam, habeto;
Dic, o dic; horum quicumque es, erisque sacrorum.

ANNO M. DC. X.

SUPER NUPTIAS PAULI HELFRICHI Ict. ac Sax. Prr. Altenburg. Consiliarii. ET CATHARINAE WERNERIF. IV. Nonas November. Lipsiae celebrandas, Anno M. DC. XII.

AT te Landgravi, Medicum Melicumque dii omnes,

---

page 57, image: s073
Sed taceo: quod non maturius ista monendum
Duxeris, et nostras animandum in carmina Musas!
Res omnes hinc ite citae. Quid, publice, restas;
Quid, private? dies meus hinc: quin immo diei
Sat fuerit quincunx, utendum est iudice Musa.
Ordinis an nostri quisquam velit ire negatum
Wernero carmen, cui nil Deus ipse negavit?
Diversis di versa solet dare Curio fati:
Hunc Probitas et Franca Fides et Candor honestant;
Fortunae victrix illum Prudentia: pollens
Clarat Honos alium; Doctrinae gloria quartum:
Stricta hunc tetricitas decet; illum comis omissa
Pauliper [perhaps: Paulisper] gravitate lepos: hic dives: hic uti
Divitiis doctus: domus illi illustris in ipsa
Luce fori media, divisque heroibus hospes:
Huncque aliis, illumque aliis Pandora beavit;
Wernerum cunctis. Quod sufficit Omni, Uni est
Hoc uno pauper, quod ab omni prole superstes
Una modo restet fundi tam divitis haeres.
Quamvis Helfrichio satis Una: nec (auguror) uno

---

page 58, image: s074
Alteram em at nummo, si sit venalis: et omni
Affini patiente animo caret hercle: nec ullum
Formidat spectrum cum sola solus in alta
Diffusaque domo, sperat se posse cis annum
Tam vastas augere domos; iterumque cis annum
Exaugere auctus. Hortator et armiger adstat
Ecce puer Veneris: Venus et Werneria plaudit
Tam pulchris animosa minis; hodieque maritum
Tympana tenta tori genitali tundere plectro
Optat, et Idalia tori genitali tundere plectro
Optat, et Coniunx, et Mater, nocte sic una.
Salve, laeta dies, et tu nox latior; in qua
Werneri deserta domus se traduce rumpo
Plantat in Helfrichiam. Quidni generosa propago,
Et numero fecunda suo, se spargere tali
Insitione queat? coeunt duo supparis aevi,
Ingeniisque animisque pares et Cypridos armis.
Nec Fortuna aliis PAR hoc facit artibus impar.
Haec Patris et Matris dotes habet; Ille Minervae.

---

page 59, image: s075
Doctrina aut par dos opibus, aut maior habetur.
Neuter habet, merito. quod habenti aut dicat egenti.
Quin Bene dicatis Vos inter, amabile Compar:
Comparibusque novis, qui vult Bene cumque, sequutus [reg: secutus]
Dicat idem: parilisque iugi nova Nomina potet.
Dat Catharina novem, quot sunt, mea Numina, Musae
Hauriat Helfrichium, qui vult haurire deunces.
Laetos laeta decent. Sapiens sibi Temperat aevum.
Sumite crateram, si qui potabitis, aequam
Faucibus, et versate prius, quid ferre recuset,
Quid valeat stomachus. quibus hausta potenter amystis;
Nec gula, nec iugulus, neque deseret halitus illos.
Est modus in potu; sunt certi escaria finis:
Quos ultra citraque negat consistere sanum
LandgravI [reg: Landgravii] medicina mei, qui pellice Suada
Taubmannum illexit, quo festinaret abortum
Carminis. ille luat. Tu, Xanthocarene, Senatus
Gloria Lipsiaci, decumano confice poclo

---

page 60, image: s076
(Nil Medico praesente nocet) suasoris acumen.
Vos vinum bibitote bibit dum Sponsus Amorem.
Potet amarorem, quisque invidet huius Amori.

Memoriae IOH. NELDELII, Philosophi Lips.

LIpsia, qua docta es; tuque o doctissima triplex
Naturae melioris opus, sacer Ordo Sophorum;
Indue ferali te sindone. Gloria vestri
Ordinis occubuit Neldelius ille. Quod omni
Naturae regimen Solest et gratia Mundo,
Lipsidos ille fuit. Straba cede calumnia Vero.
Vox Vero Fideique Sacris iteranda: quod Orbi
Naturae regimen Solest, Neldelius urbi est
Lipsidos: immo Fuit; se doctae Lipsidos. Ecquae
Scivit Aristotelis Naturae arcana Lyceum;
Quos vel Aristoclis sirpos Academia; vel quid
Horti, Epicure, tui; vel Stoica porticus olim:
Quod non et Vester; scieris, sapuisse quod omnes

---

page 61, image: s077
Naturaeque alii et Veri Fandique magistri
Cunctaque cum sciret; nihil est se iudice visus
Scire sibi. Doctis o nota Modestia paucis!
AT nunc, expletis humani finibus aevi,
Despicit errantes divinae Mentis ab arce:
Et sese et Christum discit, sophos omne Saphorum.

XII. Februar. ANNO M. DC. XII.

IN NOBILEM PICTOREM, IOHANNEM DE. PEERA, Belgem, Lipsiensium Apellem.

GLoria Picturae vetus est: et semper amati
Regibus Artifices, Opibusque et Honoribus acti.
Principio rudis illa suo. mox Lumen et Umbras
Invenit, seseque suam distinxit in artem.
Cimo [reg: Cimon] hominis [correction of the transcriber; in the print haminis] faciem primum Obliquavit honesto
Schemate, et ancipiti formavit imaginis actu
Respicientis, Suspicientis, Despicientis;

---

page 62, image: s078
Articulis et membra suis discrevit, et artus
Protulit ac venas, sinuumque volumine vestem
Implicuit. Versum mihi qui deformat, Apollo-
Dorus ab hoc artem melius formavit, et omnem
Peniculi laudem iure in se transtulit unum.
Huius ab arte fores Artis penetravit apertas
Zeuxis, et ablatam secum tulit inclitus Artem:
Penelopenque dedit vivos in imagine Mores
Spirantem; vultumque Suum, non Artis, habentem:
Hinc et fastosi subscripsit lemma triumphi;
Promptius Invideas, Quam Quisquam Imitere Magistrum.
Primus Aristides, Thebani gloria caeli,
Motum Animi pinxit, cunctosque sub indole Sensus
Vivifica expressit Velocior arte manuque
Nicomachi non ulla fuit manus arsve magistri.
Nil, Homines praeter, Dionysius edidit unquam [reg: umquam]:
Hincque Antropographi [reg: Anthropographi] meruit cognomen. AT unus
Pictorum genus ingenio superavit, et omneis [reg: omnes]

---

page 63, image: s079
Praestrinxit, stellas ut Sol exortus, Appelles;
Maior Alexandro-Magno; se maior et ipso.
Nosce tuum, De Peera, locum: Veterumque recense
Praeceptorum animas; in quis censeberis olim.
Laus sua cuique fuit. Cumulo tibi sumis ab omni
Quod fuit eximum. proque omnibus unus haberi
Omnimoda virtute meres, et Noster Apelles;
Certe Anthropographus [correction of the transcriber; in the print Anthropograpus]. Nam Te quis doctior illic
Vultum Hominis viva repraesentare figurae?
Nemo, Livor ait. Quin et mea vivit Imago
Artifici tibi picta manu. Qui vidit; eisdem
Taubmannum vidisse oculis adiurat, agentem
E Cathedra et stricto meditantem Carmina vultu.
Fortunata manus! siquid [reading uncertain: print unclear] mea Carmina possunt,
Nulla dies unquam [reg: umquam] memori te subtrahet avo.

SUPER NUPTIAS IOACHIMI ANCKELMANNI Hamburgens. et CATHARINAE WOLF. LEBZELTERIE

---

page 64, image: s080
VEllem equidem, ut video vos velle: nec asper amicis
Contra irem monitis: nisi me mea Iuno; quid? immo
Ni me Iuno Iovis nunc feta tot imbribus Austri
Ire domo, hoc hiemis, magna ratione vetaret.
Lipsida non irem? quo me trahit impetus omni
Tempestate, viaque omni iubet ire profectum.
Vinum equus est Vatum. Si sic equitare lubido
Per iuga Parnassi; meliorem nemo caballum
Instruet instruxitque; meo nec ephippia tergo.
Quaero saginari? nec Apitius ille Professor
Ingeniosi epuli, meliore sub Orbe saginam
Fecerit. Et, quod ego super omnia pono, coactum
Lactis onus pressi. Cerebrum Iovis ille profecto
Casus est, comedit quem Lebzelteria pubes.
Ambrosiam esse Iovem, miror. si Iuppiter essem,
Caseus Ambrosiam mihi praestet: et unus in ulnis
Pro Iunone cubet. Munda atque Venusta requiris?
Mundior esse nequit mundus quam Lipsia munda est;

---

page 65, image: s081
Nec Venus ipsa venusta magis. Vis Comis haberi;
Vis Humanus item; faciet te Lipsia talem.
Pallas ibi Ingeniis, Mercatu nobilis Hermes
Certamen certant. Atque inter utramque palaestram
Sese anceps dubiis librat Victoria pennis.
Site viva Deae Veneris delectat imago:
Nutricatus ibi Venereum est. Haec talia caelo
Posse vocare Iovem, proles credebat Humeri.
Sed mea me Iuno Vulcani implexa sagenis
Attinet implexum. credo, quod secubet aegre
Aeris hoc algu. Sponsae fortassis et ipsi
Sonticae causa foret, si noctem subtrahat unam
Se sponsi iam notus aemor. Sed verba recedant
Auspici is male nata suis. eat omine nostro
Sponsorum festiva dies. Pietate merentur.
Si sua sunt merito Pietati praemia fato,
Coniugium ex voto vobis spondete Secundum.
Suppliciis ego tantum inopes emere omnia rebar
De manibus Domini: locupletibus [reading uncertain: print faded] affluere ultro.
Sed Lebzelteriae certat cum paupere quovis
Disciplina domus. Pietas nutricula Recti est.
Hic habitat Pietas. Reverentia tanta precandi
Numen ibi est; (his vidi oculis: his auribus hausi:)

---

page 66, image: s082
Afflicti quanta esse potest vox supplicis omni
Affectus armata modo, quo vincitur Aether.
Anckelmanne, Deus, Deus huc te duxit: ut esset
Coniugii una tui Catharina; Parentum
Effigies animata; sui tener unio sexus.
Uni estote Ambo: nec vos mala dividat A te:
Fortunaeque Animique bonis praestate Parentes.
Nil Vobis melius vel Lipsia tota vovebit.

AD CHRISTOPH. COELESTINI I.C. Sponsam, URSULAM CHEMNITIAM.

CAelestina (novo iam nunc adsuesce vocari
Nomine, Chemnitio sat nobilis Ursula) quo te
Carmine; quo, qui te talem genuere Parentes,
Aut qui te talem facturus prole parentem est,

---

page 67, image: s083
Dixero? Nox instat Geniali proxima furto:
Et tantas rescisco minas ego serus ad Albim.
Canities incocta Patris matur aque virtus
Pectoris antiqui, qua magni Principis Aures
Atque Animum atque Oculos tenet, exquisita merebant
Carmina Musarum. Salve Chemnitia virtus,
Et patriae, Patrique bono Patris esto saluti.
Tuque adeo poteras calami lassare calorem
Quae tot avis atavisque potens illustribus instas
Ellogii [reg: Elogii] titulis, Goldbeckia mater, et unis
Apta modis generi qui Pinsitet Aurea Saecla.
Quemque hodie Generum genus hoc legit auspicio Christo,
Caelestinus honor; quique hoc in nomen honores,
Caelestina, tuos pulchris transcribet elenchis,
Me sibi poscebat. Vetus est amor inter utrumque,
Atque antiquus amor. Tam raro carmen amico
Quis neget? Et tamen ecce nego: si schema negantis
Possidet, arbitrium cui sors violenta peremit.
Vive tamen; Par nupturiens, extempore votum;

---

page 68, image: s084
Maturum pietate, minus si carmine, votum:
Et Caelestinos caelo cognomine dignos
Edite. sic serum, matrum pandere votum est.

Super Obtium [perhaps: Obitum] VALENTINI HEBEISENS.

NEmpe sacramentum sumus hoc et foedus adacti
Qui terram colimus, mortalia ferre: nec ulla
Re perturbari, quam non vitare potestas.
Functus Hebeisenides fato est. quid id ergo? qud [perhaps: quod] olim
Debuit, exsolvit. Cum primum munere vesci
Coepit humi, mortale sui iam scivit humandum.
Specta aevi mores, non oportunius [reg: opportunius] aias
Hunc potuisse mori. Felix, qui vixit, et aevo
Exiit, inprimis senio quem corporus [perhaps: corpus] onustum
Degravat, et vitae cuinon prior illa voluptas.
Iam, quodcumque homini votumque et causa senectae

---

page 69, image: s085
Longinquos optare dies, hoc Noster habebat.
Adficiunt tituli meritorum, et gloria famae?
Divitiarum operosa quies? sat fructus utroque est.
Coniugium, sobolesque iuvat? fuit unicus annos
Paene quadraginta compar unius: et ex hac
Prolem etiam genuit. de quatuor una superstes,
Una vel undenis potior: nec femina restat
Pulchrior et probior, qua Francis Oreas obitur?
Nupta Mülichiatae: cui nunc tractare Biruthi
Thesauros patriae et patriae Patris una potestas [reading uncertain: print faded] :
Cum Quaestura suis prius hunc Zuvernitzia curis
Clausit in angusto longe maioribus aptum.
Noster hic, ante obitum, tot honorum insignia [correction of the transcriber; in the print insiguia] vidit;
Et sua dona ratus, quae vidit honorae Suorum.
Debuit hac mortem votis optare serena
Fortunae facie; prius, hos quam turbidus Auster
Inficeret puror (ut sunt mortalia) fontes-
Adde, quod heic [reg: hic] primum est, in Christi morte sequestri
Mortuus, aeternis vixit nova gaudia saeclis.

---

page 70, image: s086
Vivat! Et ut iusti fuit hic Quaestoris imago,
Sic ibi iustifici laetetur imagine Christi.

Super improvisum Casum LAURENTII-FRIDERICI Greyssen / Onoltzbacens. e despectu praeruptae domus in tenebris prolapsi, Torgae 22. Mart. cIc. Icc. XI.

I Nunc, et tacitis aude promittere votis
Cras tibi. Cras autem? punctum horae unius, et unum
Ictum oculi Iuvenum et patriae flos unice, Greisi,
Sed quondam, heu! duro veluti contusus aratro
Flos hyacinthus agri, subito nunc fulmine marces.
O Casum infandum! o lucemque locumque nefastum,
Quae potuere tibi crudelem abrumpere vitam,
Qui cor Patris eras, cui sera et sola voluptas,
Quique videbaris iam magna et pulchra minari,
Infelice manu structa est domus ista! sed et

---

page 71, image: s087
Infelix, qui non vigilantius ostia servat
Caeca peregrino facilique exposta ruinae.
Facta IutroboccI [reg: Iutroboccii] Pax est. properatque reverti
Ad se quisque. sui hic quoque Principis ibit
Splendidus officio. Mysiam volat advena Torgam:
Confectusque via turbam declinat et Aulae
Irrequieta suae. cenat secretus, et urget
Labentes sepelire oculos et pectora sumno [reg: perhaps somno].
Heu miseras hominum curas, caecasque futuri!
Non plumae tibi lectus erunt; sed strata viarum
Saxeae, perpetuis ubi te sopor aereus umbris
Obruit: et numquam Francos, tua regna, Patremque
Et quae Caronum te sperant vota, revises.
Ponite spem. spes haec cunctos elusit hiantes.
Consilium ipse suum Pater est, et Principis idem
Consilium et Patriae tamen hoc in vulnere Filii
Forte suus non est, nec in hoc sibi sufficit ictu.
Laeli, Cor sapiens, atque oris Suada rotundi,
Quemque sacrum nectar fonsque Israelis inundant:

---

page 72, image: s088
Redde virum Patri: Patremque Virumque doceto
Adfectus librare suos moderamine Iusti.
SI non una pili cadit umbra, volatile venti
Ludibrium [reading uncertain: print faded] ; si non passerculis: illa tremendi
Numinis effigies proiecta crepidine leto
Praecipitetur Homo, sine Numine? dicito Patri
Hanc Vitam et Sese caelique Oracula norit.
Quis Patrem adflixit? quis Gnatum? Nonne. Deus;qui
Cuncta bonus, Bonitasque ipsa est quinam ergo, malorum
Fabrica? Mille Modis homines mors Una fatigat.
Mille modis bona Mors, Christo quae clauditur Uno.
Clausit is hanc. Nemo moritur male, qui bene vixit.
AT te Greisiade, si quid meae Carmina possunt
Nulla dies unquam [reg: umquam] memori subduxerit aevo.
Et quicumque leget, fati miserabitur iram
Lacrimula. Gt [perhaps: Et] fies Casu immortalis in isto.

---

page 73, image: s089

AD IOHAN. FORSTERUM Theolog. Witteberga discedentem.

SCilicet hoc fatum est nostrae Sionis, ut alti
Pulpita suggesti raro Praecone diurnent.
Cum te Saxo-Pater Ciza huc acciret in urbem,
Spes nostri avidi fuit omnibus addita voti,
Te fore perpetuum. sed vix lustrum occidit unum,
Quod mensem sumus esse rati: nos, ecce, relictos
Deseris, et cathedram suggestaque publica migras.
Quis nunc vivifica [reading uncertain: print unclear] nostros potabit Ephebos
Israelis aqua: quam derivare per almos
Siphonum tubulos puris e fontibus Hebri,
Et Graii et Latii, diversa in corda solebas?
Quis Domini templum zelo fervente secundi
Numinis incendit? stimulis quis et acribus uret
Auditorum animos? Fuit haec, Forstere, tuorum

---

page 74, image: s090
Gloria Sermonum. testis Witeberga; theatrum
Lutherae virtutis et ingens fabrica sani
Dogmatis; invicta cui voce et corde parasti
Vindicias: facturus idem; qui spiritus, et quae
Ingenii vis alta tui est. I sospes: oboedi
Principis oraclo [correction of the printer; in the print oraculo]. Deus hoc in Principe iussit.
Lutheri Cineres et honori templa sepulchri
Hactenus ornasti. post et tibi Patria tanti
Nominis ornanda est Feliciter! acclamabo.

FINIS EPICORUM.

---

page 75, image: s091

Frid. Taubmanni IAMBICORUM LIBER SINGULARIS

Decanus Collegii Philosophici FRID. TAUBMANNUS XXIV. Iunii. ANNO cIc. Icc. XII.

VEnalis est Honos: honos-Magisterii.
Mercator, Albimontis Universitas:
Vicarius ego datus. Agite licemini.
Honesta mens, honestus animus. Addecet
Omneis [reg: omnes] honesta consequi; certe sequi:
Namque et secundis tertiisque laus sua est.
Pretiosa merx Honoris est pretium quoque
Pretiosum babere par fuit. Quod illud est?

---

page 76, image: s092
Virtus. Emi virtute sola Honos potest.
Et, quae pari Doctrina grassatur [reading uncertain: page damaged] gradu.
Praevaricatur Gratiis Aequo [correction of the transcriber; in the print Aeoquo] et Bono,
Qui vendit auro vendit arium sacra
Virtutis aura. Nemo cauponantium
Sed proeliantum trossulos laudaverit.
Et Iuppiter mercator est: et res suas
Labore vendit saeculis mortalium:
Nec bracteatis debitor sit naeniis [reg: neniis].
Manus movenda est, promovere si cupis.
Sollers profecto et perspicacis ingenI [reg: ingenii]
Fuit architecton Romuli-nepotium,
Virtutis aedem et aedem Honoris qui situ
Construxit istoc, ut liceret nemini
Hanc ingredi, ni transiisset [reading uncertain: print unclear] alteram.
Nec disciplina liberalis Artium
Existimetur vilior: quod Marculo
Sie aestimetur Imperiti sic solent.
Vellent sui omnes esse similis: facilius
Communi ut illo delitescerent grege,
Inscitiaeque fallerent convicium.
Delphis puta, non Witteberga, proditam
Oraculi vim: Nulla pars aut discitur
Recte, aut docetur dogmatis Ter maximi,
Quod non magistrat institutio Sophi.
Hippocrates et artifex vitae esse vis?
Ni calleas nostrum Sophos; Themison eris
Et carnifex, non artifex viventium.

---

page 77, image: s093
Vis esse doctor et sacerdos Iurium?
Sine hoc sopho sis leguleius, et hominum
Legumque tortor. Vis sacri mysterium
Docere Verbi et disputare? Ni tuas
Molitiones iuverit nostrum Sophos,
Vitiligator inanilogus [reg: inaniloquus] es Theologus.
Scio esse non unos in Albimontio
Et proxime viciniae doctissimos
Has disciplinas liberaleis [reg: liberales] Artium;
Dignosque conscientiae suffragio
Ut sint Magistri. Porro quid moramini?
Parata merx est. mercis Indicatio
Pariter et Aestimatio iam publica est.
Age praestinate merx erit praesentium.
Parentum amicis. Gloriae superbiam
Virtute partam sumere, indolis bonae est.
Ego proxeneta; ego Palladis magnarius
Negotiator constitutus. Quisquis es,
Cuiatis es:Virtutis afferto decus,
Et posce Honorem, et aufer. Haec Sententia Est
Nostri Senatus: opera mea Vicaria est

---

page 78, image: s094

Ad Eruditiss. Virum, IOACHIMUM IASCHIUM, Scholae Colberg. Pomeran. RECTOREM.

NEgotiosa quaestio est parentium,
Et in Magistros acris altercatio:
Ac si iuventus negligatur, et mora
Frangatur eruditionis impetus.
Ego sentio contrarium, et dico palam;
Calore festinationis praecoquae
Spem pubis elidi et bonam frangi indolem
Exile vasculi vides ut osculum
Regurgitet vim gurgitis superfluam.
Quod irrigat modesta festinatio,
Hauritur et coagulat fidelius.
Nunc disputare, quam loqui, docent prius
Quidam Solones: nempe claudos currere;
Pennis carentes subvolare nubila.
Nubem profecto comprimunt Ixiones,
Cum censeant Iunonem babere se Iovis.
Musis secundis omnibus, sed et bona
Fortuna, Iaschi, tu viam hanc ingressus es

---

page 79, image: s095
Pueritiam docendi literas bonas:
Quam nec perurens scorpio Calumniae,
(Quam Lipsius colore pinxit vivido,
Tuque eruditis explicasti formulis,)
Ausit flagello lancinare; quin probi
Musasque Fortunamque vindices ferat.

IN PETRUM HOPPENERUM Rostoch. a Reimaro Seltnrecht I. C. et C. P. Poetam Laureat.creatum.

COnsultus ille Raro Iustus nominis
Convicio, sed Nominis; iustissimum
Probat fuisse: dum Coronam heroicis
Sacram poetis, Hoppenero dedicat.
Oblitus heic [reg: hic] est Nominis; sed non Sui
Oblitus aque. nec potest, cui Gratiae,
Et Musae, et ipse Apollo praesunt Consules,
Sua e tuo qui Vota dicunt Carmine,
Tuo, Hoppennere [perhaps: Hoppenere], tot diis plenissimo.

---

page 80, image: s096

AD GEORG. ERASMUM PACMANNUM Hailbrunn.

GRaece Latine doctus atque Hebraice,
Sophosque sacrum Mosiis; atque non-sacrum
Stagirae alumni, sed tamen quaesi sacrum:
Ductor Meorum et doctor apprime bonus
In Albimontio fuisti Saxonum.
Ego te diutius aut fuisse, aut serius
Caepisse [reg: Coepisse] malim sie (quod aiunt) sacculo
Manuque plena seminasses triticum,
Primoribus quod nunc digitulis seminas
Tenuique agelle et semiiugeri modo.
Sed fructus hinc sperandus et messis bona est.
Et si boni (quod opto) fuerint filii,
Infructuosi non erunt Satoribus.
Hoc facite, filii: aut mei naefilii
Sitis deinceps. Ego profiteor libere,
Me non mereri posse sat Pacmanniden.

---

page 81, image: s097

In Sagittam-Dei, Pestilentiam MARTINI HAMMERI,

MIrabilis mirabilissimi Dei
Sagitta Pestilentia est. Hanc mirimo,
Hammeri, Christi in officina Malleo
Fingis, refingis: hanc polis et expolis
Linguae flagello, lusciosus ut myops
Clarioris aequor et Corusci fulgidum
Iubaris tremorem fulgurare sentiat,
Idemque cautus crudis improvidos,
Quibus oculis exire, quave corporis
Animique declinatione, qua datur,
Possint sagittae submovere turbinem.
At tactus es? durato pectus in minas,
Et plagam in ipsam; ac Christianum militem
Diu professum te proba factis semel.
At subigit etiam te necessitas mori?
Morere Imperatorem mori stantem decet.
Mors non mala est, quam sequitur immortalitas.
Dumque haec doces, Hammere, dictis et stylo,
Ab uni ?crso [perhaps: univorso or universo] saeculo mortalium
Tuo paratur nomini Immortalitas.

---

page 82, image: s098

AD PETRUM HOPPENERUM, Philosophiae Magistrum et P. L.

MElos, Latina quod dedisti barbio,
Merito quod ornat Laureata dignitas,
Hopfnere [perhaps: Hoppenere], vidi doctum, et omnino suum:
Alcaeus olim quale Graeciae dedit.
Vidi Ethicorum scita disputantium
Auctore te perfecta Senecam credidi
Vitae magistrum maximumque et optimum.
Talemque vatem non amem? talem Sophum?
Amo hercle talem et AEstimo Vatem et Sophum.

AD CASP. WEICHHEUPT, Sponsum.

---

page 83, image: s099
TAubmanne Salve; homo tuus ait, et Nuptias
Celebrare Weichheuptum scias, et poscere
Suum poema nuptiis. Hoc nuntiat:
Verboque in ipso porrigit mihi manum:
Quasi, ut nuces in sacculo Corydon habet
Succidiam ve Saxo vel Lucanicam.
Semper paratae: sic Poeta carmina.
Salve tamen Weichheupte: Salve cum Tua
Facitoque nuptias. Et ut plane sciam
Te nuptias fecisse, post menses decem
Rescribe te patrem patratum, et in Tuae
Renatum Elissa Sic ego Tibi et Tuae
Et filiove filiaeve ex tempore
Salvete respondebo; nempe Par pari,

Super Obitum BLANDINAE SIBERI F.

VIxit Siberias, Poetae filia,
Soror Poetae: Uxor Poetae, atqui simul
Sit mystagoga Numinis, Furmanidae,
Quod debuit, fecit Sibera et mortua est.
Qui degimus superstites, quod mortuae

---

page 84, image: s100
Debemus, expedire comitatis est.
Fuit Martio commoda atque Liberis.
Laus haec Maritae summa, matris unica est.
Hanc nos mariti liberique gloriam
In post maritos, postque matres, qui sumus
Inter Poetas, porrigamus carmine:
Ut vivat hoc Sibera, quamvis mortua.

AD MICHALEM PELUGERUM Phil. Mag.

ET tu, Pelugere, me Decano praemium
Virtutis et Doctrinae habeto debitum.
Ut digno honos honori; ita indigno est onus,
Tibi est honori, tu mereris unice
Decus Magistri gloriamque Nominis.
Vescum papaver verminansque granulis
Caput reclinat; fruge cassum surrigit:
Inanitate plena vasa tinniunt.
Sic etument [reading uncertain: print unclear, perhaps et ument] , sic gloriosi tinniunt
Bonarum inanes litterarum frugibus.
Tua laus, Pelugere, propria est Modestia,
Quae scire se scit absque fastu quod sat est.
Tuae est et illa proximans Pietas Deo

---

page 85, image: s101
Pietas anima Virtutum et universitas,
His tu Magister inter optimos mihi es.

AD IOHAN. STIBARUM Francum Phil. M.

SUnt, qui Magistri gloriam magni aestiment:
Sunt qui minoris: immo sunt, qui ne pili,
Ipsi profecto ne pilum boni viri
Doctive habentes. Ipse gratulor mihi,
Quod te Magistrum, Stibaride fecerim.
Probitas et Eruditio quem vendicat,
Is se Magistrum iure-merito venditat.

AD AURELIUM STREITBERGERUM Theologum Sponsum.

---

page 86, image: s102
STreitbergeride, Curiae
Senum corona patriae;
Quas nunc secundas nuptias
Facis secundo numine
Me visitare postulas
Et literis et Carmine.
Ego litteris et Carmine.
Respondeo: Non Pareo.
Sic fastuosus ergo sum,
Veterisque gurges gratiae?
Nec fastuosus hercle sum,
Veterisque gurges gratiae:
Sed quo nec ipse pennipes [reg: pinnipes]
Volare posset, evocor:
Sero venire ni velim
Depraeliato [reg: Deproeliato] praelio [reg: proelio],
Festumque salitarium
Inter profestos vivere.
Adeo usque sero Curiam
Hinc avocabar litteris,
Ad Nuptiales ferias.
Et litteris et carmine
Si sera gratulatio,
Quae vera, nullum crimen est:
Ego litteris et carmine
Quali vocabor carmine,
Grator secundas nuptias.

---

page 87, image: s103

ANACREON LATINUS In Turmas sacras sive Anacreontes Christianos GUL. ALARDI, Cremp.

AD arma, ad arma Alardus
Ad arma Christiana
Et dux et aeneator
Conclamat. Eia, Turmae
Coite proeliantes.
Amorum abunde. Alardus
Ab se dat arma, quis hoc
Et Caelum, et Imperator
Caeli Iehova possit
Inpictus ille vinci.

---

page 88, image: s104

Monstrum sine vitio, sive HELENA-MARIA WACKERI.

MIraculum Puellae
Wackeriae puella,
Miras meretur arteis [reg: artes]
Mirabilis Poetae
Ego mira nulla feci,
Ego mira nulla novi,
Quae demerere manes
Geniive mira possint
Wackeriae puellae,
Mirabilis puellae.
Wackerias puellae
Monstrum Est, Sed Arsque Naevo

FINIS IAMBICORUM

---

page 89, image: s105

Frid. Taubmani PHALEUCORUM [reg: PHALAECORUM] LIBER

AD IULIUM, ET WOLFFG.-SIGISMUNDUM, Frr. Libb. Barones in Herberstein/Archiducatus Carinthiae Camerarios et Dapiferos hered, et ERASMUM BRAUN, Eq. Austr.

HErberstenia [perhaps: HErbersteinia]-biga, tuque Bruno,
Felix sanguinis optimi propago:
Nostrum dedecus esto, Witteberga
Tam rarum decus ire sic profectum
Votivis sine versibus Poetae.
Vos caros Charites et aestimatos,
Vos caros Pietas et aestimatos,

---

page 90, image: s106
Vos Virtus habuit. Parique cultu
Vos caras Charitas et aestimatus,
Vos caram Pietatem et aestimatam,
Vos Virtutem habuistis. Ecquid, o Sol,
E caelo [reading uncertain: print blurred] aestimium mage aestimandum,
Et caram mage in orbe Caritatem,
Vidisti patrio? Fac, o fac Sol,
Sed Sol-Iustitiae; pari calescant
Vel maiori etiam calore in illas
Verae Prosperitatis architectas
Virtutem et Pietatem! Ab his Columnis
Resque publica, resque priva fulia [perhaps: fulta] est.
Taleis [reg: Tales] subrue destinas, labascit.
Vos ite, et Patriae labantis este
Tres Alantes et aereae Columnae
Herbersteinia biga tuque Bruno.

AD IOH. ULRICUM SCHAFGOTZSCH Lib. Baron Von Greissenstein/Siles.

QUi praelo atque [correction of the transcriber; in the print etque] opera calent recenti,
Cui mitto Schediasmatum Libellos?
Ian-Ulrice, tibi. Decus tuorum es:
Spirans idem et imago Gratiarum es.

---

page 91, image: s107
Tali talia missitanda. Vah, quid
Tali talia, dico? Nec Melisse heic [reg: hic]
Scultetive tui clare thyrsos
Phoebi adspicula senties et ignem.
Taubmanni Schediasma quale-quale est.
A praelo atque opera calens; sed ab se
Fortassean glacie alsius. Quid ergo?
Cor mihi inspicie: Cor videbis igne
Musarumque tuique amoris uri:
Musarumque tuique amoris uri
Cor mihi penito videbis igni.

VIII. Septemb. M. DC. X.

AD BALTHAS. MEISNERUM Theologum.

QUam me saepe mihi, mihi atque amicis,
Atque illis etiam intimis amicis
Spes frustrata mea est! Quibus volebam,
Quis debebam etiam, vel universos
Phaleucos [reg: Phalaecos], elegos et hexametros;
Vix unum, vel alterum, nec ungueis [reg: ungues]
Qui morsos sapiant, vel hippocrenen;
Set [reg: Sed] ex-tempore conditos,, reportant.
Personis, calor intimae medullae,
Et meae et Themidos, sed olim: ad aram
Nunc virgo tua ducitur, maritas

---

page 92, image: s108
Accensura faces novo marito,
Cui nil Eusebie, nihil Minerva,
Nil Famae probitas negavit unquam [reg: umquam],
Meisnero Mysiique patris. O Par.
Phalaecis, elegis et hexametris,
Et verso decies stilo politis,
Atque a Vate bono, bonoque fato
Cui sit laxior otii facultas,
Cantari meritum! Quid ipse, vix dum
Redux factus, adhuc et ocreatus,
Modisque omnibus occupatus, ausim?
Sit Vobis Bene; sit beate, Amantes;
Doctorique novo, et nove-Docendae
Ductorique [correction of the transcriber; in the print Ductoriquae] novo noveque Ductae.
Hoc est omne, quod apprecantur Omnes.

L. WILH. MOSERO tertium Sponso.

AETatis mediae peracta meta est
Nunc, Mosere, tibi: caresque vitae
Et curae socia; carere tali
Cum possis minime omnium. Poetae
Quam tu scis nihil esse fel cavilli!
Uxorem in tumulum locare praestat,
Quam duci in thalamum: profecto numquam
Uxorem hic habuit Poeta, qualem

---

page 93, image: s109
Tu, Mosere, loco bis extulisti.
Nunc ad tertia vota transiisti:
Quod voto tibi ter quaterque grator;
Inprimis animi sagacis astum,
Quod nunc nec nimiae, nec et puellam
Aetatis minimae, sed utriusque
Extremi medium, capis maritam
Perfectum trias omnis aestimatur:
Perfectum tibi tertium sit omni
Modo coniugium. Quod ille faxit
Qui perfectus in unitate trinaest:
Et omnis tua Dresda dicat, Esto.

AD POLYCARP. LYSERUM Theologum F.

REcte instas, Policarpe Lyserorum.
Pennas exsere, teque crede caelo.
Qui nomen Patris indolemque praefers,
Et famam meritumque Patris aqua.
Audentem Deus adiuvabit: aude,
Doctoremque bono merere fato:
Immo iam meritum professe iussis
Usurpa titulis. Tibi, ecce, nostri
Ius dat Praeco vicarius Lycei,
Scripturae catus artifex docendae,
Ille Franzius, Obloquantur auso,

---

page 94, image: s110
Et carpant Polycarpon. Hoc placeto
Plus acplus tibi, mi Lyssere: et insta,
Exemplo Patris excitate. Non is
Ille erat Policarpus inter annos
Et spem primitiae Professionis,
Quem post Saxo habuit ducem sacrorum?
Magnum est, eximiis domesticorum
Exemplis ad honesta provocari:
Plus est, illa sequi: adsequi, supremum est.

SAMUELI MOSBACHIO ET DOROTHAAE HEIGIANAE, Sponsis.

SEptem anni prope sunt decemque facti,
Quum Parens tuus ille, cui fuisti
Unus Filius unicusque, munus
Professoris habere me iuberet
Cara Principis et manu sacratum.
Tunc tu posito forte lusitabas
Securusque tui, meique. Sed non
Et securus eram tui ipse. Morum
Illa sua vior indoles, et illa
Oris purpura lactei, subinde
Talem visa mihi virum minari,

---

page 95, image: s111
Quali nunc Theodora nubit, illa
A Deo. Data Patris Heigtani;
Quo nec doctior alter Aequitatem,
Nec cui se Pietas probarit aeque
Modis omnibus unicoque et uni.
Nunc fructum pietatis Heigianae
Tecum messuit Heigiana virgo;
Virgo pulchrior hac et ista et illa,
Quae pulcherrima haberi et esse tendunt:
Virgo, cui Pietas, ab igne Patris
Tradux flamma, cor intimum perurit.
Virgo, quam melior Deus benigne
Donis obruit unicis: ut uno
Consensu Theodora nominetur:
Et quae nunc Tua facta post adaeque
Mosbachii-Theodora nominetur.
Quod Vobis Proprium Sit, Opto, nomen.

AD IOHANNEM KOGLERUM, D. Cum ANNO-MARIA SCHEFFERIA Nuptias celebrantem.

IN regno, Kogelere, Paedagogi
Ni successor eras ad albimontem,
Absque omni strepitus uterque pompa.

---

page 96, image: s112
Iam res vertit: et antecessor audis,
Qui successor eras. An invidebo?
Istud quaerere, curiose, noli.
Tam caro-capiti quid inviderem,
Qui vix hostibus et malis Poetis
Fortunae decus invidere possum?
Quin quam Lipsia culta Dignitatem,
Et quam regia Dresda Opimitatem
Punctis omnibus omnium dederunt,
Votis gratulor unicis Amico;
Olim ceterae, nunc Talassionem,
Illum virgineum Talassionem;
Qui Pulchras tibi Nuptias puellae
Donis conciliavit invidendis.
Si Formae species iuvat, venusta, est:
Si Morum decus, elegans ad unguem est:
Si Dotis modus, illa luculenta est,
Ut votum quoque vincat immodestum:
Si strictae mediocritas Staturae;
Haec una est Charitum: et venustiorem
In tali Venerem putant statura.
De me; percam ego malo, quam marini
Carnosum vituli comesse frustum:
Lanam mollis Oviculae fovere
In sinu mihi, quam torosioris
Retractare manu pilum iuvencae.
Tu Scheferin Oviculam foveto
Et pedo upilionis in virenti

---

page 97, image: s113
Myrteto Veneris fac ire pastum.
Ibit, ne dubita: bonoque pastu
Distentam referet frequenter alvum.
Quod et spero; quod bis, et Ipse quicquid
Tibi Optas Fieri, precor Phaleucis [reg: Phalaecis].

AD IOHANNEM NIENBORGIUM Fris. serenis. Elect. Sax. a Secretis Metal. et Bibliothecarium, SPONSUM.

REs certa est, Nieborge; certo tecum?
Et tu mecum adeo. Quot esse dicam
Decursas hiemes? puto, bis octo,
Quum nos inter amamus: ut gemelli
Una matre solent amare fratres.
Quin Fratres quoque saepe nos vocarunt,
Quis visa est facies. Colore noctis
Tincti ambo sumus. an Patris sit humor,
An nos Phoebus adusserit Poetas,
Qui solus probat et facit Poetas,
Res est nubila. Quandocumque Dresdam
Me Saxo-Pater evocat; tuus sum
Hospes hospitis: ut solent volucres
Unae saepe volare concolores.
Eodem sale caseoque vesci,
Somnum una capere unico in cubili,
Ioca et seria temperare, nostrum est.

---

page 98, image: s114
Et sic post erit. Unico cubili
Exclusissimus arceor nec aegre est
Excludi a Venere, et locum relinqui
Tam caro capiti. tibi puellam
Soli solam habeas. nec invidebo:
Immo e pectore gratulabor imo
Tam Pulchram et Lepidam et Probam puellam
Et bonis bene natam et educatam,
Et plane geminam meae olim-Elisae
Elisam. idque magis, quod auspicato
Ipso hoc illa die locata nuptum est;
Hunnio potiore proxeneta,
Qud [perhaps: Quod] desponsa mihi, sed olim, Elisa est.
Nienborgis Elisa, crede tuto,
Si quicquam mihi creditum Poetae est.
Quamvis sit Tuus ore nigricanti;
Quamvis tetricus aestimetur idem:
Non Sol ille, nec illa noctiluca
Possunt candidus videre pectus,
Nec humanius. Experitor: et me
Delphis hoc tibi prodidisse dices.
Sed et cetera sint secunda Vobis.
Et, vestro ut Pietas, erunt profecto.
Res certa est: Pietas suis Maritis
Boni prima meret, meret secunda,
Meret tertia. maeret aevo in aevum,
Quem non hoc Pietas meretur aevo.

---

page 99, image: s115

XXV. Ianuarii, Anno M. DC. XIII.

AD AMBROSIUM RHODIUM Med. Sponsum.

QUae vestis modo Nuptiis sacrarunt,
Rhodi, Carmina; censor aestimavi.
Quid dicam? Pietas universos
Atque Amoris et Eruditionis
Implerunt numeros: nec ulla nostrae
Ab his materies relicta curae est:
Helvellam nisi per vices eandem,
Quod spernit medicae rigor diaetae,
Bis apponere terque sustinerem.
Sint haec pompa tuae caputque Cenae.
Nec mensas, ego quae fero, Secundas
Haec bellaria forte dedecebunt.
Quae sunt illa? Tibi perennipascam,
Ambrosi, ambrosiam; Tuae rosetum
Immortale, Rhodi. Fruantor ambo:
Et Rosas seritote sub roseto;
Famae quos Odor Auribus; Colorum
Lac et gratia purpurantis aurae
Commendent Oculis: et universis
Sint auroque oculisque cariores,
Et Rosa Ambrasiaque suaviores.

---

page 100, image: s116

MICHAEL. TRYLLERUM Ict. Sponsum.

AUditor meus ergo tu fuisti,
Cum molleis [reg: molles] furor igneus medullas
Didoni exederet? Bene hercle. tunc vis
Verborum tibi claruit Poetae;
Nunc secreta etiam medulla rerum.
Postquam res thalami puella tractat.
Aeneas et Elissa-Dido eandem
Speluncam veniunt, ubi atra turbat
Caeli intemperies. et ipse, si qua
Tempestas Veneris domi forisve est,
Cum tua venias Susanna eodem.
Atque ut ludere parvulum volebat
Aeneam sibi in aula Elissa quondam:
Sic vestra videatis annuatim
Trylleros periqrulle/ein in aula;
Sed et cetera, quae videre nupti
Felices cupiunt, videte Nupti.

23. Febr. 1612.

AD M. IOACHIMUM FLEISCHERUM Vratis. Siles. Thelogum; Sponsum.

SIm Ladas ego pennipes [reg: pinnipes]; vel ales,
Quo Perseus volat, hinniens Medusae;

---

page 101, image: s117
Taubmannumve volatilem Columbam
Architas faciat: sat esse votis
Non possum omnibus omnium procorum
Mensis februus est: et idem et unus.
Eiusdem februi dies et idem
Ad ternas ego Nuptias in oras
Uno tempore triplices vocatus:
Hinc Francois et alta Noriberga est,
Ille Teutonis umbilicus Orbis:
Istinc Lipsia, Misniae smaragdus:
Illinc Budorigum, Silesiorum
Cor atque unicus unio tuorum;
Centum milibus interemptae tempe
Quei, Fleischere, queam tot esse praesens
Uno tempore Nuptiis? At inquis,
Praesens esto vicariis Phaleucis [reg: Phalaecis],
Et tui meliore parte, Voto.
Sed quos extudero tibi Phaleucos [reg: Phalaecos]?
Tuus Mercurius manu dat una
Tabellas mihi Nuptialis arrhae [reg: arrae]:
Responsum petit altera. simulque
Intrat, et simul exit. Ipse, Quin tu,
Inquam mwre [reg: more] morare, dum Poetae
Excussi manicas. Moratur horam:
Atque, ut putrida poma, decidenteis [reg: decidentes]
Hos ex tempore colligit Phaleucos [reg: Phalaecos]:
Qui prima facie fatentur ipsi
Abortum rudis embryonis esse

---

page 102, image: s118
Culpam Mercurio poteriumque
SchoepszI [reg: Schoepszii] grande tuo vel Herculanum
Impingas reduci. profundat alvum,
Et nostra vice potet Herculanum.
Nos libabimus heic [reg: hic] tuae Saluti,
Salutique Tuae. Deunce nobis
Fleischerus bibitur: modestiori
At semisse Rosina temperetur.
Uswaldus vetus hospes, Utriusque
Nomen Praebibet. hunc sequemur omnes,
Quot nos Iuppiter Hospitalis una
Vidit et bibere et comesse Mensa,
Et severa-iocosa fabulari
Dicemus: Bene Sit Novis-Maritis;
Et, quisquis bene vult Novis-Maritis.
Tros fuat Rutulusve, dicat: Esto.
Sax fuat Slesiusve, dicat: Esto.
Taubmannusque [correction of the transcriber; in the print Taubmannusquae] Poeta dicat: Esto.
Sed, ex-tempore quos dedi Phaleucos [reg: Phalaecos],
Exactos satis Esse, Nemo dicat.

BARTHOL. CRUGERO Med. D. Sponso.

QUantumuis medicae; Crugere famae
Te felix manus armat AesculapI [reg: Aesculapii]:
Tuae fata (quod unice volebas)

---

page 103, image: s119
Uxoris probibere non valebas.
Mortem tollere non potest Galenus;
Sed protollere. Non potest ruinae
Vim defendere semper architecton:
Sed fulcire potest minas ruinae.
Nunc tu ducis et Alteram, priori
Nulla laude sui, reor minorem:
Quae domum tibi fulciat labantem:
Immo qui fabricet novas Columnas
Firmamenta domus Krigerianae.
Nil possum tibi maius apprecari,
Quam Fortunae habitum Tuae perennem.

ENOCH. HEILANDO IC, et MARGARETHAE LYSERIAE Sponsis.

CUm vestris ego Nuptiis Phaleucos [reg: Phalaecos],
Heilandi Policarpis, experirer:
(Res certa) incipio febrire. quammox
Et chartam et calami repono crenam,
Nonne est Lipsia Misniae smaragdus?
Non Parnasus ibi est et Hippocrene?
Non Par nubile, nubile? immo nuptum,
Ut vernans rosa purpurant? Et ultro
Tam pulchras ego Nuptias et Urbis

---

page 104, image: s120
Tam pulchrae speculum: tot et Poetas
Phaleucis [reg: Phalaecis] maculem febriculosis?
Quin vobis, Nova. Cura-nuptiarum,
Sic sint omnia fausta, Lipsiaeque:
Ut vos nemo Poeta, nemo vestros,
Hoc dum vivitis et valetis aevum,
Phaleucis [reg: Phalaecis] cruciet febribulosis [perhaps: febriculosis].

In Nuptias Sponsorum DANIELIS et FELICITATIS: GEORGII Plancken / et EGIDII Kimmerlen Reip. Lipsiensis et Noribergensis Senatorum [correction of the transcriber; in the print Senatornm], et Mercatorum, F. F.

IPse Tertius obvolutus anni
Se nunc [correction of the transcriber; in the print Senunc] circulus ivit expeditum;
Quando Meque Meamque Liberosque
Fidelesque meos; domum universam:
Nymphe Noritis hospites habebat.
Quid dicam? Numeri Catulliani
Quot sunt cumque; sit alterumque tantum,
Tertiumque adeo: sat universi
Non illi mihi sint, ut incolarum

---

page 105, image: s121
In nos prolubium Prothymiasque,
Profusamque animi benignitatem
Suo pro merito explicare possim
Salve, Urbs Urbium, et omnium (anne et Orbis?)
Noriberga Minerva Civitatum.
Nunc eo vocor. o volare possem!
Pleno remige pennipes [reg: pinnipes] per auras
Tranarem, et veteres in Urbe cara
Hospites novus hospes excitarem.
Sed nec ire, nec hinc volare possum:
Sic me Vis tenet undiquaque Maior,
Plancki, pulcher Ephebe Lipsicorum
Res et Sponsa tua est. Profectus ito.
Kimmerlinga Venus procatur istic
Martem tota suum. nec horret arma.
Armatus venias, parata tecum est
Collato pede congredi, quid? immo
Duello moritura proeliari:
Sed quali moritus [reg: mortuus] Venus duello.
Par Fortuna; Pares amoris ignes;
Par etas; elementa Nuptiarum
Nuptiarum alimenta, Nuptiarum
Sunt fomenta Pares in hoc triformi
Vos estis numero. Bene ergo vestris
Qui non sit quoquo Nuptiis, et illis
Quis dixit bene Trinitas; et usque
Quis dicet bene? Nil meo relictum est

---

page 106, image: s122
Aut voto aut numeris; nisi hoc: ut Orbis
Quum se Tertius expedivit anni,
Ex uno Patre Daniele cernat
Se Felicula tertium renasci.

IV. Novembr. Anno 1612.

VOTIVA ACCLAMATIO NUPTIIS CHRISTOPHORI Grunewalds/ IOHANNIS LIPS. Sen. SPONSI, et Gertrawdts HEINRICI Rottheupts eiusdem Reip. Senat. F. SPONSAE.

ECce tango oculos, Fidemque, iuro:
Scit Beckmaniades amussis Aequi:
Dum sumo tabulas, stilumque stringo,
Et sacri moveo furoris oestrum:
Ut vestras elego, vel hoc Phaleuco [reg: Phalaeco],
O Par - Nobile, Nuptias frequentem,
Affinemque probem: ecce, derepente
Et stilum et tabulam et minas Poetae
Causa sontica turbat universas.
Verum est. tango oculos, Fidemque iuro:

---

page 107, image: s123
Scit Beckmaniades, amussis Aequi.
Hoc pransus tamen et paratus, et iam
Ad praeceps iter ocreatus, addo:
Sit vobis bene, Nubiles: quid? immo
Sit vobis bene Nuptiis. Iugati,
Et nobis date liberos, Phaleuci [reg: Phalaeci]
Argumenta novi novo Poeta.

DONUM NUPTIALE MARIAE SALOMONAE REGINAE, IOHANNI DEPEERA Belgae, Lipsiensium Apelli desponsae.

PIctores genus aemulum Poetae [correction of the printer; in the print Poetis]:
Et Pictoribus aemuli Poetae.
Naturae simulator hic et iste est;
Hic Styli genio, este penicilli,
Umbra et Luce sui Coloris ambo
Germanae simulacra Veritatis
Certant ponere, Nec tamen negamus:
Plene est Pergula nostra Simiorum
Qui meros sibi somniant Apelles,
Cum sint putida monstra pellionum:
Qui meros sibi somniant Marones,
Cum sint barbara monstra moriones.

---

page 108, image: s124
Verum Lipsia vestra Ian-Peeram,
Coi ipsius Apellis arbitratu,
Nunc iactare suum potest Apellem:
Poetas ego mitto. Nuptiale
Me sollemne tuum tuique Regis,
O regina, vocat. Vocatus hospes
Donum debeo Nuptiale, sed non
Reginae nisi regium. quod illud.
Tui Regis Imaginem; sed illam
Pictam; et illam Animi. Eia multiformes
Pallas daedalae tempora Colores
Nam tu sola potes Peerae ad ungvem
Spirans Animi referre vultus.
Ergo Quaequae [perhaps: Quaeque] tui Coloris umbram
Ac lucem in medium repone Virtus
Quotquot Mentis ad hanc sedetis aram,
Et quis cottidie litat Peera.
Virtutum Pietas monarcha, cultus
Da pigmenta tui colore vivo:
Candor, Gratia, Comitas, Venustas,
Incorrupta Fides, decus-Honesti,
Condito Gravitas sale et Lepore,
Voti Sobria vita Temperati,
Et Modestia saeculi smaragdus:
Vestrum promite singuli Colorem,
Quo vos candida Veritas colorat.
Nunc, Pictura, Coloris universi
Tincturam mihi temperato cunctis

---

page 109, image: s125
Perfectam numeris: et experitor.
Viva exibit Imago Ian Peerae,
Peerae Interioris. Hunc habeto
Nuptiale, Virago nupta, donum.
Mesane ille meae dedit Columbae;
Sed vultus imitamen, et caducas
Taubmanni exsuvias [reg: exuvias]. Tibi ipse reddo
Immortale tui quod est Mariti.
Hunc habe tibi nuptiale donum.
In sinum et gremii reconde bulgam;
Et plenam patere exprimi figuram.
Tu Regina; sit Imperator ille:
Tu Diana; sit ille Sol Dianae.
Divisum imperium sit ergo vestrum:
Debetur tibi tota Nox; in ista
Tu sceptrum rege Regis: Imperator
Diem vendicat. At, boni o Mariti,
Rex regum deus, imperator aevi,
Cui Solis rota, cui Diana paret,
Ad vestrum regat universa Votum

oblatum XXIII. Novembr. Anno M. DC. XII.

---

page 110, image: s126

AD ZACHAR. MARTINI Cycneum, Sponsum.

QUam non tempore tu tuo; quid? immo
Quam non tempore tu meo, cupitas
Longo tempore Nuptias adornas!
Ivissem Pater essedo Flemingo;
Ivissem mea Iuno, feta quamvis:
Ivissent duo Filii; sorores
Iussent totidem; quaterna proles:
Ivisset Famula, et Catellus; octo
Ivissemus [correction of the printer; in the print Invissemus]; et universa turba
Quot sunt cumque domi Columbularum.
Tantus nos calor excit arat ire,
Qua vernum nemus Albis ElbenavI [reg: Elbenavii] est.
Nunc Albis hiemat; solum lutescit;
Aer nubibus horret et pruinis;
Dies ipsa brevissime coacta est;
Nox longissima, quaque longiorem
Suis delitiis [reg: deliciis] tuique furtis
Vix ausit sibi postulare Nartha.
Quod ergo illicium sit aut voluptas,
Istuc me trahere et meos? Tibique
Et vestris onus aggravare curis?

---

page 111, image: s127
Quicquid sit tamen hoc, vel illud; irem
Ac Philemantium tuam viderem,
Quam famae melior fides ad ungvem
Moratam probat, uniceque dignam,
Quae Maritinia nominetur, et te
Talem nacta virum marita fiat?
Se, quem Piera domi sua umbra
Et Musae Charitesque nutrierunt
Quem Martis furor Hungaris in oris
Inter Turcophagos calere vidit:
Quem crux splendida versiformis Aulae
Honesto officii probavit usu.
Irem, et Caesaris Os, cycnique canos
Viderem Emeriti, Virum Latine
Et doctum satis, et satis disertum.
Quin Fratrem quoque, tot mihi ex amicis
Et fidum et veterem videre vellem;
Et quae seria, iocosa-quondam,
Inter sobria ruminare pocla.
Irem, inquam, vel ad arva Leucopetrae:
Ni me Sontica Causa serticetum [perhaps: senticetum]
Elucare meum domi iuberet.
Rogas, quale sit hocce senticetum?
Vestras ibi malo suspicari:
Praesenti tibi ponam in aure causam
Germanae liquidaeque Veritatis.
Tu Tuae, quod habes, sed et te ipsum

---

page 112, image: s128
In aurem atque oculos; in os, et ipsum
In sinum et gremium, sed et medullas
Et lumbos penitissimos repone
Sit felix positura Zachariae:
Sit Matthae cubitura feta: pleno
Fundat Copia res abundae Cornu.
Fiant, quae fieri sibi praeoptat
Felicissima [correction of the transcriber; in the print Felicifiima] biga Nuptiarum.

AD CLARAM VOLCKMARIAM LEONHARTO HERMANNI nubentem.

CLara Nomine, clariorque Forma,
Sed clarissima Cordis involucro,
Quod virtus speculi instar expolivit;
Salve Sponsa meo novella versu.
Scin tu factio Nuptialis, hoc qui
Taubmannus sciat? Amplitudo famae
Hoc dixit mihi: dixit? immo vidi,
Et bis auribus hausta subnotavi,
Cum me Lipsia, Lipsiaeque Croesus
Lebzelteriades vocasset esum.

---

page 113, image: s129
Ad latus mihi Clara tunc sedebat,
Clara nomine, clariorque forma,
Sed clarissimae Cordis involucro.
Ratus sum Venerem sedere mecum:
Nam forma Venus est. Sedere mecum:
Minervam ratus: usque sic et usque est,
Qua sexum decet, artifex Minervae.
Nec tantum Venus et Minerva mecum,
Sed sedere etiam Rebecca visa est;
Tantae illi Pietasque castitasque
Os et verba foris; cor intus, ornat.
Mihi adhuc caligae calent, et aures,
Et atque oculi. Bene, o bene uni
Sit Lebzelterio, vel ille quisquis
Me sessum prope virginem locavit!
Ver inter medium, merasque visus
Sum sedere rosas; merumque mulsum,
Et merum bibere et comesse nectar.
Et iam nunc oleo rosas, et offas
Lipsenses sapio: Meaeque fio
Suspectus mulierculae; negatque
Posthaec velle pati, foras ut usquam,
Nedum Lipsiacas eam puellas.
Frustra ergo tibi nuptialis hospes.
Exspector, Neonympha. perge nuptum
Hermanno ire tuo. Bene et beate
Sit vobis in amore: sint rosarum,
Sint mulsi omnia plenae: liberorum

---

page 114, image: s130
Vestro e sanguine liberos videte
Omneis [reg: Omnes] omni nodo bono affluentes
Fortunaeque Animique Corporisque
O Praesentia sint recens- Maritis,
Absens quae voveo maritus, ipsos
Nunc annos quoque sedecim maritus,
Ipsometque [correction of the transcriber; in the print Ipsomteque] die maritus isto.

XXVI. Maii. Anno M. DC. XII.

AD M. NICOL. ANTHERUM, Sponsum.

QUam diu mihi, Nicolae; nota est
Rerum, quas geris, indoles tuarum;
Quicquid ausus es aggredi exsequive,
Festinum et calidum est: idemque iustis
Exactum modulis. quod hercle rarum est.
Maturus Cito litteris ephebus,
Nostras Ilico visitas Athenas:
Doctrinas rapis Ocius: Magistri
Exemplo titulum mereris et rem:
Actutum ad patrios redis penates:
Quammox Gymnasii Professor audis:

---

page 115, image: s131
Amas Praepopere puellam: amatam
Ducis Continuo. Triennis hora est,
Et haec omnia facta. Quid futurum est?
Hoc si pergis Alacritatis aestu,
Confestim Socerum Sorumque [perhaps: Suorumque] Teque
Et patrem atque aviam atque avum videbis:
Quod spero; quod et auguror; quod opto,
Et quae Cetera Coniugale pactum
Optari sibi vult et augurari.

AD M. ANDREAM SCHEFLERUM Sponsum.

SPectamen Fidei quod Abrahamus,
Dum iussus fuit exsulare, fecit;
Nunc Scheflere, videris aemulari.
Is, cum robur et aes virile Gnatus
Circa pectus haberet, ut procari
Et patris facinus patrare posset,
Ito, dixit herus suo Fideli
Ad caros mihi sanguinemque notum
Affinemque domum; meoque Gnato
Illic poscito nubilem puellam.
It, et poscit, et impetrat Rebeccam

---

page 116, image: s132
Isacique suo domum reducit.
Tu factum adsimilas. Ab albimonte hoc
Uxorem sibi duxit ad Borussos
Nunc-olim Pater optimus: torique
Exemplum bene profuisse sensit.
Ergo idem quoque Filio laborat
Provenire [reading uncertain: print faded] suo. Redito, dixit,
Ad caros mihi sanguinemque notum
Matthaeamque domum: tibique posce,
Quae matris gerat indolem, puellam.
Venis, poscis, et impetras puellam,
Adducisque Patri. Bene hercle factum!
Vellem exemplar Avi Patrisque vellet
Quondam et ipse Nepos adaemulari!
Perfectum solet esse tertianum!
Istud sic precor evenire Vates,
Cui Matthaeis item puella cessit
Omni nomine diligenda coniunx.
Tua, ut sanguinis est; ita esto morum
Haeres Ursula. Sit tibi Rebecca:
Illi Isacus eris. Pari utriusque
Vobis fata modo Deus secundet.

FINIS PHALEUCORUM [reg: PHALAECORUM]

---

page 117, image: s133

Frid. Taubmani EPIGRAMMATUM LIBER.

Ad Serenissimum PRINCIP. AC DOM. D. MAXIMILIANUM, Divi Maximiliani Caesaris F. D, Rudolphi Fr. Archiducem Austriae, Ducem Burgundiae, atque [correction of the transcriber; in the print atquae] alibi Dynastam, III. Non. Ian. cIc. Icc. XII. Dresdam ingressum.

---

page 118, image: s134
SAxo meus, devota suo qui Caesari gestat
Corda, Fidem Supra paene Fidele Caput:
Caesaris ut vidit Te fratrem, et Caesare natum,
Et non indignum numine Caesareo:
Augustum minitatur Avum; (fiam augur in isto
Vivere defunctum, Tento, videbis avum)
Cuius item Pater ille Tuus magni hospitis olim
Maximus heic [reg: hic] hospes Aemilianus erat:
Atque ima sibi mente-animi nova gaudia gaudes,
Hospitis et tanti torus amore calet.
Et licet inversum tristarit Aquarius annum,
Inter aquae medias risit Apollo minas.

AD CHRISTIANUM WILHEL. Archiepiscopum Magdeb.

CHristianum Albertum, Christiane Wilhelme, lavacro
Suscipis, et Pueri verba tacentis Habes.
Longa quidem series Augustaque nomina Divum
Inter honoratos pompa fuere lares:
Tu pompae Dux primus eras. sic nempe decebat
Primatem primae laudis habere decus.
Cominus ipse fui pompae spectator, et isto

---

page 119, image: s135
Carmine Spem nati Principis exposui.
Cuius et Exemplum, nostras quia doctus es artes,
Teutoniae Princeps maxime, trado tibi.
Vive diu princeps: et si tua fata minantur,
Materiam similem carminis ede mihi

13. April. 1612. Dresdae.

AD MAURITIUM Hassorum Principem.

MAuriti, ex oculis Charitum cui mulsa venustas
Spirat, et e pleno pectore Socraticum:
Quum te Saxo pater sociis amplectitur ulnis.
(O utinam socia relligione Patres?)
Visa mihi est Antiqua Fides,et Martia pallas
Iungere fraternas in sua vota manus.

6. Mart. Tychopyrgi.

IN CASPARUM Von Schonberg in Pulniss.

FErt Oculos Auresque et Corda vicaria Saxo,
Ipse oculatus, et auritus, cordatus et ipse.
Ast Oculus Schonbergii oculis prior omnibus; Auris

---

page 120, image: s136
Omnibus auritis; Cor et omnibus est Cordatis.

AD WOLFG. ERNESTUM Lohneysen Eq. Brusvvic. GEORGI [reg: GEORGII] EN GELHARTI, F.

ME Rectore (agitur nunc tertius annus) in Album
Nomina sollemni more professa dabas.
Dic, quibus interea solatus es otia curis?
Aut dic tu Veri cauta ministra Fides:
Quis aevum studiis pubes Lohneysia trivit,
Cultor Ephebei dum fuit ille tui?
Nobilium generosae virum nutricula Virtus
Si cui se propriam tradidit, Ille fuit,
Ille fuit, cui Musae animum, cui Gratia corpus
Pubis in electum perpoliere decus.
Occultae inprimis rapuit calor indolis illum
Ad Labyrinthei daedala monstra cycli:
Patris ad exemplum, qui Miras dicitur Archi-
medea [reading uncertain: print faded] formas effigiare manu.
Gratulor hoc etiam Brunsvvigo Saxoni. Taleis [reg: Tales]
Henric. - Iuliades debet habere manus.
Nunc sequitor, Wolfgange; Patrem. Facis omnia, tanti
Si Patris ingenium tantaque Mira refers.

---

page 121, image: s137

AD I. FRIDERICUM Von Schonberg/Consil. Sax. et Arcis Wittebergensis Capitaneum etc. Pro redimendo pallio, quod reliquit captivum.

AUfugi, fateor, caeca nocturnus in umbra.
Deseruique merum, palliolumque meum.
Dic, utrum fuerit melius: fugisse; vel aegrum
Epotis hodie decubuisse vitris?
Certe, si iusta vis rem ratione putare,
Iudicio obsolves me, Friderice, tuo.

Atque pallium Taubmanno remittes.

AD GERSTENBERGERUM

GErstenbergiade, cui nostra Professio debet
Ornamenta sui prima Magisterii:
Hunc etiam Salve, qui nunc tibi nascitur, annum.
Et Musae extremae velificato meae.

Dresdae Cal. Ian. 1612.

---

page 122, image: s138

In Salvianum. C. RITTERSHUSI ICti.

RIttershusius ille Salvianum
Germano cupit approbare caelo.
Iam me Teuto rogas, libri quid illud.
Quid libri fuerit, quod edit ille
Rittershusius optimus bonorum,
Et doctissimus auctor Optimorum?

22. Iul. Anno 1611.

In Imaginem DAN. SENNERTI, Profess. Institutionibus [correction of the transcriber; in the print Institutionibns] Medicis praefixam:

VUlgus ait: Sic Ille oculos, sic ora gerebat.
Ast hoc est hominis ponere dimidium.
Totus in hoc Opere est Sennertus: amatque videri
In graphio Corpus, Spiritus in calamo.

21. August, Anno 1611.

IN Martialem Christianum I. BURMEISTERI Poetae et Theolog Sax.

---

page 123, image: s139
AEGyptum (liceat mihi hoc) Latinam
Multos despoliasse Christianos
Res certae: et spolii decus probatum.
Burmeistere, Deo duce et Minerva
Suffuratus es ipse Martialem:
Quique olim fuit in Toga Quiritum,
In sacro modo Pallio Poeta est.
O furta ingeniosa Christianis,
Spartano quoque praedicanda furi!

16. April. 1611.

AD AMBROSIUM RHODIUM Kemb. Medici titulo auctum.

OCto dies sunt ipsi hodie, Kembergidos astrum,
Mox etiam patrio Phoebe future polo;
Octo et triginta nostra quum voce Magistros,
Philosophum thiasi duxque paterque, creas.
Mirificas in honore vices! Patris ecce patrati
Ipse creatura es. ante creator eras.
Sed tuus ille luto finxit meliore Prometheus
Ossa tibi: et Titulo magnificavit Opus:
Maiorisque tuum praescripsit imagine Nomen:
Ut Doctorem laudet Hygeia suum

---

page 124, image: s140
O et Ductorem (quid enim tibi restat ab illo?)
Te facit (scin quae?) virgine pulchra Venus:
Illa Magistrum, Docturam illa una venustat.
Hoc pretio fieri Doctor et ipse velim.

25. Sept. 1610.

In Obitum CORDULAE ZIGLERIAE D. IOHANNIS SEUSSII Secretarii Elect. Saxonici.

UXorem quereris funus Tibi flebile factum,
Teque ipsum in Carae funere funus agi.
Condoleo, quid enim non cor mihi finderet aeque;
Qui pars sum cordis dimidiat a tui?
Vellem etiam Musas nostro miscere dolori,
Atque Elegis alior participare meis,
Sed natum in Musas, et in omnia laeta, cupressum
Funestare meum devovet ingenium.
Seussiade, tacitum sine me celare dolorem,
Exprimat affectum nulla querela meum.

AD INSIGNIA SEUSSIANA.

---

page 125, image: s141
PEr Clypei medium, duri inter robora ligni,
Ter gemina angustas tranat Alauda vias.
Prima quidem, pietas, Labor altera, tertia, Fama, est,
His ad virtutem tollimur Alitibus
Angustum est Virtutis iter. Sed culmen ituro
Augustum, angustae lira terenda viae est.
Propria Seussiacis sunt haec insignia: verum
Impingunt monitus Omnibus illa suos.

AD SAM. HEFFENREFFERUM Matthiae Theologi F. De Ischiadico dolore disputantem.

HEffenrefferiae vigor indolis, aemule patris.
Ille Animae medicus, carceris ipse Animae.
Improba Palladiis te provocat Ischias armis
Alterna sertam ducere prompta manu.
Sed mihi si nota est tua vis et acumen et usus,
Ingenii punctus sentiet illa tui.

---

page 126, image: s142

AD HEINRICUM SIBERUM, Sponsum.

VIdit Calliope Vatum Docora [reg: perhaps Decora] alta Siberos
Deficere, et summam nominis esse duos.
Non sic, inquit, erit. denubam aut ipsa Sibero
Orpheique alterius hoc patre mater ero:
Aut aliam ducat. Venus audit; et ocius ignes
Implicat Heinrici Wurceniaeque fibris.
Quis neget auspicibus tam magnis, patria Vatum
Saecla propagari posse Siberiadum?

AD IOH. PLARERUM Siles.

OTium melicon, quod hoc modesto
Praescripsit titulo, Plarere, legi.
Lectum sic mihi se probavit; ut vi
Cuiusquam melicum negotiosum.

Ad Imaginem IOH. NIENBORGI [reg: NIENBORGII], FRIS. P. L. et Not. [abbr.: Notarii] et Sax. Bibliothecarii et Secret.

---

page 127, image: s143
ISta Nienborgii facies et Corporis umbra est,
Certior illa; Animi quem tibi pingo color.
Austera est facies, sed Pectus come: colore
Fusca eadem; verum Mens nive candidior.
Doctus: at hoc nescit. sed enim scit Apollo Themisque;
Et Laurum et Calamum Caesaris ore dicant:
Musarumque domum Saxo; et Secreta metalli
Credit. Et in tantis se putat esse Nihil.

Febr. 1612.

AD IOH. STARCKIUM Lunaeburg. Sax.

Si Pulchrum est, genitum esse patre Pulchro;
Formam lacte rosisque temperatam
Subaucto- bene corpore obtinere:
Si, se moribus expolisse pulchris:
Et Pulchras didicisse Disciplinas;
Graeco carmine provocare Graecos;
Latinos Latio; sed elegantes,
Sed illos veteres: in universo
Se probare sopho probis magistris:

---

page 128, image: s144
Quadraginta duobus hic Magistris
Palmam praeripere, et viros Ephebum
Investem- prope ducere in palaestram:
Haec si pulchra; (sed esse quis negabit?)
Pulcaeer nimis es: nimisque Pulchrum
Haec fecere foris et intus hinc de
Pulchritudine, pulchritudo totus,
Starcki, iure tuo, et bono, Peroras.

24. Sept [correction of the transcriber; in the print Septt]. 1161 [perhaps: 1611].

In GYMNASIUM SYRIACUM M. CHRISTOpHORI CRINESI.

TAndem etiam sermo ille Deus quo Sermo loquutus
Factus-homo, Pubi scribitur et legitur:
Gymnasiumque Syrum celebrat Germana iuventus,
Desitus et nostro vivit in ure Syrus,
Gaude, Crinesi. vox publica in Orbe docebit,
Quae privata meae scis docuisse domi.
Graeca, latina, Hebraea [correction of the transcriber; in the print Herbraea] aliis alii ite professum:
Hospitis omnis amor Lingua Syrisca mei est.

---

page 129, image: s145

AD NICOL. BULACHERUM: MATTHAEI WESENBECI [reg: WESENBECII] ICti. CONSILIA publicantem.

SAno Oculo nihil est homini magis utile quicquam
Vix etiam quicquam dulcius est Oculo.
Ast ubi perpetua noctis-color incubat umbra
Nec dulcis, nec res utilis est Oculus.
Caeli ostende iubar, clarumque admitte diei;
Dulcius haud Quicquam est utilius ve Oculo.
Quis Wesenbeciaden Oculum neget esse Themistos?
Optima pars Oculi sed tenebrosa fuit:
Scilicet illa catae vis Consiliaria mentis
Chartarum latuit semisepulta situ.
Bullachera Themis saeculum miserata virumque,
Hunc Oculum e tenebris eruit eque situ.
Si compar virtus parere est partumque tueri,
Par Bullacheri fama Wesenbeciae est.

---

page 130, image: s146

AD VITUM FRANZIUM, Thomae F. WinshemI [reg: Winshemii] N.

FOrtunam ex aliis; Virtutem Patris Avique
Disce domi. specimen nemo dabit melius.
Winshemii Franziique proba te sanguinis Unum:
Sic nostrae fueris Unio Teutoniae

26. Iun. 1612.

In Hamburgum HEINRICI VAGETII, Hamburg. Sax.

MErcurius cerebroque patris soror editae Pallas
Quaerebant aliqua Saxonis urbe locum,
Contiguasque domos: ubi pro se cuique liceret
Saga magisterii Scita probare sui.
Contigit Hamburgum, rarae decus Urbis, et Orbis
Emporium laeto fertile Mercurio.
Nec minus fratri soror aemula Pallas
Atque Urbem atque Orbem provocat Ingeniis

---

page 131, image: s147
Nobile certamen cum fratre [correction of the transcriber; in the print fatre] sororis! Agonem
Scribito, Vageti. tertia palma tua est.
Scilicet Hamburgum digne mihi, iudice Phoebo,
Nemo nisi Hamburgum scripserit Ingenium.

20. Ian. 1613.

AD SAM. LYSICHIUM, Hertzberg. Cum Margarita Didymi F. Sponsum.

CArmina qui cecinit Dydimus Sionia quondam,
Natam ex se nuptum dat tibi, Lysichide.
Nunc et tu didymus. Deus ille Sionis, in annum
Te velit e Gemino Tergeminum fieri.

AD ANDREAM SEYFERTUM, IC.

TEsseram Amicitiae mihi quem Seieerte [perhaps: Seiferte], dedisti,
Carmine perpetuos memorabitur Annulus annos.

24. Octobr. 1601.

---

page 132, image: s148

AD CASP. DORNAVIUM, Sil. Med. Doct.

PRoximus ille Deo doctor; qui doctus, et apte
Qui sua defundit dogmata discipulo.
Iste tibi Zwingerus erat, qui palladis omnes
In thesauros transtulit, Oris hama.
Nobile vas illud vis maior fregit. At in te,
Dornavi, restat nobile depositum.

4. Febr. 1612.

AD ABRAHAMUM SVARINUM, Theologum.

DOctrina et Virtus pretium est, quo Doctor ematur.
Nam Titulus quovis munere vilis emi.
Tu pretium, Suarine, diu Doctoris habebas.
Sed tenuit tituli-vota modestus amor.
At non se tenuit Sionia buccina, quae te
Doctorem pleno clarat ab elogio.

---

page 133, image: s149
Leucoris elogium votis, ego Carmine signo.
Nunc te Doctorem Re Tituloque [correction of the transcriber; in the print Tituloquae] geras.

ANNAE FRENCKELIAE, Spiritali mihi a baptismo filiae.

FRatres germanos, Rudolphum Caesarem in auro,
Matthiam argento, Filia munus habe.

8. Mart. 1611.

In Symbolum SAMUELIS LATOCHI [reg: LATOCHII], Siles. Et DEUS et Caesar.

ET Deus et Caesar, sunt omnibus omnia, iuncti.
Nam par hoc socias gestit habere vices.
In Caelis Deus est; in terris Caesar, imago
Numinis, et Numen tactile; dius-homo.
Quod Deus, hoc Anima est: quod Caesar, Corpus, et inter
Humanos veluti pesque manusque Dei.
Aut Deus, Aut Caesar, qui vult alterna, frequentet.
Et Deus Et Caesar Symbola [correction of the transcriber; in the print Symbla] Latochidae.

7. Iul. 1611.

---

page 134, image: s150

AD MART. IONIUM, I. V. D.

QUod diu meditatus es, Themistos
Fis mystes hodie; decusque Mitrae
Et Libri et cathedrae Osculique dantur
Sollemni gravitate, maximoque
Pompae lumine Musicae caterva.
Quid, Martine, tibi, quid ipse dicam,
Qui sum Calliopes deae sacerdos,
Non vestrae Themidos? Quid ergo dicam?
Nomen tam bene - nominatum, et ausum
Doctoris tibi gratulor Phaleuco [reg: Phalaeco],
Phaleuco [reg: Phalaeco] breviore: si vacaret,
Heroo quoque gratulor cothurno.

AD WOIFG. SCHALLERUM, Med. D.

SChallere, ingenii GenIque [reg: Geniique] felix,
Divi nobile germen AesculapI [reg: Aesculapii],
Recte atque Ordine tu viam secasti
Per Virtutis iter Bonaeq. Mentis
Ad sacraria gloriosa Honoris.

---

page 135, image: s151
Hic paucorum animus, sed optimorum est.
Ventoso tituli tumore pleni
Multi saepius irruunt Honores:
In Te vis solidi coacta Veri est.
Quem triplex sophos, Herculis Stagirae,
Et vis vivida principis Galeni
Doctorem faciunt, mihi esto Doctor.

AD M. NICOL. HERMANNUM, Mathematicum.

HUnc tibi, Gissa potens Musaei nectaris, ab se,
Ceu Genetrix Natae, dat Witeberga [correction of the printer; in the print Witteberga] virum.
Ut, velut in tribus es, Quarta face nobilis exstes:
Invideat Cathedrae ne reliquae Urania.
Finckius ex illis nodosa volumina Rerum
Per Logicas solvit restituitque plicas:
Nec minus idem audit Naturae mysta latentis.
Ac medici firmas fundat Honoris opes?
Helvicus Hebraeae Graiaeque pari indole linguae
Doctor, habet paucos, si modo et hosce, pares.
Quid te animi dicam partem, Bachmane, Columbi?
Ille tuo cupiat tinguere [reg: tingere] in Amne caput;

---

page 136, image: s152
Cui Charitas niveos Amni indulgere liquores
Eque Medusaeo flumina fonte solent:
Historiae quem non gravat impenetrabile Saxum,
Quo minus in nitido pura sit unda sinu.
Qualis ab Idalii Rivus pede montis in arvae
Labitur, argenteis nobilis agminibus.
Vos mihi Rectoris titulos, Academia quorum
Semestri legem sustinet imperio;
Grator ego vobis hoc augmina praede Lycei:
O Bene utrinque sibi credita quisque Regat!

AD MART. HAYNECCIUM.

HAynecci Emerite stipendia docta Merenti
Kessiadae Gnatam [reg: Natam] nubere Lege iubes.
Gratulor Emerito Musis Venerique Merenteis [reg: Merentes].
Quique merent, Sic sint Emeriti in Meritos.

AD IOH. PALAEMONIUM, MAGD. Medici titulo auctum.

---

page 137, image: s153
ITe Hippocratis adseclae: Medentum
Augetur numerus; sed hercle tali
Qui non est numeras: sed eminenti
Quem primae quoque gloriae magistri
Ponant in numero. Quis ille? qui rem
Naturae penitis sapit medullis;
Qui secret a reconditi Galeni,
Arteis [reg: Artes] qui tenet intimas Hygeiae;
Nostrae Parthenopes honesta proles.
Vin nemen? Palemonius. Profecto
Docturae sibi purpuram meretur,
Vel ipse Hippocrates sit huic Palaemon.

AD IOH. PUCHNERUM, Med. Candid.

QUem Charis ingenio Slesiae nutriculae vultu
Induit et laeti fronte supercilii:
Omnigenasque Erato quem duxit honesta per arteis [reg: artes]:
Et quae te faciunt cetera dona Meum,
Puckneride: subigunt districtum et in omnia lentum
Urbe profecturo dicere Verba Bona,

---

page 138, image: s154
Virtuti pretiosa tuae sint praemia, quoquo
Veneris, et votis sint sua fatae meis,
Sic mihi, sic poteris Doctisque placere Bonisque.
Rex fuerit, Doctis qui placet atque Bonis.

AD BENEDICT. COTTAM, Schol. Arnst. R. Sponsum.

QUid me Cotta, facis? Hymen o Hymen,
Ad pactas tibi nuptias ciebo?
Quid me flore sisymbrii coronas,
Cui lethaea caput cupressus umbrat?
Comoedique choragio tragoedum
Lascivire iubes? Amoenitates,
Et Ioci et Veneres tere pessum,
Funestos mihi fecit inquilinos
Ex sorore nepos. Programma dicet.
Tu, mi Cotta, rosis inambulato,
Qua te flora Venus Deusque ducunt.
Fatis utere tu tuis; quod opto:
Atque Elissa tuis; bonis utrinque,
Hoc est, quod potuique debuique,

14. Sept. 1612.

---

page 139, image: s155

AD GEORG. ANDREAM FABRICIUM, SAX.

FAbricium decus egregium: tua Carmina legi.
Iam tu censurae vis monumenta meae.
Quid dicam? Scripsisti, Iterum Quae digna legi sunt:
Hoc est, quae Flacci Scaligerique probent.

Dec. 1611.

DE MATTH. GOTHIS Stolberg. Patre et Filio.

GOthis Ingenium, Gothis dedit ore rotundo
Musa loqui; Gnato Romula, Graia Patri.

15. Aug. 1611.

AD P. AILBERUM, Variscum.

---

page 140, image: s156
LAus est, non nego, Laureata virtus:
Et Lauri ibi gratulor Coronam,
Qua te Caesaris Optio beavit.
At tu, quod meditaris, ito Pragam:
Musis ito vocatus et Senatu:
Et doctas ibi Litteras iuventam
Et Morum decus aurei decori
Et sanae Pietatis, erudito.
Hoc si feceris, Ailberide (. ut opto,
Et spero) potior mihi universis
Poetis potes esse Laureatis.

4. Aug. 1611.

AD THEODORIC. ERMLERUM. Scholae Stendal. March. Rectorem.

ITo dadum [perhaps: datum] satis est doctis Ermlere, Lyceis.
Porro iuventutis sume magisterium.
Corporis est matura tui morumque venustas:
Socratico plenum Cor tibi fonte madet:
Tunc potes esse mihi Venerisque et Socratis icon,
Quum facis ut pubes sit tua imago tui.

17. Octobr. 1611.

---

page 141, image: s157

In Speculum. Vitae GEORGI [reg: GEORGII] MANCINI Sver. Meg.

IUdicium formae speculum est. Novus aere fastus
Extudit: aequor aquae Simplicitatis erat.
Iuro Fidem, Mancine: nova et vetera omnia, Vitae
Hoc Speculo vincis Sudaque et Uda tuo.

8. Dec. 1611.

AD IACOB. VOLSIUM, Scholae Coslin. Pom. Rect.

CEnsurae (si tanta) meae tua Carmina, Volsi,
Mittis: et ut pretio constet opella suo;
Centum addis teretes Oculata volumina pisceis [reg: pisces].
Nempe Argum vis me centoculum fieri:
Cuncta ut pervideam. Pervidi cuncta: neque unum
Centum oculis vidi Grammaticale nefas.

12. Decembr. 1611.

---

page 142, image: s158

AD DAV. KILGERUM, Scholae Bresburg. Hung. Rectorem.

PIsonium Consul rexit Maurachius urbem,
Pisonium Superae sinciput Hungariae.
Consulis auspicio tu rex, Kilgere, iuventae es,
Quam cibat Aonio docta Minerva thymo.
Dignus uterque suo, diversa per ordia, regno;
Consulere ille suis, ipse Docere tuos.
Hocque illum fecisse bono Sermone Peroras.
Hincque et Doctorem te liquet esse bonum.

25. Ian. 1612.

AD IOH. RUDINGERUM, Olim - Sponsum.

FEcisti, scio, Nuptias; et abs te
Virgo iam mulier marita facta est.
O Hymen tamen, o Hymen, citari

---

page 143, image: s159
Rudingere meo cupis phaleuco [reg: phalaeco].
Nonne hoc Pythia visitare Sacra est,
Cum iam praeco sacros abire iussit?
Nonne hoc suppetias venire Troiae est,
Cum iam Troia sui cadaver agri est?

M. Iunio 1612.

AD ANDREAM BAUDISIUM, Siles. Phil. M.

TAm Docto iuveni, Probo et Modesto,
Indutoque recens decus Magistri:
Baudisi, tibi gratulantur omnes.
Tam Doctum iuvenem, Probum et Modestum,
Indutumque novi decus Magistri
Tuo plus ego gratulor Parenti.
O talem quoque Filium parenti
Tot Vatum mihi vota gratulentur!

25. Sept. 1601.

AD CHRISTOPH. Koch / Sil. Poetam L.

---

page 144, image: s160
SIc omnes condire cibos, ut iuverit omneis [reg: omnes],
Ars est non omni nota perinde coco.
Omneis [reg: Omnes] esse cocos vult Dipnosophista Poetas.
Tu Cucus. ergo mero iure Poeta clues.

22. Iul. 1612.

AD IULIUM ABDIAM WICKNERUM, Phil. Mag.

TErtia palma tua est, Iuli-Wicknere, Magistri:
Quam multi prima pluris habere solent.
Nec nisi tergemina credunt virtute mereri,
Quem ponit tali censor Apollo gradu.
Auspice Taubmanno maioribus utere pennis:
Detur ut et capiti Purpura Prima tuo.

AD ERASMUM GELTNERUM, Francum.

MNemosynon, Geltnere, mei vis sumere tecum:
Quando domus nostrae fructus es hospitio.

---

page 145, image: s161
Quin contra, mihi quod fueris tam Commodus Hospe,
Mnemosynon vitae semper habebo tuae.

Cal. Febr. 1611.

AD M. IOH. SARTORUM,

FAbula sic agitur vario centone choragi:
Personamque gerit schemate quisque suo.
Induit Euge illud Schmidius semestre Decani,
Quod mihi dexter heri Lucifer exsuerat.
Tuque etiam Patriam, post tres trieteridas [reg: trieterida], aegrum
Principus [perhaps: Principis] excitu, Iane, profectus adis.
Nec quas ille tibi partes Aedilis agendi
Adserat, exprompta me ratione doces:
Utrum sacra caput tibi flammis infula cingat;
An Ludi saeclum te iuvenile vocet.
Sed tu perge domum, et personam sume theatri.
Seu Schola, seu Templum te vocet, Aptus eris.

---

page 146, image: s162

AD MICHAEL. BLUM, Mercat. ac Senat. Witteb. ET FILIUM COGNOMINEM

ET Pater, et Fili, Michaeles ambo; renati
Ambo hodie annali Nominis auspicio:
Versiculis salvete meis; quos mitius astrum
Fecit nataleis [reg: natales] Ambo videre dies.
Saepe velim faciatis idem: (Deus annue!) vobis
Hoc facere officium me quoque saepe velim.
Exitus in Domino est. hilari tamen atque lubentes
Vivite quem praesens ordinat hora diem.
Si cras ad solitum sese labor occupet orbem,
Neutrius temere munus hiasse querar.
Praecipue, Fili, primi spes plurima voti,
Irrequies animet cor tibi cura Patris,
Qua calet in merces. Exemplum cautus amato:
Nam mercaturae vim quoque Pallas habet
Inde domo varias pubes sectatur Athenas,
Quaesitum ingenii dexterioris opes.

---

page 147, image: s163
Sic Michael, mercare: tibi sic aemula Patri
Cura sit. Anborum [perhaps: Amborum] sic Deus ornet Opes.
Et sic Ambo Mihi Natales vivite laeti,
Nempe senex Genitus, sesquisenex Genitor

AD HENR. DECIMATOREM, Secundum.

NOstri semidecennium fuisti
Alumnus, Decimator, Albimontii.
Nunc te proripis: immo luce clara
Inter publica vota gratulantum,
Taubmannae vetus inquilinus aedis
Et mensae quoque particeps, recedis.
Fas est. cede Deo patrisque voto.
Sat superque tuis fuisse Musas
Polluctas decimis, fatentur ipsae
Decenis, Decimator, his Phaleucis [reg: Phalaecis].

AD CHRISTIOPH. HIRSCHEN, Phil. Mag.

CUi Meibomius, ille doctiorum
Quas Germanis alit corona [reading uncertain: print faded] Vatum,

---

page 148, image: s164
Et Virtutis et Eruditionis
Immortale elego brabeon offert;
A me vilius aestimetur? a me
Non Euge audiat et Sophos theatri?
Favit Leucoris utriusque voto,
Signavitque fidem gradu Magistri.
Quem gradum tibi gratulamur: et ne
Hoc unquam [reg: umquam] moveare, comprecatum
Ego et Leucoris imus atque vates.

AD NICOL. ZIEGLERUM, Livonem: Sponsum.

NUnc mihi re Plinthurgus eris, Zieglere, quod olim
Nomine. Nunc fornax usibus apta tuis.
Deucalionis item de gleba nobile frustum.
Ignea fornaci pabula subdet Amor.
Materies, et quicquid opus factoribus, exstat.
Tantum opus est facto; tantum opus arte tua est.
Concinnato lutum, Lateres et fingito plastes,
Quis generis nostri, se decus aedificet:
Qua templum-Domini, qua Baldi-Curia, qua Res
Oeconomi. pro re sic tibi nomen erit:

---

page 149, image: s165
Utque tibi Sociaeque tuae pulchre omnia cedant,
Vestrum animet magni Conditor Orbis opus.

AD IOHAN. SCHELLERUM, Phil. Mag.

ME, licet audacter (nam quo rem schemate velem!)
Inter tricones nomina lenta refer.
Promisi, Schellere, aliquid tibi carminis olim,
Quando Magisterii pompa Decanus eram.
Interea monitis obtusis Epomida sumpsi
Rector, et in rerum me potiora dedi.
Nec, nisi iam sero, potui tibi solvere pactum,
Tuque Magisterio carmen habere tuo,
Sed quod tum dicturus eram, nunc dico: Meretur
Schellerus Titulum Remque Magisterii.

AD MOSEN HERMANNUM, Philos. Magist.

---

page 150, image: s166
CLeminii Gryphiique fides, illa urbe Lavinga,
Ista Ratisbonae missa, probata mihi est.
Nil opus autographo vel cera teste probari,
Qua Pes, et mentis-ianna [perhaps: ianua] sermo, patent.
Et fac, te non sic doctum esse (uti doctus es) arteis [reg: artes]:
Me capit harmoniae Voxque Canorque tuae.
Salve, Melpomenes fili, o Hermanne! Tibi uni
Iure dabam duplici iura Magisterii.

Ad Reverend. et Erud. V. M. WILHELMUM PISTORIUM,

PIstori, bone mystagoga Christi,
Et nomen quoque non-malum Poetae;
Edis versiculos. Quid hoc? teipsum
Et secreta tua ad meridiani
Solis spicula publicas popello,
Censorumque oculis voculisque
Indignumque pati patique dignum.
Serisu quisque suo pote uti, abuti.
Sed cur tu tua publices, apertum est:
Et vim consilii probo. Quod illud?
In Deum Pietas: in Optimates
Amicosque operosa Gratitudo.

---

page 151, image: s167

AD CHILIANUM FABRUM, Grefresensem, Phil. Mag.

TAubmanni auspiciis et tu Chiliane, Magistrum
Induis, inque nova Sindone victor ovas.
Palladis armatae chlamys haec, atque aegis habetur:
Quam stupet arrectis barbara turba comis
Miles in hac acie tu non caligaris, et umbra es
Velitis. heroi Principis arma moves.
Accipe, quod virtute meres. Quae laurea dignis
Redditur, augustae nomina laudis habe

AD LUDOV. LANGIUM, Francum, Phil. Mag.

ADDuxi, Ludovice, te Decano
Pro te voce vicaria loquutus:
Qui sis: qui genus; et domo unde: qui sio
Doctrinae modus; indolesque Morum.
Auctori mihi credidit Decanus.
Nec me paenitet Eruditionem
Virtutemque tuam: probasse verbis:

---

page 152, image: s168
Quam Censoribus ipse post Magistris.
Modis omnibus affatim probasti.
Nil exaggero, Ludovice, nec te
Vates blanditus adulor ullis:
Si Patres Academiae Magistros
Sic omnes tibi compares crearent;
Et Virtutis et Eruditionis
Res se pulchrius usque et usque haberet.

AD THOMAM IUNIUM, Phil. Mag.

IUniade, legi, atque oculo censore notavi,
Scribere quae multos Carmina iussit amor:
Doctum omnes docti cecinere, Probumque probati.
Et mihi numquam alio nomine notus eras.
Hocque ego te pretio Sophiae declaro Magistrum.
Doctrina et Probitas grande Magisterium est.

AD BENEDICT. AGRICOLAM, Phil. Mag.

---

page 153, image: s169
NOn tu, non Agricultor, otiose
In somnis Helicona somniasti:
Quod faex autumat imperita vulgi,
Et quis somnia litterae putantur.
Montes sunt, et in arduis, agelli
Musarum et Charitum. Volunt arari,
Occarique, fodique, conserique;
Admoeniri etiam. Laboris haec res,
Non umbratilis otii, profecto est.
Ergo ad nominis omen, agricultor
Cum sollers fueris: ad Albimontes
Nunc fructum metis uberem, laboris
Hostimenta tui. Favent Camenae
Teque Noridi gratulantur, et nunc
Votis omnibus ac calente fama
Musaei voticant agri Magistrum.

AD MAEVIUM VOLSCHOVIUM Pomer. Phil. Candidatum.

NOs, qui vile animae sumus salillum,
Et terrae sola frigidas et umbras
Summam credimus Orbis universam,
Vix, quod ante pedes, videmus. Et nos
Non nemo tamen aestimat beatos.

---

page 154, image: s170
Vos caeli genus, astricique templi
Secretaria pompa, subvolatis
Nubeis, aethera, et Orbium recessus
Ad ipsum Iovis intimum sacellum.
Ex hoc semine, Pomerane Maevi,
Te nunc esse probas: et obstetricem
In partu Uranien fuisse matri:
Dein almam puero dedisse mammam;
Ephebumque virumque multi formeis [reg: formes]
Caelorum docuisse disciplinas.
His Virtutibus Ergo Noster Esto.
His et te sapientiae - Magistrum,
Caelestis Sapientiae, creamus.

N. N.

TE tuus e nostro Princeps iubet ire Lyceo:
Vis alios maior pestilitasque fugat.
An fugiunt ipsi? Certe egit in avia multos
Turbo animi praeceps et sine lege metus.
Hac tamen arte tui iussum tu Principis urges,
Oblitus decoris ne videare tui
Nam prius Aonia sub vertice Montis ad Albim
Figis ab ingenio parta Tropaea tuo;
Nempe Magisterii. Sic heic [reg: hic], ( ) fuisti;
Sic hinc migrasti cautus utroque modo

---

page 155, image: s171

AD PAULUM Kreutzgang / Musicum,

DUm vocem extentas, dum vasto gutture Bassum,
Creutzgangi, exoneras; harmoniamque premis:
Templi Academia tremere atque micare columnas
Sensimus, atque ima sed movere basin.
Nunc Halas ito, quo te sacer Ordo vocavit,
Et monstrum ostenta vocis et artificem.
Prima Sacrum sibi poscit, Episcopus altera, Civis
Tertia. Laus magna est posse placere Tribus.
Spernere se sperni vis animosa viri est.
Intra fortunam quisque maneto tuam.
Velle bonum fieri, portio magna boni est.
-- -- Quid non heroica pectora cogis
Famae sacra fames?

---

page 156, image: s172

Ad meam Effigiem.

NON niger bis verum Ater homo est. Fastigia summi
Prima coloris habet color hic, perfectus ad unguem.

FINIS EPIGRAMMATUM.

---

page 157, image: s173

Frid. Taubmani LANX SATURA, Sive SCHEDIASMATA PRORSA POSTUMA: CL. V. CONRADO BACHMANNO CORCULO B. M. M. C. D.

---

page 158, image: s174

COgitanti mihi, Cl. Bachmane, quam sit magnum dare aliquid in manus hominum, cum caure omnia scribens hoc avo non effugere morsum cernerem; subiit animum amplius deliberandi sententia super Parentis makari/tou subit aviis prodendis, ne signatus tiro latus nudum [reading uncertain: print faded] obicerem ad tot ictus, queis [reg: quibus] vix satis gladiator, vix Pancratiasta. Atqui ad hanc tamen temeritatem praecedens me [reading uncertain: print faded] indulgentiae tuae et Doctorum perennitas animavit: cum ad suffragia probata confugio [reading uncertain: print faded] , tum vero etiam miro timore in parendo audax factus sum, dum metuo videri audacior, si negassem, quod magna tot nomina non insuper habendum duxere. Interea adeo non cum Pomponio Secundo ad populum provoco, ut unicos tantum Electos advocare amen, quos intuear, quos et tamquam singulos observem, et tamquam non singulos timeam. Saepe pauciores numero, et inferiores viribus sub bonis Ducibus reportaverunt victoriam. Amplius iuvat virtus quam multitudo. Quin iacta alea esto. Quin, Laeto Deo, Prolem Patris abortivam proles legitima luci publicae te auspice expono quem veneror hoc habeas animi monumentum, cui Dolus Malus Abest. Valeto, pro paternis stato, mihi faveto, qui

T. E. D. Christianus Taubmanni.

---

page 159, image: s175

DECANUS COLLEGII PHILOSOPHICI FRID. TAUBMANNUS, ACADEMIAE WITTEBERG. CIVIBUS S. D.

TRALATITIUM [reg: TRANSLATICIUM] est, et veritutis vim ex auctoritate et usu obtinuit: Uti sementem feceris, ita et metes. Quid nos iam, qui Artes liberales et Philosophiam hic publico Principis stipendio profitemur, eo sive dicto sive dicterio faciemus? Quibus oculis, aut quo motu corporis vim et ictum petentis fame exire aut declinare poterimus? Res ante oculos posita est. nam ita sterilis proventus nostre messis apparet, ut singuli messores vix habeamus, unde manum impleamus. Quid enim, si exempla priorum temporum, et Academiam nostram, quae Studiosorum numero omnes Germaniae scholas facile superare creditur respicimus, viginti novem Candidati

---

page 160, image: s176

sunt, qui MAGISTERIUM nostrum ambiant; Pro alia quavis Academia Semestris iste proventus et messura forte suffecerit. at nos, quae agri huius ubertas esse solet, in his divitiis pauperes aestimamur. Certe singuli coloni (ita spero) sementem plena manu, quidam etiam toto (quod aiunt) sacculo, secimus: et ut grandescerent fruges, Sementinae sua etiam Sacra, pro affectu nostro, celebravimus. Qui tamen factum, ut eventus nec labori ne votis nunc responderit? Dicam. Subita venit tempestas, quae grandinem et calamitatem Maturae mesis flavisque impegit aristis. Pestilentia, inquam, (ut sine velo rem dicam) hanc Academiam afflavit, et bonam eius partem etiam dissipavit: non tantam tamen, quantam curiosa hominum natio alibi mentita est: qui etiam Sereniss. et Optimi nostri Principis (quem scio hanc Scholam interiore animi affectu amare) aures hoc mendacio violare ausi sunt; quasi vix quinquaginta studiosi aut sexaginta apud nos restarent: cum certum sit, plus quam sexcentos [reg: sescentos], et plus eo, restare. QUAE tamen vis ista fuit pestilentiae tanta, quae illos etiam, qui fuga saluti, ut putant, suae

---

page 161, image: s177

consultum iverunt, exigere potuit, aut debuit? Misericordissimo DEO et generis nostri unico Servatori IESU CHRISTO laus sit et gratia; vix tres aut quattuor ex amplissima hac studiosorum multitudine nobis adhuc erepti sunt, quos peste exstinctos osse certo constat. Itaque sicut metus et exspectatio belli multis saepe plus nocuit, quam ipsum bellum: ita hic factum Partim enim terror ille quasi Panicus, quem homines curiosi et malevoli vanitate nugarum magis animarunt, multorum adolescentum consilia in principio turbavit: partim, quod viderunt peste infectos aut leviter etiam suspectos advenas et inquilinos ab indigenis aut incolis fere negligi; ut rene atrocem mollissimo dicam verbo. Hine igitur factum, ut multi ex Studiosis alio se proripuerint, qui nunc fortasse suum sive errorem, sive consilii prioris calorem, paenitendo correctum velint. Et profecto, ut rem dicam, Nimia nimiaque nos mikroyuxi/a et pusillitas tenet, qua ad primam statim Humanitatis et Pietatis Christiana tyrocinium [reg: tirocinium] arma abicimus et fugimus, eosque in acie deserimus, quos propugnare debebamus. Si videt igitur iuventus nostra, ductores et primipilos ad classicum summi Imperatoris pallere, versari et trepidare; quid sibi, nisi fugam, reliquum censeant? Sane quid me meisque factum; immo quid

---

page 162, image: s178

non factum, quod fieri per Christianam caritatem ab illis, qui nobis [reading uncertain: print faded] multo nomine sunt coniunctissimi; nos qui experti, omnium optime scimus, et OCULUS DOMINI VIDIT. neque hic verbis exaggerabo, ne dusfhmei=n necesse habeam. Tres ipsae sunt hebdomades, cum Studiosus in postica et remota aedium mearum parte male haberet. Eum, at melius et securius (cum tuta etiam suspecta nunc essent) curaretur, in Academiae nosocomeum [reg: nosocomium], quod in suburbio est, cubare fecimus: ubi et paulo post occubuit: et, ut dicunt, peste. Sed unde sciunt qui hoc dicunt? Nullus a Nemine. tantum, quia intra paucos morbi sui dies mortuus est; et mortuus est in nosocomeo [reg: nosocomio]. Haec duo scilicet sunt fundamenta et firmamenta fidei ac famae. Nam medicorum aut chirurgorum fato suo viciniorem aut defunctum nemo vidit: nec iste, quod sciam, qui tales publica mercede inspectare tenetur. Qui morientem et mortuum pertractarunt, affirmarunt mihi, nullam totius corporis partem fuisse insignitam, nisi w)mopla/thn et spatulam humeri praesertim dextri, quae tumore quodam excitata tantum apparuerit. Ex qua autem causa, aut Casu potius, tumor iste fuerit, ego scio, atque utinam maturius; et melius illi, quorum quinque sex arbitri et spectatores fuere cum ex altissima malo praeceps daretur. Si isti, qui iurati mortuo adfuere,

---

page 163, image: s179

aliis alia de eo narrarunt, quod tamen non spero, in mendacio etiam periuri fuerunt. Nam si aliud scirem, cur improbius negarem? Ego illum sacrilegum, atque in homines Deumque contumeliosum deputo, qui se suosve contagio infectos certo scit, et malo aliorum occultat: quod diu tamen occultum esse non porest. Nec puto tantam consilii pravitatem et malitiam in pectus Christiani hominis passe cadere. Ab, mi homo! tetigit re Manus DOMINI; da gloriam DEO tuo, et humilia te sub potenti illa manu. Manus DEI est; sed eadem et Patris est. MAXIMUS ille est; sed idem et OPTIMUS est: et primum quidem Optimus, deinde Maximus. quod et illi non Christiani sciverunt, qui Iovem suum inde Opt. Maximum, et non Max. Optimum dici voluerunt. Pa/ntwn tami/ai e)/rgwn e)n ou)ranw=|: omnis ista calamitas divinitus immittitur atque ob id a Tragico etiam Vate bene et sapienter: cumforai\ qeh/latoi dicta, cladas [perhaps: clades] a DEO invectae. DEUM itaque volentes sequamur, aut nolentos [reading uncertain: print faded] trahemur. Illa Romani sapientis, et inter Purpuratos [reading uncertain: print faded] Neronis primarii, numquam sine horrore lego, quando scripsit NOLITE, obsecro vos expavescere ista, quae dii immortales veluti stimulos admovent animis. Calamitas, Virtutis occasio est. DEUS quos probat, quos amat; indurat, recognoscit, exercet. Eos autem,

---

page 164, image: s180

quibus indulgere videtur, quibus parcere; molles venturis malis reservat. Erratis enim, si quem iudicatis exceptum. Veniet ad illum diu felicem sua portio. Quisquis videtur dimissus, DILATus est. Haec ille, quae in pudorem multorum Christiana professionis scripta et conservata credideris. Noque adeo probrum est aut ignominia, ut molles nonnulli opinantur, peste hominem corripi. Si DEUS Civitate tuae iratus, vindicem flammam immittat, et in communi incendio tua etiam domus conflagraverit. ecquid tu te ob eam calamitatem infamia affectum censeas, ut ob id consuetudinem tuam vitare alii debeant? Verum enim vero me in viam et gradum repono, et illud, quod volebam, ago et dico. CUm ergo MEUM illum quem efferebam, communi isto fato defunctum arbitrarer, primis dieculis nihil sum veritus in publicum cum meis prodire. Sed cum postea rescirem, nos sermunculis et suspicione, quae apud curiosos nostros in partem deteriorem semper propendet, peti premique; ultro, atque in exemplum aliis, me meosque ex oculis (ex sermonibus et calumniis non potui) subduxi, atque in hodiernum usque diem domi continui: qui omnes adhuc sub umbra misericordis DEI tuti salvique sumus. Abstinui igitur publicis; et alium interea Optionem sive Vicarium

---

page 165, image: s181

dedi, nempe ADAMUM THEOD. SIBERUM Oratoriae Professorem: quo quidem meliorem et doctiorem non habemus; et sub quo ipse etiam Novus nunc fieri Magister optem! Is meas partes in medio opere interruptas, accepit, summaque fide et industria [correction of the transcriber; in the print iudustria] hucusque tractavit: atque ad diem perendinum, cum DEO, Colophonem additurus est Operi illi nostro, quod vos estis, CANDIDATI PHILOSOPHIAE. Ille igitur meis auspiciis et auctoritate, qua pro tempore, ut Procancellarius et Collegii Decanus, armatus sum, vos ordine omnes et Baccalaureos, qui nondum estis, et LIBERALIUM ARTIUM ac PHILOSOPHIAE MAGISTROS publice renuntiabit. Ad cuius Actus sollennitatem [reg: sollemnitatem] omnes Academiae Cives et Viros bonos cum debita cuique honoris praefatione invito. Atque hoc etiam per occasionem et in transcursu, Humanitatis et Poeticae studiosis significo, me ad diem Iovis proximum, cum bono DEO in Praelectionibus nostris publicis et ordinariis perrecturum. IEHOVAE fulmen est: MALEDICTUS, qui OPUS DOMINI facit fraudulenter. P. P. die X X. Septemb. ANNO M. DC. XII.

---

page 166, image: s182

---

page 167, image: s183

Frid. Taubmanus IOH. RODENBORCHIO Antwerp. Viro Exellentiss. S. D.

QUUM Septembri proximo civitas nostrae contagio pestilentiae funestaretur et in Academia, ob fatum mei ex sorore nepotis inopinum, famila [reg: famula] etiam mea isto nomine traduceretur; placuit domi nos contineri. Varii varia in re ista trepida, ut solet, suadebant: alii sugam aut secessum: alii, ut me unum cum filio tempestati (ut Carus apallat [perhaps: appellat]) creperae subducerem: alii, ut famulam universam. Et huc iam animus inclinabat. sed pientiss. [reg: piiss.] Uxorcula, suo sexu et fortuna saeculi fortior inclinantem salubribus monitis animose sustentabat: ut nec familiam divinitus sie coalitam divideremus, nec universam loco moveremus. Manum

---

page 168, image: s184

Domini esse, avae nos impendeat. Non decere Christianum in Ecclesia et domo fidei dissidentia fidem temere prodere. Cum Iustitia DEI SEMPER currere MISERICORDIAM. Et super eadem, inter alia, Davidis Prophetae PSALMUM. CII. quasi digito Dei exaratum, et caelitus in cor Davidis, et ab eo in Ecclesiam delapsium, identidem obvertere; et in quo scilicet uno MISERICORDIA DOMINI et verbis expressis et colore Poetico DVODECIES continuo inculcetur. Hoc chirographo ipsum audacter conveniendum. Nos quidem chirographum MORTIS fecisse: at illum contra, VITAE. Nec arrogantem videri debere istam usurpationem, sed fidelem: ut quae verum DEUM NON POSSE fallere profiteatur. Sic ergo omnes sub alis et tutela Domini in nidulo nostro perseveravimus, bono et praeter spem multorum eventu. Quod grato etiamnum animo, per DEI gratiam, agnoscimus, et MISERICORDIAM DOMINI precibus ac hymnis diu noctuque celebrare privarim nun desistimus. Atque ut talis ac tanta in nos immerentes MISERICORDIAE divinae argumentum etiam publicum extaret [reg: exstaret], PSALMUN illum meras misericordias Domini spirantem et quassi ex abysso divini pectoris egurgitantem, Carmine Latino heroico indui; secutus [reading uncertain: print faded] peritissimos [reading uncertain: print faded] quosque Hebraeorum fontium [reading uncertain: print faded]

---

page 169, image: s185

aquileges et interpretes. Ut autem affectus mei calorem, aut ignem potius, alimente diuturno et idoneo nutrirem, etiam aliorum Poetarum versiones et paraphrases adiunxi: ut nostrum fierent Duodecim. In quibus [correction of the transcriber; in the print Inquibus] quidem typographi comitas primum mihi locum dedit, qui in postremis stare debueram. sed quomodo scilicet primus est metator, qui Principibus diversorium [reg: deversorium] designat: aut tympanotriba, qui militem in aciem producit. HOc autem pietatis exercitium tuo nomini, mi Opt. Rodenborchi, inscribere volui: primum, quia, quamdiu inter nos novimus, pietas et amor religionis curae et cordi tibi unice fuit, et quam videri poteras a lacte materno imbibisse: quam quidem matrem tuam a spiculatore Hispanici carnificis, in complexu mariti Antwerpiae transfixam; teque cum Parente relicta bona patrimonii parte, in hanc Germaniam, pietatis affectu tractos emigrasse scimus. Deinde quia tu, si quisquam alius, de his exercitiis rectissime iudicare poteris: quippe, qui non tantum fontes Hebraeorum et Sacrae Scripturae, unde ista derivata sunt, probe nosti; sed et in omni doctrinarum genere, atque in hoc etiam Poetices, ita versatus es, ut bonarum literarum quoddam quasi penu et ambulans

---

page 170, image: s186

bibliotheca (cuiusmodi testimonium bonae fide tibi nunc olim perhibuit Academia nostra) esse videaris. Et gaudeo Academiam etiam Lipsiensem gustum tui in Praelectionibus publicis nuper habuisse, et (quod a bonis habeo) serio probasse. Etestne, qui unquam [reg: umquam] verbum ullum insolentius ex te, vel per iocum et inter amicos audiverit? adeo insignis illa et paucis hodie, qui tui aliquid habent, usurpata Modestia te hactenus cohibuit, et paene cum dammo bonorum litterarum occultavit; sed propediem a bono DEO (auguror) et a bonis protrahendum. Denique et haec praescriptionis huius causa fuit, et quae primo loco poni meruit, quod tu, cum Lipsiae esses et tot milibus a nobis divisus, fama rei tamen excitatus me cum charis meis a consortio hominum (ut Cypriani verbo dicam) abstentum, et litterarum alloquio confirmasti; et, quo vires etiam corporis aut reficerem, aut, sicubi opus, sustentarem, misisti: idque paene omnium primus; certe inter primos, atque in tempore, cum tali aliqua medicina maxime indigerem. Ne ergo ingratus [reading uncertain: print faded] viverem, et ut insuper amicitiae nostiae aliquod testimonium [reading uncertain: print faded] extaret [reg: exstaret], hunc Psalmun, quem Propheta Regius, quasi extra se in caelos usque atque ad thronum Misericordiae et Maiestatis divinae raptus, composuit, sub auspicio [reading uncertain: print faded] nominis tui publicare volui.

---

page 171, image: s187

Tu iterum salveto, et me, quod facis, amare pergito: sed et Rev. Theologo, Domino Vincentio Schmuckio, communi amico et hospiti tuo verbis meis salutem dicito. Sed heus tu. Is. Casaubon iussu Regis sui, Annalium Baronianorum, in vorum lectione curiosum te et assiduum novimus, partem primariam, ubi iugulus et anima vortitur, sub censuram et examen iam vocat: Sed quae Viri modestia est, placidam et Mansuetam: cuiusmodi moderationis speciem dedit eximium in nupera ad illam Cardinalis Perronii Epistolam Responsione: quam Auctor ex Anglia usque ad me misit, gratum acceptumque donum; quale hoc meum tibi esse cupio.

Witebergae, Mense Decembri.

---

page 172, image: s188

CL. VIRO CONRADO BACHMANNO Poetices et Historiarum Professori In Academia Giessena S. D.

QUid scribam, mi Bachmanne, mi Fincci, mi Helvici, immo quid non scribam? Tam multa sunt, quae inter nos de litteris nostris conferremus. ut sexcentae [reg: sescentae] non sufficerent litterae, si lemmata earum et summas tantum litteris vellem committere. saepiuscule ad vos scriberem, viri praestant bimi, sed tam rara occasio est Gisam mittendi litteras, quam est ad illos, qui. Extra anni solisque vias vel bas quando accipietis? si unquam [reg: umquam]. Itaque malui nunc etiam affectum meum vobis ostendere quam operiosiore scriptione tempus perdere. Quid enim scribam, quod tineae potius ore legant, quam Mei oculis? Hoc unum est quod vobis significo, et quod ex imo pectore mihi ebullit: quid illud? Vos Poetica vestra Taubmannum

---

page 173, image: s189

et Magnum et Immortalem reddidisse. Unde ego hoc de Vobis, de re litteraria meritus? Numquam, numquam. Sed et illud quod commodum incidit, qui non tangam? doctissime Fincki, quis est ille Clariss. N. N. in Schediasmate. tuo LIII. si Taubmannus, ut quidam opinantur, dic quaeso, dic ubi ille versum istum. Flagrantesque, etc. Aut somniantis est Taubmanni, aut delirantis: vigilantis et sani numquam. Tam enim versus iste Taubmanno notus est, quam Goclenio Pici in montibus Hyporboreis. Uno verbo, NON MEMINI me unquam [reg: umquam] facere hunc versum. Sunt et aliae, sed quia et haec peritur a videntur, satis est. SALVETE CL?? [reading uncertain: print faded] . Viri, dulcissima animo meo Corcula, HELVICI, FINKI, BACHMANNE, et me amate, et deinceps veris pretiis TAUBMANNUM aestimate, qui haec festinabam praecipiti calamo et calore, sine tamen omni colore, ingenuo pectore. XII. August. 1607. Quaeso viam ostendite, qui litterae nostrae commeare possint [correction of the transcriber; in the print posint].

Salveat [reading uncertain: print unclear] Opt. meus SCHRODERUS, si in ibi est, ut audio. Vos etiam, Viri magni WINKELMANNE, et MENZERE,

---

page 174, image: s190

(utinam nostri, vel certe ALTERUTER) SALVETE.

AD EUNDEM. EXCELLENTIS. BACHMANNUM.

S. D. P. Ecce tibi Egenolphica tandem: quibus tu meam uxorculam fecisti immortalem. Me ut plurimum absente hic excusa sunt, ideoque in multis locis videbis non ita esse, ut ego, tu et auctor velimus. Nam stupor Typographi non ubique rythmum [reg: rhythmum] expressit, susque deque habuit, unam aut alteram litteram addi, demi, mutari; quod tamen, uti scis, calamitatem affert numeris. Si otium est, curiose emendabo, iterato edam: modo Exempla haec distracta sint. De Oratione etiam mea iniciebas; quam optimo Principi quondam sacravi, eam velle Typographum apud vos edere. Dic serio; mi Bachmanne, legistin' eam? si, et vel obiter placuit, permitto iterari. Ecce Exemplar: quod modo inter strepitus domesticos celerrimo oculo pellustravi [reg: perlustravi]; tantum eo fini, ut typographicas mendas aliquot in transcursu emendarem. Tu eam habe: et simul ius visae et necis. Si tamen [correction of the transcriber; in the print tamem] vitam praetuleris; et me

---

page 175, image: s191

meaque tanti habueris, ut apud vos etiam edantur, quaeso, adhuc semel eam pellege [reg: perlege], et Tuis oculus et naso alicubi utere. Quicquid Bachmanno placuerit, etiam Taubmanno. Quin et titulum, si vis, muta. Tua sit, ut ego tuus, mi Bachmamne. Deum immortalem! ut studia litterarum aput [reg: apud] vos calent! Nequeo, per Deum, satis mirari. Es lebt und schwebt doch alles bey euch [reading uncertain: print faded] . Ego nugas hic ago idest, Culicem seco, plane alter Herophilus, qui 600. secuit. Exemplum en hic habes, habe et alias nugas: ne nihil lator ferat; et salve cum tuis Collegis, quos ego profecto absens absentes amplector et exosculor. Wittebergae IIX. Ianuari 1609.

EIDEM.

SALVE, mi Optime, et si potes ignosce cunctatori: nam hic fui, qui nimis diu silui: et me [reading uncertain: print faded] pudet mei. Atque utinam hos oculos intueri [correction of the transcriber; in the print intutueri] posses! videres me eos contra Bachmannum non posse erigere. at amando tantum abest ut cunctator fuerim, ut te etiam acrius amaverim, quem sensi me tacentem [reading uncertain: print faded] etiam salute ab hoc atque illo mihi nuntiata alloqui. Amas me: sentio, et sensi pridem: idque mecum nostra Germania seit,

---

page 176, image: s192

et miratur, quippe quem dedicatione Poematum tuorum fecisti immortalem. Quid tibi reponam, mi Bachmanne? sentio [reading uncertain: print blurred] enim, maius beneficium hoc esse, quam ut paria a me fieri unquam [reg: umquam] possint. Aurum in hoc Columbario non quaeris, scio. Si illud inhiasses, aurei velleris Dracones mitigasses, quos vel domi et in vicinia habes. Quid verbis opus est? TVUS sum, quem MERITIS (ut ille ait) fecisti TVUM, o Eruditissimum [correction of the transcriber; in the print Erudissimum] et Candidissimum pectus, BACHMANNE, quem iterum iterumque salvere iubeo Calend. Aprilibus, Wittebergae Anno MDCXI.

Reverendo Viro SAMUELI ROSENBOMIO Poet. ac Theol. in Dietmarsis. S. D.

FLORIDA tua, mi Rosenbomi, vere talia, et florentis ingenii et doctrinae monumenta, recte accepi, legi, et, qud [perhaps: quod] non nisi optimis debemus, relegi Agnosco in illis Genium antiqui illius et florentis Latii. Nam et inventio arguta, numeri numerosi, et dictio

---

page 177, image: s193

ipsa florida, selecta, latinis sima. Candide et interiore animi adfectu sic iudico. Valde opto, ut ratio aliqua ineatur abs te, qui illa a pluribus Musarum Candidatis legi possint. Nostris typographis et rupicibus, sub quibus PLAUTUS meus nunc sudat, metuo ut possit persuaderi. Carmina omnia unius et nihili aestimat, et pari pretio apud istos sunt lusciniae et ululae cantus. Quid si paulla pecunia cum illis pacisci possim? velisne tu aliquid in eam rem expendere? Quot plagularum opus esse censes? Numera, aestima, et quid animi tui sit, mihi indica benevolenti tuo et amico, qui haec festinabam 24. Novemb. A. 1611. Wittebergae.

---

page 178, image: s194

Tumulus FILII. CHRISTO SACR.

HEIC [reg: HIC] INTER CINERES MAIOR. MATERNORUM SITUS EST FRIDERICUS TAUBMANUS, SECUNDUS, WITTEB. INGENIO, LEPORE FORMA PRAESTABILIS: FATO EREPTUS PROPE TRIMUS. QUI TRANSIS, HANC ARBUSCULAM IMITATUS, QUAE UMBRAM ET FOLIA SPARGIT, TV FLORES ET HERBAM, SI NON LACRIMAS. P.P.C.C. PARENTES: QUI AB SEPULTO SEPELIRI OPTABANT. ANNO M. DC. CII.MENS.PR. F F.T.

LANX SATURA EXPLICIT.

---

page 179, image: s195

Frid. Taubmani FAMA POSTUMA ADOPTIVA CL.V. IOHANNI SEUSSIO sereniss. Elect Sax. a secretis sanctioribus, L.L.M. CONSECRATA, A CHRISTIANO TAUBMANNO.

---

page 180, image: s196

ENim tibi hoc, Amplissime Seusi. debeatur Taubmanno mnema, quod nomini tuo L. L. M. consecratum ut qui alter Taubmannus, quicum pari voluntate concineres: eadem velles ac nolles: crederes unam mentem in duobus esse divisam. Et quae Suada heic [reg: hic] mihi altera Suada? Cor tuum unum contrariis affectibus induatur? Amor maximus plus requirit, Ad posteros amicorum curam transferre debemus, ne fides cum hominibus interiisse videatur. Priscis temporibus, cum adhuc nuda virtus placeret, institutum laudatur, dedicandi in bibliothecis imagines doctorum, easque semper-virenti hedera coronandi: sic ornamentis bonorum incit at a imitatio; et virtus aemula alita exemplo honoris alieni. Cui fini aedes Honori atque Virtuti gemellas iunctim locarunt, commenti ibi esse praemia honoris, ubi sunt merita virtutis. Nec minore ratione Musarum nutricem Euphemen professi sunt. Sapientum namque praemium bona fama. Et fructus laboris placere melioribus. Iam, quod Famae paternae animi QS. deliquium patienti non modo adsperserint [reg: asperserint] aqvulam, sed et salutarem in tempore medicinam attulerint Musarum Aesculapii, favoris tui Genio referamus acceptum. Macte animi, quem rarus habet! Ibit in saecula te assertore Parentis Honor, qui gloriae hirudini os comprimet. Tuo liquido auspicio actum, ne de Taubmanno sit actum. Orbilii carcinomata, si exosum vobis omne Gratiarum monumentum, quidam adhuc supersunt. Non recusant capite suo subire supplicium. Evomite quicquid

---

page 181, image: s197

concoquere non potestis. Iam Senatus eruditi suffragiis lectis, exsurge, et Virtutum Lytis fac audientiam ac faventiam PRAECO.

FUNUS INDICTIVUM [orig: FOUNUS INDICTIVOM]. Praeco.

TAUBMANNUS hic [orig: heic] Humanitatis [orig: Houmaanitatis] publicus [orig: poplicus]
FOVIT Professor. ILLE [orig: OLLUS] EST LETO DATUS.
Vos ergo Vati [orig: Vaati] huic EXSEQUIAS [orig: ECXEQUIAS], QUIBUS [orig: QUEIS] COMMODUM ST.
IRE [orig: EIRE], ITE [orig: EITE], et ite [orig: eite] frequentiose semita [orig: seemita]:
Nam meruit, et res LIteraria exigit [orig: exsigit]
Tanto Poetae honorem [orig: honoorem] habere [orig: habeere] hunc postumum.
IAM TEMPUS EST, Cives [orig: Ceives], suis [orig: sovis] EX AEDIBUS [orig: AIDIBOS]
EFFERTUR [orig: ECFERTUR], ad Rhodandrianum [orig: Rhodandrianom] pulverem [orig: polverem],
Et ad latus [orig: stlatus] gnati FRIDRICI humabitur [orig: humaabitor].

Conradus Bachmanus Professor Giessenus.

---

page 182, image: s198

ERgo etiam mortis cumulas Taubmanne triumphos,
Dum tibi adhuc nigrat florida barba genas?
Nec tantum potuit virtus doctrinaque saltem
Ditis ut intrares serior umbra domos?
Ah non. quin nequiit, ne tecum prorsus abirent,
Flexanimusque ocus, corditrahusque Lepor.
Quid loquor? imo Cupido, imo Semeleius Evam,
Tecum imo Charites, Pieridesque iacent.
Illaque nuda Venus. nullique iniuria Siren,
Quid dicam ulterius? Tecum Taubmanne voluptas
Desiit esse hominum, desiit esse Deum.

Ianus Gruterus.

QUalis maesta parens cum iam suprema minatur
Atropos, et vergit non reditura dies,
Exiguum charae munus dat et oscula natae,
Atque ait, hoc nostri pignus amoris, habe.
Illa datum servat, matremque agnoscit in illo,
Et matris, parvum scilicet, instar habet.
Non aliter saevi Taubmanne in limine fati,
Cum premeret sacrum mors inimica caput,
Inscriptum nostro misi sti [perhaps: misisti] nomine vatem,
Qui tibi deliciae qui comes usque fuit,

---

page 183, image: s199
Qui tibi longaevam ventura in saecula [correction of the transcriber; in the print saeculae] vitam,
Nec leve post cineres nomen habere dedit.
Agnovi dulcemque manum ductusque labantes.
Qui puto iam dextrae deficientis erant.
Haec quoties specto, toties Taubmannus in illis
Spirat, et ante oculos ceu redivivus adest
Saepe etiam lacrimae maesto labuntur ab ore,
Et subeunt animo mors pietasque meo.
Et subit ista fides: quam nunc post fata superstes,
Blandus in Elysia valle poeta colis.
Hic tua victuri veniunt ad foedera vates,
Et iungit teneram quaelibet Umbra manum,
Occurruntque tibi. pars priscae munia vitae,
Pars Musam et studium, pars rogat una domum.
Iniciunt alii sertos in tempora flores,
Dant alii, quales sponte ministrat humus.
Deducunt alii, longaque exercita febri
Membra sub arboribus sub foliisque locant.
Hic suavem Zephyrus venienti assibilat auram.
(Hos Zephyrus campos haec loca semper habet)
Frigoraque indulget, sed mitia. totaque Phoebi
Ardentis radios telaque nescit humus.
Laurus humum viridesque involvunt undique myrti.
Illa domus vates hospitiumque tenet.

---

page 184, image: s200
Quaeque sedent, violis sudat pia terra rosisque:
Et calcant teneras sub [correction of the transcriber; in the print snb] pede veris opes.
Namque ubi mane novo pulchrum caput extulit Eos,
Ros cadit assiduus, totaque terra madet:
Quotque cadunt guttae, totidem sine semine surgunt
Ingenui flores, quos suus humor alit.
At super, impendent capiti cum vitibus ulmi,
Quae plenum gestant nectare semper onus:
Sed quod sponte viris summo de stipite manat,
Et Ganymedea non eguere manu.
Nec cibus ullus adest, nec abest tamen invida nusquam est,
Apponitque suas terra benigna dapes.
Talia Saturno duxit sub rege vetustas
Tempora, cum terrae mixtus Olympus erat,
Errarentque Dei passim: contentaque parvo
Nullarum probitas non toret [reg: torret] instar opum.
Sub lauri foliis densaque a vitibus umbra,
Chrystalloquavis purior unda cadit
Lympha cadit prono de pumice. quaque virentem
Sulcat humum, trepidat: nec leve murmur abest.
Quale ubi vere nove cinxere exanima regem,
Certant unanimes edere murmur apes.

---

page 185, image: s201
Hac, si verae canunt, quisquis se proluit undae.
Oblitus vitae fata proris agit.
Et tristes gemitus lacrimaque e pectore delet
Nec memor est leti, nec memor ipse sui.
In medio, Phoebi gelida de fronde corollam
Nectit et e myrto pulpita condit Honos.
Illic innocui recitant sua carmina vates.
Pars Elegos, sed quos scribere iussit Amor,
Pars Silvas faciles natosque ex tempore lusus,
Pars ignes natosque ex tempore lusus,
Hic sedet et priscos Latichius ardet amores,
Hoc nullum maius gens tua nomen habet.
Nec negat hoc Naso, lateri cui proximus haeret,
Nec negat hoc Nemesi nunc quoque iunctus amans.
Nec negat hoc Veneris puer et Cythereia mater,
In terris alium vix habitura parem.
Assidet et totis indulget basia labris,
Aut iunctum in chorea fert Tunicata pedem.
Claudia quam sequitur rivalibus aemula curis,
Primus amor vatis priscaque cura sui.
Ille manu medica phoebique potentibus herbis
Saepe aliquam vellet quaerere laesus opem.
Nox ubi pulchra videt ridentis lumina Nymphae,
Gaudet, et ardori iam favet ipse suo.

---

page 186, image: s202
Exulat e toto funesta Tragoedia luco,
Et quae sanguineas cogit in arma manus,
At festiva sedet lepido Comoedia vultu,
Nixa pedem socco, cetera repit humi.
Hanc colit ante omnes Umber tua gaudia vates,
Quem decimam credunt ex Helicone Deam.
Cui Veneres omnes risere Lepores,
Forsitam [reg: Forsitan] et palmam redeunt ad pulpita ludii,
Nunc quoque fi quando redeunt ad pulpita ludii,
Haud mora, quaeque deserit Umbra domum,
Et spectaturi properant per gramina Manes,
Ipse quot immensus gramina campus habet.
Hunc sequeris passim viridem Taubmanne per herbam,
Seu consedit humi, sive theatra petit.
At te Simplicitas sequitur Risusque Salesque,
Viventi comites qui tibi semper erant.
Festivisque iocis, quorum tibi copia larga est,
Elysio nulli cedis in orbe locum.
Vel tibi suppedit at faciles Elegeia [reg: Elegia] versus,
Ad numeros qualis nunc mihi sponte venit.
Vel caelo propiora canis terramque perosa,
Sepe Dei natum carmine, saepe Deum

---

page 187, image: s203
Qualia cantantem mirata Galaegia quondam
Imposuit capiti debita serta tuo.
Quicquid aegis, dum lacte tibi blandoque litamus
Carmine, formosum linque poeta nemus.
Ipse ego constituam tumulum tibi maestus inanem,
Quotquot erunt animi, parvaque dona feram:
Pallentes oleas nec tactas frigore lauros.
Delius has, illas flava Minerva colit.
Et quae caesa semel non est victura cupressum,
Et gratum lacrimas quae tibi munus erunt.
Eliciamque tuam verbis sollemnibus Umbram,
Nec Ditis rigidas experiere fores.
Scilicit [perhaps: Scilicet] Orpheae dedit hoc Proserpina Musa,
Cum rite Ismarium sollicitaret ebur.

Daniel Heinsius.

TAubmannus illud doctiorum corculum,
Humanitatis columen ingens, et decus;
Virtutis anima, suavitatis flosculus;

---

page 188, image: s204
Quem Musae amarunt, quemque amarunt Gratiae;
Quem Phoebus ipse, Musici praeses chori [reading uncertain: print blurred]
Heu rapus [perhaps: raptus] annos ante cecidit, et gravem
Mortalitatis nuper ingressus viam;
Ut tristis aevi triste curarum genus,
Vires suetumque et viros depascere,
Et reliquae fati spolia laetus poneret
Umbrosa petiit Ditis obscuri loca,
Nec flere praeter relliquum [reg: reliquum] quicquam dedit
Ab luctuoso saeculi divortio.
Flet maesta Virtus, maesta flere Humanitas
Coacta lacrimas fundit, et tristis rogo
Virtus capillos ponit, in ferias viro.
Tam grande funus flent deae Novensiles;
Flet Phoebus ipse ductor aeterni chori;
Fonsque Hippocrenes, iusta defuncto parans,
Exhausit undas, et repente exaruit.
Deesse luctus Gratiis caepit [reg: coepit] suus,
Functique meritis cedit immensus dolor.
Crudelis, atrox, improba, insana, et ferox
Febris, cruento saevior Busiride,
Aut si quid unquam [reg: umquam] tetrius [reg: taetrius] Busiride,
Audax verendo metere crinem vertice,
Ut immerentem mitteres Proserpinae
In regna furuae [reg: furvae], quae nihil te mitior

---

page 189, image: s205
Et vota spernit et preces mortalium.
Tu digna potius ire Plutonis domum,
Ubi strata duro adamante calcatur via,
Urnamque Minos rigidus ingentem quatit.
Immane facinus! ille nobis (heu!) fuit,
Summumque rebus dixit humanis Vale,
Taubmannus, istud doctiorum corculum;
Humanitatis columen ingens, et decus;
Virtutis anima, suavitatis flosculus;
Quem Musae amarunt, quemque amarunt Gratiae;
Quem Phoebus ipse, Musici praeses chori.

Iohannes Meursius.

FRactis Latini viribus Imperii, [note: (a) Circa annum Christi Ioccc. Imp. Car. Magno, et Leone III. Pont. Max.]
Graecisque sparsis (credite Posteri)
Grassante ferro bellicosi
Imperium tenuere [note: (b) D. Hieronymus: inter Saxones et Alemannos gens non tam laeta, quam validae, apud Historicos Germania nunc vero Francia vocatur.] Franci.
Flavumque Teuto Tybridis [reg: Thybridis] alveum
Potare coepit, Romaque Carolo
Deferre nostro visae fasces
Flamine posthabito Leonis.
Victum sub undas occulerat [reg: occuluerat] caput
Iam Desiderii subdita legibus,

---

page 190, image: s206
Iugoque pressa Beregarii
Vindicias moriens poposcit,
Venit. tyrannos expulit, et suis
Alter Camillus moenia reddidit,
Hosteisque [reg: Hostesque] profligavit omneis [reg: omnes].
Sed sibi, magnanimisque Francis.
In quos ab illo tempore transtulit
Regale sceptrum, iuraque Principes
Inaugurandi Sed novenas
Intulit et patriae Sorores,
Ut Martiales Francigenas suos
Bearet alti carminis alite,
Regnumque famae consecraret
Sanguine vulneribusque partum
Nec te fefellit, maxime Principum,
Honestus ardor: tantaque protenus
Germanicorum lux scholarum
Fulsit, et ad Superos volavit,
Ut ipse Athenae sint minus Atticae;
Et Roma cedat. Quid moror; aspice
Bigam eruditam, nobilemque;
Cui Numeri innumeri salutem
Vitamque debent. Sarsina, flos tuus,
Linguae Latinae delicium ac decus,
Pater iocorum, maximique
Ingenii geniique Vates,

---

page 191, image: s207
Ille ille Plautus in Camerario
Spem collocarat. Sed quia decidit
Virille, Taubmannus Poetae
Restituit veteres lepores,
Vitamque Vati iam moriens dedit:
Cum scaevus Orci portitor hunc quoque
Viram abstulit, iussitque campos [correction of the transcriber; in the print tampos]
Ante diem Elysios tueri.
Sic saepe vidi lilia, sic rosas,
Vernoque flatu sic violas mori.
Ogrande [perhaps: O grande] orimen [perhaps: crimen]? quantus ille
Occidit; o Venus, o columbae!
Taubmannus (eheu!) occidit, occidit
Sermone pectus Socratico madens,
Amoeniorum litterarum
Fundus, et hospitium iocorum
Heilsbrunna cuius laeta pvertiam [reg: pueritiam]
Mirata quondam: post Sapientium
Flos Wittebergae, Wonsesenses
Fecit ab ingenio celebres.
Nunc eiulatu, nunc querimoniis
Lugent ademptum, sacraque Manibus
Lessumque civi glorioso
(Pro dolor!) instituunt coloni.
At naeniarum [reg: neniarum] desinite. occidit
Taubmannus, at non degener occidit;

---

page 192, image: s208
Quem restituti fama Plauti
Vivere postgenitis loquetur

Petrus Scriverius.

CEsserat ut fato Plautus, Comoediae luxit,
Pulpita sollennes [reg: sollemnes] non oluere corcos:
Scenaque deserta est: Risus, Ludusque Iocusque,
Et Numeri innumeri non potuere loqui.
At postquam redit Taubmanno vindice Plautus
Integer, et priscus venit in ora color;
Riserunt Numeri innumeri, risere Lepores,
Et vetus est Scenae conciliatus honos.
Nunc deum exstincto tam claro vindice Plauti,
Cernimus (hei!) cunctas collachrymare [reg: collacrimare] Deas,
Et lacer are genas. Nobis vox faucibus haeret,
Blaesaque prae luctu vix tria verba cadunt.

---

page 193, image: s209
Quid mirum, decimae sublato vindice [note: (a) Quintil. lib. x.c. 1. Varro dicit Musas, Aelii Stolonis sententiae. Plautino sermone locuturas fuisse, si Latine loqui vellent.] Musae,
Scriverium melius non potuisse loqui?
Idem e)sxedi/ase.

AD tumulum Taubmane Tuum, cultissime vates,
Fons novus uberibus dicitur ortus aquis.
Ascraeos posthaec iuvenes ne quaerite fontes;
Purior hic ipsis fons Heliconis aquis.

II.

Non opus aut labor est cuius vis reddere vitam
Defunctis: Plauto vitam, Taubmane, dedisti:
Quod dum fecisti, quamvis Te lumine vitae
Privarit Clotho, quis Te periisse putabit?
Privarit Clotho, quis Te periisse putabit?
Nam per Te vivit Plautus, Tu vivis in illo.

III.

Scaligero iactet se Gallia, terra Batava
Lipsiaden stellis consilioque Iovis
Inserat; his Taubmane, Tuos, Germania, maeres,
Si non maiores, est habitura pares.

---

page 194, image: s210
Taubmanum ad metam venisse ubi viderat omnis
Virtutis et Scientiae,
Sublatum e terra, caelestibus intulit orie
Suis quadrigis Gloriae.

Christophorus Arnoldus. U. I. D.

TAubmanno triplices secuerunt fila sorores:
Unde gemit penito Phoebi cortina recessu;
Tyrrheno clangore tubae, pia numina, Musae
Suavisonos citharae numeros et amabile carmen
Mutant: delitium [reg: delicium] sibi dulce queruntur ademptum:
Qualis Ityn dolet abreptum sibi Daulias ales:
Et merito. Seu prorsa loqui, seu vorsa pararet;
Non nisi mellifluo promebat nectare verba.
Nec turgescebat sua tantum pagina verbis:
Omnia Nestoreo manabant flumine rerum.
Quam rarum est sapere, et simul aurea verba profari!

---

page 195, image: s211

II.

Taubmannus moritur. tumulo violasque rosasque
Addite, Musaei grata catervo [perhaps: caterva] chori.
Qui vivus dixit violis mage grata rosisque;
Dignus, ut in violis dormiat, inque rosis.

III.

Quis situs hic? verbo. Taubmanni nobilis urna est.
Vin plura? hoc uno cuncta, Viator, habes.

Caspar Dornavius D.

Ad Poetas Taubmannum lugentes.

QUis rerum geritis, Musae Daphnesque potentes?
Taubmannus vestris cur natat in lacrumis?
Cogitis invitas laetissima numina, Musas,
Insolita lessus ducere maestitia.
Insipide. Taubmanna nigras quod vita sub umbras
Fugit, et e vestro Pieridumque bono est
Illi, si steterit Superis extendere fatum,
Bellerophonteae [correction of the transcriber; in the print Bellerephonteae] nil superesset aquae.

---

page 196, image: s212
Aoniae fuit insatiabilis helluo frugis,
Omne tagax melicum sustulit ille penu.
Non modo Pieridum fasces et sceptra monarcham
Exuit, et famuli iussit habere locum:
Sed socias etiam regni, doctasque Sorores,
Promatas ad nutus fecit adesse suos.
Imperii positurus erat super aequora fines,
Si vixet [reg: vixisset]; caelos scandere cura fuit.
Sic, velut a summo capiunt sua feuda minores
Principe, et uni omnes confamulantur Hero:
Vobis, o Vates, ab eo latrandae tyranno
Una Poetifici gutta fluoris erat.
Ergo suas habeat [correction of the printer; in the print habeas] sibi res Taubmannus in urna,
Et biblicam satiet sub scrobe avaritiem.
Sic etiam nostram poterit quis armare Camenam,
Teque cucule, gulam cum philomela tenet.
Sin domus illa Loci, Sedesque dicata Lepori
Demolita, crucem cordoliumque parit.
Accipe, quas olim peperit nuperque Columbas,
Et dices: Soboles [reg: Suboles] schema parentis habet.
Expetis ast vivum? redivivum cernito Plautum,
Ille huic, hic illi restituit animam.

---

page 197, image: s213
Quin animae vis una eademque innectit utrumque,
Ceu nurui, corpus Salmacis unda viri.
Sic mihi Taubmani vel mors vel vita perinde est.
Qui fles, exemplo desine flere meo.

Sinon Malsus Smalchald. U. U. D. Lipps. f.

FOrte suburbano cum me Taubmannus in horto
Quaereret, extremum quo daret Ipse Vale,
Ut me non reperit, rubris inscripsit amicis
Parietibus, niveis talia verba notis:
Seusius Hic Fuit Ater Ego Taubmaunus, at Absens
Seusius Ergo Fui Dimidiatus Ego.
O Phoebea manus, fati praesaga futuri,
Et Cantator Olor fueris ipse sui.
Ultima nam fuit haec vox ultima literae dextrae-
Ultimus et nostri testis amoris amor
Carius omnigeno monumentum hoc marmore, et aere,
Sit mihi, sit tantae pignus amicitiae.

---

page 198, image: s214
Ut quoties ineo, vel charis exeo ab hortis,
Aut solus, comes aut dulcis amicus erit.
Et quoties video pereuntes tempore flores
Sive tuos Iuno, Cypria sive tuos
(Bernharto, [note: (a) Bernhartus Paludanus Medicus excellentiss. Enchusanus, adhuc in vivis.] in Batavis Medicus, quos munera, amica
Dante Paludano, Wexius attulerat:
Ambo Asiae, Europae, florum Lybiaeque, coloni,
Nunc sed in, heu, hortis Wexius [note: (b) Christophorus Wexius D. Medicinae, qui O. Ienae 10. December. Anno 1612.] Elysiis.
Quosque aeternavit lepidis, Taubmana, phaleucis [reg: phalaecis],
Quondam ad Schorgkelium [note: (c) 22. lan, 1600. In Nuptiis Martini Schorgkelii Caes. Pharmacopoei generi mei.] Musa vocata, torum.
Et quoque iam maerent, maerorum at nubilae pellunt,
Tam sit eis Vatis tam prope picta manus:)
Tunc toties dicam: Taubmanni haec dextera, Vatum
Flos periit, periit non tamen eius Honos.
At tu quisquis erit, post me qui veneris hospes,
Vates Apollineam noli abolere manum.
Phoebus erit Vindex: Monumentum hortense Poetae hoc,
Dum manet esse sinas, ceu cupis tuum.
Sic tibi quondam etiam, Vates, pia rudera Famae
Qui tuae conservet, cum morieris, erit.

---

page 199, image: s215

Amico desideratiss. scripsit. I. SEUSSIUS.

Tumulus FRID. TAUBMANNI.

TAubmannus situs hic Fridericus: Cetera [reg: Catera] fama
Dicet ad Eoos didita et Hesperios.

Adamus Theodorus Siberus.

AD MANES TAUBMANNI.

INferiis, Geniis, et Diis Manibus olim
Libatum arteria, sanguine, lacte, mero est:
Taubmanni manes, quae vobis dona litabo?
Si satis, parvam pono ego lacrimulam,

---

page 200, image: s216

II. DE STUDIOSA SS. BIBLIORUM relectione TAUBMANNI.

NON Maro, non Plautus tibi Te sanctoque labori
Abstulerunt, genio sartus uterque tuo.
Quamlibet ille diei cunctam sibi postulet horam,
Qamlibet [perhaps: Quamlibet] hic noctis quodque fatiget opus.
Te Scriptura tamen digito perarata Iehovae
Nocte dieque pari exercuit arbitrio.
FRIDRICUM annales taceant mihi Caesara, divum
Biblia qui crebro lecta relegit opus.
Bis dicies [reg: perhaps dicis] TAUBMANNE tibi coepta illa revolvi,
Quorum animo satias non fuit ulla tuo.
Immoreris operi sacro vitamque relinquis:
Inque libro vitae nomen adeptus habes.

III. SUPER VISIONE TAUBMANNI.

Tempus erat, Matuta fores cum pandit Eoas,
Iamque serenato nox abit atra die.
TAUBMANNI ex oculus caepit [reg: coepit] discedere somnus,
Appositum et lecto triste phereton erat.
Nec pheretrum [reg: feretrum] sine nomine erat specieque virili:
TAUBMANNO geminus vir in eo iacuit.

---

page 201, image: s217
Quid mea deludis oculorum lumina imago?
Verane mi species, dixit, adest capuli?
Non hic non dubia falluntur imagine sensus:
Vera tibi facies, vir pie, visa fuit.
Innixus cubito loculum [correction of the printer; in the print locum] bene teque tueris:
Viso monstratur prodigiosa tibi.
Laetare, Helias et Equos tibi et Esseda misit,
Ad caelum, ad caelum iamque vehendus eris,

IV. IN MARCULUM.

Ille Poetarum Bubo, vilis simus ales
Taubmanni ad nomen protinus obriguit.
Ac titulum Grylli traduxit inerte papyro
Kwfo\n et in quavis parte pro/swpon habet.
Nunc ubi Taubmannus FVIT, ad Superosque recessit;
Taubmanni ad nomen Bubo vigere potes.

Conradus Bachmannus Professor Giessenus.

Rosa moschata ex horto SEUSSIANO consecrata Tumulo TAUBMANIANO

---

page 202, image: s218
QUando Taubmanni propius considero fatum,
Et doleo, et Musis aspera verba loquor.
Si mortem scriptis potuere arcere poetae,
Non etiam arcendus morte Poeta fuit!
Responsant Musae; responsa probavit Apollo,
Incisae in cippum posthuma fama dedit.
Abstulit hic Citharam Phoebo; mors vindicat illum:
In caelo causam dicat uterque suam.
At tibi, dulce [reading uncertain: print unclear] caput, summo sit crimen honori,
Et tua sub tumulo suaviter ossae cubent,
Ossibus ex illis revirescat regia laurus,
Vatibus ut reliquis Induperator eras.
Deque Tuis calamis rosa bellula moschea surgat.
Namque tuum carmen nil nisi moschus erat.

M. Philippus Muller Med. Baccalaur.

SIc est quod dixi: Obtendebat caerula Nereus
Bracchia, et undantem Nympha Batava togam,
Ne tua ceratis transiret Epistola pennis,
Iane, Arpinatis et Cecrope plena thymo.

---

page 203, image: s219
Frustra; Namque sui mores imitata Poetae,
Quo constans alibi nil magis esse potest:
Nec mage (quod rarum est hac tempestate) modestum,
Aeris in medio climate carpsit iter.
Icarus hac patrem foret olim parte secutus,
Non titulum Icariis imposuisset aquis.
Non excussissent patriae Phaethonta quadrigae,
Duxisset melius per mediam ire viam.
Sed quae floridulo denarrat denique textu?
Publica num bene res est stabilita domi?
Principium lepidum est, et nil nisi sesama fatur;
Non modo ita in laudes velificere [perhaps: velificare] meas;
Ac si equidem augusta cluerem quid in arce [reading uncertain: print blurred] Monetae,
Litterio nullus quo penitrare [reg: penetrare] potest.
Fallere; purpureo obnupsit tibi lumina peplo,
Ille Amathuntis Herae pusio, caecus Amor.
Quid medium? cerebrum terebravit id externato [reg: exsternato],
Dum mihi Taubmanni fata inopina [correction of the printer; in the print inopiana] refers.
Taubmanni, quo se iactavit Saxo Poeta,
Immo Europaei natio cuncta soli.
Ha eleleu eleleu! fuit optimus ille poeta!
Cui numquam inveniet Musica turba parem:
Solu; at haud fuerat, rata ceu plebs stulta Poeta,
Sed simul Historicus, nobilis atque Sophus.

---

page 204, image: s220
Testor Plautinae divina emblemata chartae.
Tot tamque argutas emaculata notis;
Testor et Horatii ioca, lusus, atque salinas;
Nonne senis - iuvenis Aesonis instar habent?
(I nunc belleborum [perhaps: helleborum ] morde plebs stulta! Poetas
Quae tantum versus condere posse putas:
Posse nihilque aliud; toto erras avia caelo;
Nam caput his multa cognitione tumet.)
At cur Parca ipsi incidisti hoc tempore filum;
Transversum, dum me querquera Febris agit:
Ne ritu possim sollemni ducere funus,
Taleque feminea voce ciere melos,
Heliades quali deflerunt funera Fratris,
Prostratumque Venus flevit Adonin apro;
Dilectum aut quali ploravit Nemnona Mater;
Daulias aut pueri fata misella Ityli.
Nunc Furia ista animi mentisque mihi obsidet arcem,
Excoquit et rapito verticis igne tholos:
Ut minime possim plorare uti naenia [reg: nenia] poscit,
Ingrediar medias instar oloris aquas.
Omnia enim absumit numero calor ille febrilis,
Frigore proficiat nec Samalandra suo.
Quod si Caesaria cingam mea tempora lauru,
Brutum in quam fulmen nil quoque iuris habet,

---

page 205, image: s221
Quin medio insolitum floret sub frigore brumae;
In momento uno langueat eius honos,
Ceu gramen, Cynicis Corydon quod messuit horis,
Aut rosa, quae calidam decidit in pateram.
Usque adeo irati Vulcani filius hoc sum
Tempore, et amburo quae tetigisse licet
Sed bene sit, lenta endopeditus [reg: impeditus] compede Febris
Talibus exsequiis non superesse queam:
Tabescamque miser post fanum putre Vacunae,
Barbito et in nostro texat arenea [perhaps: aranea] opus.
Egregia Parcae tragulam inieci arte vicissim,
Omnibus ut fieret sanna iocusque modis.
Nam Taubmanne tibi ceu Tympanotriba vocavi
Quos nunc Musagetas Leida Batava fovet:
Leida, ubi Mnemosynes Princeps secreta puellis
Atque Cupidinibus dictat Apollo suis.
Inferium Hi tibi adornabunt pulchro ordine sacrum:
Nasceturque tibi grandius inde decus;
Ac si forte Philippeo statuatur ab auro
Vitai [reg: Vitae] monumen, celsa columna, tuae.

---

page 206, image: s222
Nil sunt ista in quae dominantur fulmen et imber,
Quaeque tagax furum tollere dextra potest.
Ingenii et Genii praeter caelestia dona,
Perpetuum toto restat in orbe nihil.
Non templum incendit lutulentus Agaso Dianae,
Ut iam nec superet pulvis, amara cinis?
Ergo nimis bellum paganus Apostata Caesar
Proposuit vitae de brevitate typum:
Quid res humanae malaci nisi Adonidis Horti?
Vulcano aedificat quos studiosa nurus;
Ingesta in testas terra levi, oluscula surgant,
Quae marcent, uno cum micuere die.
Macte ergo his Taubmanne bonis, modo talia curas,
Palmiferasque alte iam mage flecte rotas!
Ansorgique [reading uncertain: print faded] tui supremum percipe Salve,
Paulatim hinc ad te qui meditatur iter;
Nam metuit, ne sternat item sibi Parca feretrum,
Audiat aeternus ni sua vota Deus;
Quae plenis offert genibus prostratus acerris,
Applicet et Medicas Pauvvius acer opes,
[note: (a) Anatomicus Leidae celeberrimus.] Pauvvius Asclepii suboles terrorque Charontis,
Qui docta secuit iam sicilice Viros

---

page 207, image: s223
Sexaginta ultro, quin herbas noscitat omnes,
Parturit pratis quae Dea Flora suis.
Salve iterum Taubmanne, et dulces carpito somnos!
Arquata veniens Iride donec Ias
De tabulis dati et expensi sua iura requiret;
Felix, cui ratio tum bene constat, homo!

Christianus Anesorgius Hermundurus Misnicus.

QUis gravis hic nostris successit mentibus angor?
Sive quis hunc animum tantus amaror agit?
Attonitum me torquet acor: Cor vapulat aestu:
An mihi portendunt tristia fata malum;
Quicquid id est; frustra mihi non modo tintinat [reg: tinnit] auris,
Et trepidum frangit cordis amaricies [reg: amarities].
Dum status hic Rerum: mihi nuntius adstat, et Eheu
Pallidus exclamans querquera verba facit.
Eheu quid mixtis dicam singultibus? Eheu
Quid miser heu; miser heu, quid, quid miser or [sic] feram?

---

page 208, image: s224
En vatum pater ille: Soli Sol: lumen olympi;
Taubmanus, fato desiit esse miser.
En tuus ille tuis Maecenas sola Camenis
Anchora, denatus cessit ad astra Poli.
Contremui verbis miser; et dum colligo letum.
Non laetum tanti vatis, ab ore viri:
Obrigui; veluti steterim marpesia [reg: marpssia] cautes,
Fluxit et in tepidos utraque palma sinus.
Attonitae tremuere manus, gelidusque cucurrit,
Non sine tristitiis maesta per ora, liquor.
Quin cito profusis (miserandum) fletibus, inter
Angores animi talia verba dedi.
Sic igitur, Taubmanne, cadis? sic auree vates
Fata subis, nutu deproperata Dei?
Estita: dispositu Superum mortalia transis
Limina, non ullo lumine visa prius.
Adsertus Mundi pelago, dubiisque periclis,
Inter Avos Christo vivis, OVASque Deo.
Sed quae causa mali dulci te subtrahit aevo,
Invidet aut vitam quae Libitina tibi?
Quis vetat usura lucis te longius uti
Morbus; et in morbo quae tua culpa fuit?

---

page 209, image: s225
Cur senis anticipas fatum? tu Iunior annis,
Debebas vita prosperiore frui
Dignus eras equidem diuturnior usus in orbe,
Cui longas animae participaret opes.
Falleris: in viridi viridantum germine florum,
Ut Rosa, quae tenero carpitur ungue, peris.
Quod si nulla potest reperiri plantula campo,
Plantula blanda licet, blandula planta licet;
Contra vim Morbi quae Mortis vindicet iram,
Vendicet aut fati corpus ab imperio:
Quid te subducas Parcis Friderice? profecto
Mancipium Mortae tollere nemo potest.
Serius, aut citius praestetur id: unus ad umbras
Est gradus: exceptum, in orbe nihil.
Fle Pietas: Fle cana Fides: Fle Triga sororum
Hunc tamen iucundae serietate virum.
Qui, quo maior erat virtutis imagine pollens:
Maior ob hoc functo sic mihi cura venit.
Sed mihi dic, Taubmanne, pii modo dicere possunt
Vates, maiores cur tibi Fata minus
Indulsere moras hoc in discrimine vitae?
Aut tibi cur mortis praecipitata dies?

---

page 210, image: s226
Nullane te iuvit Pietas, aut maxima virtus;
Te quibus illustrem plurima Regna docent?
Nil Genii vernantis honor? nil lingua polita,
Cumque labore lepos, cumque lepore labor?
Nil artes: nil docta mele: lepidive Phaleuci [reg: Phalaeci]:
Ac Elegi, tua queis [reg: quibus] claruit aucta Charis?
Aurea nil veteris dictamina denique Plauti,
Est quibus in toto tersius orbe nihil?
Clenovi; nihil est heu me quod vindicet umbris:
Vendicat imperio singula Morta sibi.
Exceptum nihil est; ad humum contendimus omnes,
Exemplo doceo quod graviore satis.
Tu, qui salvus adhuc vitali vesceris aurae,
Dises, precor, fato me propiore sequi.
Recte Recta mones: sed te, tua fata sequendo,
Gaudeo prudenter sic obiisse diem.
Solvisti placido Naturae debita fine,
Quae Deus exsolvi debitione iubet.
Gaude sorte tua, Vates amplissime gaude:
Ut superata tibi Mors; ita parta quies.
Induvias manci posuisti corporis, et quos
Conflictus animi pessima culpa dedit.
Nunc in deliciis caeli, superumque recessu,
Otia perpetui commoda veris agis.
Illustres Manes salvete per avia caeli
Blanditer, et parta pace valete diu.

---

page 211, image: s227
Non vos infestent [reading uncertain: print faded] Scioli, criticive feroces:
Sed cineri dulcis spiret odos [reg: odor] animae.

Michael Clenovius. Hamburgensis.

SUffenis, Baviis, fossoribus et Caprimulgis
Pauca dat hic parvus verba legenda cadus:
Vos orat Taubmannus, ut huc ne vestra feratis
Carmina: non habet hic, quo iugulet, calamum.

II.

Hic situs est Taubmannus. Ei mala carmina nemo
Donet, supremi muneris officium.
Hortulus hic Charitum est. (seges ut docet aurea florum)
Non, ea [reading uncertain: print blurred] cumburi [perhaps: comburi] quo meruere, focus.

III.

Quae, patre mortem apto Plauto, Comoedia luxit;
Risum huic Taubmannus reddidit atque iocum.
Hoc quoque mortem apto rursum Comoedia luget,
Et simul innumeri collacrymant [reg: collacrimant] numeri.

---

page 212, image: s228

IV.

Lipsius alta Theatra refecit et Amphitheatrum [correction of the transcriber; in the print Amphitheatum],
Vel potius mutorum effiges lapidum.
Rursus in his resonare iocosum plaudite fecit
Taubmannus, Plauti natus is e cerebro.
Nunc nobis simul ipse Valete et Plaudite, dixit,
Eque Theatro abiit Comico, et e Tragico.

Ioannes Starchius Lunaeburgensis.

AD MANES TAUBMANNICOS.

EUge Sacratorum Lux o nitidissima Vatum;
Quo de me meritum te munere munerer orbi
Ocius ereptum et mea flocci verba putantem,
Verba tuis minime numeris resonantibus aequa?
Ne tamen oblitusque tui, ingratusque tuorum
Arcessar benefactorum, tibi solvere dignas
Numina Nunc grates et reddere praemia testor.
Tu mihi nec-viso (monitu compulsus Achatae
Eximii aureolis ornasti versibus olim

---

page 213, image: s229
Symbolon Ipse meum clarans interprete senssu [reg: sensu]
Adque meam pertingis acu, mirabile, sortem.
De me subinde cogitat
Cor anxium, quod inter
Amterminos reciprocer
Spei metusque fluctus.
Etiam iste de me cogitat
Livoris Architecton;
Dum facta, dicta, forsan et
Mihi cogitata pravis
Et curiosis verberat
Oculisque voculisque.
Sed tu quiesce Cor meum,
Et tu quiesce Livor!
De Me Iehova Cogitat.
Nil curo curiosos.
Non vani aut viles satagunt recitare frequenter
Versus hosce tuos, nostrique in pectoris imo
Scriniolo sculpti aeternum solatia [reg: solacia] pendent.
Tu bene age aeternum meritis pro talibus avum,
Eia vale et Salve niveis avecte columbis.
Taubmane; et viridem nectet tibi Ihova [reg: Iehova] Coronam
Spiritus in caelis exsultet, fama resultet
Per terras, et ibi tua molliter ossa quiescant.
II. EPITAPHIUM AENIGMATICUM.

---

page 214, image: s230
Quis cubat heic [reg: hic] (Salomon lingua appellatus Hebraea;
Quo non cantandi doctior alter erat.
Quumque foret Volucris Per candida Candidus Huic Mons
Praebebat nidum; dulce canebat ibi.
Alituum [reg: Alitum] adglomerabat ei genus omne canorum;
Heic [reg: Hic] pullos praeiit vocibus et periit.
Pacificus (strictim loquar) heic [reg: hic] in Pace quiescit.
Cuius, adhuc rogitas, tumba? Columba Fuit!

Melchior Hausius S.L.R.

UMbria quod Plauto, quod Graecia debet Homero,
Mantua Virgilio, docta Cremona Vidae:
Francia Taubmanno debet: qui grandia magno
Ore, sales socco prodere doctus erat.
Flete decus vestrum Musae: dum Leucorin Albis
Stringet: Francigenae non habitura parem est.

M. Elias Cuchler P. C.

---

page 215, image: s231

Super Obitu Improviso TAUBMANNI.

OH! vah! proh! sua fata (quid audio?) clausit Amicus
Mortales inter qui mihi Summus erat.
Summus qui? Taubmannus erat; Taubmannus. o ille
Occidit Aoniae Tiphys et alpha ratis!
Da veniam, Lector. me nuntius externavit [reg: exsternavit]:
Mutus et in saxi robora cresco GOTHUS

QUalis populea gemebunda columba sub umbra,
Comparis orba sui, maeret: quem callidus auceps,
Telo collimans, incautum fixit: at illa
Exulat a nido: potusque oblita dapisque,
Nocte dieque sedens ramo, illaetabile carmen
Integrat: ac raucis late loca questibus implet.
Non dispar ratio tua Leucori flentis ademptum
Grande Academiae columen lumenque, Poetam.
Stant desolati plutei: pulloque Camenae
Ingentem tacitae testantur syrmate luctum.

---

page 216, image: s232
Ipsa quiritatur clare per pulpita, palla
Incedens scissa, sublato vate, Poesis.
Parcarumque colus incusat, et invida fila.
Tu plebis foecem [reg: faecem] foedam, pannosaque vappae
Frusta solo linquis: tu plenis faucibus hauris,
Morta, virum florem? excreti tu dignior haustu.
At frustra es: viden' ut surgant in vertice pennae
A plantis ad terga columbinae? altior ipsis
Nubibus evolet ales? et aethera voce sequatur,
Voce canorus olor, alia plaudente columbus.
Usque adeo obscurae sunt celsa expertia mortis.
Quis desiderio terminus aut modus
Vatis vel lepidi? desine, Leucori
Lessi tam queruli. Depositum Deus
Ad tempus tibi credidit.
Taubmannine febris lumina pestilens
Exstinxit? cui triplex Charis, et Lepor,
Cui Facundia, Divaeque novensiles
Vix ullum inveniunt parem,
Multis ille scolis flebilis occidit;
Nulli flebilior, quam tibi, Leucori:
Nae frustra quereris non ita mortuum
Suspirans vice praeficae.
Nam si qui melos unquam [reg: umquam] melius cycno
Arguto cecinit, vivere perpetim,
Dicunt, fato animata quasi imagine:
Haud est passa suum mori

---

page 217, image: s233
Vatem, carminibus fata recludere
Virga Mercurii Musa potentior
Bellum! sed melius, vivere per Fidem:
Cui fas exuere est necem.

M. Iohannes Falkenhain Gorlic.

ILle Melanchthonium ad bustum venerabile Vates
Saecula Phoenicis vincere dignus, [note of the transcriber: word missing]
Ante diem occubit: properata et morte quievit
Enthea Phoebeis labra movere sonis:
Cui gemebunda quidem raucoque exile susurrans
Gutture cognomen ferre Columba dedit:
Ipse sed artifici viguit modulamine cantus
Et liquido argumentum fudit ab ore melos;
Aequans defecta cantantes carmina lingua!
Cicnos [reg: Cycnos]; et quotquot Musica clarat aves.
Quae tibi venturi iam tempora Veris Alauda
Clarabit solitis, Leucori docta, modis?
Quae tibi torrentis solabitur ignis Acanthis
Taedia? consuetis vel Philomela sonis?
Quis cantabit Olor? quis Oreadas alite digni

---

page 218, image: s234
Carminis indigenas tollet ad astra solo?
Fallor? an illustris polydaedala gratia Musae
In doctis superest, quos dedit ipse, libris?
Deliciasque tibi famamque in saecla propagant
Carmina, quae Vatis momina fronte gerunt?
Est ita: nam venae genium monumenta tuentur:
Et doctae asservant mentis et artis opes.
Vivite felices aternum vivite fetus,
Grande in Leucoridos Teutonidosque decus:
Vividus in vobis Taubmanni spiritus exstat:
Taubammni in vobis Musa superstes agit.

M. Iohannes Ludovicus.

FRanca bono fato sibi cerea castra Melissa
Struxerat ad flavi culta fluenta Nicri.
Haec frontem Franci Daphnaea frunde [reg: fronde] Columbi
Cinxit, eum choro Laurigerum inseruit;
Saxonicos qui advenit agros e Francide terra,
Atque Albis nidum Montibus imposuit.
Et tam blandae dedit mellito murmura ab ore,
Ut cunctorum aures mulserit atque animos.
Hic postquam fatis cessit, nidumque reliquit,
Eque suo a Morta fugit abacta loco
Enneas Aonidum, Charitum trias aurea fugit,

---

page 219, image: s235
Et fugere omnes deliciae ac Veneres.

II.

Elato ex Albo Taubmanno funere Monte
Elatum est Latium, quicquid et in Latio.

M. Iohan-Philippus Ebelius Giessenus.

TAUBMANNUS AD VIATOREM.

IPse ego, quem tenerum mea adhuc a matre rubentem
Lactarunt Veneres, Gratia grata, ioci.
Ipse ego, qui volui et valui producere in auras
Ex umbris Umbram Cimmeriis lepidum.
Ipse ego, qui nebulas et nubes inde fugare.
Sudavi Criseos sole salutiferae.
Nunc aptus mortem Veneres mecum atque lepores
Ilico in Elysii culta vireta tuli;
Agmen ubi umbarum [perhaps: umbrarum], ac tenues sine corpore vitas
Largiter illiceberis [reading uncertain: print blurred] exsaturo hisce novis.

Caspar Paupitius.

---

page 220, image: s236

D. O. M. S.
FRIDERICO TAUBMANO
WONSESATI FRANCO,
VIRO PIETATIS ZELO PUPLICE [reg: PUBLICE]
NOTISSIMO,
LITERARUM GRAECARUM ET LATINARUM
VINDICI ACERRIMO,
BARBARIEI EXSTIRPATORI LONGE FELICISSIMO,
EUROPAE TOTIUS LUMINI SPLENDIDISSIMO,
POETAE INCOMPARABILI, ET HUMANITATIS
IN CELEBERRIMA WITEBERGENSIUM
ACADEMIA PROFESSORI CLARISSIMO;
MARITO ET PARTI DESIDERATISSIMO,
ANO CHRISTIANO M. DC. XII. A. D. XXIV.
MARTII, AETATIS XLVII. PIE IN
CHRISTO DEFUNCTO,
MONUMENTUM HOC
VIDUA ET LIBRI MOESTISSIMI
AFFECTU PIO ET GRATO
P. C.

Hanc Lapidis Sepulchralis Inscriptionem F, Erasmus Schmid.

---

page 221, image: s237

M. S. STA PAULUM, VIATOR, ET LEGE. HIC SITUS EST
FRIDERICUS TAUBMANNUS, PHILOLOGUS ET POETA NON E MUTIS.
TAM DOCENDI DEXTERITATE, QUAM ELUCUBRATIS
OPERIBUS DE BONIS LITERIS
PRAECLARISSIME MERITUS,
INGENII AUTEM AMABILISSIMA FESTIVITATE,
ET VIVACISSIMA HILARITATE, SUPRA
HUMANUM MODUM ADMIRABILIS;
PRINCIPUM AMOR ET DELITIUM [reg: DELICIUM], CARUS
AEQUALIBUS, IUCUNNDUS AMICIS, MAGNUS
OMNIBUS;
VIR SINE ET OSTENTATIONE ET DOLO,
FAMA CLARUS, QUAM NULLA INOBSCURABIT
OBLIVIO.
TIBI, VIATOR, HIC TUMULUS PROSE PELLECTO
OPTIMUM DONAT VERBORUM, HILARITATEM,
OBIIT XXIV. MART. M, DC. XIII.

---

page 222, image: s238
O.E.B.Q. II.
HIC CONDIDERUNT FRIDERICUM TAUBMANNUM: NOMEN DIXI. SATISNE ID EST? NON LONGUS APUD SEPULCHRA SERMO DATUR. HIC SATIS NOBILIS. QUIS TU SIS, NON NOVI. CERTUM EST, SI HUNC IGNORAS, TE TE NON NOVISSE LITERAS. ABI.

Iohannes Starckius,

D. O. S.
Siste hic Viator paullum quisquis es:
Namque operae pretium est experimentum oculorum capere:
In hac tumba iacet Taubmannus: Quis ille ais?
An non Fama tibi tot annos de ipso locuta est, atque etiamnum loquitur?
An non immortalibus scriptis usquequaque se nobilitavit hactenus?
Aut obscurus cerdo es, aut ex solitudine venis
Arcadica, Si haec quidem ignoras.

---

page 223, image: s239
Si quem Mores antiqui, si supra aevum fides,
Si supra fidem eruditio,
Fati legibus eximere poterant,
Hic certe mori non debuerat.
Sed ita scriptum;
QUOD NATUM EST, DENASCATUR.
Ergo igitur cordate hanc debitionem Naturae exolvit [reg: exsolvit]:
Dum tamen interim
Fama ipsius longe lateque volet, domicilium fixum sedemque stabilem non habeat.
Hinc est cur lacrimis sit data pausa meis. Ilicet mi Viator!
Sed semel atque iterum hoc monumen videsis;
Quod quamvis marmoreum non sit, aut miro artificio tessellatum e lapillis Ophticis, aut Thasiis, aut Porphyriis;
Tam famosum tamen alibi vix invenias.

Christianus Anesorgius L. M. P.

TANTUM EST.