VIII. ELOGIA LITERARIA.

I. A. 1663. Febr. 11. Ad Resp. suum VERNERVM ERARDVM, Svevum, de Imagine et Exemplari disputantem.

QVodlibet Exemplar se pingit Imagine viva;
Quaelibet Exemplar poscit Imago suum.
Extitit Exemplar Tibi functi gloria Patris;
Vittbergae cuius laudis Imago cluis.
Sic redivivus erit Genitor post funera! nomen
Eius humo tolles! Fiat id, ecce! precor.

II. A. 1664. M. Iun. Ad ADAMVM SCHVVEIZERVM, Lipsiensem, de Servitute Disputantem.

ROscida si coleo foliis illabitur aura:
Tum color et species floribus omnis inest.

Tunc pictis gaudent incincti vestibus horti,
Inque leves calathos muner a Maia legit.
Nec Tibi Pieridum sterilis fuit aura per hortum
Aonium, SCHVVEIZER ; fertile tempus adest.
Omen adest faustum! Sudor tibi nomina fecit:
Scilicet E demas: nomine SCHVVEIZER eris!

III. A. 1666. M. Maio. Ad DANIELEM NELLIVM, Corbacensem, Praeside V. C. IOANNE SCHVRZFLEISCHIO, de Veritate Satisfactionis Christi disputantem.

HOc virtutis opus, factis extendere Famam
Votaque nolle Virum cunctari ad limina Pindi?
Incusat spes stulta moras, longique trahuntur
Anni, negligitur quicquid venerabile Musa
Suppeditat, si non redolentibus area velox
Praebet odoratas messes cultoribus Horti.
Non sicco costo frondescuntvimina, succo
Balsama prorumpunt citius: Panchaia turget
Thuriferis subito donis, et cinnama fundit.
Cum patet egregie laeti indulgentia veris,
In campum se sundit apex, mox aurea sepes

Circuit et viridans pratis investit amomum.
Tu, NELLI, similis facto monstraris in omni.
Fornice cum primo Titan sinuatur in arcum,
Leucotheenque trahit genitricem nectaris almi,
Ingrederis studium flammans penetralia Phoebi.
Penna sagax tibi findit iter, mox ardua monstrat
Tempe ubi praeclarum decus immortalibus herbis.
Texitur, atque sacra divinior arbore campus
Excolitur: Ramusque dehinc tibi carpitur Vnus,
Ramus lessaeus, quo succum ducimus omnes
Vitalem; aeterni Patris indubitata propago.
Tantae laudis erit pro rostris dicere tantum
Nomen, quod nuper laudabas Arte Pelasga
Me doctore tuo. Sint haec vestigia fausta!

IV. A. 1670. Apr. 27. Ad Resp. IO. GEORG. LIEBIVM, Ossat. Misnicum, de Rebus Slavicis, Disp.

SVnt gentium fata. Dravus, Trebela,
Viadrus, Elda, Arnus, et Tolentius,
Et Balthiae littus, et Panis vetus,
Cum Vistula Havelus, olim limites
Slavanidum, per crebras a pulvere
Migrationes vehunt ad posteros.

Nae Vandalus pellit ex agro trucem
Afrum, feroxque excipit Slavus vagum
Ex VANDALO stirpis antiquae genus.
Scruteris Vices. Decus scrutantibus.

V. A. 1670. M. Apr. Ad Resp. BARTHOLOM. HILLIVM, Coslin. Pomeranum, de Action. Turc. disput.

EStgenus. Pelta distingvit globus.
Ad Polum tendit immanis furor.
Hic Rhodi condidit Solem nube
Ac iubar sustulit nox atrior!
Tum Venus Cypridos praeda subit.
Virgo Dictaea Lucinam vocat.
Gorgonis terror in tantum tonat!
Ipse Neptunus horret compedes.
Disseres illa. Procedat labor!

VI. A. 1670. Oct. 26. Ad Resp. NATHAN. BENIAMIN. HOPPIVM, Gedanensem, de Regim. Veneto disp.

EStrivus altus. Iactavit diu
Fortuna rivum. Donec Gentium
Evaderet terror. Mavors tegit
Iubam Leonis, Mavortem Leo.
Utrique Marcus largitur manum.
Coeleste corpus! Calcatur mare.
Miraris? HOPPI tradit pagina.

VII. A. 1670. In Disput. de Clericorum subiectione, M. IO. IAC. FESSELLII, Vlmensis Svevi.

DIffunde laudes. Assurgit chorus.
Plausu renidet vertex. Gloria
Nutrix laboris tollit verticem.
Gaudent Camoenae, quas Albis ciet.
Gratamur omnes. Tu laetaberis.

VIII. A. 1670. In Disput. De Transmissione Actorum IO. GABR. LOTTERI, Dresdensis Misnici.

CLusum Themistos sacrum, casti sinus,
Dictamen almum, decus sanctissimum,
Astraea fasces ciet: Tu fascibus
Submittis ultro caput. Pitho viam
Et Historis pandit, et Seiren amor
Ferventibus purpurae cultoribus.
Nunc lucet augusta conspectu DEa,
Offertque reclusa iamdudum atria.
Speravit omen forum. Implesti fidem.
Pauli, Papyri sonant plausus Tibi.

IX. A. 1671. M. Mart. Ad Generos. MAVR. HENR. MILTIZIVM, Eq. Misnicum, de Iure Maiestatis in Academias disputantem.

ESt argumentum, MILTIZ, Academia faustum.
Ito bonis avibus: dissere: plausius erit.

X. A. 1671. M. Mart. Ad ADAMVM CHRIST. IACOBI, Pro Lic. Praes. VERN. THEOD. MARTINI, IC. et. P. P. de Auxilio Restitutionis in integrum disputantem.

VRbs antiqua stetit, nostris tutela Camoenis.
Credo iamdudum Numen inesse loco.
Cecropii montes circumstant, vallibus unda
Egreditur, Suavi murmure versat iter.
Est fons in medio, non vanum gentibus omen,
Allicit ignotos ille cietque viros.
Destillat Numas, Gracchos, veteresque Camillos:
Servat Aristidas, Scipiadasque suos.
Augusti hic vultus, solers prudentia rerum,
Gloria Romulidis non moritur a viris.
It iubar ex Aula, radiisque investit honorem
Aura animum mulcet, gratia summa vehit.
Annuit ipsa Themis, laetumque amplexa ministrat:
Nititur in laudes maxima DIVA tuas.
Ergo, ait, ascendas: depromit praemia DRESDA,
Iamque Dynastarum limina magna patent.

Fama, farumque vocant, Gundorssi tecta gemiscunt,
Grandaevusque PATER cominus ipse sequi:
Et numerare tui sancte vestigia gressus,
atque pie fari. Pignus amoris habe.
Crescat fama tibi, demittat gaudia caelum,
Finem fata ferunt, optime Gnate, mihi,
Erige divinum mentis, tibi muner a Vates
Spondeo, post cineres gloria maior erit.
Mystes ipse fui, juris legumque sacerdos
Gnate eris, et clypeo SAXONIS ibit bonos.

XI. A. 1673. Aug. 4. In Disput. De Lure Patronatus, CHRIST. HVTHI, Herzberg. Sax.

AVrea iuba minax
Rugire per serena prata caeli
Desiit Leo: caput
Astraea promit gemmeum. Iuvabit
Ausibus decenribus,
HVTHI , subire publicae theatrum
Gloriae, patrona ea
Favente; seque Themidos in palaestra

Impigris laboribus
Aeternitatis consecrare fastis.
Euge palmate manet.
Inter decora menitum duella.

XII. A. 1674. Quinct. 29. Ad Respond. IO. IVSTVM MARTIVM, Mulhusa Thur.

VIx ullas orbis terras Bellona pererrat,
Quo non Mercurium mittat Apollo suum:
Moschorum, MARTI; Mavortia gesta recenses,
Et Musis ornas pulpita nostra tuis.
Hae tibi concilient, opto, praestabile nomen,
Quod faveat dignis ausibus usque tuis.

XIII. A. 1675. Maio 19. IOANNI GEORGIO TVCHELIO, de Pecunia numerata in Locatione disputanti.

FErs bene susceptos constanti mente labores,
Ac studiis Themidem percolis egregiam.
Ergo dabit totos merito Virtutis honores,
Nec sinet, ut vacuus munere cultor eas.

XIV. A. 1675. Oct. 18. Ad MART. ROSENFELDIVM, de Sacro argumento, speciatim de circumscripta hominum [Gap desc: Greek word] disputantem.

ROSENFELDE decus Charitum , laus maxima Pindi,
Cum quo pars lucis multa serena fuit.
Ambrosium fundis nectar, roseoque decoras
Ore chorum doctis consociate viris.
Aemulus Aeacidae, cum tunderet Hectoris arma,
Materiam doctae stragis ab hoste petis.
Inde feres laudem, Boreum si ducet ad axem
Terga per Aegoceri frigida Phoebus equos.
Ipse sonabo tuas concessa per otia Musas,
Sinceroque tibi pectore vota dabo,
Ut dures animum, supraque pericula tendas,
Ac roseis virtus emicet alta genis.

XV. A. 1675. Dec. 16. M. GEORG. VAGNERO, Ord. Phil. Adi., iam Antistiti Zahnensi, de Puris fontibus, Ebraei veteris, et Graeci N. T. disputanti.

FErtur Iasoniis celebrata Heroibus Argos
Vecta per aequoreas isse repente vias:

Tolleret ut domiti pretium Cepheida monstri,
atque novas patulo dideret orbe vias.
Haud dispar Tibi cura suit, dum Musa per orbem
Terate subnixum vexit ubique sua.
Ardores Viteberga tuos, et signa notavit,
Qualia Trinacrio non habet Aetna solo.
Ausonas et Graios felici mente petebas,
Ac exempla Sophis conspicienda dabas.
Cumque brevi tantis virtutum datibus auctus,
Militiae dederas omina laeta ducis.
Eusebie sanctis vellus monstrabat ab oris,
atque novo cumulat nomen honore tuum.

XVI. A. 1676. M. Mart. Ad SIM. FR. FRENZELIVM, Ord. Phil. Adi., de Origine Animae Rationalis disputantem.

ESt labor egregius, qui pulchras addocet artes,
Spondet et ominibus praemia magna bonis.
Quae tibi Musa cito flectens pia verba susurro
Promit, et his studiis optima vota parat.

XVII. A. 1677. M. Ian. AD PAVLVM CONRADVM MITTERNACHTIVM, De Arminio disputantem Praeses.

EX prome dotes. Threiasiae valles
Plaudunt. Hymetti roriferum nectar
Addent ab Ida Cnossiaci nisus.
Tum Iuppiter vectum induet ex arce
Flammante pallam, Palladii metam
Sudoris. Illam Ciza dabit dignam.
Est Numen illic, Numinis est Hermes:
Utroque stabunt palma, decus, portus.

XVIII. A. 1683. M. Mai. IO. GEORG. NEVMANNO, de Fausto Praestigiatore publice disputanti.

DE fastis dubiis quum docto disseris ore,
atque rei incertae lemmata certa struis.
Laudo tuos ausus, tantoque applaudo labori,
Sic ex infami nomine fama venit.

XIX. A. 1683. Ad Eundem, de Iure Nat. Hobbes. disputantem.

BArbara iam tristi turbat Bellona flagello,
atque vocat misero fata suprema iugo.
Tu studiis animum firmas, ratio arma ministrat,
Iudicioque venit ius meliore tuum.
Sudor et ingenium cumulent tibi munera plura,
atque his Eusebie tuta sit auspiciis.

XX. A. 1683. IO. HENRICO SCHATTERO, de Principio Actionum humanarum disputanti.

NEscit in obscuris Pallas latitare tenebris,
Et spargit varium nec sine laude decus.
Ergo tuam mentem versas, et luce coruscas,
atque tuos radios pulpita nostra vident.
Gratulor, ut fas est, ausus, SCHATTERE, precorque
Ut pergas, virtus quam iubet ire viam.

XXI. A. 1683. Ad M. IO. GEORG. NEVMANNVM, de arte concludendi, oratoribus necessaria disputantem.

MAvors saepetogae studiis et flectitur arte,
Et Suadae flumen pectora docta regit.
Lingua haec est victrix: semel imperterritus Aiax
Non potuit lingua vincere, saepe manu.

XXII. A. 1685. Dec. 16 Ad Eundem, de Retract. Eruditor. Pro Loco in Ord. Phil. disputantem

AMisses Musae repar are nepotibus optant
Fines; te coeptum nobilitabit opus.

XXIII. A. 1693. Mai. 6. M. ABR. HENR. DEVTSCHMANNO, Fac. Phil. Adi. de Ritibus publice Poenitentium disputanti.

ANnales veterum novisse, perardua res est:
Sed magnum studium Fama, decusque manent.

XXIV. A. 1693. Nov. 21. PAVL. HOFFMANNO, Dresdensi, pro impettanda laurea Medica de Morbis senum disputanti.

MAgnas naturae vires, arcanaque rerum
Explorata tenes: Quod probat artis opus.
Ergo tot emenso Syrtes nunc praemia restant,
Ac tuus in Vatum munere durathonos.

XXV. DONATO KVHNIO, de Raptu Similium disputanti.

ESt parium raptus, nec is est iniuria rapto,
Et sine commisso crimine raptor agit.
Tu causas nexusque alios perquiris inultus,
KVHNI , et pro raptu praemia digna capis.

XXVI. N. HASIO, Brunovicensi, de Antiquis Livoniae ritibus disputanti.

VBer agri regio, rigido vicina Bootae
Quam pingui laetam flumine Duna rigat.
Nullis culta sacris, populo subiecta feroci,
Teutonidum fortes quam domuere manus.

Ergo novis exculta modis, meliora doceri
Coepit, et ad cultus est revocata pios.
Illius antiquos ritus cognosse, decorum:
Duna ciet plausus, concinit Ocra melos.

XXVII. Ad Resp. suum, CHRIST. GODOF. IOHNIVM, Lipsiensem Misnicum, de Vitekindo M. publice disputantem.

ANsricus, Hardrici felix sator,
Tangmarus, Hertung, Vilkus, Svardicus,
Hanfusius, Suvardus, Gervita,
Vickindus almum Suvandi decus,
Nec filius peior, primus novo
Hoc Saxonum genti notus nomine
Vilkinus, Heilingus, Marbodius,
Ethuiusingens proles Bodius,
Lotherus, et Vichtus gnatus Bodii
Et Vittius Vittgieselo datus,
Angliae Dux Hengstus, Britonum
Ille inclytus Victor. Mox Horstius
Solatium genti surgit suae.
Hatvacker, Hebuson, Ottich sequens
Hebusonem, munus sumit Ducis

Hatvigat, Hildricus Patris subit Ducis
Fastigium. Tunc pandit Bodico
Fatum imperandi sedem, mox vices
Vilkinus alter laetus suscipit.
Bertholdus illum recto tramite
Ducem excipit: Sighartus proxime
Nanciscitur supremum in Saxonas
Ius, inde Ditericus Martius
Defensor audit, Sigvaldus tenet
Posthunc habenas: Dein Vernike
Togatus excellit. Post principem
Implet locum Edelardus, non iners
Duxgentis. Hinc Bertholdi dextera
Versare fasces et constantiam
Probare coeptat successoribus.
Vittkindus alto Patris sanguine,
Armant suorum conatus ferox,
Et Vernekini propagat decus,
Mentem impetus flammant atque ultio.
Hinc bella. Bellis profluxit cruor.
Passim edita clades et funera
Dispersa campo, et fessus vulnere
Utrinque mucro, donec terminum
Praefixit almus de caelo Pater.
Haec scire pulchrum. Te IOHNI, decet
Vrge quod urges sic caelum petes.
Favebit AVGVSTVS Princeps, Deus.

XXVIII. N. SEIDELIO, publice disputanti.

MEssis in Aonio nunc campo cernitur ampla;
Spicas tamen legisse, SEIDELI, iuvat:
Cumque etiam messi studeas immittere falcem,
Exinde surget gloriae seges Tibi.