UNgere vult hepar tepida pinguedine Pollux,
Et manibus laevum perfricat usque latus.
Id lanius qui forte aderat, videt, et pecudum, inquit,
Dissecui ferro corpora mille meo,
Et iecur in dextro conspexi abdomine semper,
In laevâ latebrae parte lienis erant.
An vero humano sedes in corpore easdem
Obtineant, equidem nescio. nota a loquor.
Dixerat haec lanius. Pollux in dextera transfert
Unguen, et optatam percipit hepar opem.
UT memori haerescant tibi sensibus hausta cerebro,
Pileus est emptus, Sestiliane, tibi;
Quem Planus implevit mosco et redolentibus herbis,
Et cerebrum jurat reddere posse memor.
Quid dubitas? quoties tibi pileus iste videtur,
Nonne Plani toties cogeris esse memor?
OMnes in matulâ videre morbos
Se Planus sine fronte gloriatur.
Praesentem Planus omnium medelam
Morborum sine fronte pollicetur.
Quis credat sine fronte pollicentem,
Quod praestare inopi deest facultas,
Fraudis esse virum dolique purum?
CLavem Bellini reserantem templa beati,
Attingit circum quae Rhodigina palus,
Profligare refers rabiem, si candida flammis
A rabido stringat vulnera morsa cane:
Quod spatio a canibust sit dilaniatus in isto
Divus, ubi templum tollit in alta caput.
Vana superstitio te fascinat, optime Caeli,
Ignitum ferrum quotlibet ista potest.
UNgue gerit Priscus mendacia, Phormio naso:
Vaniloquâ linguâ Pseudolus illa sonat.
Frustra unguis metuis; frustra mendacia nasi.
Mendaci linguae credere, Marce, cave.
PSydraciis nasum, maculis mentirier ungues
Ne pude at. mendax sit tibi lingua cave.
CUr lotium absque conspicillo judicas,
Et nummulos per conspicillum noscitas?
An cura maior est tibi pecuniae,
Quam, quâ salus ope languido reddi queat,
Fidei tuae vitam suam qui credidit?
Ex lotio an parvi facis praesagia,
Ut certe eorum est lubrica admodum fides?
Videare ne oscitanter in negotio
Mortalium vitae arduo versarier,
Aut semper utere conspicillo, aut abstine,
Seu lotium videre vis, seu nummulos.
Esse cupis sanus, ne corpus in otio deses
Abice, nec nimiis viscera tende cibis.