DE PUGNA STUDENTUM ERPHORDIENSIUM cum quibusdam coniuratis nebulonibus Eobani Hessi Francobergii carmen.
Erfurt: Wolfgang Stürmer, 1506
4o: 4 leaves
Text submitted by Harry Vredeveld. The orthography and punctuation of the original have been
retained. I have silently corrected obvious printing errors, expanded the abbreviations, and
normalized the use of i/j and u/v. For a critical edition, with translation and commentary, see: The Poetic Works of Helius Eobanus Hessus, vol. 1, Student Years at Erfurt, 1504–1509 = Renaissance Text Series 18, Medieval and Renaissance Texts and Studies 215, ed. Harry Vredeveld (Tempe, 2004), pp. 117–33, 403–08. See further: Helius Eobanus Hessus, Dichtungen: Lateinisch und Deutsch. Dritter Band: Dichtungen der Jahre 1528-1537 (=Mittlere Deutsche Literatur in Neu- und Nachdrucken 39), ed. and trans. by Harry Vredeveld (Bern: Peter Lang, 1990), still in print.
[a1r]
DE PUGNA STUDENTUM ERPHORDIENSIUM
cum quibusdam coniuratis nebulonibus
Eobani Hessi Francobergii Carmen.
[a1v]
De pugna Studentum Erphordiensium cum
quibusdam coniuratis nebulonibus Eobani
Hessi Francobergii Carmen.
Fervidus ardentes foecit iam Procyon aestus
Et gravis ignivomo splenduit axe canis
Quom nova non solito tumuerunt bella tumultu
Bella Sophocleo commemoranda pede
Ut Note: Et 1506 meminisse iuvat. Quo nam victoria maior
Tanto plus belli commeminisse iuvat
Iam rude festivos vulgus celebrabat honores
Sacra Panompheo lux erat illa deo
Bacho indulgebant consueto more studentes
Quos celebri fovet Erphordia docta sinu
Suavia dulcisonae fundebant carmina voces
Qualia Syrenes vix cecinisse ferunt
Illic argutos fudit cava tybia cantus
Quales Mysenus Triton et ipse stupet
Quom subito insani turbarunt tanta furores
Gaudia: tristitia gaudia nulla carent
Sed non tristiciam nullum sensere furorem
Gaudia: laeticia post celebrata nova
Ecce caterva ingens subito cumulata furore
Excitat irata Martia taela manu
[a2r]
Rustica gens: rude vulgus: iners moechanica turba
In nova iurato proelia Marte tument
Arma omnes capiunt: enses: hastasque verutas
Taelaque plumbatos exiciosa globos
Incaedunt formata acie: ceu Dorica contra
Castra ferus celeres duceret Hector equos
Tergora tensa boum crepitant / tuba ductilis auras
Verberat / et sonitu clangit ad astra gravi
Iamque sacras venti divinae ad Palladis aedes
Ingeminant duplici singula verba sono
Fit clamor puto Stentoreos nihil esse Boatus
Quale tonat rapido Sicelis Aethna Iovi
Insuper et furiis nos et clamore lacessunt
Et rabidis blactrant scandala multa genis
Turpia verba vomunt / infamia nomina iactant
Qualia damnatos sacrilegosque decent
Qualia Tantaleos Ixioniosque furores
Quaeque decent facinus Sysiphe stulte tuum
Quae deceant Prognesque virum / Scyronaque saevum
Qualia vix Caci facta decere putem
Hiis accensa novos pubes studiosa furores
Concipit / et rapida surgit in arma manu
Exiliunt / enses manibus vibrantur acuti
Palladios iuvenes Martius urget amor
[a2v]
Et furor audaces et laesae iniuria famae
Foecit / et immites iussit habere manus
Concurrunt / miscentque manus ensesque colorat
Victrices iuvenum fusus ab hoste cruor
Culmine saxa volant / densis velut imbribus aether
Solvitur et multo verbere tangit humum
Pars tecta ascendunt / patulis pars taela fenestris
Hostibus eiiciunt perniciosa suis
Diva suis vires Pallas cultoribus affert
Et timidos flexo territat angue viros
Delphicus hostiles arcus vibrabat Apollo
Torve quibus Python Note: Phyton 1506 tu quoque victus obis
Vicimus inque fugam victos convertimus hostes
Quos timor impigros iussit habere pedes
Sic furiosa cohors didicit quid Pallados arma
Quid possint molles in fera bella manus
Torva Medusei facies obiecta capilli
Exuperat flammas Mars furibunde tuas
Sic fugiunt / fugisse quidem sic profuit illis
Tutior hostis enim victus ab hoste fuga est
Inque fugam tamen hos pauci vertere studentes
Namque alios clausae detinuere fores
Rustice sic celebres peperisti stulte triumphos
Talia sperato Marte trophea refers
[a3r]
Et iam clausa dies summo decessit Olympo
Et vehitur nivea casta Diana rota
Pectora nec facilem coeperunt laesa quietem
Victa nec optatus lumina somnus adit
Ille dolet Vulnus accepti flebilis ictus
Hic queritur viduo tempora laesa thoro
Pars medicos quaerunt pars accersire videntur
Alter habet promptam postulat alter opem
Sol redit Occeano / festa solennia luce
Chratifero redeunt concelebranda patri
Conveniunt iterumque accensis mentibus omnes
Inveniunt varios turba prophana dolos
Scilicet hesternae memores / iurata / diei
Bella parant animis asperiora pares
Tantus habet fatui livor praecordia vulgi
Invide sic dignum rustice nomen habes
Nec mora correptis incedunt protinus armis
Una cohors numero multiplicata novo
Quom levis incoeptum prohibens fortuna laborem
Obstitit. Ah certas nescia ferre vices
Namque novo rabidi preventi. Marte latrones
Fortiter incoeptae poenituere viae
Urbis enim domini fortes civilibus armis
Coepere insanos. Marte favente viros
[a3v]
Hinc meritas carcer poenas manet / omnibus una
Digna domus tanto crimine carcer erat
Sed iam speratum invidit fortuna triumphum
Promisit pueris quem dea glauca suis
Venissent utinam quantumvis fortibus armis
Illa dies ipsis exicialis erat
Iam collecta aderant collectis viribus arma
Nil nisi spaerati copia Martis abest
Consuluit nostrae forsan fortuna saluti
Laus siquidem pugnae nostra futura fuit
Hos ego cantatos palmae victricis honores
Emerita cecini laude trophea ferens
Hoc ego Palladia vobis Eobanus honestis
Obediens votis / struximus arte decus
Palladii vobis iuvenes haec scripsimus inquam
Vester ut aeterno nomine duret honor.
[Greek] telos
In bonarum Artium detractorem invectivum:
Zoile mordaci quid latras dente bilinguis
Quid vomis e labris verba canina tuis
Quid dentes acuis / balatro / latrator Anubis
Quid laceras doctos belua trunca viros
I miser immundae sordes versato cloacae
Et procul a doctis siste proterve pedem
[a4r]
Non decet obscoenas iactare in Balsama sordes
Nec vitreo turpes tingier amne sues
Non tibi Cecropiae loca sunt calcanda Minervae
Te decet ignavum / foeda cloaca / pecus
Sola velut tacitis ululat sub nocte latebris
Noctua / pennigeras dum sopor ambit aves
Sic quos praesentes non audes carpere / damnas
Absentes verbis livide saepe tuis
Improba lingua sile / tantos cohibeto furores
Aut laceret rabidus labra proterva canis
Et modo ni cesses dente oblatrare minaci
Et bona pestiferis rodere scripta modis
Cornua torva tuae Note: tuo 1506 cervici impinget Apelles
Et statuet Phrygii tempora trunca Midae
Saeve tuos igitur latratus pone molosse
Mollia magnanimus Rhaecia frangit aper
Exaedat rapido volucris tua corda Promethei
Gutture / Caucaseis surripienda feris
I miser et fato vitam diffunde Licambes Note: Licambis 1506
Causa etenim fati garrula lingua tui
LAUS DEO.
Last modified: January 4, 2010