Regeln fuer die Texterfassung 03/2001
not necessary
Postquam quae a Nabale passus est Abisaus retulit, David iniuriae impatiens cum eodem et Ioabe de vindicta consultat, sicque ad epitasin via sternitur.
Ubi potu plus satis incaluit Nabal, pro suo more convivis est molestior. Opponit se huic Eubulus, quem dictis improbis et minis reicit. Quare cum res turbam minetur, convivium solvitur: a quo Nabal ebrius surgit, et suadente Glycylogo somno se tradit.
Philoponus de Davidis contra Nabalem consilio certior factus, festinus ex agro advolat herum suosque praemoniturus. Inter eundum vero solus de servorum, qui imprudentibus et stolidis heris serviunt, conditione queritur.
Abigael Nabalis uxor egressa sola de mariti iniquis moribus conqueritur, bonae matronae officium suo exemplo adumbrans. Huic occurrens Philoponus imminens a Davide periculum exponit.
Abigael servulo ne se conquerentem audiat amandato consilium de Davide muneribus placando init, etc.