IOSEPHI A PINV AVERBACHII

Eteosticha.

Annus initii Academia Bononiensis 447.

QUa iacet antiquis habitata Bononia Boiis,
Laurigeri arx posita est ex Helicone chori.

Academiae Paduanae 791.

Qua sita in Eugeneis urbs est Antenotis oris,
Phoebe exstructa tuo est docta palaestra gregi.

Academiae Lutetianae 891.

Aere strui grandi schola regia coepit in urbe,
Quae prope aquas posita est Sequana aquose tuas.

Academiae Ticinensis 794.

Urbs ubi Ticini insignes sita spectat in undas,
Regia turbae aula est, Phoebe, statuta tuae.

Annus mortis Caroli Magni 814.

Caelestes pisces Latoo luce petente,
Hectoreis ab avis Carole rete peris.

Academiae Lugdunensis 830.

Qua prope aquas Rhodani est urbs alta statuta virentes,
Facta est Gorgonei regia clara gregis.

Academiae Montispessulani 1196.

Aurea ubi petit assurgens Mons pessulus astra,
Parnasso e biiugo floruit aula gregis.

Alperti Magni mors 1280.

Alberte es fato properanti Magne solutus,
Tangis ubi aetatis lustra bis octo tuae.

Academiae Perusinae 1290.

Perusinae urbis coepere Lycaea vigere,
Quae prius annoso mersa fuere situ.

Academiae Aurelianae 1312.

Propter aquas Ligeris Phoebeia regna colenti,
Regia facta aedes est habitanda gregi.

Academiae Ferrariensis 1316.

Fundata est gregis Aonii schola grata parenti,
Algentis propter lata fluenta Padi.

Academiae Pisanae 1339.

Qua resonans Pisas praeterfluit Arnus Hetruscas,
Gymnasii institui nobile coepit opus.

Academiae Heidelbergensis 1346.

Electoris ubi exsurgunt palatia Rheni,
Coeperunt Musis grata theatra strui.

Bartoli obitus 1355.

Explevit clarus natales Bartolus annos,
Assurgit muris qua Patavina suis.

Academiae Viennensis 1363.

Palladis unigenae exstructa est cultoribus aula,
Qua iacet Austriacis pulchra Vienna plagis,

Academiae Pragensis 1370.

Aerias qua Praga potens se tollit in auras,
Aula Cerebrigenae est aedificata Deae.

Ioan. Boccatii obitus 1376.

Ter tria Boccaci implêsti septennia vitae,
Pensa tibi e ternis fregit ubi una soror.

Bombarda inventa 1380.

Fatifera innotuit sub Caesare machina inerti,
Auras in teneras quae iacit igne globos.

Academiae Coloniensis 1398.

Aurea Agrippinae sunt tegmina structa cohorti,
Quae iuga Parnassi nubibus aequa colit.

Academiae Erphordiersis 1392.

Propter aquas Gherae sunt structa theatra Thyringi,
In quibus Aonides docta iuventa colit.

Academiae Cracoviensis 1400.

Sedes sunt positae lovis ortae vertice Divae,
Gracchi urbs qua veteris surgit in astra poli.

Baldi obitus 1400.

In tua, Chiron, equi Phoebi sunt tecta recepti,

Desiit ut Baldus vivere, iuris honos.

Academiae Lipsiensis. 1409.

Tur tribus ex Parnasso arx est exstructa puellis,
Ubere qua terra Lypsis amoena iacet.

Hussi nex. 1414.

Bis quarta illuxit mensis Quintilis ut Hussus
Constanti Constans ustus in urbe perit.

Academiae Rostochiensis. 1419.

Aetherei quae de patris est prognata cerebro,
Rostochii sacra sunt tecta statuta Deae.

Academiae Lovaniensis. 1427.

Ter trinis Nymphis Phoeboque statuta Lovani
Perpetua celebris nobilitate schola est.

Ichs Gersonis. 1429.

Sol puncta ut primae tetigit partis prope Cancri,
Gerson obit, fati lege iubente, pius.

Artis Typographica inventio. 1440.

Exhibuit nobis quae impressos aere libellos
Sub proavo ars nota est, Carole facta tuo.

Francisci Thilelphi 1448.

Ex tenebris secli pius ivit ad astra Philelphus,
Aetatis spectat lustra ubi dena suae.

Academiae Griveswaldensis. 1457.

Alta suis surgit qua Griveswaldia tectis,
Cecropiae nova sunt fixa theatra Deae.

Laurentii Vallae obitus. 1457.

Exiguae cunrulo Valla est hic pressus arenae.
Laus viget in terris: spiritus astra tenet.

Academiae Friburgensis. 1460.

Arcem Friburgi erexit tuus, Austria, Princeps.
Virginis, silvae quas Heliconis habent.

Erasmus Roterdamus natus. 1465.

In vitae est suaves auras exortus Erasmus,
Accipit ut currus Scorpio, Phoebe, tuos.

Academiae Ingolstadiensis. 1472.

Qua prope Danubium iacet ingolstadia ripas,
Phoebi sunt casto facta theatra choro.

Ioh. Molitoris Regiomontani. 1476.

Latonae soboles praeclara in pisce tenetur,
Molitor ut terras linquit, et astra subit.

Academia Tubingensis. 1477.

Atria Tubingae sunt clara locata Mineruae,
Altisoni a capite est quae generata patris.

Martinus Lutherus nascitur. 1483.

Pone sequens Nonas caelo orta est quinta Nevembris,
Casta ut te genuit clare Luthere, parens.

Rodolphi Agricolae mors 1485.

Qua ter clara iacet tribus Heydelberga Deabus
Ruricula e terris raptus in astra fuit.

Eobani Hessi natalis. 1481

Ceperat ut Glauco nati apparere caballus,
Editus est vates Hessidos ora tuus.

Academiae Basiliensis. 1490,

Divae quae ingeniis praeest, sunt condita tecta
Vicina urbs Rheno qua Basilea iacet,

Philippi Melanchthonis natalis 1497.

Octava ut pulchro Februi bis luxit Olympo,
Te patrio genuit Bretta, Philippe, solo.

Ioan. Brentii natalis. 1499.

Exit ut aerias in lucis Brentius oras,
Per Cancri impegit viscere Phoebus equos.

Ioach. Camerarii ortus. 1500.

Est cretus clara Camerarius urbe Paberga,
Orta ter Aprilis lux ubi quarta fuit,

Academiae Wittebergensis. 1502.

Albicola fertur phoebo Fridericus in urbe
Dux Saxo positos constituisse lares.

Iacobi Micylli natalis. 1503.

Te vates nasci voluerunt fata Micylli.

Aprilis bis lux tertia ut orta fuit.

Academiae Francofurdensis ad Viadrum. 1506.

Arx Viadri flavas prope aquas est structa Deabus,
Parnassi Aonii quae iuga celsa colunt.

Conradi Celtae obitus. 1508.

Vitali est celebris spoliatus lumine Celtes,
Februar ubi aerio quarta sub axe fuit.

Georgii Sabini natalis. 1508.

Ut lux exoritur vicesima tertia Aprilis,
Voce Sabine potens nasceris arque lyra.

Angeli Politiani mors. 1509.

Spica vago occumbens se vesperi inaequore tinxit,
Politianus ubi hoc raptus ab orbe fuit.

Ioannis Stigelii ortus. 1516,

Protulit in lucem genitrix te clare Stigeli,
Per Iovis ut iuvenes Solis aguntur equi.

Georgii Fabricii Chemnic. 1516.

Pegaseis oreri Fabrici grate Camenis,
Phoebaea aspera Hyas luce ubi tecta latet.

Iasonis I C. mors. 1519.

Sol adiit fratres, Concordia ut astra, Lacenae,
Iuris Iason obit cognitione potens.

Ioan. Reuchlini obitus. 1522.

Reuchlini huc rapti sunt ossae locata Ioannis:
Permanet at terris gloria stante polo.

Christoph. Longolii. 1522.

Occidit Euganeis letho Longolius oris,
Astraeae in castae [(transcriber); sic: castrae] Sole sedente sinu.

Ulrici Huttem mors. 1523.

Ignifer in tepido fulsit Sol sidere librae,
Huttene, ut caeli tecta beata capis.

Victorini Strigelii natalis. 1524.

Victorine parens vitae te donat ut isti,
Deliacas algens respicis, Hirce, rotas.

Nicolai Leoniceni 1524.

Solstitium caelo Titan peragrabat ut alto,
Parca ferox terra te Leocene rapit.

Thomae Linacri. 1524.

Tollit se caelo sub vespere Atlantias alo,
Tempore quo Linacer raptus ab orbe peris.

Petri Mosellani 1524.

Tollit ubi Eoa e Ponto se Pleias in astra,
Mosellane subis tristia vincla necis,

Casp. Peucerus oritur. 1525.

Pencere, aeriae contingis lumina vitae,
Stirps Latonia ubi te Capricorne tenet.

Alberti Dureri mors. 1528,

Arietis ut gonitor Phaetontis signa recenier,
Durerus caeli lucida tecta petit.

Biblibaldi Byrghaymeri. 1531.

Consilio ut Byrghaymerus bonus exit ab orbe,
Soli prope contacto pisce peregit iter.

Ioannis Maioris. 1533.

Aeriferae vallis celebris te Iane poeta
Lucina genitrix casta favente dedit.

Ioan. Stoffleri. 1534.

Piscibus it radians Deus insignita per astra,
Stofflere iniecit parca ubi vincla tibi.

Academiae Marpurgensis. 1535.

Aula gregi Clario est a Principe structa Philippo
Ad virides Lani praetereuntis aquas.

Ulrici Zasii mors. 1535.

Aetheris ut superae successit Zasius arci,
Eos armigeri conspicit astra Iovis.

Erasmi Roterodami.

In tenues clarus ventos ubi cessit Erasmus,
Herculei propa Sol signa Leonis erat.

Gymnasii Argentinensis. 1536.

Structa Argentini sunt auspice templa Senatu

Phoebo et Pieriis et Helicone choris.

Eurici Cordi obitus. 1538.

Grate gregi Corde, Aonio te fata tuleruut,
Lant prisca vodis urbs ubi iuncta iacet.

Academiae Hafniensis. 1540.

Doctis collapsa est schola restaurata Deabus
Hafnia qua aequoreis pulsa feritur aquis.

Helii Eobani Hessi obitus. 1540.

Luce minus quinta Octobris suafata peregit
Phoebo Hessus gratus Castalioque choro.

Guilhelmi Budaei 1540.

Occubuit clarus fato Budaeus iniquo,
Astraeae in casto sole sedente sinu.

Simonis Grynai. 1541.

Grynaeae es duro resolutus carcere carnis,
Urbs Rheni iuncta est qua Basilia vadis,

Contareni Cardinalis. 1542.

Fata decus Latii ut fers Contarene Senatus,
Percurrit clarius virginis astra Deus.

Hieronymi Aleandri.

Septenos novies Aleander clausit ubi annos,
Ex aevo lubrico cessit in astra poli.

Ioannis Eckii.

Fulserat a Iano decies Tritonia coniunx,
Ecci, ut te stabiles Surripuere Deae.

Academiae Regiomontanae. 1544.

Arx est Aonii fabricata Heliconis alumnis
Heic ubi arenosas Bregela volvit aquas.

Valerii Cordi mors 1544.

Cordus ubi praestans fato est sublatus avaro,
Sole sub occiduo Nerea spica subit.

Martini Lutheri obitus. 1545.

Atria te caeli poscunt pie celsa Luthere.
Lux Februi postquam nona bis orta fuit.

Petri Bembi mors. 1547.

Afflicta ut tellus est Teutona vulnere belli,
Bembe subis tristis Iura [(transcriber); sic: Blura] severa necis.

Caspari Crucigeri 1548.

Occubuit cruciger fato, tot trivit ut annos,
Astra Ophinchi anguis quot geminata tenet.

Academiae Dillinganae 1549.

In qua sacra colit Phoebi studiosa iuventus,
Urbe in Dillinga structa pala stra fuit.

Viti Theodorici. 1549.

Hac tristi est clausus Vitus Theodoricus in urna.
Noricidae populi pastor et urbis honos.

Granuellani Cardinalis. 1550.

Limina Granuellanae subis lunonis Auernae,
Successit tectis Sol ubi virgo tuis.

Taulli Fagri. 1550.

Sole orto, volucrum regina levatur in oriu,
Fagius ut sentit tela cruenta necis.

Andrea Alciati. 1550.

Suscepit Cinthii Troianus plaustra minister,
Alciate has ponis carnis ut exuvias.

Accademiae lenensis. 1550.

bs ubi Salicola est vuis sita clara, loannes
Gymnasii princeps nobile struxit opus.

Martini Buceri. 1551.

Currit ut obliquo per pisces tramite Phoebus,
Bucerus felix regna superna capit.

Andreae Osiandri 1552.

Veridicae secuere Osiandro fila sorores;
Octobris fluxit tunc ubi quarta quater.

Caspari Hedionis. 1552.

Extulit ora sequens Octobris Lucifer idus,
Hedio ubi barcae lege solutus obit.

Iodoci Wilichii. 1552.

Sic illo excessit tristi U Vilichius aevo;

Oppetere est vita si meliore frui.

Ioan. Aepini. 1553.

Haec tenet Aepini cineres brevis urna Ioannis.
Huius laus celebris replet utrumque polum.

Erasmi Reinholdi. 1553.

Quintiles quae prae essit bis sexta Calendas,
Reinholde, haec fatis lux fuit atra tuis.

Georgii Principis Anhaldini. 1553.

Meispurgi Praesul sacer hoc excessit ab orbe,
Vesperi ubi Oceani Pleias exit aquis.

Setastiani Munsteri. 1553.

Quintilis fuerant luces ut quinque peractae,
Munstere, e vivis te cito Parca rapit.

Iacobi Sturmu 1553.

Sturmius asti igero est felix ubi in orbe receptus,
Scorpio solares excipit acer equos.

Hie on. Schuirphit. 1554.

Ingenua ab legum vir clarus Schuir phius arte,
Huc poni iussit corporis ossa sui.

Lucae Cranachii senioris. 1554.

Hac tegitur raptus sub tumba funere Lucas,
Qui vir Apellaea clarus ab arte fuit.

Iusti lonae.

Iustus ubi occubuit perculsus funere Ionas,
Frons cum Sole Nepe Pethyos intrataquas.

Ioan. Forsteri. 1556.

Relliquit vitae exstinctus Forsterus ut auras,
Achronico Castor surgit ad astra gradu.

Ioan Bugenhagii 1558.

Sidus ubi ex oculis pluviale aufertur Hyantis,
Tristis dat Lachesis te Bugenhage neci.

Iani Cornarii. 1558.

Excellens Phoebi, Cornari, viribus artis,
Exuvias soluit parca maligna tuas.

Iacobi Micylii. 1558.

Obliqua Iovis ut pueri stat Phoebus in urna,
Te Micylle aufert vis truculenta necis.

Philippi Melanthonis. 1560.

Post idus ut sexta polo lux furgit Aprilis,
Vita clausisti clare Philippe dies.