Auctariorum Gregorii Bersmani Libri duo. Quorum primus Votorum est nuptialium secundus Aeolostichon. [Illustration: ??????????? ] Lipsiae

Ad Clariss. V. D. Iohann. Posthium Archiatrum Wirzpurgicum , Poet. Laur. Et cetera dominum et amicum S. colendum.

Nec doctos satis, et parum politos,
Sed non arte rudes nec impudicos,
Hos Posthi tibi mittimus libellos.
Quos seu auctaria, sive nuncupare
Malis relliquias, nihil moramur:
Saltem, ne minus hos tibi probari
Quam quos ante dedi sinas, rogamus.
Quod si se tibi vindici probarint,
Non Tarpam quoque iudicem timebunt:
Aut hoc si magis est severus ullus.